ARYNews.tv | Urdu – Har Lamha Bakhabar

Tag: انڈونیشیا

  • انڈونیشیا کا مشرقی صوبہ زلزلے سے لرز اُٹھا

    انڈونیشیا کا مشرقی صوبہ زلزلے سے لرز اُٹھا

    انڈونیشیا کے صوبے مشرقی نوسا ٹنگارہ میں زلزلہ آیا ہے جس کی شدت 6.1 ریکارڈ کی گئی ہے، زلزلے کے باعث شہریوں میں خوف و ہراس پھیل گیا۔

    بین الاقوامی خبر رساں ادارے کی رپورٹ کے مطابق زلزلے کا مرکز مشرقی نوسا ٹنگارہ صوبے میں اینڈے شہر سے 104 کلو میٹر جنوب مشرق میں 47 کلو میٹر کی گہرائی میں واقع تھا۔

    انڈونیشیئن جیو فزکس ایجنسی کے مطابق انڈونیشیا میں اس سے قبل آنے والے زلزلے نے توبان ریجنسی میں ایک مکان اور ایک کمیونٹی کی عمارت کو نقصان پہنچایا تھا تاہم حالیہ زلزلے سے اب تک کسی طرح کے جانی اور مالی نقصان کی اطلاع سامنے نہیں آئی۔

    ماسکو کنسرٹ ہال حملہ، چار ملزمان پر فرد جرم عائد

    رپورٹ کے مطابق زلزلے کے باعث سونامی کاخطرہ بھی نہیں ہے۔ تاہم زلزلے کی شدت کے باعث لوگوں میں شدید خوف و ہراس پھیل گیا ہے۔

  • فٹبال میچ کے دوران آسمانی بجلی گرنے سے کھلاڑی ہلاک

    فٹبال میچ کے دوران آسمانی بجلی گرنے سے کھلاڑی ہلاک

    جکارتہ : انڈونیشیا میں آسمانی بجلی فٹبالر کی جان لے گئی، انڈونیشیا میں فٹبال میچ کے دوران ناخوشگوار واقعہ پیش آیا ہے۔

    تفصیلات کے مطابق انڈونیشیا میں ایک فٹ بال میچ کے دوران آسمانی بجلی گرنے سے ایک کھلاڑی کی موت نے ہرطرف خوف و ہراس پھیلا دیا ہے۔

    واقعے کے بعد کھلاڑیوں اور تماشائیوں میں خوف و ہراس پھیل گیا، زخمی کھلاڑی کو فوری طبی امداد کیلئے اسپتال لے جایا جارہا تھا کہ اس نے راستے میں ہی دم توڑ دیا۔

    مذکورہ کھلاڑی کی شناخت "ایف ایل او” سوبانگ ٹیم کے 30 سالہ سپیٹان کے نام سے ہوئی ہے۔

    lightning

    سوشل میڈیا پر جاری ویڈیو میں دیکھا جا سکتا ہے کہ کھیل کے میدان میں فٹ بال کھلاڑی دوستانہ میچ کھیل رہے تھے جب اچانک گرج چمک ساتھ بارش شروع ہوگئی۔

     

  • صرف ایک دن میں مکمل ہونے والا دنیا کا سب سے بڑا انتخابی عمل

    صرف ایک دن میں مکمل ہونے والا دنیا کا سب سے بڑا انتخابی عمل

    دنیا کی تیسری سب سے بڑی جمہوریت انڈونیشیا میں 14 فروری کو ہونے والے انتخابات ایک دن میں مکمل ہوں گے جس کی تفصیلات سامنے آگئی ہیں۔

    انڈونیشیا جو کہ دنیا کا چوتھا سب سے زیادہ آبادی والا ملک بھی ہے جہاں 14 فروری بروز بدھ کو عام انتخابات منعقد ہونے جارہے ہیں۔ مسلم ملک کے عوام حق رائے دہی استعمال کرتے ہوئے صدر اور نائب صدر کے لیے امیدواروں کا انتخاب کریں گے۔

