Tag: انیس قائم خانی

  • پاکستان تاریخی مقام پر کھڑا ہے، کراچی میں ظلم کا خاتمہ ہوگا، مصطفیٰ کمال

    پاکستان تاریخی مقام پر کھڑا ہے، کراچی میں ظلم کا خاتمہ ہوگا، مصطفیٰ کمال

    کراچی: پاک سرزمین پارٹی کے سربراہ مصطفیٰ کمال نے کہا ہے کہ آج پاکستان تاریخی مقام پر کھڑا ہے، کراچی میں ظلم کا خاتمہ ہوگا۔

    تفصیلات کے مطابق باغ جناح میں پی ایس پی کے جلسے سے خطاب کرتے ہوئے مصطفیٰ کمال نے کہا کہ کراچی میں ایک دن میں 20 لوگ مسلک کی بنیاد پر شہید ہوتے تھے، ایک ہی خواب ہے کراچی کے لوگ ایک ہوجائیں، دشمنیاں ختم کردیں۔

    مصطفیٰ کمال نے کہا کہ پی ایس پی میں صرف دو لوگ آئے تھے آج مجمع اکٹھا ہوگیا ہے، کراچی کے لوگوں نے میرا سر فخر سے بلند کردیا، حکومتیں ہمیں ایک ایک کرکے مار رہی ہیں۔

    انہوں نے کہا کہ 18ویں ترمیم کے آنے سے بہت خوش ہوئے تھے میں نے ہر فورم پر 18ویں ترمیم کی تائید کی تھی، یقین تھا کہ وفاق سے پاور صوبے پھر نچلی سطح تک پہنچے گی، ایسی 18ویں ترمیم کا کیا فائدہ، تباہی اور کرپشن کا دور ہے۔

    مزید پڑھیں: حکومت گرانے نہیں مسائل کے حل کے لئے جہدوجہد کررہے ہیں، مصطفیٰ کمال

    سربراہ پاک سرزمین پارٹی نے کہا کہ بچوں کے پیسے حرام کھا کر نہ کوئی اس دنیا میں صحیح رہ سکا ہے اور نہ آئندہ صحیح رہ سکے گا اب انشا اللہ کراچی کھڑا ہوگیا ہے اور حساب لے گا۔

    دوسری جانب پی ایس پی رہنما انیس قائم خانی نے کہا کہ کراچی کے عوام مصطفیٰ کمال اور پاک سرزمین پارٹی کے ساتھ کھڑے ہیں، یہ شہر مصطفیٰ کمال کا ہے یہ پی ایس پی کا شہر ہے۔

    انیس قائم خانی نے کہا کہ تبدیلی فیل ہوگئی، لسانیت مسترد ہوگئی، صوبائیت مسترد ہوگئی اب صرف کراچی سے کشمور تک اور خیبر سے کشمور تک لوگ مصطفیٰ کمال کے ساتھ ہیں۔

  • فاروق ستار جلد ہمارے ساتھ ہوں گے، انیس قائم خانی

    فاروق ستار جلد ہمارے ساتھ ہوں گے، انیس قائم خانی

    حیدر آباد: پاک سرزمین پارٹی کے رہنماانیس قائم خانی نے کہا ہے کہ فاروق ستار جلد ہمارے ساتھ ہوں گے، وہ حیدرآباد میں جلسہ کرنے کے بجائے شہرکی صفائی ستھرائی کیلئے اقدامات کریں تاکہ شہریوں کوریلیف ملے۔

    حیدرآباد کے علاقے پکا قلعہ چوک پر پرچم کشائی کے بعد میڈیا سے گفتگو کرتے ہوئے انیس قائم خانی نے کہا کہ 3 مارچ سے شروع ہونے والی دو لوگوں کی جدوجہد پورے ملک ہی نہیں بلکہ بیرون ملک میں مقیم پاکستانیوں میں پھیل چکی ہے۔

