ARYNews.tv | Urdu – Har Lamha Bakhabar

Tag: انڈونیشیا

  • انڈونیشیا میں ایک مرتبہ پھر سیلاب اور لینڈسلائیڈنگ، 27 افراد ہلاک

    انڈونیشیا میں ایک مرتبہ پھر سیلاب اور لینڈسلائیڈنگ، 27 افراد ہلاک

    جکارتہ : انڈونیشیا کے صوبے سماٹرا میں سیلاب اور لینڈ سلائیڈنگ نے اسکول اور گھروں کو ملبے میں تبدیل کردیا، لینڈ سلائیڈنگ کے باعث 12 بچوں سمیت 27 افراد ہلاک ہوگئے۔

    تفصیلات کے مطابق انڈونیشیا کے کے مختلف جزیزوں پر زلزلوں، سونامی اور سیلاب کی تباہ کاریوں کے بعد صوبہ سماٹرا میں سیلاب نے تباہی مچادی جس کے نتیجے میں درجنوں افراد ہلاک ہوگئے۔

    غیر ملکی خبر رساں ادارے کا کہنا تھا کہ انڈونیشیا کے صوبے سماٹرا کے مین ڈیلنگ نٹل ڈسٹرکٹ کے مورا سلادی میں سیلابی ریلے اور لینڈ سلائیڈنگ کے نتیجے میں اسلامک ویلیج اسکول کی عمارت سمیت 500 گھروں کو نقصان پہنچا ہے۔

    غیر ملکی خبر رساں ادارے کا کہنا تھا کہ لینڈ سلائیڈنگ کے باعث اسکول کے 12 طالب علم سمیت 27 افراد ہلاک ہوئے ہیں، جبکہ ابھی تک 10 بچے لاپتہ ہیں۔

    مقامی خبر رساں ادارے کا کہنا تھا کہ ریسکیو ٹیموں نے فوری طور پر امدادی سرگرامیاں انجام دیتے ہوئے تباہ حال اسکول سے 17 بچوں کو زخمی حالت میں نکال لیا تھا جنہیں طبی امداد کے لیے اسپتال منتقل کردیا گیا تھا۔

    مقامی میڈیا کا کہنا تھا کہ سماٹرا صوبے کے دوسرے حصّے میں سیلاب کے باعث گھروں پر مٹی کے تودے گرنے سے متاثرہ گھروں میں موجود 11 افراد ہلاک ہوگئے تھے

    ریسکیو ٹیموں کا کہنا تھا کہنا تھا کہ مینڈلنگ میں سیلابی ریلے میں بہہ جانے والی گاڑی سے دو افراد کی لاشیں نکالی گئی ہیں۔

    مقامی خبر رساں ادارے کے مطابق شمالی سماٹرا کے علاقے سیبولا میں لینڈ سلائیڈنگ کے باعث 100 عمارتیں تباہ ہوئیں ہیں جبکہ 4 دیہاتی ہلاک ہوئے جبکہ 4 افراد شمالی سماٹرا کے مغربی ضلع میں ہلاک ہوئے تھے۔

    غیر ملکی خبر رساں ادارے کا کہنا تھا کہ سیلاب اور لینڈ سلائیڈنگ کے نتیجے میں مغربی ضلع میں تین پُل بھی منہدم ہوگئے ہیں جس کے باعث عوام دیہاتی علاقوں میں محصور ہوگئے ہیں۔

    یاد رہے کہ چار روز قبل انڈونیشیا کے جزیرے سولاویسی اور شہر پالو میں شدید نوعیت کا زلزلہ آیا تھا جس کے بعد سمندر بھی بپھر گیا تھا اور اور پھر طوفان آیا تھا جس کی زد میں آکر اب 1500 سے زائد افراد ہلاک ہوئے تھے۔

