Tag: اورنگی ٹاؤن ڈکیتی

  • کراچی: اورنگی ٹاؤن ڈکیتی میں ملوث مزید 2 ملزمان گرفتار

    کراچی: اورنگی ٹاؤن ڈکیتی میں ملوث مزید 2 ملزمان گرفتار

    کراچی : اورنگی ٹاؤن ڈکیتی میں ملوث مزید 2 ملزمان کو گرفتار کرلیا گیا، ملزمان نے گھرمیں 40 کروڑ اور اسلحہ موجود ہونے کی مخبری کی تھی۔

    تفصیلات کے مطابق کراچی کےعلاقے اورنگی ٹاؤن ڈکیتی کیس میں مزید دوملزمان کو گرفتار کر لیا گیا، پولیس نے بتایا کہ سہیل رضوی اورشاہ رخ کو گرفتار کرکے پولیس موبائل تحویل میں لے لی ہے۔

    حکام کا کہنا تھا کہ گرفتار دونوں ملزمان نے گھر میں چالیس کروڑاوراسلحہ موجود ہونے کی مخبری کی تھی۔

    دوسری جانب سابق ایس ایس پی ساؤتھ کو بھی جے آئی ٹی نے شامل تفتیش کرلیا ہے ، سابق ایس ایس پی عمران قریشی کا دوبارہ بیان لیا جائے گا۔

    اس سے قبل کراچی میں ڈکیتیوں میں ملوث ڈی ایس پی عمیر طارق باجاری نے جے آئی ٹی پر اعتراض اٹھایا تھا، میر طارق باجاری نے مشترکہ تحقیقاتی ٹیم میں شامل ایس ایس پی غربی اور ایس ایچ او پیرآباد پر اعتراض کیا۔

    اس سلسلے میں عمیر طارق باجاری نے سندھ ہائی کورٹ میں درخواست دے دی، جس میں تحقیقات غیر جانبدار افسران سے کرانے کی استدعا کی گئی ہے۔

    واضح رہے کراچی کے علاقے اورنگی ٹاؤن میں سینیٹری کے ہول سیل تاجر شاکر خان کے گھر پولیس نے ڈکیتی نما چھاپے میں ڈھائی کروڑ روپے سے زائد کی ڈکیتی کی تھی ، جس کے بعد اس تمام تر جرم میں کراچی ساؤتھ پولیس کے زیرِ تربیت ڈی ایس پی کے براہِ راست ملوث ہونے کے شواہد سامنے آئے تھے، جس کے بعد انہیں گرفتار کرلیا گیا تھا۔

  • اورنگی ٹاؤن ڈکیتی: آئی جی سندھ نے گرفتار زیر تربیت ڈی ایس پی کو معطل کردیا

    اورنگی ٹاؤن ڈکیتی: آئی جی سندھ نے گرفتار زیر تربیت ڈی ایس پی کو معطل کردیا

    کراچی: اورنگی ٹاؤن میں تاجر کے گھر ڈکیتی میں ملوث گرفتار زیر تربیت ڈی ایس پی عمیر باجاری کو معطل کردیا گیا۔

    تفصیلات کے مطابق اورنگی ٹاؤن واقعے کے بعد آئی جی سندھ نے گرفتار زیر تربیت ڈی ایس پی عمیر باجاری کو معطل کرکے ان کے خلاف محکمانہ کارروائی شروع کردی گئی۔

    آئی جی سندھ کی جانب سے جاری کردی معطلی  نوٹیفکیشن میں ڈی ایس پی کے خلاف مقدمےکا بھی حوالہ شامل ہے، زیر تربیت ڈی ایس پی کو گزشتہ روز سی پی او رپورٹ کرنے کی ہدایت کی گئی تھی۔

    واضح رہے کہ کراچی کے علاقے اورنگی ٹاؤن میں سینیٹری کے ہول سیل تاجر شاکر خان کے گھر پولیس نے ڈکیتی نما چھاپے میں ڈھائی کروڑ روپے سے زائد کی ڈکیتی کی اور گھر سے کچھ فرد کو اغوا کیا۔