    اس انتخابات میں قانون ساز اسمبلی اور مقامی حکومتوں کے لیے عہدیداروں کا چناؤ بھی کیا جائے گا۔ 14 فروری کو ہونے والے الیکشن میں کُل 204.8 ملین انڈونیشی عوام ووٹ کاسٹ کریں گے۔ انتخابات میں 18 سیاسی پارٹیاں حصہ لے رہی ہیں۔

    صدارتی عہدے کے لیے انڈونیشیا میں تین امیدواروں کے نام سامنے آئے ہیں جن میں ابوو سوبیانتو، انیس بسویدان اور گینجر پرانوو شامل ہیں۔

    دلچسپ بات یہ ہے کہ ان انتخابات میں میں 56 ایسے امیدوار بھی حصہ لے رہے ہیں، جن پر بدعنوانی کے الزامات ہیں۔ اس کے علاوہ رجسٹرد امیدواروں کی تعداد 2 لاکھ 58 ہزار سے زائد ہے۔

    انڈونیشیا میں ووٹ ڈالنے کے لیے 18 کے بجائے 17 سال کی عمر کی حد مقرر ہے جبکہ پولنگ کا دورانیہ چھ گھنٹے رکھا گیا ہے۔ 1.7 ملین انڈونیشی بیرون ملک سے بھی ووٹ ڈالیں گے۔

    ملک کے معروف جزیرے جاوا پر رجسٹرڈ ووٹروں کی تعداد 115 ملین سے زائد ہے۔ انڈونیشی پارلیمنٹ کے ایوان زیریں میں نسشتوں کی تعداد 580 ہے۔

  • مسافر ٹرینوں میں خوفناک تصادم، متعدد ہلاک

    مسافر ٹرینوں میں خوفناک تصادم، متعدد ہلاک

    انڈونیشیا کے جزیرے جاوا میں دو مسافر ٹرینوں میں خوفناک تصادم کے باعث میں 3 افراد ہلاک جبکہ 28 سے زائد زخمی ہوگئے۔

    بین الاقوامی خبر رساں ادارے کے مطابق آج صبح تقریباً ساڑھے 6 بجے دونوں ٹرینوں میں تصادم ہوا جس کے باعث ٹرینوں کی بوگیاں اُلٹ گئیں۔

    حکام کا اس حوالے سے کہنا ہے کہ مذکورہ ٹرین بانڈونگ رایا مسافر ٹرین سے ٹکرا گئی، جس میں 191 مسافر سفر کررہے تھے، جبکہ ترنگا ایکسپریس ٹرین میں 287 مسافر سوار تھے جو مشرقی جاوا کے شہر سورابایا سے سفر کر رہے تھے۔

    دونوں ٹرینوں میں موجود سوار تقریباً 500 افراد کو بحفاظت ریسکیو کرلیا گیا ہے جبکہ زخمی ہونے والے افراد کو مقامی اسپتال منتقل کردیا گیا ہے۔

    دوسری جانب امریکی ریاست آئیووا کے ہائی اسکول میں طالب علم نے اندھا دھند فائرنگ کردی، جس کے نتیجے میں ایک طالب علم جان سے گیا جبکہ اسکول ایڈمنسٹریٹر سمیت 5 افراد زخمی ہوگئے۔

    امریکی میڈیا کے مطابق پولیس نے بتایا کہ فائرنگ میں ملوث نوجوان کی عمر 17 سال ہے، ملزم نے فائرنگ کے بعد اپنی زندگی کا بھی خاتمہ کرلیا۔

    حماس کا خوف: اسرائیلی خاتون صحافی پسٹل لگا کر اسٹوڈیو پہنچ گئی

    پولیس ذرائع کا کہنا ہے فائرنگ کی وجہ کے حوالے سے جاننے کی کوشش کررہے ہیں، مذکورہ اسکول میں 8 میں ہزار طلباء زیر تعلیم ہیں۔

  • انڈونیشیا جانا اب بہت آسان، نئی ویزا پالیسی متعارف

    انڈونیشیا جانا اب بہت آسان، نئی ویزا پالیسی متعارف

    انڈونیشیا نے گزشتہ ماہ 20 ممالک کے شہریوں کو ویزے کے بغیر داخلے کی اجازت دینے کے بعد اب نئی ویزا پالیسی کے تحت 5 سالہ ملٹی پل انٹری ویزے کے اجراء کا بھی فیصلہ کیا ہے۔