  • انڈونیشیا میں سونامی آنے سے چند لمحے پہلے کی ویڈیو

    انڈونیشیا میں سونامی آنے سے چند لمحے پہلے کی ویڈیو

    گزشتہ ہفتے انڈونیشیا میں سونامی نے تباہی مچادی تھی ، وسیع پیمانے پر تباہی ہوئی اور ہزارو ں افراد لاپتہ ہوگئے، سونامی سے چند لمحے قبل کی یہ ویڈیو آپ کے دل کی دھڑکنیں روک دے گی۔

    کیا ہوتا ہے جب بپھرا ہوا سمندر اپنی حدود سے چیختا چنگھاڑتا باہر آجاتا ہے اور راستے میں آنے والی ہر چیز کسی تنکے کی طرح پانی کے ریلے میں بہنے لگتی ہے ، سونامی آنے سے چند سیکنڈ پہلے اور اس کے بعد کی ویڈیو دیکھئے۔

    حکومتی ترجمان کا کہنا تھا کہ سونامی کے نتیجے میں انڈونیشیا کے دو جزیرے سولاویسی اور شہر پالو کے ہزاروں رہائشی افراد متاثر ہوئے اور اس کی وجہ سے سیکڑوں گاؤں بھی تباہ ہوگئے۔

    ترجمان نے اس بات کی تصدیق کی کہ 5 ہزار سے زائد افراد کا ابھی تک کچھ پتہ نہیں چل سکا جن کے بارے میں امکان ظاہر کیا جارہا ہے کہ وہ شاید تباہ کاریوں کے نتیجے میں ہلاک ہوگئے۔

    اُن کا کہنا تھا کہ گمشدہ افراد کی تعداد ابتدائی شکایات موصول ہونے کے بعد سامنے آئی البتہ ابھی حکومت متاثرہ شہروں میں شکایتی مراکز قائم کرے گی تاکہ تباہ کاریوں کا اندازہ ہوسکے۔

    یاد رہے کہ  چار روز قبل انڈونیشیا کے جزیرے سولاویسی اور شہر پالو میں شدید نوعیت کا زلزلہ آیا تھا جس کے بعد سمندر بھی بپھر گیا تھا اور اور پھر طوفان آیا تھا جس کی زد میں آکر اب 1500 سے زائد افراد ہلاک ہوئے تھے۔

    سونامی کے نتیجے میں 70 ہزار سے زائد عمارتیں زمین بوس ہوگئیں تھی، زلزلے کے بعد آنے والے آفٹر شاکس کے بعد سمندر سے 10 ، 10 فٹ اونچی لہریں بنی تھیں جس کا پانی مختلف علاقوں میں داخل ہوگیا تھا۔

  • زلزلے اور سونامی کے بعد انڈونیشیا میں آتش فشاں لاوا اگلنے لگے

    زلزلے اور سونامی کے بعد انڈونیشیا میں آتش فشاں لاوا اگلنے لگے

    جکارتا: زلزلے اور سونامی کے بعد انڈونیشیا پر ایک اور افتاد ٹوٹ پڑی، آتش فشاں لاوا اگلنے لگے۔

    تفصیلات کے مطابق قدرتی آفات کے شکار انڈونیشیا کے عوام کی مشکلات میں مزید اضافہ ہوگیا، جزیرہ سولا ویسی پر ایک اور مشکل ٹوٹ پڑی.

    پہاڑ سپوتان نے لاوا اگلنا شروع کردیا، ہر طرف دھوئیں کے بادل چھا گئے. حکومتی نے رہائشیوں کے لیے ریڈ الرٹ جاری کر دیا.

    دوسری جانب جاوا کے علاقے میں‌بھی ایک آتش فشاں نے لاوا اگلنا شروع کر دیا ہے، جس کی وجہ سے علاقے میں خوف و ہراس پھیل گیا ہے۔

    یاد رہے کہ انڈونیشیا میں زلزلے اور سیلاب نے تباہی مچا دی ہے، زلزلے سے جنم لینے والے سمندری طوفان کی زد میں آکر اب تک 1350 افراد ہلاک ہوچکے ہیں۔

    انڈونیشیا کے جزیرے سولاویسی اور شہر پالو اس زلزلے کا اصل شکار ہیں، جس کے نتیجے میں سیکڑوں عمارتیں زمین بوس ہوچکی ہیں.

