ARYNews.tv | Urdu – Har Lamha Bakhabar

Tag: انڈیا

  • کشمیری نوجوانوں کو کیوں پناہ دی؟ بھارت کی نوجوان خاتون صحافی کو دھمکیاں

    کشمیری نوجوانوں کو کیوں پناہ دی؟ بھارت کی نوجوان خاتون صحافی کو دھمکیاں

    نئی دہلی: پلوامہ حملے کے بعد بھارت میں کشمیری نوجوانوں کو پناہ دینے والی نوجوان خاتون ہندو صحافی کو بھارتی انتہا پسندوں کی جانب سے دھمکیاں ملنے لگیں۔

    تفصیلات کے مطابق بھارتی انتہا پسندوں کو ایک انڈین خاتون صحافی پر اس بات پر غصہ ہے کہ اس نے کشمیریوں کو دہلی میں پناہ کیوں دی؟

    26 سال کی ساگریکا کو شدت پسند بھارتیوں کی جانب سے سوشل میڈیا پر بد تمیزی اور بد زبانی کا سامنا ہے۔

    خاتون صحافی نے نئی دہلی میں 18 کشمیریوں کو پناہ دی تھی، جس پر اب ساگریکا کو دھمکیاں دے کر ہراساں کیا جا رہا ہے۔

    خاتون صحافی کے عمل سے سامنے آیا ہے کہ کشمیریوں پر انتہا پسند ہندوؤں کی جانب سے مظالم پر انسان دوست ہندوؤں کے دل بھی دکھنے لگے ہیں۔

    یہ بھی پڑھیں:  لکھنؤ میں کشمیریوں پر تشدد، بھارتی صحافی نے انتہا پسندوں کو غدار قرار دے دیا

    دہلی میں مقیم ہندو خاتون صحافی ساگریکا کسو نے مظلوم کشمیریوں کی مدد کا اعلان تو کر دیا مگر یہ رحم دلی ان کے لیے مصیبت بن چکی ہے۔

    انتہا پسند ہندوؤں نے سوشل میڈیا پر ساگریکا کے ساتھ بد تمیزی کا طوفان اٹھا دیا، جموں کے پنڈت گھرانے کی ساگریکا نے 16 فروری کو ٹویٹ کیا تھا کہ اگر کوئی کشمیری دہلی میں مشکلات کا شکار ہے تو ان کے گھر کے دروازے کھلے ہیں۔

    ساگریکا نے کہا تھا کہ وہ 9 سے 10 افراد کو اپنے گھر میں رکھ سکتی ہے، تاہم ساگریکا کے ٹویٹ پر 18 کشمیری طالب علموں نے ان سے رابطہ کیا، جس پر ساگریکا نے ان کی رہایش اور ٹرانسپورٹ کا انتظام کیا۔

  • تحریکِ آزادیٔ کشمیر کو دنیا بھر میں اجاگر کرنے کا وقت آ گیا ہے: وزیر اعظم آزاد کشمیر

    تحریکِ آزادیٔ کشمیر کو دنیا بھر میں اجاگر کرنے کا وقت آ گیا ہے: وزیر اعظم آزاد کشمیر

    اسلام آباد: وزیرِ اعظم آزاد کشمیر فاروق حیدر نے مسئلہ کشمیر کو ڈیڑھ کروڑ عوام کی زندگی اور موت کا مسئلہ قرار دیتے ہوئے کہا ہے کہ تحریکِ آزادیٔ کشمیر کو دنیا بھر میں اجاگر کرنے کا وقت آ گیا ہے۔

    تفصیلات کے مطابق آزاد کشمیر کے وزیرِ اعظم فاروق حیدر نے کہا ہے کہ مسئلہ کشمیر ڈیڑھ کروڑ عوام کی زندگی اور موت کا مسئلہ ہے، وقت آ گیا ہے کہ کشمیر کی آزادی کی جدوجہد کو دنیا بھر میں اجاگر کیا جائے۔

