ARYNews.tv | Urdu – Har Lamha Bakhabar

Tag: انٹرٹینمنٹ کی خبریں

  • آسکر جیتنے کے بعد لیڈی گاگا کی جذباتی تقریر وائرل

    آسکر جیتنے کے بعد لیڈی گاگا کی جذباتی تقریر وائرل

    لاس اینجلس: مشہور امریکی گلوکارہ لیڈی گاگا اپنی زندگی کا پہلا آسکر ایوارڈ جیتنے کے بعد تقریر کرتے ہوئے جذبات پر قابو نہ رکھ سکیں، ان کی جذباتی تقریر کی ویڈیو انٹرنیٹ پر آتے ہی وائرل ہو گئی۔

    تفصیلات کے مطابق امریکی گلوگارہ لیڈی گاگا کے گانے ’شیلو‘ کو آسکر 2019 میں بہترین گانے کا ایوارڈ مل گیا ہے جو لیڈی گاگا ہی کی زندگی پر بننے والی فلم ’اے سٹار اِز بارن‘ میں گایا گیا ہے۔

    لیڈی گاگا نے جذبات سے بھرپور لہجے میں کہا کہ اصل بات جیتنا نہیں بلکہ کبھی ہار نہ ماننا ہے، آپ اپنے خواب کو پورا کرنے کی بس کوشش کرتے جائیں۔

    دوسری طرف مسلم ن لیگ کے سیاست دان احسن اقبال نے بھی لیڈی گاگا کی تقریر کو سراہا، ٹویٹ کرتے ہوئے کہا کہ گلوکارہ نے انتہائی سبق آموز الفاظ ادا کیے ہیں۔

    لیڈی گاگا کی یہ جذباتی تقریر ان کے پرستاروں نے بے حد پسند کی، سوشل میڈیا پر اس کی ویڈیو کو بار بار شیئر کیا گیا۔

    یہ بھی پڑھیں:  آسکر 2019‘ گرین بُک بہترین فلم، رامی ملک اور اولویا کولمین بہترین ادکار و اداکارہ قرار

    آسکر کی تقریب میں لیڈی گاگا اور بریڈلے کوپر نے مذکورہ گانے پر پرفارمنس بھی دی، جسے سوشل میڈیا پر دنیا بھر کے صارفین نے بہت پسند کیا۔

    ایوارڈ جیتنے کے بعد لیڈی گاگا اس وقت دنیا بھر کی میڈیا میں نمایاں طور پر خبروں کا حصہ بنی ہوئی ہیں، پرفارمنس اور تقریر کے علاوہ ان کی پہنی ہوئی جیولری بھی خبروں کا موضوع بن گئی ہے۔

    ان پر بنائی گئی فلم میں گلوکارہ کی فلمی دنیا میں جدوجہد اور ان کی رومانوی تعلقات کو موضوع بنایا گیا ہے۔

  • اداکارہ متھیرا کار ایکسیڈنٹ میں شدید زخمی

    اداکارہ متھیرا کار ایکسیڈنٹ میں شدید زخمی

    دبئی: معروف پاکستانی ماڈل اور وی جے متھیرا دبئی میں کار حادثے میں شدید زخمی ہوگئیں، متھیرا اس وقت اسپتال میں زیر علاج ہیں۔

    سماجی رابطے کی ویب سائٹ انسٹا گرام پر پوسٹ کی جانے والی اسٹوریز میں متھیرا نے بتایا کہ وہ اپنی سرخ گاڑی میں دبئی روڈ پر سفر کر رہی تھیں جب ان کی گاڑی کا 2 ٹرکوں سے تصادم ہوا۔

    خوفناک حادثے میں متھیرا نے اپنے محفوظ رہنے پر خدا کا شکر ادا کیا، حادثے کے بعد اداکارہ کو فوری طور پر اسپتال منتقل کیا گیا۔