    سیلاب اور زلزلوں کے تھمنے کے بعد ریسکیو اہلکاروں نے متاثرہ شہروں میں امدادی کارروائیاں شروع کر دی ہیں، مگر انفرااسٹرکچر تباہ ہونے کے باعث انھیں شدید مشکلات کا سامنا ہے.

    چند علاقے بجلی سے محروم ہیں، رابطے کا نظام بھی منقطع ہوگیا ، مختلف علاقوں‌سے لوٹ مار کی اطلاعات بھی موصول ہوئی ہیں.

  • انڈونیشیا میں ایک بار پھر زلزلے کے جھٹکے، کئی مکانات متاثر

    انڈونیشیا میں ایک بار پھر زلزلے کے جھٹکے، کئی مکانات متاثر

    جکارتہ: انڈونیشیا ایک بار پھر زلزلے کی زد میں آگیا، 6.3 شدت کے زلزلے سے متعدد مکانات متاثر ہوئے، امدادی کارروائیاں جاری ہیں۔

    تفصیلات کے مطابق گذشتہ ہفتے انڈونیشیا میں آنے والے زلزے کی تباہ کاریوں کا بوجھ ہلکا نہ ہوا تھا کہ آج ایک بار پھر زلزے کے نتیجے میں کئی مکانات متاثر ہوئے۔

    غیر ملکی خبر رساں ادارے کے مطابق انڈونیشیا کے جزیرے ’لومبوک‘ میں ایک نئے زلزلے کے باعث لینڈ سلائیڈنگ ہوئی، جس کے نتیجے میں متعدد مکانات متاثر ہوئے جبکہ امدادی کارروائیاں جاری ہیں۔

    حکام کی جانب سے جاری کردہ بیان میں کہا گیا ہے کہ مشرقی لومبوک میں آنے والے اس زلزلے کی شدت ریکٹر اسکیل پر 6.3 ریکارڈ کی گئی۔

    انڈونیشیا میں ایک مرتبہ پھر زلزلہ، ہلاکتوں کی تعداد 347 ہوگئی

    حکام کے مطابق اس زلزلے کے باعث ابھی تک کسی جانی نقصان کی اطلاع نہیں ہے، جبکہ انتظامیہ لوگوں کو ہر ممکن سہولیات فراہم کرنے کے لیے بھرپور اقدامات کر رہی ہے۔

    خیال رہے کہ گذشتہ ہفتے انڈونیشیا کے سیاحتی جزیرے لومبوک میں زلزلے کے نتیجے میں جاں بحق ہونے والے افراد کی تعداد 400 سے زائد ریکارڈ کی گئی تھی، جبکہ زلزلے کے باعث متعدد عمارتوں کو نقصان پہنچا اور سینکڑوں افراد زخمی بھی ہوئے تھے۔

    یاد رہے کہ دسمبر2016 میں انڈونیشیا کے صوبے آچے میں آنے والے 6.5 شدت کے زلزلے میں 100 افراد جاں بحق ہوگئے تھے۔

    واضح رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اوردنیا بھر کے تقریباً آدھے آتش فشاں اسی حصّے میں پائے جاتے ہیں۔

  • انڈونیشیا کے جزیرے لومبوک میں 7 شدت کا زلزلہ، 37 افراد ہلاک

    انڈونیشیا کے جزیرے لومبوک میں 7 شدت کا زلزلہ، 37 افراد ہلاک

    جکارتہ: انڈونیشیا کے جزیرے لومبوک میں 7 شدت کا زلزلہ آیا ہے، جس کے نتیجے میں 19 افراد ہلاک متعدد زخمی ہوگئے، سونامی کی وارننگ جاری کرتے ہوئے شہریوں کو ساحل سمندر سے دور رہنے کی ہدایت کردی گئی ہے۔

