Tag: انٹرویو

بھارت کے نوجوان اداکار اور باربی ڈول کترینہ کیف کے شوہر وکی کوشل نے کہا کہ میں کترینہ کے لیے ایک پرفیکٹ شوہر نہیں بن سکا۔

اپنے حالیہ انٹرویو میں وکی کوشل نے اپنی خامیوں پر کھل کر بات کرتے ہوئے کہا کہ میں ایک بیٹے، ایک شوہر ، اداکار اور دوست کے طور پر پرفیکٹ نہیں ہوں۔

وکی نے کہا کہ ہم کبھی پرفیکٹ نہیں ہوسکتے، ہمیں لگتا ہے کہ ہم پرفیکٹ ہیں لیکن کوئی بھی پرفیکٹ  نہیں ہوتا، اس لیے مجھے نہیں لگتا کہ میں بھی ایک کامل شوہر ہوں۔

انہوں نے کہا کہ میں پرفیکٹ تو نہیں لیکن میں شوہر کا بہترین ورژن بننے کو کوشش کررہا ہوں، میری کوشش ہوتی ہے کہ جو میں کترینہ کے لیے کرسکتا ہوں وہ میں کرتا ہوں۔

وکی کوشل نے کترینہ کیف کے ساتھ زندگی گزارنے کے حوالے سے بات کرتے ہوئے کہا کہ شادی نے مجھے ایک اچھا انسان بنایا ہے، کترینہ کیف سے محبت کرنے کے بعد میں مجھے زندگی سے پیار ہے۔

وکی کوشل بالی ووڈ فلم انڈسٹری کا ایک اہم ناموں میں سے ایک ہیں، انہوں نے نیشنل ایوارڈ بھی جیتا تھا۔ وہ آخری بار فلم گووندا نام میرا میں کیارا اڈوانی اور بھومی پیڈنیکر کے ساتھ نظر آئے تھے۔

معروف شاعر، ادیب اور نغمہ نگار جاوید اختر نے سلیم خان کے بارے میں کہا کہ ہمارا ذہنی تعلق تھا، ٹوٹ گیا تو ہم نے ساتھ کام چھوڑ دیا۔

بھارتی میڈیا کو ایک حالیہ انٹرویو میں جاوید اختر نے بتایا کہ لکھاری اور شاعر بننے سے پہلے میں فلموں کے ہدایتکار بننا چاہتا تھا۔

انہوں نے سنہ 1966 میں ریلیز ہونے والی فلم سرحدی لٹیرا سے متعلق بتایا کہ میں اس فلم میں بطور اسٹنٹ ڈائریکٹر اور ڈائیلاگ رائٹر کام کر رہا تھا، اس دوران میری بالی وڈ اسٹار سلمان خان کے والد سلیم خان سے ملاقات ہوئی جو اس فلم میں چھوٹا سا کردار ادا کر رہے تھے۔

جاوید اختر نے کہا کہ سلیم صاحب ان چند لوگوں میں سے تھے جو میری بہت حوصلہ افزائی کرتے تھے، اگر میں کہیں اور رہ رہا ہوتا تو اُن سے اتنی ملاقات نہ ہوتی، لیکن اُن کے ساتھ ہی کمرہ مل گیا تو میں اکثر اُن سے ملنے چلا جاتا تھا۔

انہوں نے کہا کہ شروع میں جب ہم ناکام لوگ تھے، محنت کر رہے تھے تو بالکل ایک تھے، ہمارا کوئی دوست نہیں تھا، ہم صبح سے شام تک بیٹھ کر کام کرتے تھے، رات کو کھانا اکٹھے کھاتے تھے، لیکن جب کامیابی آئی تو نئے نئے لوگ زندگی میں آنا شروع ہوگئے اور ہمارا دائرہ ٹوٹ گیا۔

جاوید اختر نے سلیم خان کے ساتھ مزید کام نہ کرنے کی وجہ بیان کرتے ہوئے کہا کہ ہمارا ذہنی تعلق تھا وہ ٹوٹ گیا، توپھر وہ کام نہیں ہو سکتا تھا۔

