ARYNews.tv | Urdu – Har Lamha Bakhabar

Tag: انڈیا

  • بھارتی خاتون نے زندگی بھر کی جمع پونجی راہول گاندھی کے نام کردی

    بھارتی خاتون نے زندگی بھر کی جمع پونجی راہول گاندھی کے نام کردی

    بھارت میں 85 سالہ خاتون نے اپنی زندگی بھر کی جمع پونجی کانگریس لیڈر راہول گاندھی کے نام کردی، بزرگ خاتون گاندھی خاندان کی قربانیوں کی معترف ہیں۔

    85 سالہ پشپا منجیال نے راہول گاندھی کے نظریات سے متاثر ہو کر اپنی عمر بھر کی جمع پونجی ان کے نام کرنے کا اعلان کر دیا ہے۔

    اس سلسلے میں پشپا منجیال نے باضابطہ طور پر ضلعی کورٹ میں وصیت نامہ بھی دے دیا ہے، سوموار کے روز انہوں نے سابق حزب مخالف لیڈر پریتم سنگھ کو بھی اپنا وصیت نامہ پیش کردیا۔

    پشپا منجیال کی جمع پونجی 50 لاکھ روپے اور 10 تولہ سونا ہے جسے انہوں نے راہول گاندھی کے نام کر دیا ہے، سونے کی موجودہ قیمت کم از کم 5 لاکھ روپے ہے۔

    بزرگ خاتون نے 40 لاکھ روپے کی ایف ڈی بھی راہول گاندھی کے نام کر دی ہے، وہ 5 ہزار روپے ماہانہ اولڈ ایج ہوم کا کرایہ بھی دیتی ہیں۔

    پشپا کا کہنا ہے کہ وہ راہول گاندھی کے نظریات سے بے حد متاثر ہیں، راہول گاندھی کے خاندان نے ملک کی آزادی سے لے کر آج تک ہمیشہ آگے بڑھ کر ملک کے لیے اپنی قربانیاں دی ہے۔

    انہوں نے کہا کہ اندرا گاندھی ہو یا راجیو گاندھی، انہوں نے اس ملک کے اتحاد اور سالمیت کے لیے اپنی جان قربان کر دی۔

  • مودی کی ناقد بھارتی مسلمان صحافی کو بیرون ملک جانے سے روک دیا گیا

    مودی کی ناقد بھارتی مسلمان صحافی کو بیرون ملک جانے سے روک دیا گیا

    نئی دہلی: بھارتی وزیر اعظم نریندر مودی اور ان کی پالیسیوں کی سخت ناقد مسلمان بھارتی صحافی رعنا ایوب کو بیرون ملک جانے سے روک دیا گیا، رعنا جرنلسٹ فیسٹول میں بھارتی جمہوریت پر ایک تقریر کرنے جارہی تھیں۔

    بھارتی صحافی اور وزیر اعظم نریندر موری کی ناقد رعنا ایوب کو جرنلسٹ فیسٹول میں شرکت کے لیے برطانیہ جانے سے روکنے پر سوشل میڈیا پر صارفین اور صحافتی تنظیمیں مودی حکومت پر تنقید کررہی ہیں اور مطالبہ کررہی ہیں کہ صحافی کے بیرون ملک سفر کرنے پر عائد پابندی کو ختم کیا جائے۔

    رعنا ایوب نے 29 مارچ کو اپنی ایک ٹویٹ میں لکھا تھا کہ انہیں ممبئی کے ایئرپورٹ پر سفر کرنے سے روکا گیا، وہ جرنلسٹ فیسٹول میں بھارتی جمہوریت پر ایک تقریر کرنے جارہی تھیں۔

    اس سے قبل انٹرنیشنل سینٹر فار جرنلسٹ نے ایک ٹویٹ میں لکھا تھا کہ وہ رعنا ایوب کو برطانیہ مدعو کر رہے ہیں اور وہ آن لائن تشدد پر ہونے والے ایک ایونٹ میں بات چیت کریں گی۔

    رعنا ایوب کو بیرون ملک سفر سے روکنے کو ایمنسٹی انٹرنیشنل نے صحافی کے حقوق کی خلاف ورزی قرار دیا ہے۔

    اپنے بیان میں ایمنسٹی انٹرنیشنل کا کہنا تھا کہ رعنا ایوب پر سفری پابندیاں بھارتی حکام کی جانب سے صحافیوں، سول سوسائٹی، انسانی حقوق کے کارکنان اور میڈیا اداروں کے حقوق کی خلاف ورزیوں کی فہرست میں تازہ اضافہ ہے۔