    غیرملکی خبررساں ادارے کے مطابق انڈونیشیا کے جزیرے لومبوک میں 7 شدت کا زلزلہ آیا ہے جس کے نتیجے میں 37 افراد ہلاک متعدد زخمی ہوگئے ہیں جبکہ سونامی وارننگ جاری کردی گئی ہے۔

    اسپتال انتظامیہ کے مطابق زلزلے کے نتیجے میں 37افراد ہلاک ہوئے جبکہ متعدد زخمیوں کی حالت تشویشناک ہے۔

    ایک ہفتے قبل اسی جزیرے میں 6.4 شدت کا زلزلہ آیا تھا جس کے نتیجے میں 17 افراد ہلاک اور درجنوں زخمی ہوگئے تھے۔

    امریکا کے ماہر ارضیات کا کہنا ہے کہ انڈونیشیا میں آنے والے زلزلے کا مرکز شمالی شہر ماترام سے 50 کیلومیٹر دور شمالی لومبک تھا۔

    انڈونیشیا کے ڈیزاسٹر ایجنسی کے ترجمان کا کہنا ہے کہ زلزلے کے نتیجے میں درجنوں گھر زمین بوس ہوگئے ہیں اور 40 افراد کے زخمی ہونے کی اطلاعات بھی موصول ہوئی ہیں۔

    خیال رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اور دنیا بھر تقریباً آدھے آتش فشاں اسی حصّے میں پائے جاتے ہیں۔

    مزید پڑھیں: انڈونیشیا میں6.5اعشاریہ کا زلزلہ،ہلاکتوں کی تعداد100 ہوگئی

     

  • انڈونیشیا میں زلزلے سے ہلاکتوں‌ کی تعداد 14 ہوگئی

    انڈونیشیا میں زلزلے سے ہلاکتوں‌ کی تعداد 14 ہوگئی

    جکارتہ : انڈونیشیا کے سیاحتی جزیرے پر زلزلے کے شدید جھٹکے محسوس کیے گئے ہیں، جس کے نتیجے میں ہلاک ہونے والے افراد کی تعداد 14 ہوگئی ہے۔

    تفصیلات کے مطابق ایشیائی ملک انڈونیشیا کے وسطی جزیرے لومبک میں اتوار کی صبح 7 بجے کے قریب خوفناک زلزلے کے جھٹکے محسوس کیے گئے ہیں، جس نتیجے میں متعدد عمارتوں کو نقصان پہنچا ہے جبکہ درجنوں افراد زخمی ہیں۔

    انڈونیشیا کے حکام کا کہنا ہے کہ لومبک جزیزہ پوری دنیا سے انڈونیشیا آنے والے سیاحوں کا پسندیدہ سیاحتی مقام ہیں جہاں عموماً بے تحاشا سیاح موجود رہتے ہیں۔

    قبل ازیں امریکی زلزلہ پیما کے مطابق انڈونیشیا میں آنے والے ریکٹر اسکیل پر 6.4 شدت کے زلزلے کے جھٹکے محسوس کیے گئے ہیں، جس کے باعث 10 افراد ہلاک ہوگئے، امریکا کے ماہر ارضیات کا کہنا ہے کہ انڈونیشیا میں آنے والے زلزلے کا مرکز شمالی شہر ماترام سے 50 کیلومیٹر دور شمالی لومبک تھا۔

    انڈونیشیا کے ڈیزاسٹر ایجنسی کے ترجمان کا کہنا ہے کہ زلزلے کے نتیجے میں درجنوں گھر زمین بوس ہوگئے ہیں اور 40 افراد کے زخمی ہونے کی اطلاعات بھی موصول ہوئی ہیں۔

    انڈونیشین حکام کا کہنا ہے کہ خوفناک حادثے میں زخمی اور ہلاک ہونے والوں کی تعداد کا اندازہ کرلیا گیا ہے کہ البتہ تعداد میں مزید اضافے کا خدشہ ہے، تاہم ہم ابھی تک مکمل معلومات جمع نہیں سکے ہیں۔

