Tag: انگلینڈ

لندن : انگلینڈ کی ٹیسٹ ٹیم کے کپتان ایلسٹر کک نےٹیسٹ ٹیم کے کپتان کے عہدے سے استعفیٰ دے دیا ہے۔

تفصیلات کےمطابق انگلینڈ کی کرکٹ ٹیسٹ ٹیم کے کپتان ایلسٹر کک59 میچوں میں ٹیم کی قیادت کرنےکے بعد کپتانی کے عہدے سے دستبردار ہوگئے۔

انگلینڈ کرکٹ ٹیم کے اوپنگ بلے باز ایلسٹر کک نے 2012 میں انگلینڈ کی ٹیم کی کپتانی سنبھالی تھی اور ان کی قیادت میں انگلینڈ نے 2013 اور 2015 کے ایشز مقابلوں میں کامیابی حاصل کی۔

خیال رہے کہ ایلسٹرکک 59 میچوں میں قیادت کے ساتھ انگلینڈ کی سب سے زیادہ میچوں میں قیادت کرے والے کپتان ہیں،اس سے قبل یہ اعزاز مائیکل وان کے پاس تھا جنہوں نے 53 میچوں میں قیادت کے فرائض انجام دیے تھے۔

بھارت کے خلاف گذشتہ سال 0-4سے ٹیسٹ سیریز میں شکست ہونے کے لیے بعد کک نے اس بات کا اعتراف کیا کہ ان کے کپتان ہونے کے بارے میں سوالات اٹھ رہے ہیں۔

ایلسٹر ککک کا کہنا تھا کہ کپتانی سے دست بردار ہونا ایک انتہائی مشکل فیصلہ تھا مگر میں جانتا ہوں کہ یہ میرے لیے اور ٹیم کے لیے درست فیصلہ ہے۔

انگلینڈ کی جانب سے ایلسٹر کک سب سے زیادہ رنز بنانے والے بلے باز ہیں۔انہوں نے 140 ٹیسٹ میچوں میں 11057 رنزبنائے،جن میں30 سنچریاں بھی شامل ہیں۔

واضح رہےکہ انگلینڈ کی قیادت کےلیے جو روٹ مضبوط ترین امیدوار ہیں جبکہ اس فہرست میں دوسرا نام آل راؤنڈر بین اسٹوکس کا ہے۔

کارڈف : پاکستان اورانگلینڈ کے درمیان کھیلے جانے والے پانچویں اورآخری ایک روزہ میچ میں پاکستانی بولرز نے 164 کے مجموعی اسکور پرانگلینڈ کے 4 کھلاڑیوں کو پویلین کی راہ دکھا دی ہے۔

تفصیلات کے مطابق انگلینڈ کی ٹیم نے پہلے بیٹنگ کرتے ہوئے 164 کے مجموعی اسکور پر 4 وکٹیں گنوا چکی ہے پاکستانی بولرز کے چوتھے شکار بننے والے جیسن روائے 87 رنزبنا سکے انہیں محمد عامر نے آؤٹ کیا،پاکستان کی جانب سے محمد عامر، حسن علی اور عماد وسیم نے ایک ایک کھلاڑی کو پویلین کی راہ دکھائی۔

واضح رہے 5 میچز پر مشتمل ون ڈے سیریز میں قومی ٹیم کوئی بھی میچ نہیں جیت سکی اور سیریز چار صفر سے پہلے ہی ہار چکی ہے۔پاکستان کرکٹ ٹیم میں 2 تبدیلیاں کی گئیں۔ محمد عرفان انجرڈ ہوگئےجن کی جگہ محمد عامر اور سمیع اسلم کی جگہ شعیب ملک کو ٹیم میں شامل کیا گیا۔