خیال رہے اپنے پُرانے انٹرویو میں ایک مرتبہ سلیم خان نے اسی  موضوع پر بات کرتے ہوئے کہا تھا کہ ہر ڈبے کی ایک تاریخ ہوتی ہے جس کے بعد وہ استعمال کے قابل نہیں رہتا، اس کی بھی ایسی ہی تھی۔

سلیم خان نے کہا تھا کہ میں ایک مرتبہ جاوید کے گھر کے پاس تھا جب اس نے بتایا کہ وہ الگ ہونا چاہتا ہے، میں کھڑا ہوا، اس سے ہاتھ ملایا اور اپنی کار کی جانب چل پڑا۔

انہوں نے مزید بتایا کہ وہ بھی ساتھ چلنے لگا تاہم میں نے اسے روکا اور اس کے گھر کی جانب بھیج دیا کہ میں اپنا خیال رکھ سکتا ہوں، میں نے گھر میں کچھ نہیں بتایا۔

سلیم خان نے مزید کہا کہ اگلے دن سب پوچھنے لگے کہ کیا یہ تعلق ختم ہوگیا ہے؟ جس کے بعد میں نے جاوید سے پوچھا کہ کیا اس نے سب کو بتایا ہے؟ تو اس نے کہا کہ صرف کچھ دوستوں کو بتایا ہے، جس کے بعد میں نے بھی کچھ دنوں بعد اس بات کا اعلان کردیا۔

بالی وڈ کے دبنگ سلمان خان نے اداکارہ کترینہ کیف سمیت ان اداکاروں کے نام بتائے ہیں جن کے ساتھ وہ بگ باس کے گھر میں رہنا چاہیں گے۔

معروف بھارتی رئیلیٹی شو بگ باس کا 16واں سیزن کامیابی سے جاری ہے، 14 جنوری کی قسط میں سلمان خان نے معروف میزبان اور اداکارہ سیمی گریوال کو مختصر انٹرویو دیا۔

سیمی گریوال نے سلمان خان سے سوال کیا کہ  اگر آپ بگ باس کے گھر میں جانا چاہیں تو اپنے ساتھ کون سے اداکاروں کو لے کر جانا چاہیں گے؟ اس کے جواب میں سلمان خان نے فوری سنجے دت اور شاہ رخ خان کا نام لیا۔

Simi Garewal ke saath ki Salman ne kuch guftagoo. 💗

Dekhiye #BiggBoss16 Mon-Fri raat 10 baje aur Sat-Sun raat 9 baje, sirf #Colors par. #BB16 #BiggBoss@Beingsalmankhan@Simi_Garewal pic.twitter.com/8Ej1RTNXzQ

— ColorsTV (@ColorsTV) January 14, 2023

بعدازاں سلمان نے کہا کہ اب 2 اداکار ہوگئے ہیں تو کچھ اداکارائیں بھی ہونی چاہئیں، تو میں کرشمہ کپور، کرینہ کپور اور شلپا شیٹی کو ساتھ لے جانا چاہوں گا۔

پھر اداکار نے تھوڑا وقفہ لیا اور کہا کہ میں چاہوں گا کترینہ بھی ساتھ جائیں، کافی مزہ آئے گا، سلمان خان کے جواب پر سیمی گریوال فوراً بولیں کہ میں یہ نام سننے کا انتظار کر رہی تھی۔

شو کے پرومو کی یہ ویڈیو سوشل میڈیا پر خاصی وائرل ہے جس پر صارفین دلچسپ تبصرے کررہے ہیں۔

سلمان خان آئندہ فلم کسی کا بھائی کسی کی جان میں نظر آئیں گے۔ فلم اب 2023 کی عید پر سینما گھروں کی زینت بنے گی۔ فلم میں پوجا ہیگڈے، وینکٹیش دگوبتی، جگپتی بابو، جسی گل، سدھارتھ نگم، راگھو جوئیل، شہناز گل اور پلک تیواری نے کام کیا ہے۔

اس کے علاوہ وہ ٹائیگر 3 میں بھی نظر آئیں گے، جو 2023 کی دیوالی پر سینما گھروں کی زینت بنے گی۔