    وزیرِ اعظم آزاد کشمیر نے کہا کہ پاکستان ہمارا ہم درد اور دنیا میں ہمارا اکلوتا وکیل ہے، دنیا سمجھے کہ پاک بھارت کشیدگی کی بنیاد مسئلہ کشمیر ہے۔

    فاروق حیدر کا کہنا تھا کہ مسئلہ کشمیر کا حل سہ فریقی مذاکرات کے مطابق ممکن ہے، پاکستان محفوظ تو تحریک آزادی بھی مضبوط ہے۔

    یہ بھی پڑھیں:  مودی حکومت کا مقبوضہ کشمیر کے اخبارات کے خلاف کریک ڈاؤن

    انھوں نے کہا کہ موجودہ حالات میں کشمیری قیادت متفقہ لائحہ عمل طے کرے گی، پاکستان اور تحریک آزادی کشمیر کے مفاد میں ہمیں اکٹھے ہونا ہے۔

    یاد رہے کہ مودی حکومت کی ایما پر مقبوضہ کشمیر سے چھپنے والے اخبارات کے خلاف بھی کٹھ پتلی انتظامیہ نے کریک ڈاؤن شروع کر دیا گیا ہے، ان اخبارات نے وادی میں بھارتی افواج کے مظالم پر خاموش رہنے سے انکار کر دیا تھا۔

  • بھارت میں عام انتخابات کا آغاز 11 اپریل سے ہوگا، شیڈول جاری

    بھارت میں عام انتخابات کا آغاز 11 اپریل سے ہوگا، شیڈول جاری

    نئی دہلی: پڑوسی ملک بھارت میں عام انتخابات کا آغاز 11 اپریل سے ہوگا، بھارتی الیکشن کمیشن نے لوک سبھا کے انتخابات کا شیڈول جاری کر دیا۔

    تفصیلات کے مطابق بھارتی الیکشن کمیشن نے عام انتخابات کا شیڈول جاری کر دیا ہے، عام انتخابات 11 اپریل سے 19 مئی تک سات مرحلوں میں منعقد ہوں گے۔

    بھارتی الیکشن کمیشن کے اعلان کے مطابق ووٹوں کی گنتی 23 مئی کو کی جائے گی۔

    انڈین میڈیا رپورٹس کے مطابق عام انتخابات میں 543 نشستوں پر مقابلہ ہوگا، جب کہ 900 ملین ووٹرز اپنا حقِ رائے دہی استعمال کریں گے۔

    کہا جا رہا ہے کہ اس بار بھارتی عام انتخابات میں نوجوانوں کا بڑا کردار ہوگا، کیوں کہ نو سو ملین ووٹرز میں سے 15 ملین ووٹرز کی عمریں 18 سے 19 برس ہیں۔

    یہ بھی پڑھیں:  بھارتی الیکشن کمیشن نے انتخابی مہم میں فوجیوں کی تصاویر پر پابندی لگادی

    بھارتی الیکشن کمیشن کے شیڈول کے مطابق انتخابات کا پہلا مرحلہ 11 اپریل، دوسرا 18 اپریل، تیسرا 23 اپریل، چوتھا 29 اپریل، پانچواں 6 مئی، چھٹا 12 مئی اور ساتواں مرحلہ 19 مئی کو ہوگا جب کہ 23 مئی کو نتائج کا اعلان کیا جائے گا۔

    اپنے مضبوط علاقوں راجھستان اور چھتیس گڑھ میں حال ہی میں شکست کا منہ دیکھنے والی مودی کی جماعت بی جے پی کو پاکستان کے ساتھ جنگ کا ماحول بنانے کی شاطرانہ چال بھی مہنگی پڑنے کا بھرپور امکان ہے۔