قبل ازیں پاکستان اورانگلینڈ کے درمیان ون ڈے سیریز کے آخری میچ میں پاکستان ٹیم نے ٹاس جیت کر پہلے فیلڈنگ کا فیصلہ کیا قومی ٹیم ون ڈے سیریز میں توقعات کے مطابق کارکردگی دکھانے میں اب تک ناکام رہی ہے 5 ایک روزہ میچوں میں سے ہونے والے چار میچوں میں پاکستان ایک میں بھی کامیابی حاصل نہیں کر پایا ہے۔

پانچویں اور آخری ایک روزہ میچ کے لیے پاکستان ٹیم میں دو اہم تبدیلیاں کی گئی ہیں زخمی محمد عرفان کی جگہ محمد عامر اور سمیع اسلم کی جگہ شعیب ملک کو شامل کیا گیا ہے دوسری طرف انگلینڈ کی ٹیم میں تین تبدیلیاں کی گئی ہیں اور معین علی، عادل رشید اور لیم پلنکٹ کو آرام دیا گیا ہے۔

*انگلینڈ نے پاکستان کو چار وکٹوں سے شکست دے دی

پاکستانی اننگز کا آغاز کپتان اظہر علی اورشرجیل خان کریں گے اور ون ڈاون پر محمد رضوان یا شعیب ملک کھیلیں گے.

*ناقص کارکردگی دکھانے والےٹیم کا حصہ نہیں رہیں گے،مکی آرتھر

یاد رہے کہ پاکستان ٹیم نے اس گراؤنڈ پر 2 ون ڈے انٹر نیشنل میچ کھیلے ہیں جس میں سے ایک میچ میں کامیابی حاصل کی اور ایک میچ بارش کی وجہ سے نامکمل رہا.

واضح رہے کہ پاکستانی ٹیم کے بولنگ کوچ اظہر محمود کا کہنا ہے کہ ماضی میں جو ہوا اس کو بدل نہیں سکتے،ہر کوئی غلطیاں کرتا ہے لیکن ان سے سبق سیکھا جائے تو اچھی بات ہوگی،آخری میچ میں مثبت ذہن کے ساتھ میدان میں اترتے ہوئے کامیابی کےلیے پوری کوشش کریں.

لیڈز: انگلینڈ نے چوتھے ون ڈے میچ میں بھی پاکستان کو چار وکٹوں سے شکست دے دی جس کے بعد گرین شرٹس پر وائٹ واش کا خطرہ منڈلانے لگا.

تفصیلات کے مطابق انگلینڈ کے شہر لیڈز میں پاکستان نے پہلے بیٹنگ کرتے ہوئے مقررہ 50 اوورز میں 8 وکٹوں کے نقصان پر 247 رنز بنائے.
پاکستان کی جانب سے سمیع اسلم 24، بابراعظم اور سرفراز احمد 12،12 جب کہ محمد رضوان 6 رنز بنا کر آؤٹ ہوئے.

اس دوران اظہر علی سست روی سے بیٹنگ کرتے رہے اور 102 گیندوں پر 80 رنز بنا کر پویلین لوٹے.محمد نواز بھی صرف 13 رنز بنا سکے تاہم عماد وسیم نے آٹھویں نمبر پر شاندار بیٹنگ کا مظاہرہ کیا اور 41 گیندوں پر 57 رنز کی اننگز کھیل کر ٹیم کا اسکور مستحکم کیا.

دوسری جانب 247 رنز کے جواب میں انگلینڈ نے ہدف 48 اوورز میں 6 وکٹوں کے نقصان پر باآسانی حاصل کیا.

انگلینڈ کی جانب سے بین اسٹوک 69، جونی بریسٹو 61 اور معین علی نے 45 رنز کی ناقابل شکست اننگز کھیلی جب کہ دیگر بلے بازوں میں جیس روئے نے 14، الیکس ہیلز 8، جوئے روٹ 30 اور کپتان این مورگن نے 11 رنز بنائے.