    سفری پابندیوں کے خلاف رعنا ایوب نے دہلی ہائی کورٹ میں پٹیشن دائر کر رکھی ہے جس کی سماعت کل متوقع ہے۔

    رعنا ایوب پر سفری پابندی کا حوالہ دیتے ہوئے اقوام متحدہ کے سابق مندوب ڈیوڈ کائے نے لکھا کہ میں کئی سالوں سے اقوام متحدہ کے لیے انسانی حقوق کی صورتحال کے مشاہدے کے لیے بھارت میں داخل ہونے کی کوشش کر رہا ہوں لیکن کوئی فائدہ نہیں ہوا۔، اب صحافی رعنا ایوب کو جانے سے روک دیا گیا ہے۔

    برطانوی نشریاتی ادارے کی صحافی میگھا موہن نے رعنا ایوب سے یکجہتی کا اظہار کرتے ہوئے کہا کہ صحافت جرم نہیں ہے۔

    واضح رہے کہ صحافی رعنا ایوب گجرات فائلز کی مصنف ہیں جس میں انہوں نے سنہ 2002 میں گجرات میں ہونے والے فسادات کے حوالے سے اس وقت کی بی جے پی حکومت کو مورد الزام ٹھہرایا تھا۔

  • فوڈ ڈلیوری رائیڈر کی موبائل فون چرانے کی ویڈیو وائرل

    فوڈ ڈلیوری رائیڈر کی موبائل فون چرانے کی ویڈیو وائرل

    بھارت میں ایک آن لائن فوڈ ڈلیوری کمپنی کے ملازم کی موبائل فون چرانے کی ویڈیو وائرل ہوگئی جس پر لوگوں نے تشویش کا اظہار کیا ہے۔

    مذکورہ ویڈیو بھارتی ریاست تامل ناڈو کے ایک ریستوران کی ہے جس میں دیکھا جاسکتا ہے کہ ڈلیوری کمپنی کا ملازم کھانے کی ڈیلیوری لینے کا انتظار کر رہا ہے۔

    اس دوران وہ ایک خالی میز پر آتا ہے جہاں ایک موبائل فون اور اخبارات رکھے ہیں، وہ فون کو چھپانے کے لیے اخبار سے اسے ڈھک دیتا ہے۔

    اس کے تھوڑی دیر بعد فون اٹھا کر اپنی جیب میں ڈال لیتا ہے، اور بعد ازاں وہاں سے چلا جاتا ہے۔

    دن گزرنے کے بعد جب ریستوران کے مالک نے سی سی ٹی وی فوٹیج دیکھی تو اسے اس چوری کا علم ہوا۔

    ویڈیو سوشل میڈیا پر تیزی سے وائرل ہورہی ہے اور لوگوں کا کہنا ہے کہ انہیں اب آن لائن فوڈ ڈلیوری رائیڈرز سے اپنی ذاتی اشیا کے حوالے سے محتاط رہنا ہوگا۔

  • بھارت میں کئی سال سے قید 6 پاکستانی ماہی گیر رہا

    بھارت میں کئی سال سے قید 6 پاکستانی ماہی گیر رہا

    کراچی: بھارت میں کئی سال سے قید 6 پاکستانی ماہی گیر رہا کردیے گئے، ٹھٹھہ کے رہائشی ماہی گیر کراچی پہنچ گئے۔

    تفصیلات کے مطابق بھارت نے 6 ماہی گیروں کو پاکستان کے حوالے کردیا، حکومت پاکستان نے 6 ماہی گیروں کو ایدھی ویلفیئر کو دے دیا۔

    واہگہ بارڈر سے ایدھی ایمبولینس کی ٹیم ماہی گیروں کو کراچی لے کر آئی۔

    ایدھی ویلفیئر کے مطابق بھارت میں کئی سال سے قید ماہی گیر ٹھٹھہ کے رہائشی ہیں، ماہی گیروں میں علی حسن، علی اکبر، علی نواز اور وزیر علی اور حمزہ شامل ہیں۔

    ایدھی ویلفیئر کا کہنا ہے کہ بھارت میں قید ماہی گیر 2 روز قبل رہا ہوئے تھے۔

  • بیوی کے کھانا نہ پکانے پر پولیس کو شکایت کرنے پر شوہر گرفتار

    بیوی کے کھانا نہ پکانے پر پولیس کو شکایت کرنے پر شوہر گرفتار

    نئی دہلی: بھارت میں ایک شخص نے پولیس کو بار بار فون کر کے بیوی کی شکایت کی کہ وہ کھانا نہیں پکا رہی جس کے بعد پولیس نے اس شخص کو گرفتار کرلیا۔

