Tag: انڈر نائنٹین ورلڈ کپ

ڈھاکہ: کرکٹ آسٹریلیا نے سیکورٹی خدشات کے باعث آئی سی سی انڈر نائنٹین ورلڈ کپ کیلئے آسٹریلوی نو جوانوں کی ٹیم بنگلہ دیش بھیجنے سے انکار کردیا۔

بنگلہ دیش میں ہونے والے آئی سی سی انڈر نائنٹین کرکٹ ورلڈ کپ کو بڑا دھچکہ لگ گیا، آسٹریلیا کرکٹ بورڈ نے آخری وقت ٹیم بھیجنے سے انکار کردیا، انڈر نائنٹین کرکٹ ورلڈ کپ ستائیس جنوری سے بنگلہ دیش میں شیڈول ہے۔

ایونٹ میں سولہ ٹیموں کو حصہ لینا ہے لیکن کرکٹ آسٹریلیا نے سیکورٹی پر عدم اطمینان کا اظہار کردیا، کرکٹ آسٹریلیا کا کہنا ہے کہ بنگلہ دیش میں سیکورٹی صورتحال کا جائزہ لیا ہے، ہماری پہلی ترجیح کھلاڑیوں اور آفیشلز کی حفاظت ہے۔

ان کا کہنا تھا کہ بنگلہ دیش کے حالات ٹیم بھیجنے کے قابل نہیں ہیں، کرکٹ آسٹریلیا کے انکار کے آئرلینڈ کو میگا ایونٹ میں شامل کرلیا گیا۔

آسٹریلیا گروپ ڈی میں بھارت، نیپال اور نیوزی لینڈ کے ساتھ موجود تھا، کرکٹ آسٹریلیا نے سیکورٹی کو جواز بناکر گزشتہ سال سینئیر ٹیم بنگلہ دیش بھیجنے سے انکار کردیا تھا۔