    خوبصورت جزیروں اور دلفریب نظاروں کی سرزمین انڈونیشیا دنیا بھر کے سیاحوں کو اپنی جانب راغب کرتی ہے، یہ ملک سیاحوں کے لیے ایک جنت کی مانند ہے۔

    ان سیاحوں کی آمد کے حوالے سے حکومت وقت نے نئی ویزا پالیسی متعارف کرادی ہے جس کے تحت اب وہاں ایک وزٹ میں 2مہینوں کے لیے سیر و تفریح کی جاسکتی ہے اور یہ سہولت صرف ایک 5 سالہ ملٹی پل انٹری ویزے کی صورت میں حاصل ہوگی۔

    غیرملکی خبر رساں ادارے کی رپورٹ کے مطابق انڈونیشیا کے ڈائریکٹوریٹ جنرل آف امیگریشن نے حال ہی میں ایک اہم ویزا پالیسی کا اعلان کیا ہے جس نے 5 سالہ ملٹی پل ویزے کی شکل میں ملک میں سیاحت و کاروبار دونوں کو ایک نئے دور میں داخل کردیا ہے۔

    Indonesia

    اس ویزے کے تحت سیاح اپنے ہر چکر میں 2 ماہ تک انڈونیشیا میں رہتے ہوئے سیر و تفریح، دوستوں اور عزیزوں سے ملنے اور ثقافتی تقریبات میں شرکت جیسی سرگرمیوں سے لطف اندوز ہوسکیں گے۔

    اس اقدام کا بنیادی مقصد انڈونیشیا میں کاروبار اور سیاحت دونوں سرگرمیوں کا ارادہ رکھنے والے غیر ملکیوں کے لیے سفر کی راہ ہموار کرنا ہے۔

    ڈائریکٹر جنرل امیگریشن سلمیٰ کریم نے نئی ویزا پالیسی کے مثبت اثرات کے بارے میں امید ظاہر کرتے ہوئے کہا ہے کہ یہ ملٹی پل انٹری ویزا غیر ملکیوں کے لیے اعلیٰ نقل و حرکت کے لیے ایک بڑی سہولت فراہم کرتا ہے۔ انہوں نے اس امید کا بھی اظہار کیا کہ اس نئی ویزا پالیسی کے نتیجے میں مزید غیر ملکی شہری انڈونیشیا کا دورہ کریں گے۔

    Visa Policy

    انڈونیشیا کا 5 سالہ ملٹی پل انٹری ویزا

    حال ہی میں شروع کیے گئے 5 سالہ ملٹی پل انٹری ویزے کے اجرا کی صورت میں سیاحت یا کاروباری مقاصد کے لیے ملک کی سیر کرنے کا ارادہ رکھنے والے غیر ملکیوں کے لیے فی وزٹ 60 دن تک رہنے کی اجازت ہوگی۔

    انڈونیشیا کے لیے معیاری سیاحتی ویزا عام طور پر ایک ہی اندراج کے ساتھ 30 دن کے قیام کی اجازت دیتا ہے جبکہ اس کی میعاد ختم ہونے سے پہلے مزید 30 دن توسیع بھی کرائی جاسکتی ہے۔

    ویزا

    ویزے کی اقسام ’ڈی 1‘ اور ’ڈی 2‘

    مذکورہ ویزے کا اجرا جنوری 2024 سے ہوگا جس کے تحت غیر ملکیوں کے پاس یہ اختیار ہوگا کہ وہ 2 متعدد داخلے والے ویزوں کے درمیان کسی ایک کا انتخاب کرلیں۔ ان میں سے ہر ایک 5 سال کے لیے کارآمد ہوگا۔