    بھارتی میڈیا رپورٹ کے مطابق بھارتی ریاست تلنگانہ کی پولیس نے نوین نامی شخص کو پولیس ہیلپ لائن پر بار بار فون کر کے بیوی کی شکایت کرنے پر گرفتار کر لیا ہے۔

    بھارتی میڈیا کا کہنا ہے کہ شہری نے جمعے کی رات کو ہولی کے تہوار کے موقع پر بیوی کی جانب سے بکرے کا گوشت نہ بنانے کی وجہ سے پولیس کے ایمرجنسی نمبر پر ایک دو نہیں بلکہ 6 مرتبہ کال کر کے شکایت کی جس پر پولیس نے تنگ آکر اس شخص کو ہی گرفتار کر لیا۔

    پولیس کا کہنا ہے کہ ابتدا میں اسے مذاق کال سمجھ کر نظر انداز کیا گیا لیکن جب نوین نے مسلسل کالز کر کے اپنی بیوی کے خلاف شکایت درج کرنے کا کہا تو پولیس افسر نے اپنے اعلیٰ افسران کو اطلاع دی جس پر انہوں نے اس شخص کو گرفتار کرنے کا فیصلہ کر لیا۔

    پولیس نے بتایا کہ نوین جمعہ کی رات نشے میں گھر واپس آیا تھا اور وہ اپنے ساتھ مٹن لایا تھا اور چاہتا تھا کہ اس کی بیوی اسے پکائے، تاہم بیوی اس کی شراب نوشی جیسی بری عادتوں سے تنگ تھی اس لیے اس نے شوہر کی بات ماننے سے انکار کر دیا جس کے بعد اس شخص نے پولیس کو کالز کر کے پریشان کر دیا۔

    بھارتی میڈیا کے مطابق مذکورہ شخص کے خلاف انڈین پینل کورٹ (آئی پی سی) کی دفعہ 290 ( پریشان کرنے) اور 510 (نشے کی حالت میں بدتمیزی) کرنے کے تحت مقدمہ درج کیا گیا ہے۔

  • ہولی کی خوشی میں رقص کرتے نوجوان نے خود کو خنجر سے مار ڈالا

    ہولی کی خوشی میں رقص کرتے نوجوان نے خود کو خنجر سے مار ڈالا

    نئی دہلی: بھارت میں ایک نوجوان نے رقص کرتے کرتے خود کو خنجر مار کر شدید زخمی کرلیا، بعد ازاں اس کی موت واقع ہوگئی۔

    بھارتی میڈیا کے مطابق یہ واقعہ اندور میں پیش آیا جب ایک نوجوان نے ہولی کے تہوار کی خوشی میں ڈانس کرتے ہوئے اپنے ہی سینے میں خنجر مار کر خود کو ہلاک کرلیا۔

    38 سالہ نوجوان گوپال سولنکی نے اپنے دوستوں کے ساتھ ڈانس کرتے ہوئے غلطی سے خود کو زخمی کر لیا۔

    پولیس کے مطابق نوجوان نشے کی حالت میں تھا، ڈانس کرتے ہوئے خنجر اس کے ہاتھ میں تھا اور ایک اسٹنٹ کرنے کی کوشش میں اس نے خنجر خود کو مارا۔

    اس واقعے کی ویڈیو بھی سوشل میڈیا پر وائرل ہورہی ہے جس میں یہ سارا منظر دیکھا جا سکتا ہے۔

    ویڈیو میں ایک گانے کی دھن پر گوپال کو اپنے دوستوں کے ساتھ ڈانس کرتے دیکھا جا سکتا ہے جہاں ایک موقع پر وہ اپنے ہی سینے پر خنجر سے چار مرتبہ وار کرتا نظر آتا ہے۔

    پولیس کے مطابق نوجوان کے دوست اور رشتہ دار اسے فوری طور پر قریبی اسپتال لے گئے، لیکن ڈاکٹر نے اسے مردہ قرار دے دیا۔

  • پیسوں کی عدم ادائیگی پر رنبیر کپور کی فلم کے سیٹ پر حملہ

    پیسوں کی عدم ادائیگی پر رنبیر کپور کی فلم کے سیٹ پر حملہ

    نئی دہلی: بھارتی اداکار رنبیر کپور کی فلم کے سیٹ پر انڈسٹری کے کچھ ورکرز نے حملہ کردیا، ان کا کہنا ہے کہ انہیں ان کی رقم کی ادائیگی نہیں کی گئی۔

