Tag: انٹرنیٹ

قومی اسمبلی کی قائمہ کمیٹی کا اجلاس ہوا، ملک کو درپیش انٹرنیٹ مسائل کے حوالے سے اسمبلی ممبران کافی برہم نظر آئے۔

اے آر وائی نیوز کے مطابق قائمہ کمیٹی رکن احمد عتیق انور نے کہا کہ لاہور سے 40 کلو میٹر کے فاصلے پر بھی انٹرنیٹ نہیں آرہا، چیئرمین پی ٹی اے صاحب آپ معاملے کو ذاتی نہ لیں، آپ ریگولیٹر ہیں آپ کی ذمہ داری ہے انھیں ریگولیٹ کرنا۔

کمیٹی اراکین نے کہا کہ ملک کے دیگر حصوں میں بھی اکثر جگہوں پر انٹرنیٹ نہیں ہے، ہمارے بچے مجبور ہیں کہ ان علاقوں سے نکل کرشہروں کے اندر آئیں۔

چیئرمین پی ٹی اے کا کہنا تھا کہ جہاں بزنس نہیں ہوتا وہاں کمپنیاں جانے سے گریزاں ہیں، کمپنیوں کو کچھ جگہوں پر پابند کرتے ہیں کہ ٹاور لگائیں۔

اسلام آباد : قومی اسمبلی کےارکان بھی انٹرنیٹ کی سست رفتار سے پریشان ہیں ، رکن شیر علی ارباب کا کہنا ہے کہ فائیو جی چلنا تو دور فون پر انٹرنیٹ نہ ہونے کے برابر ہے۔

تفصیلات کے مطابق قائمہ کمیٹی کے اجلاس میں انٹرنیٹ مسائل پرارکان برہم ہوگئے اور کہا ملک میں اکثرجگہوں پرانٹرنیٹ نہیں ہے۔

جس پر چیئرمین پی ٹی اے نے بتایا کہ کمپنیوں کو کچھ جگہوں پر پابند کرتے ہیں کہ ٹاورلگائیں تو رکن احمدعتیق کا کہنا تھا کہ چیئرمین صاحب معاملے کو ذاتی نہ لیں، انہیں ریگولیٹ کرنا آپ کی ذمےداری ہے۔

رکن شیر علی ارباب نے کہا کہ چھ سال میں پی ٹی اے نے حکومت کو سترہ سو ارب کا ریونیو دیا، فائیو جی چلنا تومحال فون انٹرنیٹ نہ ہونے کے برابر ہے۔

مزید پڑھیں : اسٹار لنک کی سروسز پاکستان میں کب تک دستیاب ہوں گی؟

چیئرمین پی ٹی اے نے کہا بھارت میں مودی حکومت نے پینتس لاکھ کلومیٹرفائبربچھائے، یہاں حکومت نےٹیلی کام سیکٹرمیں ایک پیسہ نہیں لگایا۔

شیرعلی ارباب نے چیئرمین پی ٹی اے سے مکالمےکرتے ہوئے کہا کہ یہ قائمہ کمیٹی ہے، لہجہ ایسا نہیں رکھنا چاہیے. ان کیمرہ اجلاس بلائیں، پھرکوئی ایسی ٹون رکھے گا توہینڈل کرنا آتا ہے۔

پارلیمانی سیکریٹری وزارت آئی ٹی کی جانب سے کہا گیا اسٹارلنک سے معاملات حتمی مرحلے پر پہنچ چکے ہیں۔ رواں سال جون تک سروس دستیاب ہوں گی۔

اسلام آباد : اپوزیشن لیڈر عمر ایوب کا کہنا ہے کہ دنیا بھر میں انٹرنیٹ چل رہا ہے، شارک مچھلیوں کو صرف پاکستان کی کیبل نظر آتی ہے۔

تفصیلات کے مطابق اپوزیشن لیڈر عمر ایوب نے میڈیا سے گفتگو کرتے ہوئے کہا کہ آج ایک مرتبہ پھرالقادر ٹرسٹ کیس کا فیصلہ ملتوی کر دیا گیا، القادرٹرسٹ طلبہ کوسیرت النبی کی تعلیم دینےکیلئےقائم کیا گیا ، بشریٰ بی بی کاالقادرٹرسٹ سےکوئی لینادینانہیں۔

اپوزیشن لیڈر کا کہنا تھا کہ یہ ایک بھونڈا کیس ہے جسے ہر سطح پر چیلنج کیا جائے گا، خواجہ آصف،فیصل واوڈاکل شام سےفیصلہ سناناشروع ہوگئے تھے،