*انگلینڈ نے ون ڈے سیریز جیت لی، پاکستان کو 169رنز سے شرمناک شکست

پاکستان کی جانب سے محمد عرفان نے 2، عمرگل، حسن علی اور عماد وسیم نے ایک ایک وکٹ حاصل کی.

واضح رہے کہ کپتان اظہر علی پرامید ہیں کہ پانچویں اور آخری میچ میں اچھا کھیل پیش کرنے کی کوشش کریں گے اور انگلینڈ کو سیریز کے آخری میچ میں جیتنے کا موقع نہیں دیں گے.

لیڈز: پاکستان نے انگلینڈ کو جیت کیلئے دو سو اڑتالیس رنز کا ہدف دے دیا، لیڈز کے میدان میں پاکستانی بلے باز پرفارم نہ کرسکے، اب بولرز کا امتحان جاری ہے۔

چوتھے ایک روزہ میچ میں پاکستانی بلے باز ایک بار پھر بڑا ہدف دینے میں ناکام ہوگئے، پاکستان نے انگینڈ ٹیم کو 8 وکٹوں کے نقصان پر جیت کے لئے 248 رنز کا ہدف دے دیا، جبکہ کپتان اظہر علی 80 رنز بناکر نمایاں رہے۔

پاکستانی اوپنر کی ناکامی کے بعد مڈل آڈر بھی ٹیم کو سہارا دینے میں ناکام رہا، عماد وسیم نے نصف سنچری بنائی جبکہ شرجیل خان 16، سمع اسلم 24، بابر اعظم اور سرفراز احمد 12 رنز بناسکے، اس کے علاوہ محمد نواز 13 اور حسن علی 9 رنز بنانے میں کامیاب ہوئے۔

انگلینڈ کی جانب سے عادل رشید نے تین معین علی اور کرس جورڈن نے دو دو اور پلنکٹ نے ایک وکٹ حاصل کی۔

یاد رہے کہ انگلینڈ کو پانچ ایک روزہ میچوں کی سیریز میں پاکستان پر تین صفر کی واضح برتری حاصل ہے۔

لیڈز: پاکستان اور انگلینڈ کے درمیان پانچ ایک روزہ میچوں کی سیریز کا چوتھا ون ڈے میچ آج کھیلا جائے گا.

تفصیلات کے مطابق پاکستان اور انگلینڈ کے درمیان چوتھا ایک روزہ میچ آج لیڈز میں کھیلا جائے گا،قومی ٹیم میں وہاب ریاض کی جگہ محمد عرفان کو شامل کہے جانے کا امکان ہے جب کہ محمد عامر کو بھی آرام دے کر عمر گل کو واپس لایا جا سکتا ہے.

تیسرے ون ڈے میچ میں گھٹنے کی انجری کے باعث شرکت نہ کرنے والے عماد وسیم اگر فٹ ہوئے تو انہیں بھی پلیئنگ الیون میں شامل کیا جا سکتا ہے،عماد وسیم کے ٹیم میں آنےکی صورت میں محمد نواز یا شعیب ملک کو باہر بیٹھنا پڑ سکتا ہے.

قومی ٹیم کے کپتان اظہر علی کا کہنا ہے کہ سیریز تو ہاتھ سے نکل چکی لیکن میچ جیت کر خسارہ کم کرنے اور ٹیم کے وقار کو بحال کرنے کی پوری کوشش کریں گے.

*انگلینڈ نے ون ڈے سیریز جیت لی، پاکستان کو 169رنز سے شرمناک شکست

یاد رہے کہ انگلینڈ کو پانچ ایک روزہ میچوں کی سیریز میں پاکستان پر تین صفر کی واضح برتری حاصل ہے.

واضح رہے کہ انگلش ٹیم نے گرین شرٹس کے خلاف تیسرے ون ڈے میں ریکارڈ 444 رنز بنائے تھے جس میں اظہر الیون کو 169 رنز سے شسکت کا سامنا کرنا پڑا تھا.