Tag: انٹر سال اول میں داخلہ

  • انٹر سال اول میں داخلہ لینے والے  طلبا کے لئے بڑی خبر

    انٹر سال اول میں داخلہ لینے والے طلبا کے لئے بڑی خبر

    کراچی : انٹر سال اول میں داخلے کے لئے پریشان طلبا کے لئے بڑی خبر آگئی ، داخلوں کا سلسلہ کب تک جاری رہے گا؟۔

    تفصیلات کے مطابق انٹر سال اول کے داخلوں کی تاریخ میں توسیع کردی گئی ، محکمہ کالج ایجوکیشن نے داخلوں کے کٹ آف مارکس پر بھی نظر ثانی شروع کردی ہے۔

    محکمہ کالج ایجوکیشن کا کہنا ہے کہ طلبہ کو پسندیدہ فیکلٹیوں اور کالجوں تک رسائی کیلئے کٹ آف مارکس پر نظر ثانی کررہے ہیں، ایڈ جسٹمنٹ کا مقصد شیڈول کے مطابق کلاسز کے بروقت آغاز میں سہولت فراہم کرنا ہے۔

    محکمہ کالج ایجوکیشن سندھ نے فرسٹ ایئر کے داخلوں سے محروم رہ جانے والے طلبا کے لیے تاریخ میں توسیع کی تھی اور داخلوں کے سلسلے میں جو پلیسمنٹ لسٹ جاری کی گئی اس لسٹ پر ’’ کلیم‘‘ بھی کھول دیا گیا۔

    محکمے کا کہنا ہے کہ فرسٹ ایئر میں داخلوں کا سلسلہ 24 اگست تک جاری رہے گا۔

  • انٹر سال اول میں داخلہ لینے والے طلبا کے لیے بڑی خبر

    انٹر سال اول میں داخلہ لینے والے طلبا کے لیے بڑی خبر

    کراچی : انٹر سال اول میں داخلہ لینے والے طلبا کے لیے بڑی خبر آگئی، داخلوں کے لیے نئے قواعد و ضوابط جاری کر دیے ہیں۔

    تفصیلات کے مطابق سندھ بھر میں انٹر سال اول میں داخلوں کا آغاز ہوگیا اور داخلوں کے لیے نئے قواعد و ضوابط جاری کر دیے ہیں۔

    نئی داخلہ پالیسی کے تحت داخلے نویں جماعت کےنتائج کی بنیاد پر دیےجائیں گے، صرف A1 اور A گریڈ والے طلباء کو اوپن میرٹ کی بنیاد پر داخلہ ملے گا۔

    نئی پالیسی کے تحت کراچی میں اس سال کالج زون کا نظام جاری رہے گا، جس سے طلبہ کو اپنے قریبی کالجوں میں داخلہ لینے پر پابندی ہوگی اور صرف A1 اور A گریڈ والے طلبہ کو کسی بھی کالج میں داخلے کے لیے درخواست دینے کا استحقاق حاصل ہوگا۔

    ڈائریکٹرجنرل کالجز زاہدراجپر کا کہنا تھا کہ شہر کے سرکاری کالجوں کو 7زون میں تقسیم کیا گیا ہے، 70 فیصد داخلےزون اور 30 فیصد اوپن میریٹ پر دیئے جائیں گے۔

    انھوں نے مزید کہا کہ سندھ بھر میں 2لاکھ 67ہزار 87امیدواروں کو داخلے فراہم کیے جائیں گے اور سندھ بھر میں کلاسوں کا آغاز 5اگست سے کیا جائے گا۔

  • انٹر سال اول میں داخلہ لینے والے طالبعلموں کے لیے بڑی خبر

    انٹر سال اول میں داخلہ لینے والے طالبعلموں کے لیے بڑی خبر

    کراچی : سندھ میں انٹر سال اول کے داخلوں کی تاریخ میں 20 اگست تک کی توسیع کرتے ہوئے ڈومیسائل اور پی آرسی کی شرط بھی ختم کردی۔

    تفصیلات کے مطابق انٹر سال اول میں داخلہ لینے والے طلبا کے لیے اچھی خبر آگئی، سندھ بھر میں انٹرسال اول میں داخلوں کی تاریخ میں بیس اگست تک توسیع کردی گئی۔

    اے آروائی نیوز براہِ راست دیکھیں live.arynews.tv پر

    ڈائریکٹرکالجز راشد احمد مہر نے بتایا کہ داخلے کیلئے ڈومیسائل اور پی آرسی کی شرط ختم کردی ہے لیکن ڈومیسائل امتحانات اور رجسٹریشن کے وقت جمع کرانا ہوگا۔

    راشد احمد مہر کا کہنا تھا کہ ساتھ ہی یہ بھی کہا انٹرمیڈیٹ سال اول میں داخلے کے وقت والد یا والدہ کا شناختی کارڈ اور بے فارم کی نقل بھی جمع کرانا ہوگی۔

    دوسری جانب بعض کالج پرنسپلز نے ڈائریکٹرکالجز کے احکامات ماننے اور متعدد گرلز کالجز میں طالبات کے داخلہ فارم وصول کرنے سے انکار کردیا۔

    یاد رہے سندھ میں سرکاری کالجوں میں داخلے کے لیے ڈومیسائل اور پی آرسی کی شرط عائد کردی گئی تھی ، جس کے باعث طلبا کو مشکلات کا سامنا تھا۔

    آن لائن فارم اور مکمل ریکارڈ محکمہ تعلیم کے پاس جمع ہونے غیر ضروری دستاویزات کالجوں میں طلب کی جارہی ہے، طلبہ وطالبات کے مطابق مطلوبہ داخلہ میعار مکمل ہونے باوجود داخلہ مرحل مشکل ہوچکا ہے۔

    طالب علموں نے مطالبہ کرتے ہوئے کہا تھا کہ اون فارم جمع کراتے پورا بائیو میٹرک محکمہ تعلیم کو فراہم کرچکے ہیں، وزیر اعلی سندھ صورت حال کا نوٹس لیں۔

    بعد ازاں محکمہ کالج ایجوکیشن کی جانب سے انٹرسال اول میں داخلے کے لیے ڈومیسائل اور دیگر دستاویز طلب نہ کرنے کی ہدایات جاری کردی گئیں۔