احسن اقبال پر تنقید کرتے ہوئے انھوں نے کہا کہ ملک میں ترقیاتی کام نہیں ہورہا اور احسن اقبال بیان بازیاں کررہے ہیں کام کچھ نہیں، 6 ماہ گزر جانے کے باوجود پی ایس ڈی پی کا 10فیصد بھی جاری نہ ہوسکا، پی آئی اے کی نجکاری دیکھ لیں، کھودا پہاڑ نکلاچوہا۔

اپوزیشن لیڈر کا مزید کہنا تھا کہ احسن اقبال پروفیسر بن کر لیکچر دےرہےہیں ، ایف بی آر کے لئے 100 گاڑیاں خریدی جا رہی ہیں۔

انٹرنیٹ کی خرابی سے متعلق انھوں نے کہا کہ شارک مچھلیوں کوصرف پاکستان کی انٹرنیٹ کیبل نظرآتی ہے، دنیابھرمیں انٹرنیٹ چل رہاہےصرف پاکستان کی کیبل کھانی ہے،انٹرنیٹ پر قدغن لگی ہے سینشرشپ ہورہی ہے۔

ان کا کہنا تھا کہ وزیراعظم کہتے ہیں ای گورننس ای بزنس کریں گے لیکن پاکستان سے 20لاکھ لوگ باہرچلے گئے ہیں۔

پاکستان میں انٹرنیٹ کی سست روی، واٹس ایپ کے حوالے سے بری خبر

پشاور: خیبرپختونخوا حکومت کے معاون خصوصی شفقت ایاز نے کہا ہے کہ انٹرنیٹ مسئلے کے حل کیلئے ایلون مسک اور چین سے رابطہ کروں گا۔

تفصیلات کے مطابق خیبرپختونخوا حکومت کے سائنس اینڈٹیکنالوجی کے معاون خصوصی شفقت ایاز نے اے آروائی نیوز سے گفتگو میں کہا کہ مریم نواز وفاق کو بائی پاس کر کے چین جاسکتی ہیں تو ہم کیوں نہ جائیں۔

انہوں نے کہا کہ انٹرنیٹ مسئلے کے حل کیلئے ایلون مسک اور چین سے رابطہ کروں گا، ہمارے صوبے میں انٹرنیٹ اسپیڈ کا مسئلہ سنگین ہوتا جارہا ہے۔

شفقت ایاز نے مزید کہا کہ وفاقی وزیر کی نیٹ یوزرز زیادہ ہونے سے اسپیڈ میں کمی کی منطق سمجھ سے بالاتر ہے، پی ٹی اے کو بار بار خط بھی لکھا کہ آئی ٹی ڈپارٹمنٹ میں نیٹ کا مسئلہ ہے اسے حل کرایا جائے لیکن اس مسئلے کو سنجیدہ نہیں لیا گیا۔

اسلام آباد : وزیر مملکت آئی ٹی شزہ فاطمہ نے انٹرنیٹ کی سست روی کی خبروں کو مسترد کرتے ہوئے کہا انٹرنیٹ کا مسئلہ وقتی تھا جو حل کرلیا گیا، انٹرنیٹ بند ہے ایک ماہ میں ڈیڑھ ارب کی ایکسپورٹ کیسے ہوئیں؟

تفصیلات کے مطابق امین الحق کی زیرصدارت قومی اسمبلی کی قائمہ کمیٹی آئی ٹی اینڈ ٹیلی کام کا اجلاس ہوا، جس میں وزیرمملکت آئی ٹی شزا فاطمہ نے بریفنگ دیتے ہوئے کہا ملک میں دہشت گردی ہوتی ہے، ایک ماہ میں 100 سے زیادہ جوان شہید ہوتے ہیں۔

وزیر مملکت کا کہنا تھا کہ مانتی ہوں عوام پر بلاوجہ سرولینس نہیں ہونی چاہیے لیکن جہاں ضرورت ہوتی ہے ہمیں وہاں سرویلنس کرنی پڑتی ہے۔

انھوں نے بتایا کہ پاکستان نے پچھلے ایک ماہ میں ڈیڑھ ارب ایکسپورٹ کیا ہے، اگر انٹرنیٹ بند ہے تو یہ پیسہ کہاں سے آ رہا ہے، چیئرمین پاشا کو بلائیں انھوں نے کل کہا کسی انڈسٹری کوکوئی مسئلہ نہیں۔

وزیر مملکت نے مزید کہا کہ انٹرنیٹ کے ایشوز وقتی تھے، جوحل کر لئے گئے ہیں، اب نہیں ہیں، اسٹار لنک سےبات کر رہےکہ پاکستان میں سیٹلائٹ انٹرنیٹ لایا جائے۔