    ترجمان کا کہنا تھا کہ ’امدادی خدمات انجام دینے والے رضاکاروں کی پہلی ترجیج متاثرہ افراد کو جائے حادثہ سے نکالنے اور زخمیوں کو ریسکیو کرنا ہے، حادثے میں زخمی ہونے والے چند افراد کا مقامی طبی مراکز میں علاج جاری ہے۔

    واقعے کے عینی شاہد نے غیر ملکی خبر رساں ادارے کو انٹرویو دیتے ہوئے بتایا کہ ’زلزلے بہت طاقتور تھا، جس کے باعث میرے گھر میں سب خوفزدہ ہوگئے اور فوری طور پر گھر سے باہر انکل آئے تھے‘۔

    عینی شاہد کا مزید کہنا تھا کہ زلزلے کے جھٹکے محسوس ہوتے ہی میرے تمام پڑوسی اور اہل محلہ بھی گھروں سے باہر آگئے تھے اور بجلی فوری طور بند ہوگئی تھی۔

    انڈونیشیا میں زلزلے کے شدید جھٹکے ‘ 2 افراد ہلاک

    خیال رہے کہ انڈونیشیا بحرالکاہل کے ایک ایسے حصے میں واقعہ ہے جہاں زلزلے آنے اور آتش فشاں پہاڑ پھٹنے کے واقعات عموماً رونما ہوتے رہتے ہیں اور دنیا بھر تقریباً آدھے آتش فشاں اسی حصّے میں پائے جاتے ہیں۔

    یاد رہے 7 ماہ قبل بھی انڈونیشیا کے دارالحکومت جکارتہ سمیت گنجان آباد جزیرے جاوا میں زلرلے کے شدید جھٹکے محسوس کیے گئے تھے، جس کے نتیجے میں 2 افراد ہلاک جبکہ کئی عمارتوں کو بھی نقصان پہنچا تھا۔

    خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں

  • انڈونیشیا: ایک کے بدلے تین سو، مگرمچھوں پر قیامت ٹوٹ پڑی

    انڈونیشیا: ایک کے بدلے تین سو، مگرمچھوں پر قیامت ٹوٹ پڑی

    پاپوا: انڈونیشیا کے صوبے پاپوا میں ایک شخص مگرمچھوں کا شکار بن گیا، مقامی آبادی نے مشتعل ہو کر تین سو مگرمچھ موت کے گھاٹ اتار دیے۔

    تفصیلات کے مطابق مغربی پاپوا میں ایک پینتالیس سالہ شخص مگرمچھوں کے ایک فارم میں سبزیاں چن رہا تھا کہ اس دوران ایک مگرمچھ نے اس پر حملہ کرکے اسے جان سے مار دیا۔

    غیر ملکی نیوز ایجنسی کے مطابق گاؤں کے لوگوں نے انسانی ہلاکت پر شدید احتجاج کیا، انھوں نے مگرمچھوں کے فارم کے خلاف مظاہرہ کرتے ہوئے اپنے غم و غصے کا بھی اظہار کیا۔

    متوفی کی تدفین کے بعد اس کے رشتے داروں نے مقامی آبادی کے ساتھ مل کر فارم پر دھاوا بول دیا، وہ چھریوں، کلہاڑیوں اور ہتھوڑوں سے لیس تھے۔

    مشتعل ہجوم نے فارم ہاؤس کے دفتر میں توڑ پھوڑ کرتے ہوئے مگرمچھوں پر حملہ کر دیا، اور تین سو مگرمچھ کاٹ ڈالے، قبل ازیں فارم مالک نے لواحقین کو ہرجانے کی بھی پیش کش کی جسے نامنظور کیا گیا۔