    بھارتی میڈیا کے مطابق ممبئی کے علاقے گڑ گاؤں میں سوا کروڑ روپے کی عدم ادائیگی پر ورکرز نے زیر تکمیل فلم لو رنجن کے سیٹ پر چڑھائی کردی۔

    بھارتی میڈیا کا کہنا ہے کہ 350 سے زائد ورکرز نے رنیبر کپور اور شردھا کپور کی فلم کے سیٹ پر اس وقت حملہ کردیا جب وہاں فلم کی شوٹنگ جاری تھی۔

    سیٹ پر حملہ کرنے والے ورکرز کا کہنا تھا کہ انہوں نے گزشتہ سال اکتوبر میں فلم کے ایک گانے میں کام کیا تھا تاہم پروڈیوسر کی جانب سے ان کے سوا کروڑ روپے کے واجبات تاحال ادا نہیں کیے گئے اور انہیں پیسوں کے لیے گزشتہ 6 ماہ سے ٹرخایا جا رہا ہے۔

    بعد ازاں پولیس سیٹ پر حملہ کرنے والے افراد کو گرفتار کرکے تھانے لے گئی تاہم ان کی ایسوسی ایشن کی مداخلت پر تمام افراد کو رہا کردیا گیا۔

    فلم کے پروڈیوسر دیبنکر داس گپتا نے میڈیا کو بتایا کہ سیٹ پر حملہ کرنے میں ایک نجی کمپنی ہائپر لنک کے جے شنکر اور گوتم ملوث ہیں۔

    انہوں نے کہا کہ ہم نے ہائپر لنک نامی کمپنی کے جے شنکر اور گوتم کے ساتھ معاہدہ کیا تھا لیکن ان دونوں افراد نے مذکورہ پراجیکٹ کو میرے علم میں لائے بنا ہی آگے کسی اور کو آؤٹ سورس کردیا۔

    بعد میں انہوں نے مجھے کہا کہ ان کے بجٹ میں ایک کروڑ 22 لاکھ روپے اضافہ ہوگیا ہے لہذا اس کی بھی ادائیگی کی جائے۔

    پروڈیوسر کے مطابق سوچنے کی بات یہ ہے کہ آپ کا بجٹ سوا کروڑ اضافی ہوگیا ہو اور جس کے ساتھ معاہدہ کیا ہے اسے اس بات کا بتایا ہی نہیں جائے؟ لہٰذا ان کا مزید پیسوں کی ادائیگی کا مطالبہ غیر منطقی اور بے بنیاد ہے۔

  • کوہلی بھی پشپا کے دیوانے نکلے

    کوہلی بھی پشپا کے دیوانے نکلے

    نئی دہلی: بھارتی کرکٹر ویراٹ کوہلی بھی تیلگو زبان میں بننے والی بھارتی فلم کے کردار پشپا کے دیوانے نظر آتے ہیں۔

    حال ہی میں سری لنکا سے ٹیسٹ میچ کے دوران ایک موقع پر کوہلی پشپا کا انداز اپناتے ہوئے دکھائی دیے جس میں وہ اپنے ہاتھ کی پشت تھوڑی پر پھیر رہے ہیں، ان کی ویڈیو سوشل میڈیا پر وائرل ہوگئی۔

    ان کے اس انداز سے مداح نہایت محظوظ ہوئے اور مختلف تبصرے کیے۔

    دوسری جانب پہلے ٹیسٹ میں بھارت نے سری لنکا کو ایک اننگز اور 222 رنز سے شکست دی ہے، 2 ٹیسٹ میچز کی سیریز میں بھارت نے برتری حاصل کی ہے۔

    دوسرا ٹیسٹ بنگلور میں 12 سے 16 مارچ تک کھیلا جائے گا۔

  • بھارتی اداکارہ جنسی زیادتی کے بعد ملزمان کے خلاف اٹھ کھڑی ہوئیں

    بھارتی اداکارہ جنسی زیادتی کے بعد ملزمان کے خلاف اٹھ کھڑی ہوئیں

    نئی دہلی: ملیالم فلموں کی اداکارہ بھاونا مینن 5 سال قبل اپنے ساتھ ہونے والی جنسی زیادتی کے بعد بول اٹھیں اور ملزمان کے خلاف جنگ لڑنے کا اعلان کردیا۔

