انڈونیشیا کے صدر نے قومی یکجہتی منصوبے کے تحت سیکڑوں قیدی رہا کردیے، پہلے مرحلے میں ڈیڑھ ہزار سے زائد قیدیوں کو رہا کیا گیا۔
غیرملکی میڈیا رپورٹس کے مطابق انڈونیشیا کے صدر کی جانب سے 44 ہزار قیدیوں کو معافی دینے کا منصوبہ ہے، پہلے مرحلے میں 1 ہزار 178 قیدیوں کو رہا کیا گیا، سیاسی قیدیوں کو ترجیح دی گئی، قومی ہم آہنگی کیلئے سیاسی، بیمار، ضعیف اور کم عمر قیدیوں کورعایت دی جائے گی۔
توہین مذہب اور سربراہ ریاست کی توہین کے مجرم بھی معافی کے مستحق قرار دیے گئے ہیں، سابق صدر جو کوویدودو کے دور میں قید اہم سیاسی مخالفین بھی رہا کیے جائیں گے۔
مخالف رہنما ہستوکرسٹیانٹو کو جیل سے رہائی مل گئی جنھیں رشوت ستانی کیس میں سزاملی تھی، بدعنوانی کیس میں سزایافتہ سابق وزیر تجارت ٹام لیمبونگ کیخلاف بھی مقدمہ ختم کردیا گیا۔
ویسٹ پاپوا کے 6 علیحدگی پسند جو غداری کے مقدمات میں قید تھے انھیں بھی رہائی مل گئی ہے، دوسرے مرحلے میں مزید 1 ہزار 668 قیدیوں کی رہائی کی فہرست جلد پیش کی جائے گی۔
https://urdu.arynews.tv/indonesia-signs-contract-with-turkey-to-buy-48-kaan-fighter-jets-29-july-2025/