    خیال رہے کہ بھارتی الیکشن کمیشن نے سیاسی جماعتوں کو اپنی الیکشن مہم میں فوجیوں کی تصاویر کے استعمال سے روک دیا ہے، وزارتِ دفاع اور سابق نیول چیف کی جانب سے توجہ دلانے پر نوٹی فکیشن جاری کیا گیا۔

  • بھارتی شہرراج کوٹ میں موبائل گیم ’پب جی‘ پرپابندی عائد

    بھارتی شہرراج کوٹ میں موبائل گیم ’پب جی‘ پرپابندی عائد

    پب جی کے نام سے مشہور ’پلیئرز ان نون بیٹل گراؤنڈ نامی گیم پربھارت کے شہر راج کوٹ میں پابندی عائد کردی گئی، گیم کے دنیا بھر میں تین کروڑ صارفین موجود ہیں۔

    پب جی گیم ان دنوں اپنی شہرت کی انتہاؤں کو چھور ہا ہے ، جنوب کوریائی کمپنی کا بنایا یہ گیم موبائل پر کھیلا جاتا ہے اور ماہرین کا کہنا ہے کہ یہ آہستہ آہستہ کھیلنے والے کو اپنا عادی بنا لیتا ہے۔

    بھارتی شہر راج کوٹ پولیس کے کمشنر منوج اگروال نے اس گیم پر پابندی عائد کرنے کا اعلان کرتے ہوئے کہا ہے کہ یہ پابندی 9 مارچ سے 30 اپریل تک عائد رہے گی۔

    پابندی کا فیصلہ اس گیم کے سبب پیش آنے والے سانحات ہیں جن کا گزشتہ دنوں سوشل میڈیا پر خوب چرچا رہا ہے۔

    گزشتہ دنوں بھارتی مقبوضہ کشمیر کے علاقے جموں کے ایک ٹرینر نے گیم میں ناکامی کے بعد خود کو نقصان پہنچایا ، ایک اور واقعے میں ایک نوجوان نے صرف اس لیے خود کشی کرلی کہ اس کے والد نے اسے پب جی کھیلنےکے لیے موبائل خرید کرنہیں دیا تھا تھا۔

    بھارتی والدین نے اس گیم پر اپنے شدید تحفظات کا اظہار کیا تھا۔ ایک والدہ نے تو بھارتی وزیر اعظم نریندر مودی سے براہ راست اس گیم پر پابندی کا مطالبہ بھی کیا تھا۔ والدین کا کہنا ہے کہ یہ گیم ان کے بچوں کو اپنا عادی بنا رہا ہے، اور وہ جارح مزاج کے ہوتے جارہے ہیں۔

    پابندی لگنے کے بعد یہ گیم بھارتی حکومت کے قانون کے ایکٹ انڈر 188 کے تحت آ جائے جس کے مطابق کوئی بھی شخص اس گیم کو کھیلنے والے شخص کی شکایت کرسکتا ہے اور گیم کھیلنے میں ملوث شخص کو سزا بھی ہوسکتی ہے۔

    اس سے پہلے بھارتی شہر سورت میں بھی پب جی پر پابندی لگائی جاچکی ہے جو کہ 14 مارچ سے نافذ العمل ہوگی۔ گجرات کی حکومت نے وفاق کو اس موبائل ایپ پر مکمل پابندی عائد کرنے کے لیے خط لکھا ہوا ہے۔

    پب جی پر ابھرتے ہوئے تحفظات کے پیش نظر گیم بنانے والی کمپنی نے اپنے موقف میں کہا ہے کہ اپنے گیم کو مزید ذمہ دار بنانے کے لئے والدین، ماہرین تعلیم اور حکومت کے ساتھ مل کر کام کررہے ہیں۔ اس وقت اس گیم کے دنیا بھر میں تین کروڑ صارفین موجود ہیں۔

    یاد رہےکہ ماضی میں بلیو وہیل اور مومو نامی گیم بھی شہریوں کی اموت کا سبب بن چکے ہیں ۔ پب جی اپنی ساخت میں ان گیموں سے الگ گیم ہے لیکن اس کے منفی اثرات واضح طور پر سامنے آرہے ہیں۔

