لاہور بورڈ کی جانب سے انٹرمیڈیٹ 2024 میں پوزیشن حاصل کرنے والے طلبہ کے ناموں کا اعلان کردیا گیا ہے۔
انٹرمیڈیٹ 2024 کیپس کالج جوہر ٹاؤن سے تعلق رکھنے والی طالبہ ردا فاطمہ نے 1153 نمبرز لیکر پہلی پوزیشن حاصل کی، 2 طالبات کشف عجوا اور اسما اعجاز نے یکساں طور پر 1152 نمبرز حاصل کرکے دوسری پوزیشن اپنے نام کی۔
لاہور بورڈ نے بتایا کہ انٹرمیڈیٹ 2024 میں تیسری پوزیشن جی سی یونیورسٹی سے تعلق رکھنے والے اسیرم احمد نے حاصل کی۔
پوزیشن ہولڈر طلبا کے اعزاز میں کل ایک پُروقار تقریب منعقد کی جائےگی، تقریب میں پوزیشن ہولڈر طلبا کو انعامات اور سرٹیفکیٹ دیے جائیں گے۔