    انڈونیشیا: اژدھا زندہ خاتون کو نگل گیا

    پولیس کا کہنا تھا کہ ہجوم بہت بڑا تھا جسے روکا نہیں جاسکتا تھا، تاہم واقعے کے بعد حملہ آوروں پر اب جرمانے کیے جائیں گے، کیوں کہ مذکورہ مگرمچھوں کی نسل بچائی جا رہی تھی اور ایسے جانوروں کو مارنا قانوناً جرم ہے۔

    میڈیا رپورٹس میں کہا گیا ہے کہ مارے جانے والے تین سو کے قریب مگرمچھوں میں چار انچ کے نومولود بھی شامل تھے جب کہ دو میٹر تک لمبے مگرمچھ بھی نشانہ بنے۔

    واضح رہے یہ واقعہ انڈونیشیا کے صوبے پاپوا کے ضلع سورونگ میں جمعے کے روز پیش آیا، یہاں پہلے بھی انسانی ہلاکتوں کے واقعات ہوتے رہے ہیں تاہم مگرمچھوں کے شکار پر پابندی عائد ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • انڈونیشیا: بندر گاہ پر خوف ناک آتش زدگی، بحری جہاز اور کشتیاں جل کر راکھ

    انڈونیشیا: بندر گاہ پر خوف ناک آتش زدگی، بحری جہاز اور کشتیاں جل کر راکھ

    بالی: ’امن کا جزیرہ‘ کے نام سے جانے والے جزیرے بالی کی ایک بندر گاہ پر خوف ناک آگ بھڑک اٹھی، چالیس کشتیاں اور چھوٹے جہاز جل کر راکھ ہوگئے۔

    تفصیلات کے مطابق بالی کی بینووا بندرگاہ پر درجنوں کشتیوں کو جلا کر راکھ کر دینے والی آگ کل رات سے بھڑک رہی ہے اور تاحال اس پر قابو نہیں پایا جاسکا ہے۔

    فائر فائٹرز کی طرف سے کشتیوں پر بیٹھ کر آگ کے شعلے ٹھنڈے کرنے کی کوششیں جاری ہیں، عینی شاہدین کے مطابق تفریحی مقام بالی کی بندر گاہ پر لگنے والی آگ لمحوں میں پھیلتی چلی گئی۔

    وسیع رقبے پر پھیلی آگ کے شعلے اور دھویں کے بادل دور دور سے دکھائی دیئے، پولیس کے مطابق خوش قسمتی سے کسی شخص کے زخمی ہونے کی اطلاع نہیں ملی۔

    انتظامیہ کی جانب سے آگ پر قابو پانے کے ساتھ ساتھ آگ لگنے کی وجہ معلوم کرنے کی کوششیں بھی جاری ہیں، ایک بحری جہاز کے عملے کے رکن نے بتایا کہ وہ اپنے جہاز میں سو رہا تھا، جاگنے پر دیکھا کہ اوپر کے حصے میں آگ لگی ہوئی ہے۔

    عملے کے رکن نے بتایا کہ آگ نے بڑی تیزی کے ساتھ قریبی بحری جہازوں بہ شمول چھوٹے کارگو جہازوں کو اپنی لپیٹ میں لیا۔

    انڈونیشیا: اژدھا زندہ خاتون کو نگل گیا

    غیر ملکی خبر رساں ادارے کے مطابق متعدد عینی شاہدین کا خیال ہے کہ آگ بجلی کی خرابی کے باعث لگی، تاہم سرکاری حکام کا کہنا ہے کہ وہ تاحال آتش زدگی کی وجہ معلوم کرنے کی کوشش کر رہے ہیں۔

    واضح رہے کہ انڈونیشیا میں حادثاتی آتش زدگی کے واقعات آئے دن ہوتے رہتے ہیں جس کی وجہ حفاظت کے قواعد و ضوابط کو نظر انداز کرنا بتایا جاتا ہے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • ملیئے 8 فٹ کے پالتو مگر مچھ سے