  • را اور افغان خفیہ ایجنسی این ڈی ایس کی پاکستان کے خلاف منصوبہ بندی کا انکشاف

    را اور افغان خفیہ ایجنسی این ڈی ایس کی پاکستان کے خلاف منصوبہ بندی کا انکشاف

    اسلام آباد: پاکستان دشمنوں کی جانب سے افغانستان میں منصوبہ بندی کا انکشاف ہوا ہے، بھارتی خفیہ ایجنسی را نے افغان خفیہ ایجنسی این ڈی ایس سے مدد مانگ لی۔

    ذرایع کے مطابق پاکستان کی مختلف محاذوں پر زبردست کام یابیوں سے خائف دشمن سر جوڑ کر بیٹھ گئے ہیں، بھارتی خفیہ ایجنسی کو پاکستان کے خلاف افغان خفیہ ایجنسی سے مدد مانگنی پڑ گئی۔

    [bs-quote quote=”پاکستانی جیٹ گرانے کے لیے را نے افغان خفیہ ایجنسی این ڈی ایس سے مدد مانگ لی۔” style=”style-8″ align=”left” author_name=”ذرایع”][/bs-quote]

    ذرایع کا کہنا ہے کہ بھارتی خفیہ ایجنسی را اور افغان خفیہ ایجنسی این ڈی ایس کی منصوبہ بندی بے نقاب ہو گئی ہے۔

    پاکستانی شاہینوں کے ہاتھوں بھارت کے دو طیاروں کی تباہی اور او آئی سی محاذ پر زبردست نا کامی کے بعد بھارت نے اپنی ہزیمت کے احساس سے نجات کے لیے ایک اور سازش تیار کر لی۔

    را نے این ڈی ایس سے مدد کی درخواست کی ہے کہ کسی بھی طریقے سے پاکستان کا ایک جیٹ گرایا جائے، اس سلسلے میں پشاور، سمگلی یا کسی اور بیس سے جہاز پرواز کرتے یا اترتے وقت نشانہ بنانے کا منصوبہ بنایا گیا۔

    یہ بھی پڑھیں:  بھارتی طیارے مار گرانے والے پائلٹس کو قومی اسمبلی میں خراج تحسین، قومی ہیروز قرار

    ذرایع کا کہنا ہے کہ پاکستان میں تنصیبات کو نشانہ بنانے کے لیے افغانستان سے دہشت گرد بھیجنے کا بھی منصوبہ بنایا گیا۔

    یاد رہے کہ 27 فروری کو بھارتی فضائیہ کے طیارے پاکستانی حدود میں داخل ہو کر دوسری مرتبہ دراندازی کے مرتکب ہوئے، تاہم اس بار پاک فضائیہ کے شاہینوں نے انھیں واپس جانے کی مہلت نہیں دی اور دو طیارے مار گرائے، جن میں سے ایک آزاد کشمیر اور دوسرا مقبوضہ کشمیر میں گرا، اور ایک بھارتی پائلٹ بھی زندہ پکڑا گیا۔

  • پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے

    پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے

    یوپی: پاکستان کے خلاف زہر افشانی کرنے والے بی جے پی رہنما آپس ہی میں لڑ پڑے، ویڈیو  وائرل ہوگئی۔

    تفصیلات کے مطابق پاکستانی قوم کو تقسیم کرنے کے لیے ساز شیں‌ کرنے والی انتہا پسند بھارتی جماعت بی جے پی کے سینئر رہنما اجلاس میں‌ گتھم گتھا ہوگئے.

    صورت حال اتنی بگڑ گئی کہ رہنماؤں نے ایک دوسرے کے گریبان پکڑ لیے اور ایک دوسرے پر جوتے برساتے رہے.

