Tag: اوجی ڈی سی ایل

اسلام آباد: حکومت نےاوجی ڈی سی ایل کےدس فیصدشیئرزکی مقامی اوربین الااقوامی مارکیٹ میں فروخت کی منظوری دےدی۔

ذرائع کےمطابق وزیرخزانہ اسحاق ڈارکی زیرصدارت اجلاس میں اوجی ڈی سی ایل کے شیئرز کی نجکاری کی منظوری دی گئی ۔ حکومت او جی ڈی سی ایل کے دس فیصد شیئرز بین الااقوامی اور ملکی سرمایہ کاروں کو پیش کرےگی،اجلاس میں ٹرانزیکشن اسٹرکچرکی حتمی منظور ی بھی دی گئی۔

نجکاری کمیشن ذرائع کےمطابق منظوری کے بعد اگلا مرحلہ بک بلڈنگ پروسیس کاہوگا،اس ٹرانزیکشن سے نوے کروڑ ڈالر ملنے کی توقع ہے،او جی ڈی سی ایل کی نجکاری رواں سال نومبر تک مکمل کر لی جائے گی۔

اسلام آباد: حکومت نے اکتوبر کے پہلے ہفتے میں حکومتی تحویل میں موجود او جی ڈی سی ایل کے حصص بین الااقوامی اسٹاک مارکیٹ میں فروخت کرنےکا فیصلہ کرلیا ہے۔

ملک میں جاری تمام تر سیاسی کشمکش کے باوجود حکومت آئی ایم ایف شرائط پوری کرنے میں لگی ہوئی ہے، نجکاری کمیشن زرائع کے مطابق تمام تر سیاسی رسہ کشی کے درمیان حکومت نے او جی ڈی سی ایل کے حصص لندن اسٹاک مارکیٹ میں فروخت کیلئے پیش کرنے کی تیاری مکمل کرلی ہے۔

او جی ڈی سی ایل کا جی ڈی آر اکتوبر کے پہلے ہفتے میں کئے جانے کا امکان ہے۔

نجکاری کمیشن زرائع کے مطابق اس جی ڈی آر سے پچاسی کروڑ ڈالر حاصل ہونے کی توقع ہے، اس ٹرانزیکشن کیلئےنجکاری کمیشن نے میریل لینچ، سٹی گروپ اور کے اے ایس بی کو لیڈ منیجر مقرر کیا۔

نجکاری کمیشن کے مطابق جی ڈی آر کیلئے روڈ شوز پہلے ہی تاخیر کا شکار ہوچکے ہیں، اب کمیشن کی ٹیم ستمبر کے دوسرے ہفتے میں روانہ ہوگی۔