Tag: انڈر19 ایشیا کپ

پاکستان اور بھارت کے درمیان ایشیا کپ انڈر19 کے میچ کے دوران انڈین بیٹر کے عجیب و غریب طریقے سے آؤٹ ہونے کی ویڈیو وائرل ہوگئی۔

بھارت اور پاکستان کے مابین کرکٹ کا مقابلہ کسی بھی سطح پر ہو ہمیشہ ہی پریشر والا ہوتا ہے اور شائقین اپنی ٹیموں کی ہار جیت میں کافی دلچسپی رکھتے ہیں۔ تاہم ایشیاکپ انڈر 19 میں پاکستان کے خلاف انڈین بیٹر کچھ اس طریقے سے آؤٹ ہوئے کہ وہ خود بھی پریشان ہوگئے۔

میچ میں بھارت انڈر 19 نے پہلے بیٹنگ کرتے ہوئے 9 وکٹوں کے نقصان پر 259 رنز بنائے۔ اوپنر آدرش سنگھ 62، کپتان ادے سہارن 60 اور سچن داس 58 رنز بنا کر نمایا رہے۔ جواب میں پاکستان کے بلے بازوں نے بہترین کھیل پیش کیا اور اذان اویس نے سنچری اسکور کی۔

اذان کی دلکش اننگز کی بدولت پاکستان انڈر19 نے دو وکٹوں کے نقصان پر باآسانی 260 رنز کے ہدف کا تعاقب کرکے فتح حاصل کی۔

میچ میں ایک عجیب و غریب آؤٹ اس وقت دیکھنے کو ملا جب 32 ویں اوور کی دوسری گیند پر جب آدرش سنگھ آؤٹ ہوئے۔ انھوں نے پاکستانی لیفٹ آرم اسپنر عرفات منہاس کی گیند کو مڈ وکٹ کی طرف کھیلنے کی کوشش کی اور

اسی دوران گیند ان کے بلے کا کنارا لیتی ہوئی پاکستان کے وکٹ کیپر سعد بیگ کے پیڈ کے درمیان پھنس گئی اور امپائر نے انھیں آؤٹ قرار دیا۔ اس عجیب و غریب آؤٹ کی ویڈیو سوشل میڈیا پر وائرل ہوگئی۔

It's all about catching the ball – it doesn't matter how you do it 😄 (courtesy ACC) #Cricket #U19AsiaCup pic.twitter.com/lnLR3pJN9e

— Saj Sadiq (@SajSadiqCricket) December 10, 2023

دبئی میں انڈر19 ایشیا کپ کا آغاز ہونے جارہا ہے جس کے گروپ مرحلے میں پاکستان اور بھارت کی ٹیمیں آمنے سامنے آئیں گی۔

پاکستان انڈر 19 ٹیم کے بیٹر شامل حسین کا کہنا ہے کہ ایشیا کپ بڑا ایونٹ ہے۔ ہمیں بھارت سے کھیلنے کا کوئی خوف نہیں۔ حریف کھلاڑیوں کے خلاف ہوم ورک کریں گے اور پروفیشنل ازم دکھائیں گے۔

شامل حسین نے اے آر وائی سے گفتگو کرتے ہوئے کہا کہ ہمیں بھارت سے کھیلنے کا خوف بالکل بھی نہیں ہے۔ ہم بھی کھیلنے جارہے ہیں اور وہ بھی کھیلنے آرہے ہیں۔

انھوں نے کہا ہم ان کے پلیئرز پر ریسرچ کریں گے اور دیکھیں گے کہ وہ لوگ کس طرح کھیلتے ہیں۔ جس چیز کی ٹیم کو ضرورت ہو وہی کرنا چاہیے اگر آپ 100 رنز کر لیں اور ٹیم ہار جائے تو اس کا کوئی خاص فائدہ نہیں ہے۔

پاکستانی کرکٹر نے کہا کہ میں یہ کوشش کرتا ہوں کہ ٹیم کی صورتحال کو مدنظر رکھتے ہوئے کھیلوں۔ اگر وکٹ پر کھڑا ہونا ضروری ہے تو رک کرکھیلوں، اگر اٹیک ضروری ہے تو پھر جارحانہ طریقے سے کھیلوں۔

Pakistan U19 Cricket Team Shamil Hussain Interview#PakistanCricketTeam #Pakistan #AsiaCup@TalatHussain12 pic.twitter.com/5mb2j5MG0D

— Ali Hasan 🏅 (@AaliHasan10) December 5, 2023

واضح رہے کہ ایشیا کپ ایونٹ کے گروپ اے میں پاکستان کے ساتھ نیپال، افغانستان اور بھارت کی ٹیمیں موجود ہیں۔ نیشنل کرکٹ اسٹیڈیم میں پاکستان انڈر 19 ٹیم کی تیاریاں جاری ہیں۔