    جھگڑے کا آغاز اس وقت ہوا، جب بی جے پی کے رکن قومی اسمبلی شرد ترپاٹی نے پارٹی کے مقامی رہنما راکیش بگھل کو جوتا دے مارا.

    موصولہ اطلاعات کے مطابق رکن قومی اسمبلی اس بات پر آگ بگولا ہوگئے تھے کہ افتتاحی پلیٹ سے ان کا نام حذف کر دیا گیا ہے۔

    جلد ہی واقعے کی ویڈیو وائرل ہوگئی اور سوشل میڈیا پر ٹریند بن گئی. ویڈیو کے باعث بی جے پی یوپی کی خاصی سبکی ہوئی، جماعت نے تحقیقات کا حکم دیا ہے.

    مزید پڑھیں: عالمی میڈیا نے بھارتی میڈیا کو جھوٹ بولنے میں نمبرون قرار دے دیاا.

    خیال رہے کہ پلوامہ حملے کے بعد سے بھارتی حکومت اور میڈیا پاکستان کے خلاف نفرت انگیز پروپیگنڈا کر رہا ہے، اس کے برعکس پاکستانی میڈیا نے معتدل رویہ اختیار کیا، جس کی تعریف ڈی جی آئی ایس پی آر نے بھی کی.

  • شاکر اللہ قتل کا معاملہ، پاکستان بھارتی جیل سپرنٹنڈنٹ کے خلاف مقدمہ درج کرے گا

    شاکر اللہ قتل کا معاملہ، پاکستان بھارتی جیل سپرنٹنڈنٹ کے خلاف مقدمہ درج کرے گا

    اسلام آباد: پاکستان نے شاکر  اللہ قتل معاملے میں بھارتی جیل سپرنٹنڈنٹ کے خلاف مقدمہ درج کرنے کا فیصلہ کیا ہے.

    ان خیالات کا اظہار سینیٹ میں وزیر انسانی حقوق شیریں مزاری نے کیا، ان کا کہنا تھا کہ جوڈیشل کمیٹی کوفعال بنانےکی ضرورت ہے، ہم بھارتی ماہی گیروں کی دیکھ بھال کرتے ہیں، تو بھارت بھی کرے.

    [bs-quote quote=” ضرورت پڑی تومعاملہ عالمی عدالت انصاف میں لےجائیں گے” style=”style-8″ align=”left” author_name=”شیریں مزاری”][/bs-quote]

    شیریں مزاری نے کہا کہ شاکراللہ کے معاملے کو بہت سنجیدگی سے لیا ہے، شاکراللہ کا پوسٹ مارٹم کیا ہے اورمقدمہ درج کریں گے.

    وفاقی وزیر کا کہنا تھا کہ پاکستانی قوانین کے مطابق جیل سپرنٹنڈنٹ کے خلاف مقدمہ ہوگا، ضرورت پڑی تومعاملہ عالمی عدالت انصاف میں لےجائیں گے.

    یاد رہے کہ 4 مارچ 2019 کو سینیٹ میں خطاب کرتے ہوئے شیریں مزاری نے کہا تھا کہ پاکستانی شہری شاکر اللہ کے بھارتی جیل میں قتل پر خاموش نہیں رہیں گے.

    مزید پڑھیں: بھارتی جیل میں شاکراللہ کے قتل کا معاملہ عالمی سطح پراٹھائیں گے: شیریں مزاری

    وزیرانسانی حقوق شیریں مزاری نے کہا کہ پاکستانی شہری شاکراللہ پر بھارت میں تشدد اور قتل پر خاموش نہیں رہ سکتے، یہ عمل ظالمانہ ہے۔

    یاد رہے کہ پلوامہ حملے کے بعد بھارتی میں پاکستان دشمنی عروج پر پہنچ گئی تھی۔ واقعے کے بعد بھارتی جیل میں قید شاکر اللہ کو جیل انتظامیہ کی سرپرستی میں دیگر قیدیوں نے تشدد کرکے قتل کر دیا۔