    مزید پڑھیں : انڈونیشیا جانے کیلیے اب ویزے کی ضرورت نہیں ہو گی، مگر کن کو؟

    ڈی 1 کے تحت سیر و تفریح کی اجازت ہوگی جبکہ ڈی 2 کاروباری مسافروں کے لیے ڈیزائن کیا گیا۔ ڈی 2 کے تحت مسافر ملک میں کہیں بھی میٹنگز، کانفرنسز، نمائشوں اور کاروباری مذاکرات میں حصہ لینے جیسی سرگرمیوں کے لیے فی دورہ 60 دن تک قیام کرسکیں گے۔ تاہم کل وقتی ملازمت یا تجارتی سرگرمیوں میں مشغول ہونے کی اجازت نہیں ہوگی جن کے لیے ورک پرمٹ کی ضرورت ہوتی ہے۔

  • انڈونیشیا میں پھنسے پی آئی اے کے 2 طیاروں کے حوالے سے بڑی خبر

    انڈونیشیا میں پھنسے پی آئی اے کے 2 طیاروں کے حوالے سے بڑی خبر

    کراچی: انڈونیشیا میں پھنسے پی آئی اے کے دو طیاروں کے حوالے سے اہم پیش رفت ہوئی ہے، قومی ایئرلائن نے لیزنگ کمپنی کو 13 ملین ڈالر ادا کر دیے۔

    تفصیلات کے مطابق انڈونیشیا میں پھنسے قومی ایئر لائن کے دو طیاروں میں سے ایک طیارہ لیزنگ کمپنی کو تیزہ ملین ڈالر ادا کیے جانے کے بعد اگلے ایک دو روز میں پاکستان پہنچ جائے گا۔

    ذرائع کے مطابق پی آئی اے نے مذکورہ لیزنگ کمپنی کو 26 ملین ڈالر ادا کرنے تھے، دوسرا طیارہ چند روز میں پی آئی اے کے فلیٹ میں شامل ہو جائے گا، دو سال سے ان طیاروں کا معاملہ التوا کا شکار رہا ہے۔

    ان طیاروں کی آمد سے پی آئی اے کے بیڑے میں مزید 2 ایئربس 320 ساختہ طیاروں کا اضافہ ہو جائے گا، اور ایئر بس ساختہ طیاروں کی کل تعداد 16 ہو جائے گی۔

    ترجمان پی آئی اے کے مطابق سیکریٹری ایوی ایشن کی سربراہی میں پی آئی اے کا اعلیٰ سطح کا وفد ملائیشیا گیا تھا، جس نے لیزنگ کمپنی ایئر ایشیا کے ساتھ طیاروں کا معاملہ حل کرنے کے لیے مذاکرات کیے۔ یہ دونوں طیارے لیزنگ کمپنی سے تنازعے کے سبب ستمبر 2021 سے جکارتہ میں کھڑے تھے۔

    ترجمان نے کہا ہے کہ ری ڈلیوری چارجز بچا کر ان طیاروں کو 26 ملین ڈالر کے عوض ہم نے خرید لیا ہے، وفد نے طیاروں کی ری ڈیلیوری کے لیے لیزنگ کمپنی سے مذاکرات کیے۔ ترجمان نے طیاروں پر 15 ملین ڈالر پارکنگ چارج ادا کیے جانے سے متعلق چھپنے والی خبر بھی غلط اور بے بنیاد قرار دی۔

  • کیا آپ کو پتہ ہے دنیا کا سب سے چھوٹا ہوٹل کس طرح تعمیر کیا گیا؟

    کیا آپ کو پتہ ہے دنیا کا سب سے چھوٹا ہوٹل کس طرح تعمیر کیا گیا؟

    مسلمان ملک انڈونیشیا میں سیاحوں کے لیے ایک ایسا ہوٹل تعمیر کیا گیا ہے جس کی چوڑائی دنیا میں سب سے کم ہے۔

    غیرملکی میڈیا رپورٹس کے مطابق جنوب مشرقی ایشیائی ملک انڈونیشیا میں تعمیر ہونے والے اس ہوٹل کے مالک چاہتے ہیں کہ ان کے چھوٹے سے علاقے کو بین الاقوامی سطح پر توجہ ملے۔