    انہوں نے کہا کہ پاکستان کا کوئی بھی شہری وطن سے نفرت نہیں کرتا تاہم کچھ لوگ پاکستان کی ایسی تصویر پیش کرتے ہیں جس کے بعد وہ الجھن کا شکار ہوجاتا ہے، ایسے تمام لوگوں نے ہمیں امید کی کرن قرار دیتے ہوئے اپنی وطن پرستی کا ثبوت دیا۔

    انیس قائم خانی نے ایم کیو ایم پاکستان پر طنز کرتے ہوئے کہا کہ حیدرآباد وطن پرستوں کا شہر ہے، ڈاکٹر فاروق ستار اور اُن کی جماعت جلسہ کرنے کے بجائے شہر کی صفائی ستھرائی کے لیے اقدامات کریں تاکہ شہری سکون کا سانس لے سکیں۔ ایک سوال کے جواب میں انیس قائم خانی نے کہاکہ فاروق ستار جلد ہمارے ساتھ ہوں گے۔

    خیال رہے دو روز قبل کراچی یونیورسٹی میں سی پیک کے حوالے سے منعقدہ سیمینار میں دونوں پارٹیوں کے سربراہان مصطفیٰ کمال اور فاروق ستار  نے مصافحہ کیا تھا۔ بعد ازاں فاروق ستار نے کہا کہ آج یونیورسٹی نے دو نوجوانواں کو پھر سے ملا دیا ہے۔

  • پاک سرزمین پارٹی آج کراچی میں سیاسی قوت کامظاہرہ کرے گی

    پاک سرزمین پارٹی آج کراچی میں سیاسی قوت کامظاہرہ کرے گی

    کراچی : پاک سرزمین پارٹی آج شہر قائد میں عوامی طاقت کا مظاہرہ کرے گی،پارٹی رہنما انیس قائم خانی کا کہناہےکہ اہلیان کراچی جب بھی اٹھےپوراپاکستان اٹھ جاتاہے۔

    تفصیلات کےمطابق پاک سرزمین پارٹی کے رہنماانیس قائم خانی کا کہناہےکہ آج تین بجے کراچی میں پاک سرزمین پارٹی سیاسی قوت کا مظاہرہ کرے گی،انہوں نےکہا کہ شہری جلسے میں شرکت کے لیے گھروں سے نکلیں۔

    انیس قائم خانی کا کہناہےکہ پاک سرزمین پارٹی سمجھتی ہےکراچی اسلحےسےپاک ہوناچاہیے،انہوں نے کہا کہ آج کا جلسہ بہت بڑا جلسہ ہوگا۔

    مزید پڑھیں: جلسے کا مقصد مصطفیٰ کمال کو وزیر اعظم بنانا نہیں، انیس قائم خانی

    اس سے قبل گزشتہ روز پاک سرزمین پارٹی کے تحت منعقد ہونے والے جلسے کے انتظامات کا جائزہ لینے کے بعد انیس قائم خانی نے جلسہ گاہ میں موجود کارکنان سے خطاب کرتے ہوئے کہاتھا کہ آپ لوگ آج جس نیک مقصد کے لیے محنت کررہے ہیں وہ بہت بڑا کام ہے، آپ کی محنت رائیگاں نہیں جائے گی۔

    پاک سرزمین پارٹی کے صدر نے عوام سے اپیل کی تھی کہ جلسے میں شرکت کریں کیونکہ جلسہ مصطفیٰ کمال کو وزیر اعظم بنانے کے لیے نہیں بلکہ غربت اور مسائل کی چکی میں پسی ہوئی عوام کے جائز حقوق کی جدوجہد کا حصہ ہے۔

