دبئی: آئی سی سی نے پیپلزچوائس ایوارڈ کے لئے پانچ کھلاڑیوں کے ناموں کا اعلان کردیا، پاکستان کا کوئی کھلاڑی شامل نہیں کیا گیا۔
انٹرنیشنل کرکٹ کونسل کی جانب سے پیپلز چوائس ایوارڈ کے لئے پانچ نامزد کھلاڑیوں میں انگلش ویمن ٹیم کی کپتان شیرلٹ ایڈورڈ، آسٹریلیا کے مچل جانسن، انڈین فاسٹ باولر بھونیشور کمار، سری لنکن کپتان انجیلو میتھیوز اور جنوبی افریقہ کے بولر ڈیل اسٹین شامل ہیں۔ کوئی پاکستانی کھلاڑی اس ایوارڈ کے لئے جگہ بنانے میں کامیاب نہ ہوسکا۔
آئی سی سی پیپلز چوائس ایوارڈ کے حقدار کا فیصلہ ووٹنگ کے ذریعے ہوگا،جس کا اعلان پانچ نومبرکو کیا جائے گا۔