    ہوٹل مالک کا کہنا ہے کہ وہ صرف ریکارڈ بنانا نہیں چاہتے بلکہ اس منصوبے کا مقصد چھوٹے سے علاقے کو بین الاقوامی توجہ کا مرکز بنانا ہے۔

    اس ہوٹل کو تعمیر کرنے کی کہانی بھی دلچسپ ہے۔ وسطی جاوا سے تعلق رکھنے والے آرکیٹیکٹ ایری اندرا جکارتہ اور سنگاپور میں بطور پروفیشنل خدمات انجام دے چکے ہیں۔ تاہم وہ اپنے آبائی شہر واپس آگئے۔

    یہاں آکر انھوں نے ایک عجیب و غریب زمین کا ٹکڑا خریدا جسے کوئی بھی لینے کو تیار نہیں تھا۔ یہاں آرکیٹیکٹ ایری اندرا نے9 فِٹ چوڑا پِیٹو رومز نامی پانچ منزلہ ہوٹل تعمیر کیا، جس میں سات کمرے ہیں۔

    ہوٹل کو اس طرح ڈیزائن کیا گیا ہے کہ ہر کمرے میں ایک ڈبل بیڈ کے ساتھ ایک چھوٹا باتھ روم بھی ہے۔ مقامی فن اور انٹیریر کی بدولت ہر کمرے کا مشاہدہ بالکل مختلف ہے۔

    ایری اندرا نے ہوٹل کے حوالے سے گفتگو کرتے ہوئے کہا کہ وہ چاہتے ہیں کہ لوگ جاوا کے علاقے سالاتیگا کا ایک نئے انداز سے تجربہ کریں۔

  • انڈونیشیا کی پہلی "بلٹ ٹرین” کا افتتاح

    انڈونیشیا کی پہلی "بلٹ ٹرین” کا افتتاح

    جکارتہ : انڈونیشیا میں پہلی جدید تیز رفتار بلٹ "وُوش ٹرین” کا افتتاح کردیا گیا، مذکورہ منصوبہ چین کے تعاون سے مکمل کیا گیا ہے۔

    تفصیلات کے مطابق انڈونیشیا کے دارالحکومت جکارتہ اور بندونگ شہر کے درمیان پہلی جنوب مشرقی ایشیا بُلٹ ریلوے لائن کھول دی گئی ہے۔

    انڈونیشیا کے صدر جوکو ویدودو نے ٹرین کی افتتاحی تقریب سے خطاب کرتے ہوئے کہا کہ ٹرین کی پیدا کردہ آواز کی مناسبت سے اس کا نام "وُوش ٹرین” رکھا گیا ہے۔

    انہوں نے بتایا کہ 7.3بلین ڈالر کی مالیت سے تیار کی جانے والی ووش ٹرین کی رفتار 350 کلومیٹر فی گھنٹہ (217 میل فی گھنٹہ) تک پہنچ سکتی ہے، یہ منصوبہ ماحول دوست اربن ٹرانسپورٹ کی جدید شکل ہے۔

    منصوبے کی نگرانی کرنے والے سینئر وزیر لوہت پنڈجیتن نے کہا کہ بلٹ ٹرین کی مفت آزمائشی سواری ستمبر کے دوسرے ہفتے سے جاری ہے اس میں مزید توسیع کی جائے گی اور اکتوبر کے وسط میں ٹکٹوں کی فروخت پر عمل درآمد کا آغاز کر دیا جائے گا۔

    یاد رہے کہ جنوب مشرقی ایشیاء کی اس پہلی بُلٹ ریلوے لائن کی تعمیر2015 میں شروع ہوئی اور منصوبے کی تکمیل کے لئے فنانسنگ کا 75 فیصد چین ترقیاتی بینک سے حاصل کردہ قرضے سے پورا کیا گیا ہے۔

  • آتش فشاں پہاڑ پھٹنے کے دل دہلا دینے والے مناظر

    آتش فشاں پہاڑ پھٹنے کے دل دہلا دینے والے مناظر

    جکارتہ: انڈونیشیا میں آتش فشاں پہاڑ ماؤنٹ میراپی پھٹنے کے دل دہلا دینے والے مناظر سامنے آئے ہیں۔