  • کرتارپور راہداری: پاکستانی وفد بات چیت کے لیے 14 مارچ کو نئی دہلی جائے گا

    کرتارپور راہداری: پاکستانی وفد بات چیت کے لیے 14 مارچ کو نئی دہلی جائے گا

    اسلام آباد: کرتارپور راہ داری پر بات چیت کے لیے پاکستانی وفد 14 مارچ کو نئی دہلی جائے گا، بھارتی وفد بعد میں پاکستان کا دورہ کرے گا۔

    تفصیلات کے مطابق پاکستان اور بھارت کے مابین کارتارپور کوریڈور کے سلسلے میں وفود کے تبادلے پر اتفاق ہو گیا ہے، پاکستانی وفد رواں ماہ 14 تاریخ کو بھارت جائے گا۔

    [bs-quote quote=”پاکستان ملٹری آپریشن ڈائریکٹریٹ لیول پر بھی ہفتہ وار رابطہ جاری رکھنے کے لیے پُر عزم ہے۔” style=”style-8″ align=”left” author_name=”ترجمان دفتر خارجہ”][/bs-quote]

    ترجمان دفتر خارجہ نے بتایا کہ پاکستان کے وفد کے بعد بھارتی وفد 28 مارچ کو پاکستان آئے گا۔

    اسلام آباد میں ترجمان دفترِ خارجہ نے بتایا کہ قائم مقام بھارتی ہائی کمشنر دفتر خارجہ آئے تھے، بھارتی قائم قام ہائی کمشنر کو مدعو کر کے فیصلے سے آگاہ کیا گیا۔

    ترجمان کا کہنا تھا کہ پاکستان ملٹری آپریشن ڈائریکٹریٹ لیول پر بھی ہفتہ وار رابطہ جاری رکھنے کے لیے پُر عزم ہے، پاکستان نے نئی دہلی میں اپنے ہائی کمشنر سہیل محمود کو بھی واپس بھیجنے کا فیصلہ کیا ہے۔

    یہ بھی پڑھیں:  بھارت کے ساتھ تناؤ سے افغان امن کی کوششوں پراثرات پڑسکتے ہیں: ملیحہ لودھی

    خیال رہے کہ ہائی کمشنر سہیل محمود پاک بھارت کشیدگی پر مشاورت کے لیے کئی روز سے اسلام آباد میں ہیں۔

    یاد رہے کہ 7 فروری کو پاکستان نے کرتارپور راہ داری کے سلسلے میں ایک بار پھر کوشش کرتے ہوئے پڑوسی ملک کو مذاکرات کے لیے 2 تاریخیں دے دی تھیں، جس کا جواب بھارت کی جانب سے مثبت آیا تھا۔

    دفترِ خارجہ کے ترجمان نے بتایا تھا کہ پاکستانی وفد 13 مارچ کو بھارت کا دورہ کر سکتا ہے، جب کہ دو طرفہ بنیاد پر بھارتی وفد 28 مارچ کو پاکستان کا دورہ کرے۔

  • آپ دہشت گرد اکھاڑنے گئے تھے یا درخت؟ سدھو کا مودی سے چھبتا ہوا سوال

    آپ دہشت گرد اکھاڑنے گئے تھے یا درخت؟ سدھو کا مودی سے چھبتا ہوا سوال

    نئی دہلی: بھارت کے سابق کرکٹر اور سیاست دان نوجوت سنگھ سدھو نے ایک بار پھر وزیرِ اعظم نریندر مودی سے سوال کر کے ان کا مضحکہ اڑایا ہے۔

    تفصیلات کے مطابق پاکستانی وزیرِ اعظم عمران خان کو پسند کرنے والے بھارتی سیاست دان نوجوت سنگھ سدھو نے ٹویٹ کر کے مودی سے پوچھا ہے کہ فضائی حملے میں دہشت گرد مارنے گئے تھے، کیا مار دیے؟

