Tag: انوشکا شرما

بالی ووڈ اداکار ورون دھون نے انکشاف کیا ہے کہ انوشکا شرما نے انہیں بتایا کہ ویرات کوہلی خراب فارم پر پریشان تھے اور انہیں کمرے میں روتے ہوئے دیکھا۔

بھارت اور آسٹریلیا کے درمیان جاری ٹیسٹ سیریز میں لیجنڈری بلے باز ویرات کوہلی کیریئر کے مشکل دور سے گزر رہے ہیں، جہاں ان کی بیٹنگ اوسط 25.06 رہی ہے، اس دوران اداکار ورون دھون نے 2018 میں بھارت کے دورہ انگلینڈ سے کوہلی سے متعلق ایک واقعہ بیان کیا ہے۔

ورون دھون نے رونویر الہبادیہ کے پوڈ کاسٹ ’دی رنویر شو‘ میں گفتگو کرتے ہوئے کہا کہ ویرات کوہلی اچھی فارم میں نہیں تھے، ناٹنگھم ٹیسٹ میں بھارت ہار گیا تھا اس دن انوشکا میدان میں نہیں تھیں، وہ واپس آئیں اور نہیں جانتی تھیں کہ کوہلی کہاں ہیں، انہوں نے کمرے میں آکر انہیں لیٹے دیکھا، وہ رو رہے تھے۔‘

واضح رہے کہ بھارت کے دورہ انگلینڈ میں ناٹنگھم ٹیسٹ پانچ میچوں کی سیریز کا تیسرا ٹیسٹ تھا جو بھارت نے 203 رنز سے جیتا تھا جس میں کوہلی نے 97 اور 103 رنز اسکور کیے اور مین آف دی میچ قرار پائے۔

اس سے قبل برمنگھم میں کوہلی کی شاندار 149 اور 51 رنز کی اننگز کے باوجود بھارت 31 رنز سے میچ ہار گیا تھا۔

بھارتی مایہ ناز کرکٹر ویرات کوہلی اور ان کی اہلیہ و اداکارہ انوشکا شرما نے بھارت چھوڑنے کا فیصلہ کرلیا۔

بھارتی میڈیا رپورٹ کے مطابق بھارتی کرکٹر ویرات کوہلی کے سابق کوچ راج کمار شرما نے تصدیق کی ہے کہ ویرات کوہلی اور انوشکا شرما بچوں وامیکا اور آکائے سمیت بھارت چھوڑ کر جلد لندن شفٹ ہوجائیں گے۔

شرما نے مزید تفصیلات نہیں بتائیں بس اتنا اشارہ دیا ہے کہ کوہلی بھارت چھوڑ کر جلد لندن منتقل ہوں گے اور ریٹائرمنٹ کے بعد اپنی زندگی وہاں گزاریں گے۔

واضح رہے گزشتہ چند سالوں میں ویرات کوہلی اور انوشکا شرما کو لندن میں دیکھا گیا۔

ان کے بیٹے آکائے کی پیدائش رواں سال 15 فروری میں لندن میں ہوئی تھی، لندن میں ان کا گھر ہے اور ممکنہ طور پر وہ اسی میں منتقل ہوجائیں گے۔

راج کمار شرما نے بتایا کہ اس وقت کوہلی کرکٹ کے علاوہ اپنا زیادہ تر وقت اہلخانہ کے ساتھ گزار رہے ہیں۔

ٹی 20 ورلڈ کپ کے بعد ویرات کوہلی لندن میں موجود تھے جبکہ سری لنکا کیخلاف سیریز کے لیے واپس آئے تھے پھر وہ دوبارہ برطانیہ گئے اور اگست تک وہیں رہے تھے۔

ہوم سیزن کے آغاز پر ویرات بھارت آئے اور بنگلا دیش کیخلاف سیریز، اور نیوزی لینڈ کے خلاف ٹیسٹ سیریز کے بعد یہی رہے اور اپنے چاہنے والوں کے ساتھ سالگرہ منائی۔

فی الحال ویرات کوہلی آسٹریلیا میں ٹیسٹ سیریز کھیلنے میں مصروف ہیں اس کے بعد اگر بھارت چیمپئنز ٹرافی کے فائنل میں پہنچتی ہے تو وہ ٹیم کا حصہ ہوں گے لیکن یہ علم نہیں ہے کہ ان کا اگلا دورہ لندن کب ہے تاہم ممکنہ طور پر 2025 کے آغاز میں وہ برطانیہ جاسکتے ہیں۔