    تفصیلات کے مطابق انڈونیشیا میں دو دن قبل مشہور آتش فشانی پہاڑ میراپی پھٹ پڑا ہے اور اس سے لاوا بہنے لگا ہے، آتش فشانی کی شدت اتنی زیادہ تھی کہ کئی گاؤں اس کی راکھ کی لپیٹ میں آ گئے، اور قریبی علاقوں میں دھواں پھیل گیا۔

    آتش فشاں کا لاوا 7 کلو میٹر کے رقبے تک پھیل گیا ہے، دھوئیں اور راکھ کے بادل فضا میں بلند ہوتے رہے، جنھیں دور سے دیکھا جا سکتا تھا۔

    آتش فشاں آبزرویٹری کا کہنا ہے کہ راکھ کے بادل تین ہزار میٹر بلندی تک پہنچ گئے تھے۔

    سوشل میڈیا پر اس واقعے کی دل دہلا دینے والی ویڈیوز سامنے آئی ہیں، ایک ویڈیو میں قریبی علاقے کے لوگ پکنک مناتے ہوئے آتش فشاں پہاڑ سے بلند ہوتے دھوئیں کو دیکھ رہے ہیں، اور ویڈیو بنا رہے ہیں۔

    ایک ویڈیو میں دیکھا جا سکتا ہے کہ راکھ اور دھواں نہایت تیز رفتاری کے ساتھ پہاڑ سے نیچے کی طرف چلا جا رہا ہے، جسے دیکھ کر لگتا ہے کہ اگر کوئی اس کی زد پر تھا تو اس کے لیے بچ نکلنا ناممکن ہوتا۔

  • انڈونیشیا میں تیل کے گودام میں خوفناک آتش زدگی، 17 افراد ہلاک، ہزاروں افراد کا انخلا

    انڈونیشیا میں تیل کے گودام میں خوفناک آتش زدگی، 17 افراد ہلاک، ہزاروں افراد کا انخلا

    جکارتا: انڈونیشیا میں تیل کے گودام میں خوفناک آتش زدگی کے باعث 17 افراد ہلاک ہو گئے۔

    تفصیلات کے مطابق جمعہ کو انڈونیشیا کے دارالحکومت کے سرکاری فیول اسٹوریج اسٹیشن میں آگ لگنے سے سترہ افراد ہلاک جب کہ 50 سے زائد افراد زخمی ہو گئے ہیں، علاقے سے ہزاروں افراد کو انخلا بھی کرنا پڑا۔

    خوفناک آگ نے گرد و نواح میں واقع رہائشی علاقے کو بھی لپیٹ میں لے لیا، کئی گھر جل کر خاکستر ہو گئے، آگ بھڑکنے کے بعد دھماکوں کی آوازیں بھی سنی گئیں۔

    آتش زدگی اور دھماکوں کے بعد خوف کے شکار علاقہ مکینوں نے گھروں کو خالی کر دیا۔ انڈونیشیائی فائر حکام نے بتایا کہ کم از کم 260 فائر فائٹرز اور 52 فائر انجن آگ پر قابو پانے کے لیے جدوجہد کر رہے ہیں۔

    اے پی نیوز کے مطابق ٹیلی ویژن پر نشر ہونے والی آگ کی ویڈیو میں کمیونٹی کے سیکڑوں افراد کو خوف و ہراس میں بھاگتے ہوئے دکھایا گیا، جب کہ سیاہ دھویں اور نارنجی رنگ کے شعلوں نے آسمان کو چھپا دیا تھا، اور فائر فائٹرز آگ پر قابو پانے میں مصروف تھے۔

    شمالی جکارتا کے علاقے تانا میرا کے گنجان آباد علاقے میں موجود سرکاری کمپنی سے انڈونیشیا کی ضروریات کا 25 فی صد ایندھن سپلائی کیا جاتا ہے۔ حکام کا کہنا ہے کہ گودام میں آگ لگنے سے ملک میں ایندھن کی سپلائی متاثر نہیں ہوگی۔