کراچی : پولیس نے اورنگی میں پولیس اہلکار کی مبینہ فائرنگ سے نوجوان کی موت کا مقدمہ گرفتاراہلکار توحید اور اہلکار دوست عمیر کے خلاف درج کرلیا۔
تفصیلات کے مطابق کراچی کے علاقے اورنگی میں پولیس اہلکار کی مبینہ فائرنگ سے نوجوان کی موت کا مقدمہ درج کرلیا گیا ، مقدمہ اورنگی تھانے میں درج کیا گیا ، جس میں قتل، اقدام قتل اور دہشت گردی کی دفعات شامل کی گئی ہیں۔
مقدمہ گرفتاراہلکار توحید اور اہلکار دوست عمیر کے خلاف درج کیا گیا ہے جبکہ مقدمےمیں سابق ایس ایچ او اورنگی ٹاؤن اعظم گوپانگ کو بھی نامزد کیا ہے۔
کراچی:مقدمہ جاں بحق نوجوان ارسلان کے چچا کی مدعیت میں درج کیا گیا ، جس میں مدعی کا کہنا ہے کہ میرا بھتیجا ارسلان اور اس کا دوست ٹیوشن پڑھنے گئے تھے، پولیس نے جعلی مقابلے میں ایک کو قتل ایک کو زخمی کیا۔
مقتول کی میت سہراب گوٹھ ایدھی سر خانہ میں رکھی گئی ہے تاہم نماز جنازہ اور تدفین کا ابھی فیصلہ نہیں کیا گیا۔
گذشتہ روز کراچی کے علاقے اورنگی ٹاؤن میں پیر کی شب ہونے والا پولیس مقابلہ مشکوک قرار دیا گیا تھا ، مبینہ ملزم کی ہلاکت پر فائرنگ کرنے والے اہلکار کو گرفتار کر لیا تھا۔
مبینہ ہلاک ملزم ڈمپر ایسوسی ایشن کے عہدیدار کا بیٹاہے جس کی عمر 20 سال ہے ۔ اہلخانہ کے مطابق بیٹا کوچنگ سینٹر سے واپس جا رہا تھا کہ اسے نشانہ بنایا گیا۔