    اس تمام تر جرم میں کراچی ساؤتھ پولیس کے زیرِ تربیت ڈی ایس پی کے براہِ راست ملوث ہونے کے شواہد سامنے آئے تھے جس کے بعد انہیں گرفتار کرلیا گیا۔

  • اورنگی ٹاؤن ڈکیتی میں ملوث ڈی ایس پی کے خلاف مزید شکایات سامنے آنے لگی

    اورنگی ٹاؤن ڈکیتی میں ملوث ڈی ایس پی کے خلاف مزید شکایات سامنے آنے لگی

    کراچی: شہر قائد کے اورنگی ٹاؤن ڈکیتی میں ملوث ڈی ایس پی یوٹی کے خلاف مزید شکایات سامنے آنے لگی۔

    تفصیلات کے مطابق کراچی کے علاقے اورنگی ٹاؤن ڈکیتی کیس میں ملوث ملزم ڈی ایس پی یوٹی کے یوٹی عمیر باجاری کے خلاف مزید شکایات سامنے آنے لگی۔

    جوس سینٹر کے مالک عبد الرشید نے درخشاں تھانے میں درخواست دی جس میں یہ انکشاف ہوا کہ عمیر باجاری کی اسپیشل ٹیم نے 18 اکتوبر کو بھی واردات کی تھی۔

    درخواست گزار  عبد الرشید نے کہا کہ 18 اکتوبر رات 11 بجے سرکاری موبائل میری دکان پر آئی، اہلکار دکان سے 1 لاکھ 75 ہزار کے امپورٹڈ سگریٹ  لے گئے۔

    جوس سینٹر کے مالک عبد الرشید نے بتایا کہ میں نے 15 پر فون کیا اور تھانے میں تحریری درخواست جمع کرادی، ڈی آئی جی ساؤتھ کو شکایت کی تو مجھے ایس پی کلفٹن کے پاس بھیج دیا اور ایس پی ظفر صدیقی نے مجھے ڈی ایس پی عمیر باجاری کے پاس بھیجا۔

    درخواست گزار نے کہا کہ عمیرباجاری کے آفس گیا تو انہوں نے کہا اتنا مال نہیں ہے تمہارا، 30 ہزار کا مال اور 50 ہزار کیش لو معاملہ ختم کرو، میں نے مجبوری میں ہاں کی، مجھ سے کاغذات پر دستخط بھی کرائے۔

  • کراچی : اورنگی ٹاؤن ڈکیتی میں ملوث ڈی ایس پی عمیرطارق بجاری گرفتار ، عہدے سے برطرف

    کراچی : اورنگی ٹاؤن ڈکیتی میں ملوث ڈی ایس پی عمیرطارق بجاری گرفتار ، عہدے سے برطرف

    کراچی : اورنگی میں تاجر کے گھر دو کروڑ کی ڈکیتی میں ملوث ڈی ایس پی عمیرطارق باجاری کو گرفتار کر کے عہدے سے ہٹادیا گیا۔

    تفصیلات کے مطابق کراچی کے علاقے اورنگی میں تاجر کے گھر دو کروڑ کی ڈکیتی میں ملوث ڈی ایس پی عمیرطارق باجاری کو حراست میں لے لیا گیا۔

    پولیس نے بتایا کہ عمیر باجاری اورنگی ٹاؤن ڈکیتی میں براہ راست ملوث ہے تاہم عمیر باجاری کے دیگر ساتھیوں کی گرفتاری کیلئے چھاپے مارے جا رہے ہیں۔

    دوسری جانب ڈی ایس پی عمیرطارق کو ڈکیتی میں ملوث ہونے پر اور ایس ایس پی ساؤتھ عمران قریشی کوغفلت برتنے پر عہدے سےہٹادیا گیا۔

