لاہور: ظاہر پیر سی پیک انٹر چینج پر میگا کرپشن کا انکشاف، ٹھیکیدار مال بردار گاڑیوں اور مسافر بسوں کو روک کر پیسے وصول کر رہے ہیں، روزانہ 15 لاکھ روپے کی کرپشن کیے جانے کا انکشاف ہوا ہے۔
تفصیلات کے مطابق صوبہ پنجاب کے ضلع رحیم یار خان کے شہر ظاہر پیر میں سی پیک انٹر چینج پر میگا کرپشن کا انکشاف ہوا ہے، مذکورہ مقام پر اوور لوڈڈ گاڑیوں کو جانے سے روکنے کے لیے 17 وے اسٹیشن بنا دیے گئے۔
حکومت کی جانب سے ٹھیکیدار کو فی اے اسٹیشن 4 لاکھ ادا کیے جا رہے ہیں تاہم ٹھیکیدار نے کانٹا سسٹم کو کمائی کا ذریعہ بنالیا۔
ذرائع کا کہنا ہے کہ مال بردار گاڑیوں کے ساتھ مسافر بسوں کو بھی روکا جارہا ہے، 17 وے اسٹیشز پر روزانہ 15 لاکھ کی کرپشن ہورہی ہے۔
ٹرانسپورٹرز نے اپیل کی ہے کہ نیشنل ہائی وے اتھارٹی (این ایچ اے) نوٹس لے کر ٹھیکیدار کو بلیک لسٹ کرے۔