    بھارتی اداکارہ بھاونا نے انکشاف کیا ہے کہ پانچ سال قبل انہیں جنسی زیادتی کا نشانہ بنایا گیا، جس کے بعد وہ برباد ہوگئیں اور اب اپنا کھویا ہوا وقار واپس چاہتی ہیں۔

    ایک نجی یوٹیوب چینل کو دیے گئے ایک لائیو انٹرویو میں نامور اداکارہ نے اپنی 5 سالہ خاموشی ختم کرتے ہوئے کہا کہ وہ نتائج کے بارے میں سوچے بغیر ایک مضبوط جنگ لڑیں گی۔

    ملیالم، تامل، کنڑ اور تیلگو فلموں میں نمایاں کردار ادا کرنے والی اداکارہ نے کہا کہ ان کے خاندان بشمول ان کے شوہر، قریبی رشتہ داروں، دوستوں اور دیگر لوگوں نے اس تکلیف دہ دور میں ان کا بھرپور ساتھ دیا۔

    انہوں نے مزید کہا کہ یہ سراسر قوت ارادی تھی جس نے انہیں مستحکم رکھا، وہ اپنے خاندان اور دوستوں کی طرف سے بھرپور حمایت کے باوجود خود کو تنہا محسوس کرتی ہیں۔

    بھاونا نے بتایا کہ کس طرح وہ سنہ 2020 میں 15 دن صبح سے شام تک کمرہ عدالت میں رہیں، ہر بار جب کسی وکیل نے ان سے جرح اور پوچھ گچھ کی تو انہیں ثابت کرنا تھا کہ وہ بے قصور ہیں۔

    انہوں نے بتایا کہ اس تکلیف دہ واقعے کے بعد ملزمان سوشل میڈیا پر ان کی توہین کرتے رہے، واقعے کے بعد انہیں ملیالم فلم انڈسٹری میں کام دینے سے بھی انکار کر دیا گیا تھا۔

    اداکارہ کو 2017 میں اس وقت اغوا کیا گیا تھا جب وہ شوٹنگ سے گھر واپس آرہی تھیں، اور انہیں گینگ ریپ کا نشانہ بنایا گیا۔

    یہ واقعہ اس وقت ایک بڑے تنازعے میں بدل گیا جب مرکزی ملزم پلسر سنیل نے انکشاف کیا کہ اس حملے کے پیچھے مقبول ملیالم اداکار دلیپ کا ہاتھ تھا، دلیپ کو گرفتار کر لیا گیا تھا اور اب وہ ضمانت پر ہے۔

  • ٹرین سے کٹ کر دو حصوں میں تقسیم ہوجانے والا شخص باتیں کرتا رہا، ہولناک واقعہ

    ٹرین سے کٹ کر دو حصوں میں تقسیم ہوجانے والا شخص باتیں کرتا رہا، ہولناک واقعہ

    نئی دہلی: بھارت میں ایک ہولناک واقعے کی ویڈیو سوشل میڈیا پر وائرل ہوگئی جس میں ایک شخص نے ریلوے ٹریک پر لیٹ کر اپنی جان دے دی، مذکورہ شخص کا جسم کٹ کر دو حصوں میں تقسیم ہوگیا اس کے باوجود وہ کئی دیر تک زندہ رہا اور باتیں کرتا رہا۔

    بھارتی میڈیا کے مطابق کانپور میں پیش آنے والے اس اندوہناک واقعے میں ریلوے کا ملازم خاندان میں ہونے والی ایک شادی میں شرکت کرنا چاہتا تھا، تاہم اسے چھٹی نہیں ملی جس کے بعد وہ دلبرداشتہ ہو کر ٹرین کی پٹری پر لیٹ گیا۔

    ٹرین اس کے اوپر سے گزرنے کے بعد اس کا جسم کٹ کر دو حصوں میں تقسیم ہوگیا تاہم اس کے باوجود وہ پرسکون دکھائی دے رہا ہے اور بات چیت کر رہا ہے۔

    موقع پر موجود افراد نے اس ہولناک منظر کی ویڈیو بھی بنا لی، ریلوے ملازم کی کمر کے اوپر کا حصہ دونوں ٹریکس کے درمیان میں اور پیر کا حصہ ٹریک کے باہر تھا۔

    ٹرین سے کٹنے کے کچھ دیر بعد تک وہ باتیں کرتا رہا، پھر رفتہ رفتہ اس کی آنکھیں بند ہوگئیں اور اس کی موت واقع ہوگئی۔

    حکام کا کہنا ہے کہ ریلوے ملازم کا نام رمیش کمار تھا اور وہ اٹاوہ کا رہنے والا تھا۔