Tag: انگلینڈ

آسٹریلیا کے فاسٹ بولر جوش ہیزل ووڈ نے اعتراف کیا ہے کہ انگلینڈ کا ٹی ٹوئنٹی ورلڈکپ سے آؤٹ ہونا ہمارے بہترین مفاد میں ہوگا۔

آئی سی سی ٹی ٹوئنٹی ورلڈکپ 2024 میں سپر ایٹ کے لیے کوالیفائی کرنے والی آسٹریلیا پہلی ٹیم تھی، کینگروز نے پہلے ہی مقابلے میں انگلش ٹیم کے سامنے 200 رنز کا پہاڑ کھڑا کردیا تھا اور انھیں میچ میں باآسانی شکست دی تھی۔

ایک انٹرویو کے دوران جوش ہیزل ووڈ سے پوچھا گیا کہ کیا آسٹریلیا انگلینڈ کے لیے چیزوں کو ہر ممکن حد تک مشکل بنانے کی کوشش کرے گا، جس پر ہیزل ووڈ کہنا تھا کہ ہاں مجھے ایسا لگتا ہے۔

پیسر کا کہنا تھا کہ اس ٹورنامنٹ میں انگلینڈ کے آگے جانے کی صورت میں ممکنہ طور پر دوبارہ ان سے مقابلہ ہوسکتا ہے اور اگر اس ٹیم کا دن ہو تو وہ چند بہترین سائیڈز میں سے ایک ہیں۔

انھوں نے کہا کہ ہمیں ٹی 20 کرکٹ میں ان کے خلاف کافی جدوجہد کا سامنا کرنا پڑا ہے لہذا اگر ہم انھیں ٹورنامنٹ سے باہر کر سکتے ہیں جو کہ ہمارے بہترین مفاد میں ہے بلکہ شاید یہ دوسری ٹیمیوں کے بھی مفاد میں ہے۔

واضح رہے کہ گروپ بی سے آسٹریلیا کے سپر ایٹ مرحلے میں کوالیفائی کرنے کے بعد اب پیچھے اسکاٹ لینڈ اور انگلینڈ کے درمیان اگلے راؤنڈ میں جگہ بنانے کے لیے مقابلہ ہے۔

اس وقت پوائنٹس ٹیبل پر اسکاٹ لینڈ 5 پوائنٹس کے ساتھ انگلینڈ سے آگے جبکہ انگلش ٹیم محض ایک پوائنٹ کے ساتھ ایلیمنیشن کے خطرے سے دوچار ہے، انگلینڈ کے کسی بھی میچ میں بارش اسے ٹورنامنٹ سے باہر کردیگی۔

اسٹار انگلش فاسٹ بولر جوفرا آرچر نے کہا ہے کہ وہ ورلڈکپ کھیلنا چاہتے ہیں جبکہ وہ مزید انجریز سے نمٹنے کے قابل نہیں ہیں۔

آرچر 2019 میں بین الاقوامی ڈیبیو کرنے کے بعد سے فٹنس مسائل کے ساتھ جدوجہد کرتے رہے ہیں، تاہم اب وہ صحتیاب ہورہے ہیں اور جون میں امریکا اور اپنے آبائی علاقے کیریبین جزائر میں ہونے والے ٹی ٹوئنٹی ورلڈ کپ کھیلنے کا ارادہ رکھتے ہیں۔

آخری بار 11 ماہ قبل انٹرنیشنل کرکٹ کھیلنے والے فاسٹ بولر کو اب بھی یقین نہیں کہ وہ میگا ایونٹ میں حصہ لے پائیں گے یا نہیں، وہ دائیں کہنی میں بار بار ہونے والے اسٹریس فریکچر کی وجہ سے مسابقتی کرکٹ سے باہر ہوئے تھے۔

آرچر نے کہا کہ ایمانداری کی بات ہے مجھے نہیں معلوم کہ مجھے مزید کتنا انتظار کرنا پڑیگا، میں نے کافی عرصے سے کرکٹ نہیں کھیلی۔ پچھلے سال میں نے جنوری سے مئی تک کرکٹ کھیلی تھی۔