    حادثے میں متھیرا کی دوست سارہ بھی زخمی ہوئی ہیں جن کی حالت اب بہتر ہے۔

    خیال رہے کہ زمبابوے میں پیدا ہونے والی متھیرا ویڈیو جاکی (وی جے) رہ چکی ہیں۔ انہوں نے سنہ 2013 میں دبئی کے ایک بزنس مین سے شادی کرلی تھی جس سے ان کا ایک بیٹا بھی ہے۔

    گزشتہ برس متھیرا نے اپنے شوہر سے علیحدگی اختیار کرلی تھی۔

  • اداکارہ میرا کا وزیرِ اعظم عمران خان کو انگریزی میں خراجِ تحسین

    اداکارہ میرا کا وزیرِ اعظم عمران خان کو انگریزی میں خراجِ تحسین

    لاہور: گلابی انگریزی کے لیے مشہور اداکارہ میرا نے وزیرِ اعظم عمران خان کو انگریزی زبان میں خراجِ تحسین پیش کرتے ہوئے انھیں ملک کا بڑا رہنما قرار دیا۔

    تفصیلات کے مطابق اداکارہ میرا نے ایک بار پھر خود کو شہ سرخیوں میں لانے کے لیے ایک ویڈیو جاری کی ہے، جس میں انھوں نے وزیرِ اعظم عمران خان کو خراجِ تحسین پیش کیا ہے۔

    [bs-quote quote=”ملک کو ایسے ہی بڑے رہنما کی ضرورت تھی۔” style=”style-7″ align=”left” color=”#dd3333″ author_name=”میرا” author_job=”اداکارہ”][/bs-quote]

    تازہ ویڈیو بیان میں میرا نے کہا ہے کہ انھیں وزیرِ اعظم عمران خان کی کارکردگی پر فخر ہے، انھوں نے ثابت کیا ہے کہ وہ ملک کے بڑے لیڈر ہیں۔

    اسکینڈل کوئین میرا کا کہنا تھا کہ ہمارے ملک کو ایسے ہی بڑے رہنما کی ضرورت تھی، صحت کے شعبے میں عمران خان نے جو کام کیا ہے، وہ بلاشبہ قابلِ تعریف ہے۔

    میرا نے شوکت خانم کینسر اسپتال کے لیے لوگوں سے اپیل کی کہ وہ اس کے لیے اپنے عطیات دیتے رہیں تاکہ پاکستان میں لوگوں کی جانیں بچانے کا سلسلہ جاری رہے۔

    یہ بھی پڑھیں:  اداکارہ میرا نے اپنے وکیل کو بیوقوف بنادیا

    خیال رہے کہ ہر وقت اسکینڈل میں گھری رہنے والی اداکارہ میرا نے دو ماہ قبل طلاق کا مقدمہ لڑنے والے اپنے وکیل کو بھی بے وقوف بنا دیا تھا، وکیل کو دیے ان کے 15 لاکھ کے چیک باؤنس ہو گئے تھے۔

    چیک باؤنس ہونے پر وکیل بلخ شیر کھوسہ نے اداکارہ میرا کو لیگل نوٹس بھجوا دیا، وکیل نے میرا کو میسج کیا تو وہ میرا کی انگریزی کا نشانہ بن گئے، میرا نے اس قانونی نوٹس کے جواب میں انوکھی منطق اپنائی اور جواب میں کہا کہ آپ میرے وکیل ہیں، اپنے بھیجے گئے لیگل نوٹس کا جواب آپ ہی دیں۔

  • فیصل قریشی کی فلم’سوری‘ کی کاسٹ پہلی بار منظرِعام پر

    فیصل قریشی کی فلم’سوری‘ کی کاسٹ پہلی بار منظرِعام پر

    کراچی:معروف اداکار فیصل قریشی اور ہدایت کار سہیل جاوید کی فلم”سوری“ کی کاسٹ منظر عام پر آگئی، تقریب میں فلم انڈسٹری کے نامور ناموں نے شرکت کی۔