    مزید پڑھیں:کراچی، 29 جنوری کو تبت سینٹر پر جلسہ عام کریں گے، مصطفیٰ کمال

    واضح رہےکہ 12جنوری کوسربراہ پاک سرزمین پارٹی نے کراچی میں 29 جنوری کو تبت سینٹر پر ایک عظیم الشان جلسہ عام کا اعلان کرتے ہوئے کہا تھاکہ کراچی کا ہر میدان ہمارے لیے چھوٹا پڑ رہا ہے اس لیے تبت سینٹر کو منتخب کیا ہے۔

  • کراچی حیدرآباد کے نوجوانوں کو عام معافی دی جائے، انیس قائم خانی

    کراچی حیدرآباد کے نوجوانوں کو عام معافی دی جائے، انیس قائم خانی

    کراچی: پاک سرزمین پارٹی کے چیئرمین انیس قائم خانی نے کراچی و حیدرآباد کے نوجوانوں کے لیے بلوچستان کی طرز پر پیکج کا مطالبہ کردیا۔

    اے آر وائی نیوز کے پروگرام الیونتھ آور میں سیاسی کیریئر کا پہلا انٹرویو دیتے ہوئے انیس قائم خانی کا کہنا تھا کہ حکومت کراچی اور حیدرآباد کے نوجوانوں کے لیے واپسی کاراستہ دے، جس طرح بلوچستان میں لوگوں کو معافی دے کر پیکیج دیا گیا اسی طرح کراچی کے نوجوانوں کو بھی پیکیج دیا جائے،کراچی اور حیدرآباد کے نوجوانوں کو واپسی کا محفوظ راستہ دیا جائے

    انہوں نے کہا کہ اپنے مفاد کے لیے این آر او کیا جاسکتا ہے تو ملکی مفاد میں بھی اقدام کیا جائے، قانونی تقاضے پورے کرتے ہوئے خصوصی پیکج دیا جائے، کیاپاکستان کا مستقبل بچانے کے لیے کسی کو معاف نہیں کیا جاسکتا؟

    میزبان وسیم بادامی کے دہشت گردوں کے طبی علاج کے سوال پر انہوں نے کہا کہ ڈاکٹر عاصم حسین سے زندگی میں کبھی ٹیلی فون پر بات نہیں ہوئی،ہاں ان سے ایک دوبار ملاقات ضرور ہوئی ہے ان سے کسی دہشت گرد تو دور کی بات کسی عام آدمی کے علاج کے لیے بھی بات نہیں ہوئی، علاج کرانا ہوتا تو متحدہ قومی موومنٹ کے اپنے میڈیکل سینٹر بہت تھے، ضیا الدین ہاسپٹل میں میری بہن زیر علاج رہیں یا اپنے کسی شناسا سے ملنے اسپتال گیا تو وہیں ڈاکٹر عاصم سے ملاقات ہوئی۔

    سانحہ بلدیہ کے سوال پر انہوں نے کہا کہ سانحہ بلدیہ سے ایم کیو ایم کا کوئی تعلق نہیں، حماد صدیقی کا نام بھی غلط طریقے سے ڈالا گیا،جس وقت آگ لگی میں نائن زیرو پر موجو د تھا اطلاع ملنے پر مجھ سمیت کئی رہنما جائے حادثہ پر گئے۔

    سانحہ بلدیہ کی جے آئی ٹی رپورٹ پر انہوں نے کہا کہ واقعے میں میرا کوئی لینا دینا نہیں، بھائیلہ برادران سے کوئی واقفیت نہیں، مقدمہ عدالت میں ہے آپ مجھے جلد بری ہوتا ہوا دیکھیں گے۔ عشرت العباد اور مصطفی کمال کی تلخی کے سوال پر انہوں نے کہا کہ مصطفی کمال کی پہلی پریس کانفرنس تک عشرت العباد ہمارے رابطے میں تھے،

    بانی متحدہ کے حکم پر سب کچھ ہوتا تھا اس لیے مورد الزام بھی وہی ہیں، بانی ایم کیو کس کس کو احکامات دیتے تھے یہ سب کو معلوم ہے، بانی متحدہ را کے ایجنٹ ہیں اس میں کوئی شک نہیں۔

