Tag: انڈر19 ورلڈکپ

بھارت کی ویمنز کرکٹ ٹیم نے انڈر19 ورلڈکپ کی ٹرافی اپنے نام کرلی، فائنل مقابلے میں جنوبی افریقہ ویمنز ٹیم کو 9 وکٹوں سے شکست ہوئی۔

کوالالمپور میں کھیلے جانے والے انڈر19 ویمنز کرکٹ ورلڈکپ کے فائنل مقابلے میں جنوبی افریقہ کی ٹیم نے پہلے بیٹنگ کرتے ہوئے مقررہ 20 اوورز میں 10 وکٹوں کے نقصان پر 82 رنز بنائے۔

جنوبی افریقہ کی انڈر19 خاتون بیٹر مائیک وین وورسٹ 23 رنز بنا کر نمایاں رہیں، بھارت کی طرف سے گونگدی ترشا نے 3 کھلاڑیوں کو آؤٹ کیا۔

جواب میں بھارتی انڈر19 ویمنز کرکٹ ٹیم نے 83 رنز کا ہدف ایک وکٹ کے نقصان پر حاصل کرلیا، بیٹنگ میں بھی عمدہ پرفارمنس کا مظاہرہ کرتے ہوئے گونگدی ترشا نے 44 ناٹ آؤٹ رنز بنائے۔

ساتھ بیٹر سانیکا چلکے 26 رنز بنا کر نمایاں رہیں، جنوبی افریقہ انڈر19 ویمنز ٹیم کی طرف سے کیلا رینیکے واحد وکٹ حاصل کرنے میں کامیاب رہیں۔

بھارت ویمنز انڈر19 کرکٹ ٹیم کی پلیئر گونگدی ترشا کو ان کی آل راؤنڈر پرفارمنس کے باعث انڈر19 ویمنز ورلڈکپ فائنل کی بہترین پلیئر کے ایوارڈ سے نوازا گیا۔

آئی سی سی انڈر 19 ورلڈکپ کے سپرسکس مرحلے میں پاکستان کرکٹ ٹیم نے آئرلینڈ کو 3 وکٹوں سے شکست دیدی۔

تفصیلات کے مطابق جنوبی افریقہ کے شہر پوچیفسٹروم میں کھیلے جانے والے سپر سکس کے اہم مقابلے میں احمد حسن کی ذمہ دارانہ بیٹنگ کی بدولت پاکستان نے کامیابی اپنے نام کرلی۔ پاکستان نے 182 رنز کا ہدف 38 گیندیں قبل حاصل کیا

احمد حسن نے میچ وننگ نصف سنچری اسکور کرتے ہوئے 57 رنز کی ناقبل شکست اننگز کھیلی جس میں 7 چوکے بھی شامل تھے۔

ہارون ارشد اور کپتان سعد بیگ 25، 25 رنز بنانے میں کامیاب رہے۔ آئرلینڈ کی جانب سے ہیری ڈائیر نے زبردست بولنگ کرتے ہوئے 4 کھلاڑیوں کو آؤٹ کیا۔

اس سے قبل آئرش ٹیم پہلے کھیلتے ہوئے49 ویں اوور میں 181 رنز بناکر آل آؤٹ ہوگئی۔ جان میکنلی 53 اور ہیری ڈائیر 31 رنز بنا کرنمایاں رہے۔

ایک مرحلے پر آئرلینڈ کی 6 وکٹیں صرف 63 رنز پرگرچکی تھیں تاہم لوئر آرڈر بیٹرز نے آخری 4 وکٹوں پر 118 قیمتی رنز کا اضافہ کیا۔

پاکستان کی جانب سے ایک بار پھر عبید شاہ نے شانداربولنگ کرتے ہوئے 3 وکٹیں حاصل کیں۔ علی رضا، عامر حسن اور احمد حسن نے 2،2 وکٹیں اپنے نام کے آگے درج کرائیں۔