ممبئی: بھارتی ٹیلی ویژن اداکار عامر علی نے انکشاف کیا کہ بالی ووڈ اداکارہ انوشکا شرما اور ویرات کوہلی کا نومولود بیٹا اکائے کوہلی پیارا اور گولو مولو سا ہے۔
اداکار عامر علی نے حال ہی میں ویرات کوہلی کے ساتھ ایک ایڈ کے لیے شوٹنگ کی ہے، انہوں نے اس دوران ویرات کوہلی کے بیٹے اکائے کی تصاویر دیکھی ہیں اور انہیں ’گولو مولو‘ قرار دیا ہے۔
عامر علی نے کہا کہ میں نے ویرات کے ساتھ کرکٹ کے بارے میں بات کی لیکن جب انہوں نے اپنی فیملی کے بارے میں بات کی تو ان کے چہرے پر ایک الگ ہی چمک تھی، جب وہ مجھے اپنے بچوں کی تصاویر دکھا رہے تھے، انوشکا کے بارے میں بات کر رہے تھے، جو خود ایک اسٹار ہیں، ان کے چہرے پر ایک الگ ہی رونق تھی، یہ سب سے پیاری چیز تھی جو مجھے ویرات کے بارے میں پسند آئی۔
View this post on Instagram
بھارتی میڈیا رپورٹ کے مطابق اکائے کے بارے میں بات کرتے ہوئے عامر علی نے کہا ’’اکائے بہت پیارا ہے. میں نے ویرات سے کہا کہ اچھا ہوا کہ تم نے انہیں دور رکھا، بچوں کو میڈیا اور مداحوں سے دور رکھنے کا فیصلہ انوشکا کا ہے، لیکن اکائے بہت گولو مولو اور ایک پیارا بچہ ہے، خدا اسے سلامت رکھے‘‘۔
بھارتی میڈیا کے مطابق اکائے اپنی ماں کی ایک عین مطابق کاربن کاپی ہے، اور بہت ہی پیارا لگتا ہے، دوسری جانب ان کی بیٹی وامیکا بالکل اپنے والد ویرات کوہلی سے ملتی جلتی ہے۔
ویرات اور انوشکا کے بیٹے ’اکائے‘ کے نام کا کیا مطلب ہے؟
خیال رہے کہ بھارتی اداکار انوشکا شرما اور بھارتی کرکٹر ویرات کوہلی کی شادی 11 دسمبر 2017 کو اٹلی کے شہر ٹسکنی میں ہوئی۔ جوڑے نے تقریباً 6سال تک ڈیٹنگ کے بعد شادی کی۔ انوشکا اور ویرات دو بچوں وامیکا اور اکائے کے والدین ہیں۔