    انہوں نے مزید کہا کہ وسیم اختر سے جیل میں بھی کوئی رابطہ نہیں رہا، وسیم اختر، قادر پٹیل اور رئوف صدیقی کو رہائی پر مبارک باد پیش کرتا ہوں۔

  • حیدرآباد کسی ایک شخص کا نہیں سارے پاکستانیوں کا ہے، انیس قائم خانی

    حیدرآباد کسی ایک شخص کا نہیں سارے پاکستانیوں کا ہے، انیس قائم خانی

    حیدرآباد: پاک سرزمین پارٹی کے رہنما انیس قائم خانی نے حیدر آباد میں 24 نومبر کو پہلے ورکرز کنونشن کا اعلان کرتے ہوئے کہا کہ آج حیدر آباد نے ثابت کردیا ہے کہ یہ شہر کسی ایک شخص یا پارٹی کا نہیں بلکہ پاکستانیوں کا ہے۔

    پاک سرزمین پارٹی کے رہنما انیس قائم خانی حیدر آباد میں پاکستان ہاؤس میں ایک پُر ہجوم پریس کانفرنس سے خطاب کر رہے تھے۔

    اس موقع پر ایم کیو ایم پاکستان کے حیدر آباد سے تعلق رکھنے والے مقامی عہدیداروں سمیت دیگر جماعتوں سے تعلق رکھنے والے افراد نے پاک سر زمین سے شمولیت کا اعلان کیا۔

     

    اُن کا کہنا تھا کہ حیدر آباد سے تعلق رکھنے والے 350 سے زائد سیاسی کارکنان اور رہنماؤں کی پاک سرزمین پارٹی میں شمولیت سے ثابت ہو گیا ہے کہ حیدر آباد کسی ایک شخص یا جماعت کا نہیں بلکہ تمام پاکستانیوں کا ہے اور یہاں نسلی تضاد یا فسادات پھیلانے والوں کی کوئی گنجائش نہیں ہے۔

    انیس قائم خانی نے کہا کہ 24 نومبر کو ہونے والے پہلے ورکرز کنونشن میں بھرپور عوامی قوت کا مظاہرہ کریں گے اور دنیا دیکھ لے گی کہ سندھ باسیوں کو آپس لڑوانے والوں کی سیاست ختم ہو گئی ہے اور محب الوطن پاکستانی پاک سرزمین پارٹی کے پرچم تلے جمع ہو رہے ہیں۔

    واضح رہے کہ انیس قائم خانی نے متحدہ قومی موومنٹ کے پلیٹ فارم کا آغاز حیدرآباد سے کیا تھا اور اہم عہدہ ملنے کے بعد وہ کراچی منتقل ہوگئے تھے اور عزیز آباد میں رہائش اختیار کی تھی، بعد ازاں اپنی جماعت کے قائد سے اختلاف کے بعد دبئی چلے گئے تھے اور رواں سال مارچ میں مصطفیٰ کمال کے ہمراہ پاکستان واپس لوٹ کر اپنی سیاسی جماعت پاک سرزمین پارٹی کی بنیاد رکھی تھی۔

  • انیس قائم خانی کی درخواستِ ضمانت سماعت کے لیے منظور، فریقین کو نوٹس جاری

    انیس قائم خانی کی درخواستِ ضمانت سماعت کے لیے منظور، فریقین کو نوٹس جاری

    کراچی : انیس قائم خانی کی درخواستِ ضمانت پر انسداد دہشت گردی کی عدالت میں کیس کی سماعت ، اسپیشل پبلک پراسیکیوٹر اور سرکاری وکیل کو 27 تک جواب دائر کرنے کا حکم جاری کردیا۔

