ARYNews.tv | Urdu – Har Lamha Bakhabar

Tag: انگلی

  • آئسکریم سے کٹی ہوئی انسانی انگلی برآمد، ویڈیو وائرل

    آئسکریم سے کٹی ہوئی انسانی انگلی برآمد، ویڈیو وائرل

    ممبئی: بھارت کے شہر ممبئی میں ایک چونکا دینے والا رونما ہوا، جب ایک خاتون ڈاکٹر کو آئس کریم کھانے کے دوران کٹی ہوئی انسانی انگلی نظر آئی تو اس کے ہوش اڑ گئے۔

    غیر ملکی ذرائع ابلاغ کے مطابق خاتون نے اس کی تصویر شیئر کی اور پولیس میں شکایت درج کرائی۔ خاتون نے پولیس کو بتایا کہ اس نے آئس کریم آن لائن آرڈر کرکے منگوائی تھی۔

    ملاڈ پولیس نے آئس کریم کمپنی کے خلاف دفعہ 272، 272 اور 336 کے تحت کیس رجسٹرڈ کرلیا ہے، پولیس کا کہنا ہے کہ آئس کریم کون میں انسانی انگلی موجود تھی، جبکہ آئس کریم سے ملنے والے انسانی انگلی کو ٹیسٹ کے لئے بھجوا دیا ہے۔

    خاتون ڈاکٹر نے پولیس کو دیئے گئے بیان میں بتایا کہ اس نے آدھی سے زیادہ آئس کریم کھا لی تھی مگر جیسے ہی اسے احساس ہوا کہ کچھ گڑبڑ ہے تو اس نے کٹی ہوئی انسانی اعضا کا مشاہدہ کیا۔

    دولہے کی باراتیوں کی موجودگی میں دلہن پر تشدد کرنے کی ویڈیو وائرل

    جس کے بعد خاتون ملاڈ تھانے پہنچ گئی۔ ملاڈ پولیس نے یمو آئس کریم کمپنی کے خلاف مقدمہ درج کرلیا ہے جبکہ مزید تحقیقات شروع کردی گئی ہیں۔

  • روبوٹ نے کمسن بچے کی انگلی توڑ دی، دل دہلا دینے والی ویڈیو

    روبوٹ نے کمسن بچے کی انگلی توڑ دی، دل دہلا دینے والی ویڈیو

    ماسکو: روس میں بچے اور روبوٹ کے درمیان شطرنج کے مقابلے میں روبوٹ نے مدمقابل بچے کی انگلی پکڑ کر توڑ دی، بچے کو فوری طور پر روبوٹ کی گرفت سے چھڑایا گیا تاہم اس کی انگلی فریکچر ہوگئی۔

    روسی میڈیا کے مطابق مذکورہ واقعہ گزشتہ ہفتے پیش آیا جب ماسکو اوپن کے ایک میچ کے دوران شطرنج کھیلنے والے روبوٹ نے سات سالہ بچے کی انگلی پکڑ کر توڑ دی۔

    مقامی ٹی وی چینلز پر نشر ہونے والی ویڈیو میں دیکھا جاسکتا ہے کہ بچے کی انگلی کو روبوٹک بازو نے کئی سیکنڈ تک پکڑے رکھا اور بچہ بظاہر تکلیف میں ہے، جس کے بعد ایک خاتون اور 3 مرد اس بچے کو روبوٹ کی گرفت سے چھڑانے کے لیے آتے ہیں۔

    انہوں نے بچے کی انگلی روبوٹ سے چھڑوا لی لیکن اسے فریکچر سے نہیں بچایا جا سکا۔

    روسی شطرنج فیڈریشن کے نائب صدر سرگئے سمگین کا کہنا ہے کہ روبوٹ کھیل میں لڑکے سے بازی لے جانے والا تھا تاہم بچے نے روبوٹ کی چال چلنے کا انتظار کرنے کے بجائے فوراً چال چل دی۔

    انہوں نے کہا کہ کچھ حفاظتی اصول ہیں اور بچے نے بظاہر ان کی خلاف ورزی کی ہے، جب اس نے اپنی چال چلی تو اسے احساس نہیں تھا کہ اسے پہلے انتظار کرنا پڑے گا۔