    سدھو نے ٹویٹر اکاؤنٹ پر لکھا کہ ’مودی، تین سو دہشت گرد مر گئے یا نہیں؟‘

    سابق کرکٹر نوجوت سنگھ سدھو نے سوال کیا کہ اگر فضائی حملے میں دہشت گرد نہیں مارے گئے تو پھر اس حملے کا کیا مقصد تھا؟

    یہ بھی پڑھیں:  مذہبی رسومات کی ادائیگی کے لیے درجنوں سکھ یاتری پاکستان پہنچ گئے

    انھوں نے وزیرِ اعظم مودی کا مضحکہ اڑاتے ہوئے کہا کہ کیا آپ دہشت گردوں کو اکھاڑنے گئے تھے یا درختوں کو؟

    سدھو نے ٹویٹ کرتے ہوئے نریندر مودی پر سوالات کی بوچھاڑ کر دی، پوچھا کہ کیا پاکستان پر فضائی حملہ صرف الیکشن کے لیے شعبدہ بازی تھی؟ سدھو نے مطالبہ کیا کہ مودی فوج کو اپنی سیاست کے لیے استعمال کرنا بند کر دے۔

    واضح رہے کہ 27 فروری کو پاکستان نے فضائی حدود کی خلاف ورزی پر بھارت کے دو طیارے مار گرائے تھے اور پائلٹ ابھی نندن کو گرفتار کر لیا تھا۔ بھارت نے فضائی حملے کے بعد دعویٰ کر دیا تھا کہ اس نے پاکستان میں تین سو دہشت گردوں کو مارا، بعد ازاں یہ دعویٰ جھوٹا ثابت ہو گیا۔

  • بھارتی جیل میں شاکراللہ کے قتل کا معاملہ عالمی سطح پراٹھائیں گے: شیریں مزاری

    بھارتی جیل میں شاکراللہ کے قتل کا معاملہ عالمی سطح پراٹھائیں گے: شیریں مزاری

    اسلام آباد: وزیر انسانی حقوق شیریں مزاری نے کہا ہے کہ پاکستانی شہری شاکر اللہ کے بھارتی جیل میں قتل پر خاموش نہیں رہیں گے.

    ان خیالات کا اظہار انھوں نے سینیٹ میں‌ خطاب کرتے ہوئے کیا. وزیرانسانی حقوق شیریں مزاری نے کہا کہ پاکستانی شہری شاکراللہ پر بھارت میں تشدد اور قتل پر خاموش نہیں رہ سکتے۔

    شیریں مزاری نے کہا کہ ہم معاملے کو دیکھ رہےہیں، جائزہ لے رہے ہیں کہ کون ساعالمی معاہدہ اس کیس پرلاگو ہوتا ہے.

    وفاقی وزیر نے کہا کہ بھارتی جیل میں سرکاری سرپرستی میں شاکراللہ پرتشدد کیا گیا، بھارتی جیل میں شاکراللہ کے قتل کا معاملہ عالمی سطح پراٹھائیں گے.

    اس موقع پر ارکان اسمبلی نے شیریں مزاری سے اس ضمن میں پاکستانی ہائی کمیشن کے کردار سے متعلق سوالات بھی کیے.

    وزیرانسانی حقوق شیریں مزاری نے کہا کہ ہمیں ایک دن کی مہلت دیں، اس پر ایوان کو آگاہ کریں گے۔

    بیرسٹر سیف کی تجویز

    اس موقع پر ایم کیو ایم کے سینیٹر بیرسٹر سیف نے کہا کہ مودی کے خلاف اس قتل پر اپنے ملک میں مقدمہ درج کیا جائے، یہ معاملہ اقوام متحدہ میں بھی اٹھانا چاہیے۔

    بیرسٹرسیف کا کہنا تھا کہ بھارت میں بھی یہ کیس درج کیا جا سکتا ہے، ان خطوط پر کام کرنا ہوگا۔