    عمران قریشی اورعمیرطارق کوسی پی او رپورٹ کرنے کی ہدایت کی گئی ہے، کارروائی ڈی آئی جی ویسٹ کی انکوائری رپورٹ کی روشنی میں کی گئی۔

    رپورٹ میں ڈی ایس پی کی سربراہی میں چھاپہ مار ٹیم قصوروارثابت ہوئی ، رپورٹ میں بتایا گیا ہے کہ ڈی ایس پی یو ٹی عمیر طارق ڈکیتی میں براہ راست ملوث ہے، اہلکار خرم اور فیضان ڈی ایس پی کے ساتھ واقعے میں ملوث ہیں جبکہ ملوث پولیس اہلکاروں کے خلاف مقدمہ درج کرنے کی سفارش بھی کی گئی تھی۔

    واضح رہے کہ پولیس پارٹی نے اورنگی ٹاؤن میں گھر سے کروڑوں کے زیورات، کیش اور دیگر سامان لوٹا تھا، سی سی ٹی وی فوٹیج میں ڈی ایس پی کی گاڑی بھی نظر آئی تھی۔

    عینی شاہدین کا کہنا تھا کہ ملزمان کی تعداد پندرہ تھی ، اہل خانہ ڈکیتوں کو پولیس اہلکار سمجھتےرہےجنہوں نے گھر میں داخل ہوکر سکون سے دوگھنٹےتک لوٹ مار کی اور دو کروڑ روپے، ستر تولے سونے کے علاوہ دیگرسامان لوٹ کرلے گئے، ڈاکو جاتے ہوئے دو بھائیوں کو بھی ساتھ لے گئے، جنہیں انہوں نےبلوچ پُل پرچھوڑدیا۔

  • اورنگی ٹاؤں ڈکیتی میں انڈر ٹریننگ ڈی ایس پی کے ملوث ہونے کے انکشاف

    اورنگی ٹاؤں ڈکیتی میں انڈر ٹریننگ ڈی ایس پی کے ملوث ہونے کے انکشاف

    کراچی: شہر قائد کے علاقے اورنگی ٹاؤن 5 نمبر میں گھر میں ڈکیتی کی اب تک کی سب سے بڑی واردات میں انڈر ٹریننگ ڈی ایس پی کے ملوث ہونے کے انکشاف ہوا ہے۔

    تفصیلات کے مطابق گزشتہ روز کراچی کے  علاقے اورنگی ٹاؤن 5 نمبر میں گھر میں ڈکیتی کی بڑی واردات ہوئی تھی، جس میں 15 ڈکیت  پولیس یونیفارم اور سادہ لباس میں گھر میں داخل ہوئے اور دو کروڑ روپے، ستر سے اسّی تولہ سونا و دیگر قیمتی سامان لوٹ کر فرار ہوگئے تھے۔

    کراچی میں پولیس یونیفارم پہنے ڈاکوؤں نے رواں سال کی بڑی ڈکیتی کر ڈالی

    تاہم اب یہ انکشاف ہوا ہے کہ اس بڑی واردات میں ڈسٹرکٹ ساؤتھ کے انڈر ٹریننگ ڈی ایس پی عمیر طارق بجارانی کے ملوث ہونے کے شواہد ملے ہیں۔

    پولیس ذرائع کا بتانا ہے کہ عمیر طارق بجارانی کی اسپیشل پارٹی ماضی میں بھی غیر قانونی چھاپوں میں ملوث رہے ہیں، پولیس افسران نے لوٹی گئی رقم کا 50 فیصد، طلائی زیورات، موبائل فونز اور لیپ ٹاپ واپس کرکے مطالبہ بھی کیا ہے۔

    ذرائع کا بتانا ہے کہ پولیس افسران نے مطالبہ کیا کہ متاثرہ شخص ایف آئی آر درج نہ کرائے تو دیگر سامان بھی لوٹا دیا جائے گا۔