    فیڈریشن صدر کے مطابق بچے نے تیزی سے حرکت کی، جس کی وجہ سے روبوٹ نے اسے پکڑ لیا۔ روبوٹ کے سپلائرز کو اب اس حوالے سے دوبارہ سوچنا پڑے گا۔

    رپورٹ میں بچے کی شناخت کرسٹوفر کے نام سے کی گئی ہے، جو روسی دارالحکومت میں انڈر 19 کیٹیگری میں شطرنج کے 30 بہترین کھلاڑیوں میں سے ایک ہے۔

    بچے کو فوری طور پر اسپتال لے جایا گیا جہاں اس کی انگلی پر پلستر چڑھایا گیا۔ روبوٹ بنانے والے ادارے نے واقعے کی تحقیقات شروع کردی ہے۔

  • برگر سے کیا نکلا، جس نے خاتون کا دل دہلا دیا؟ (تصویر بچے نہ دیکھیں)

    برگر سے کیا نکلا، جس نے خاتون کا دل دہلا دیا؟ (تصویر بچے نہ دیکھیں)

    بولیویا: گزشتہ ہفتے ایک جنوبی امریکی ملک میں برگر کھاتے ہوئے خاتون کے ساتھ دل دہلا دینے والا واقعہ پیش آیا، جو اَب فیس بک پر وائرل ہو چکا ہے۔

    تفصیلات کے مطابق گزشتہ ہفتے بولیویا میں ایک خاتون اسٹیفنی بینٹیز نے ایک مقامی ریسٹورنٹ میں جب فاسٹ فوڈ ہیمبرگر کھایا تو خاتون کے منہ میں انسانی انگلی آگئی، انسانی انگلی دیکھ کر ان کی آنکھیں خوف کے مارے پھٹی کی پھٹی رہ گئیں۔

    تصور کریں کہ آپ کسی ریستوران میں اپنے من پسند برگر سے لطف اندوز ہو رہے ہوں، اور ایسے میں آپ برگر کے ساتھ انسانی انگلی بھی چبا جائیں، تو آپ کی حالت کیا ہوگی؟

    بولیویا کے شہر سانتا کروز ڈیلا سیئرا کی رہائشی اسٹیفنی نے 12 ستمبر کی فیس بک پوسٹ میں بتایا کہ وہ بولیویا کی مقامی فوڈ چَین ہاٹ برگر میں کھانا کھا رہی تھی کہ برگر کا پہلا ٹکڑا کاٹ کر دانتوں میں چبایا تو عجیب سا محسوس ہوا، منہ سے نکال کر دیکھا تو وہ ناخن سمیت انسانی انگلی تھی۔

    اسٹیفنی نے فیس بک پوسٹ پر اس کی تصاویر اور ویڈیوز شیئر کیں، جنھیں مجموعی طور پر اب تک سوا لاکھ سے زائد بار دیکھا جا چکا ہے، ایک ویڈیو میں دیکھا جا سکتا ہے کہ وہ ریسٹورنٹ کے عملے کو انسانی انگلی کے بارے میں بتا رہی ہیں، ملازم کہتا ہے کہ ایسا پہلے کبھی نہیں ہوا، آپ کو جو بھی چاہیے بتائیں ہم آپ کو دیں گے۔

    اگرچہ ملازمین نے مبینہ طور پر ریستوران کو بند کرنے کی پیش کش کی تھی، تاہم بینیٹیز نے اپنی فیس بک پوسٹ میں کہا کہ وہ بدستور کام جاری رکھے ہوئے ہیں گویا کچھ ہوا ہی نہیں۔ تاہم یہ پوسٹ جیسے ہی وائرل ہوئی، نہ صرف فوڈ کمپنی کے اعلیٰ حکام نے نوٹس لیا بلکہ سرکاری حکام بھی حرکت میں آ گئے اور اس ریسٹورنٹ کو عارضی طور پر بند کر دیا گیا ہے۔

    کمپنی کے نمائندے نے جمعے کو ایک بیان میں واقعے کو افسوس ناک قرار دیتے ہوئے کہا کہ ان کے ملازم نے گوشت کاٹتے ہوئے اپنی انگلی کاٹ لی تھی، جو برگر میں چلی گئی۔