    تفصیلات کے مطابق انسداد دہشت گردی کی عدالت میں پاک سرزمین پارٹی کے رہنماء انیس قائم خانی کی درخواستِ ضمانت پر کیس کی سماعت ہوئی، دورانِ سماعت ملزم کے وکیل نے جج سے استفتار کیا کہ ’’جب مقدمہ درج ہوا تو میرے موکل پاکستان میں موجود نہیں تھا، انیس قائم خانی پڑھے لکھے ہیں کبھی دہشت گردوں سے تعلقات نہیں رکھے‘‘۔

    وکیل انیس قائم خانی نے عدالت کو مزید بتایا کہ ’’میرے موکل کو پہلے کبھی کسی بھی مقدمے میں گرفتار نہیں کیا گیا، اب پولیس دیگر مقدمات میں بھی ملزم کو گرفتار کررہی ہے‘‘۔

    اس موقع پر وکیل رینجرز نے عدالت کو دلائل دیتے ہوئے کہا کہ ’’ملزم کی ضمانت کے حوالے سے درخواست پر سماعت اور فیصلہ کرنے کا حق صرف اے ٹی سی کے پاس ہے،ملزم کے خلاف دہشت گردوں کو سہولیات فراہم کرنے اور علاج و معالجے کے حوالے سے ثبوت موجود ہیں‘‘۔

    عدالت نے دلائل پر ریمارکس دیتے ہوئے کہا کہ رینجرز وکیل سے پوچھا کہ ’’آپ اس اتھارٹی کے بارے میں کیا کہتے ہیں جو  ملزم کے وکیل کی جانب سے دائر کی گئی ہے؟،جس پر رینجرز وکیل نے جواب دیا کہ ’’یہ آپ کو اختیار ہے کہ آپ ضمانت کی درخواست سُن سکتی ہیں کیونکہ اعلیٰ عدلیہ نے بھی یہی فیصلہ کیا ہے، ہم قانون کے پابند ہیں اور قانون کی پاسداری چاہتے ہیں‘‘۔

    جج نے رینجرز وکیل کے جواب پر ریمارکس دیتے ہوئے کہا کہ ’’عدالت نے میرٹ پر فیصلہ دیا ہے ، کسی بھی مقدمے میں ضمانت دینے یا نہ دینے کا فیصلہ عدالت کے اختیار میں ہے، عدالت نوٹس جاری کردے میرے موکل کو کوئی اعتراض نہیں ہے‘‘۔ جج نے رینجر وکیل کو مخاطب کرتے ہوئے کہا کہ ’’آپ لوگوں نے عدالت کا قیمتی وقت ضائع کیا اگر آپ پہلے کہہ دیتے تو میں پہلے ہی نوٹس جاری کردیتی‘‘۔

    عدالت نے درخواست گزار سمیت تمام متعلقہ حکام کو نوٹس کا جواب 4 روز میں دینے کا حکم نامہ جاری کرتے ہوئے سماعت27 جولائی تک ملتوی کردی۔

    دوسری جانب رہنماء پیپلزپارٹی عبدالقادر پٹیل کو جیل میں بی کلاس اور علاج کی سہولیات فراہم کرنے کے حوالے سے انسداد دہشت گردی کی عدالت میں درخواست دائر کردی گئی، جس میں کہا گیا ہے کہ رہنماء پیپلزپارٹی ہائی بلڈ پریشر کے مریض ہیں انہیں کسی بھی اسپتال میں علاج کی سہولیات فراہم کی جائیں۔

    وکیل قادر پٹیل مندو خان کی جانب سے درخواست دائر پر سماعت آج ہی متوقع ہے۔

  • عید سے پہلے بڑی پتنگ کاٹیں گے، انیس قائم خانی

    عید سے پہلے بڑی پتنگ کاٹیں گے، انیس قائم خانی

    کراچی: پاک سرزمین پارٹی کے رہنما مصطفیٰ کمال نے کہا ہے کہ ایم کیوایم کی تمام وکٹیں گرا چکے ہیں، گراؤنڈ خالی ہوچکا ہے۔