    تفصیلات کے مطابق کراچی کے ایک نجی ہوٹل میں منعقد ہونے والی اس تقریب میں فلم کی کاسٹ کو متعارف کروایا گیا جن میں فیصل قریشی، آمنہ شیخ،زاہد احمد اورسونیا حسین مرکزی کردار ادا کررہے ہیں۔

    اس موقع پر سہیل جاویدنے اظہار خیال کرتے ہوئے کہا کہ یہ فلم میرے دل کے بہت قریب ہے، یہ ایک رومانوی ڈرامہ ہے جو یقینا شائقین کے دل موہ لے گا۔ فلم کی کہانی سہیل جاوید اور آصمہ نبیل نے مشترکہ طور پر لکھی ہے جس کی ہدایات سہیل جاوید دیں گے۔

    واضح رہے کہ یہ فلم فیصل قریشی کی بڑے پردے پر واپسی ہے، انہوں نے فلم انڈسٹری کے احیاءکے بعد اب فلم کرنے کا اعلان کیا ہے جبکہ انہوں نے فلم منٹو میں مختصر کردار ادا کیا تھا۔فلم کے کرٹن ریزر میں انڈسٹری کے معروف وممتاز اداکاروں نے شرکت کی جن میں اداکار ندیم بیگ، ثمینہ پیرزادہ ، ہمایوںسعید، فہد مصطفی، عبداللہ کادوانی، جرجیس سیجا، ثنا فیصل، فیضان شیخ، عدیل عادی، عرفان ملک، عاصم جوفا، آسمہ نبیل، عدنان صدیقی و دیگر نے شرکت کی۔

    تقریب کی نظامت خالد ملک نے کی جبکہ اختتام پر گلوکار عباس علی خان نے ایک خاص پرفارمنس پیش کی۔ فلم اگلے سال 2019 میں ریلیز ہوگی۔

    یاد رہے کہ فیصل قریشی اے آروائی زندگی کے مارننگ شو ’سلام زندگی‘ سے بھی وابستہ ہیں اور اس کے علاوہ کئی مشہور ٹی وی ڈرامہ سیریل میں مرکزی کردار ادا کرچکے ہیں۔

     

    تقریب کی تصویری جھلکیاں

    سوری فلمسوری فلمسوری فلمسوری فلم

  • ٹام اینڈ جیری اب لائیو ایکشن میں سامنے آئیں گے

    ٹام اینڈ جیری اب لائیو ایکشن میں سامنے آئیں گے

    بچوں اور بڑوں سب ہی کی پسندیدہ ترین کارٹون ٹام اینڈ جیری اب بہت جلد لائیو ایکشن میں آپ کے سامنے آنے والے ہیں۔

    وارنر بروز کی تخلیق کردہ ٹام اینڈ جیری کارٹون کو لائیو ایکشن میں بنانے کی تیاریاں شروع کی جاچکی ہیں جس کی ہدایت کاری اور فلمسازی کے لیے ٹم اسٹوری کو منتخب کرلیا گیا ہے۔

    خیال رہے کہ چند روز پہلے ہی ایک اور کارٹون فلم الہٰ دین کے لائیو ایکشن ریمیک کا ٹیزر جاری کیا گیا ہے جس نے بچپن میں ان کارٹونز کو شوق سے دیکھنے والوں کے شوق کو بڑھا دیا ہے اور وہ بے صبری سے فلم کا انتظار کر رہے ہیں۔

    اس بارے میں مداح کچھ تذبذب میں بھی ہیں کہ کارٹونز کو لائیو ایکشن میں کس طرح تبدیل کیا جائے گا؟

    اب تک سامنے آنی والی رپورٹس کے مطابق فلم کی ٹیم کا فیصلہ ہے کہ جس طرح کارٹونز میں ان دونوں کرداروں کو خاموش دکھایا جاتا تھا اور یہ مختلف جسمانی حرکتیں کرتے تھے، لائیو ایکشن میں بھی اس اسٹائل کو برقرار رکھا جائے گا۔

