آزادجموں وکشمیر: انٹرمیڈیٹ بورڈ میرپور کے سالانہ امتحانات 2025 کے نتائج کا اعلان کردیا گیا، طالبات نے ایک بار پھر بازی مارلی۔
ترجمان تعلیمی بورڈ آزاد کشمیر میرپور نے بتایا کہ انٹرمیڈیٹ بورڈ کے سالانہ امتحانات میں طالبات لڑکوں پر بازی لے گئیں، اسرا عمر نے 1200 میں سے 1161 نمبر لےکر پہلی پوزیشن اپنے نام کی۔
حنا بابر نے 1200 میں سے 1159 نمبر لےکر دوسری پوزیشن حاصل کی، اقرا اظہر نے 1200 میں سے 1158 نمبر لےکر تیسری پوزیشن لی۔
گزشتہ دنوں بی آئی ایس ای سوات بورڈ نے بھی گیارہویں جماعت (ایچ ایس ایس سی پارٹ ون) کے سالانہ نتائج کا اعلان کیا تھا۔
بورڈ آف انٹرمیڈیٹ اینڈ سیکنڈری ایجوکیشن (بی آئی ایس ای) نے 30 اگست 2025 کو جن طلبا کا رزلٹ جاری کیا ان کا تعلق سوات اور شانگلہ کے اضلاع سے ہے جنھوں نے اس سال انٹرمیڈیٹ کے امتحانات دیے تھے۔
https://urdu.arynews.tv/intermediate-2nd-year-results-students-2025/