    کراچی میں انسداد دہشت گردی کی عدالت میں مقدمے کی سماعت کے بعد میڈیا سےبات کرتےہوئےانکا کہنا تھا کہ ڈاکٹرفاروق ستار میڈیا کیلئے بڑی وکٹ ہوسکتی ہے، ان کیلئے فاروق ستار کی کوئی اہمیت نہیں ہے۔

    ایک صحافی کےسوال پر انیس قائم خانی نےکہا کہ عید سے پہلے بڑی پتنگ کاٹیں گےجبکہ کراچی میں مزید چھ دفتر کھول رہے ہیں،انہوں نے واضح کیا کہ ایم کیو ایم کے بعض افراد کو پارٹی میں نہیں لیں گے۔

    واضح رہے کہ اس سے قبل بھی پی ایس پی کے رہنما مصطفیٰ کمال کا کہنا تھا کہ چند لوگ کروڑوں لوگوں کی قسمت کافیصلہ کررہے ہیں، بلدیاتی نمائندوں کو اختیارات دینے میں تاخیرکی جارہی ہے، سندھ کا 8 کھرب روپے کا بجٹ چند وزرا خرچ کریں گے۔ صوبائی حکومت کا کام پیسوں کی نگرانی کرنا ہے یہاں پیسہ خرچ ہورہا ہے مگر منصوبوں پر نہیں لگ رہا۔

    انہوں نے کہا تھا کہ 18ویں ترمیم سے پہلے لوگوں کے جو حالات تھے آج اس سے بھی بدتر ہوگئے ہیں کیونکہ اب لوگ وفاق سے کوئی مطالبہ نہیں کرسکتے اس لیے تمام صوبے صوبائی فنانس کمیشن بنائیں۔

  • انسدادِ دہشت گردی کی عدالت میں ڈاکٹر عاصم کیس کی سماعت

    انسدادِ دہشت گردی کی عدالت میں ڈاکٹر عاصم کیس کی سماعت

    کراچی: انسداد دہشت گردی کی عدالت میں دہشت گروں کو سہولیات فراہم کرنے کے الزام میں ڈاکٹر عاصم کیس کی سماعت کے دوران عدالت نے فیصلہ سنایا کہ ڈی ایس پی الطاف حسین پر لگائے گئے الزامات ثابت نہیں ہوسکے۔

    تفصیلات کے مطابق انسدادِ دہشت گردی کی عدالت میں دہشت گردوں کے علاج و معالجے اور سہولیات فراہم کرنے کے الزام میں کیس کی سماعت ہوئی، دورانَ سماعت کمرہِ عدالت میں  ملزمان ڈاکٹرعاصم حسین، نامزد مئیر کراچی وسیم اختر، عبدالقادر قادر پٹیل، انیس قائم خانی اور پاسبان کے رہنما ء عثمان معظم ، جبکہ اس موقع پر پاک سر زمین پارٹی کے سربراہ مصطفیٰ کمال بھی موجود تھے۔

    گزشتہ سماعت میں رینجرز کے وکیل کی جانب سے الزام عائد کیا گیا تھا کہ کیس کے تفتیشی افسر ڈی ایس پی الطاف حسین نے دہشت گردوں کے علاج سے متعلق اہم شواہد مٹا دیے ہیں۔

    کیس کی سماعت کے دوران عدالت نے ڈی ایس پی پر جانبداری اور شواہد مٹانے کے الزام کو مسترد کرتے ہوئے عدالت نے فیصلہ سنایا کہ لگایے گئے الزامات کا کوئی ثبوت پیش نہیں کیا گیا، کیس کی مزید سماعت 16 مئی تک ملتوی کردی گئی ہے۔