فاسٹ بولر نے کہا کہ میں واقعی میں ٹیم میں رہنا چاہتا ہوں۔ میں پرانے گھر میں واپس کھیلنا چاہتا ہوں۔ میں اس سال انگلینڈ کے لیے نہیں کھیلا، لہذا میں سمجھتا ہوں کہ اگر ورلڈکپ کھیلوں تو یہ واقعی بہت اچھا ہوگا۔

انگلینڈ نے ان کے لیے محتاط رویہ اپناتے ہوئے انھیں انڈین پریمیئر لیگ (آئی پی ایل) کھیلنے سے روک دیا جبکہ انھیں اگلے سال تک ٹیسٹ کرکٹ سے بھی باہر رکھا گیا ہے۔

جوفرا کو انگلش ٹیم ٹی ٹوئنٹی ورلڈکپ میں اتارنے کا ارادہ رکھتی ہے جہاں وہ ویسٹ انڈیز اور امریکا میں ہونے والے ایونٹ میں اپنے اعزاز کا دفاع کرے گی۔

سابق انگلش کرکٹر الیسٹر کک نے بھارت کے خلاف تیسرے ٹیسٹ کی پہلی اننگز میں انگلینڈ کی بیٹنگ پرفارمنس کو سخت تنقید کا نشانہ بنایا ہے۔

انگلینڈ اور بھارت کے درمیان ہونے والے تیسرے ٹیسٹ کے تیسرے دن مہمان ٹیم کی بیٹنگ ڈرامائی انداز میں جلد اختتام پذیر ہوگئی تھی۔ ایک مرحلے پر انگلینڈ کے 224 رنز اور اس کے محض 3 کھلاڑی آؤٹ ہوئے تھے۔

تاہم پھر اچانک انگلینڈ کی بیٹنگ لائن ڈھڑام سے زمین بوس ہوگئی اور پوری ٹیم مزید 95 رنز کے اضافے کے بعد 319 رنز کے اسکور پر پویلین لوٹ گئی۔

پہلی اننگز انگلینڈ کے لیے بین ڈکٹ نے عمدہ اننگز تراشی، انھوں نے جارحانہ انداز اپناتے ہوئے صرف 88 گیندوں میں سنچری اسکور کی، ڈکٹ نے 153 رنز کی شاندار اننگز کھیلی۔

اس کے علاوہ بین اسٹوکس 41 اور اولی پاپ 39 رنز کے ساتھ کچھ مزاحمت کرسکے جبکہ بقیہ بیٹنگ لائن اپ انفرادی طور پر 20 رنز تک پہنچنے میں بھی کامیاب نہ ہوسکی۔

اس طرح پوری ٹیم کے آؤٹ ہونے پر ایلسٹر کک نے گہری مایوسی کا اظہار کیا ہے اور انگلینڈ کی بیٹنگ کارکردگی پر کھل کر تنقید کی ہے۔

سابق انگلش بیٹر نے کہا کہ اس پرفارمنس پر میری چیخ نکل گئی، وہ 800 اسکور کر سکتے تھے لیکن کل کا دن زیادہ اچھا نہیں لگ رہا۔ میرے خیال میں وہ 481 رنز پیچھے رہ گئے کیا یہ موقع ضائع ہو گیا، لیکن انگلینڈ کی ٹیم نے واقعی خراب بلے بازی کی۔

انگلش ٹیم نے آج 116 رنز پر آٹھ وکٹیں گنوا دیں اور جب آپ پہلی اننگز میں اس طرح کی پرفارمنس دیں گے تو پھر آپ بہت سے میچ نہیں جیتتے۔

انھوں نے کہا ٹیسٹ میچ جیتنے کے لیے آپ کو لمبے عرصے تک اچھا کھیلنا ہوتا ہے۔ کل بھات کی پوزیشن خراب تھی لیکن آج وہ بہت اچھی پوزیشن میں ہے۔