    فلم کو بہترین بنانے کے لیے جدید ٹیکنالوجی کا بھرپور استعمال کیا جائے گا اور شاندار ویژول افیکٹس استعمال کیے جائیں گے لہٰذا یہ اندازہ لگانا مشکل نہیں کہ ٹام اینڈ جیری بڑی اسکرین پر آ کر تہلکہ مچا دیں گے۔

    فلم کب تک مکمل ہو کر پردہ اسکرین پر جلوہ گر ہوگی؟ اس بارے میں فلم کی ٹیم کا کہنا ہے کہ یہ مشکل کام ہے اور مشکل اور اچھا کام کچھ وقت لیتا ہے۔

  • جوہی چاؤلہ کراچی میں مختصرقیام کے بعد دبئی روانہ

    جوہی چاؤلہ کراچی میں مختصرقیام کے بعد دبئی روانہ

    کراچی: معروف بھارتی اداکارہ جو ہی چاولہ شہر قائد میں مختصر قیام کے بعد دبئی روانہ ہوگئیں، اپنے قیام کے دوران انہیں نے پاکستانی فلم ’جوانی پھر نہیں آنی ‘ دیکھی اور اسے بے پناہ سراہا۔

    تفصیلات کے مطابق اپنے مختصر دورے سے واپسی پر اداکارہ جوہی چاولہ نے صحافیوں سے مختصرگفتگو کرتے ہوئے کہا کہ ’جوانی پھر نہیں آنی ‘ دیکھ کر مجھے اندازہ ہوا کہ پاکستان میں بے پناہ ٹیلنٹ موجود ہے۔

    معروف اداکارہ نے صحافیوں نے بتایا کہ ان کا یہ دورہ انتہائی مختصر تھا اور وہ بس یہاں اپنی فیملی سے ملاقات کرنے کے لیے آئی تھی۔

    گزشتہ روز انہوں نے سوشل میڈیا پر ایک تصویر شیئر کی تھی جس میں انہوں نے کہا تھا کہ وہ کراچی میں اپنے خاندان کے ساتھ وقت گزار رہی ہیں اور ’جوانی پھر نہیں آنی ‘ دیکھنے کے لیے اور بوٹ بیسن پر دوپہر کا کھانا کھانے کے لیے
    باہر نکلی ہوئی ہیں۔

    انہوں نے یہ بھی کہا کہ اتفاقیہ طور پر یہ فلم ایک پاکستانی لڑکے اور ہندوستانی لڑکی کی محبت کی محبت کی داستاں ہے جو کہ بہت متاثر کن ہے، یہ ایک عمدہ رومانوی فلم ہے۔

    یاد رہے کہ سلمان اقبال فلمز، اے آر وائی فلمز اور سکس سگما پلس کی مشترکہ پیش کش سے ریلیز ہونے والی ایکشن اور رومانس سے بھرپور فلم جوانی پھر نہیں آنی 2 نے ریلیز کے پہلے روز دنیا بھر میں 5کروڑ 40لاکھ کا کاروبار کیا تھا جس میں سے صرف پاکستان سے 3کروڑ22 لاکھ روپے اور بیرونِ مملک میں 2 کروڑ 17 لاکھ روپے کا بزنس ریکارڈ کیا گیا تھا۔

    یاد رہے کہ معروف بالی اداکارہ جوہی چاولہ پہلی مرتبہ پاکستان نہیں آئی بلکہ اس سے قبل بھی بالی اداکارہ کئی مرتبہ پاکستان باالخصوص روشنیوں کے شہر کراچی آچکی ہیں۔ اس سے قبل جوہی چاولہ سنہ 2016 میں اپنے رشتہ داروں کی شادی میں شرکت کرنے کے لیے کراچی آئی تھیں۔