    مزید پڑھیں : ڈاکٹرعاصم حسین پر462 ارب کی کرپشن کے الزام میں فردِ جرم عائد

    دوسری جانب کرپشن چار سو باسٹھ ارب روپے کی کرپشن کیس میں عدالت نے ڈاکٹرعاصم  پر فردِ جرم عائد کی جاچکی ہے۔

  • مصطفٰی کمال اورانیس قائم خانی کاشہرکا دورہ، جلسے کے پمفلٹ تقسیم

    مصطفٰی کمال اورانیس قائم خانی کاشہرکا دورہ، جلسے کے پمفلٹ تقسیم

    کراچی : پاک سرزمین پارٹی کے رہنمامصطفٰی کمال اورانیس قائم خانی نے چوبیس اپریل کے جلسے کے لئے لوگوں سے رابطے شروع کردیئے،آج بھی شہرکا دورہ کیا اور جلسے کے پمفلٹ تقسیم کئے۔

    تفصیلات کے مطابق پاک سرزمین پارٹی کے رہنمامصطفٰی کمال اورانیس قائم خانی شانہ بشانہ شہر کے دورے پرنکلے۔ دونوں پرکلفٹن کے علاقے میں گل پاشی کی گئی۔

    اس موقع پرمصطفٰی کمال اورانیس قائم خانی نےچوبیس اپریل کے جلسےکےپمفلٹ عوام میں تقسیم کئے،مختلف مقامات پر شہریوں سے گفتگو کرتے ہوئے انہوں نے کہا کہ عزیزآبادسمیت شہرکےکونےکونےمیں جائیں گے۔

    یاد رہے کہ مصطفٰی کمال گزشتہ روز اورنگی ٹاؤن گئےتھے۔ وہاں بھی انہوں نے جلسےکے پمفلٹ تقسیم کئے تھے۔ مصطفٰی کمال لوگوں میں گھل مل گئے۔ ایک بیکری سے خریداری بھی کی تھی۔

    واضح رہے کہ مصطفٰی کمال اورانیس قائم خانی کے درمیان جھگڑے کی خبریں پھیلائی گئی تھیں۔ دونوں کےساتھ ساتھ گھومنےپھرنےسے ان افواہوں کی بھی تردید ہوگئی۔


    Those disagreeing with us are not our enemy… by arynews

  • مصطفیٰ کمال نے حیدرآباد میں اپنی پارٹی کے دفتر کا افتتاح کردیا

    مصطفیٰ کمال نے حیدرآباد میں اپنی پارٹی کے دفتر کا افتتاح کردیا

    حیدرآباد: پاک سرزمین پارٹی کے مصطفی کمال نے کہا ہے ان کے پاس پچیس سال نہیں وہ پچیس ہفتوں میں برسوں کی خرافات ختم کرنے نکلے ہیں۔

    پاک سرزمین پارٹی کے مصطفی کمال حیدرآباد میں پارٹی دفترکا افتتاح کرنے پہنچے تو پورجوش نعروں سے ان کا خیرمقدم کیا گیا۔

    مصطفی کمال نے اپنی تقریرمیں جہاں بہت سے باتیں کیں وہیں اپنے سابق قائدپر کئی سنجیدہ الزمات بھی لگائے۔

    ان کا کہنا تھا مسلسل حکومتوں کا حصہ رہنے والوں نے حیدرآبادمیں یونیورسٹی بنانے کے لیے پیسے مانگے۔

    سابق ناظم کراچی کا کہنا تھا ایم کیوایم کے قائد کو اپنی سیاست کے لیے لاشیں ، اسیراورلاپتہ کارکن چاہیئں۔

    مصطفی کمال نے اپنی تقریرمیں اپنا موقف دھرایا کہ وہ دلوں کو جوڑنے آئے ہیں ،ان کی پارٹی کا منشور نفرتوں کو مٹاکر محبتوں کو فروغ دینا ہے۔