    ملیئے 8 فٹ کے پالتو مگر مچھ سے

    لوگوں کے گھروں میں کتوں کے بطور پالتو جانور ہونے سے اکثر لوگوں پر دہشت طاری ہوتی ہے لیکن اگر کسی نے اپنے گھر میں مگر مچھ رکھا ہوا ہو تو اس کے ملنے والے اور ارد گرد رہنے والوں کی کیا حالت ہو گی اس کا اندازہ لگانا مشکل نہیں۔

    انڈونیشیا میں ایسا ہی ایک انوکھا گھرانا ہے جس نے 20 سال سے خونخوار مگر مچھ کو گھر میں پالتو جانور کی طرح رکھا ہوا ہے۔

    کوجک نامی یہ مگر مچھ جس کا وزن 200 کلو گرام ہے اب 8 فٹ 8 انچ کے خونخوار مگر مچھ میں تبدیل ہو چکا ہے۔

    گھر والے نہ صرف کوجک کے روزانہ خصوصی برش سے دانت صاف کرتے ہیں، بلکہ اسے نہلاتے بھی ہیں۔

    کوجک کسی پالتو بلی یا کتے کی طرح گھر میں پھرتا رہتا ہے اور کسی کو نقصان نہیں پہنچاتا۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

  • انڈونیشیا، ایئرہوسٹس کے لیے حجاب لازمی قرار

    انڈونیشیا، ایئرہوسٹس کے لیے حجاب لازمی قرار

    جکارتہ : انڈونیشیا کے صوبے آچے میں ایک سرکاری حکم کے تحت ملک کی تمام فضائی کمپنیوں میں خاتون ہوائی میزبانوں کے لیے حجاب کو لازمی قرار دے دیا گیا ہے خلاف ورزی کرنے والی کمپنی پر جرمانہ عائد کیا جائے گا۔

    تفصیلات کے مطابق یہ فیصلہ انڈونیشیا کے خود مختار صوبے آچے کی انتظامیہ کی جانب سے کیا گیا ہے جہاں شرعی قوانین کے نفاذ کے لیے پہلے ہی قانون سازی جاری ہے اور انڈونیشیا کے دیگر صوبوں کے برخلاف ایئر ہوسٹس پر حجاب لینے کی پابندی عائد کرنے میں بھی سبقت لے گیا۔

      یہ پڑھیں : انڈونیشیا میں اسلام کیسے پھیلا، مفصل رپورٹ 

    بین الااقوامی میڈیا کے مطابق انڈونیشیا کے جزیرے سماٹرا میں واقع صوبے آچے کی خود مختار حکومت نے ملک کی تمام فضائی کمپنیوں کی خاتون ہوائی میزبانوں کی بغیر حجاب کے طیارے میں موجودگی پر پابندی عائد کردی ہے جس کا اطلاق فوری طور پر کیا جائے گا اور اس حوالے سے سرکاری حکم نامہ تمام فضائی کمپنیوں کو بھیج دیا گیا ہے۔

    اگر کوئی خاتون حجاب پہننا چاہتی ہے، تو سر آنکھوں پر: سشمیتا سین 

    اس سے قبل خود مختار صوبے آچے کی انتظامیہ نے غیرمسلم خواتین کے لیے بھی لباس کا نیا ضابطہ اخلاق جاری کیا تھا جس میں انہیں عوامی مقامات پر بازو اور پنڈلیاں ڈھانپ کر رکھنے کی تاکید کی گئی تھی البتہ سر ڈھانپنے پر پابندی نہیں عائد کی گئی تھی اور غیر مسلم ہونے کے سبب بال کھلے رکھنے پر بھی نرمی برتی گئی تھی۔

    یاد رہے طویل عرصے تک علیحدگی کی تحریک چلانے کے بعد انڈونیشیا نے 2001 میں آچے کو وفاق سے علیحدہ کر کے قانون سازی، شریعت کے اطلاق اور مالی طور خود مختار صوبے کی حیثیت دے دی تھی جس کے بعد صوبائی حکومت کی جانب سے اسلامی قوانین کے نفاذ کے لیے عملی طور پر کمر بستہ ہے۔

    اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