ریو ڈی جنیرو : جمیکا کے ایتھلیٹ یوسین بولٹ نے برازیل کے شہر ریو میں جاری مقابلوں میں اپنا تیسرا طلائي تمغہ جیت لیا.انہوں نے تیسرا تمغہ 4×100 ریلے دوڑ میں حاصل کیا.
تفصیلات کے مطابق برازیل کے شہر ریوڈی جنیرو میں جمیکا کے ایتھلیٹ یوسین بولٹ نے اولمپکس میں اپنا نواں اور برازیل کے شہر ریو میں جاری مقابلوں میں اپنا تیسرا طلائی تمغہ جیت لیا.
جمیکا کے29 سالہ بولٹ نے ریو میں اس سے قبل 100 اور 200 میٹر کا تغمہ حاصل کر رکھا تھا.اس طرح وہ تاریخ میں پہلے شخص ہیں جنھوں نے لگاتار ان تینوں مقابلوں میں طلائی تمغہ حاصل کیا ہے.
انہوں نے جمیکا کے دوسرے رنرز آصفا پوول،یوحنا بلیک اور نکل ایشمیڈے کے ساتھ 4×100 میٹر دوڑ 37.27 سیکنڈس میں مکمل کی.اس مقابلے میں جاپان نے امریکہ کی ٹیم کو شکست دے کر حیرت انگیز طور پر چاندی کا تمغہ حاصل کیا.
*ریواولمپکس : یوسین بولٹ نے 200 میٹر کی دوڑ جیت لی
یاد رہے کہ اس سے قبل یوسین بولٹ سنہ 2008 کے بیجنگ اور 2012 کے لندن اولمپکس میں 100 میٹر، 200 میٹر اور 4×100 میٹر کی دوڑ میں گولڈ میڈل جیت چکے ہیں.
*یوسین بولٹ نے سو میٹر کی دوڑ جیت لی
واضح رہے کہ بولٹ نے فروری میں کہا تھا کہ وہ سنہ 2017 میں ہونے والی عالمی چیمپیئن شپ کے بعد ریٹائرمنٹ لے لیں گے۔
