اینٹورپ : پاکستان ہاکی ٹیم کے کپتان محمد عمران نے اولمپک کوالیفائنگ راؤنڈ میں آٹھویں پوزیشن کے بعد کپتانی چھوڑنے سے انکار کر دیا۔
اے آر وائی نیوز سے ٹیلی فون پر گفتگو کرتے ہوئے محمد عمران کا کہنا تھا کہ انہیں شکست کے بعد قربانی کا بکرا بنانے کی کوشش کی جا رہی ہے۔
کپتانی سے دستبردار ہونے کی خبریں بے بنیاد ہیں۔ ان کا کہنا تھا کہ اگر ریٹائرمنٹ کا فیصلہ کیا تو میڈیا کے سامنے اعلان کرتے ہوئے اصل وجوہات سے بھی آگاہ کروں گا۔
پاکستان کی وجہ سے پہچان بنی ہے اور ملک کیلئے کھیلنا اعزاز کی بات ہے۔
بیلجئم : اولمپک کوالیفائنگ راؤنڈ کے کلاسیفیکشن میچ میں آج پاکستان اور آئرلینڈ مدمقابل ہونگے، ریو اولمپکس کیلئے قومی ٹیم کو یہ میچ لازمی جیتنا ہوگا۔
پاکستان ہاکی ٹیم کا ریو اولمپکس دوہزار سولہ میں جگہ بنانے کا سفر مشکل تر ہوتا چلا جارہا ہے، برطانیہ کیخلاف کوارٹر فائنل میں شکست کے بعد اب قومی ٹیم کو کلاسیفکیشن میچ میں آئرلینڈ کا سامنا کرنا ہوگا۔
آئرلینڈ کیخلاف کامیابی حاصل کرکے پاکستان ٹیم پانچویں پوزیشن کا میچ کھیلنے کی اہل ہوگی، جس میں ملائیشیا یا فرانس کی ٹیم سے سامنا ہوگا۔
کپتان محمد عمران کا کہنا ہے کہ برطانوی ٹیم کیخلاف کھلاڑیوں نے کافی مواقع ضائع کیے اولمپکس میں کوالیفائی کرنے کیلئے آخری دونوں میچ لازمی جیتنا ہوں گے۔
بیلجیئم: پاکستان اور بھارت ہاکی ٹیم کےدرمیان اولمپک کوالیفائنگ راؤنڈ کا اہم میچ دو دو گول سے برابر رہا، دونوں ٹیموں کو ایک ایک پوائنٹ ملا ہے۔
بیلجیئم کے شہر اینٹ ورپ میں جاری اولمپک کوالیفائنگ راؤنڈ میں پاکستان اور روایتی حریف بھارت کے درمیان اہم معرکہ ہوا، دونوں ٹیمیں ایک دوسرے کو شکست دینے کیلئے ابتدائی مرحلے سے ہی بے تاب دکھائی دیں۔
رمن دیو نے بھارت کیلئے پہلا گول اسکور کیا، کچھ لمحے بعد پاکستان کے کپتان محمد عمران نے گیند کو جال میں پہنچا کر مقابلہ ایک ایک سے برابر کردیا، دونوں ٹیموں نے ایک دوسرے کے گول پوسٹ پر حملے برقرار رکھے لیکن گول کیپرز کی عمدہ پرفارمنس راستے میں حائل رہی۔
دونوں گول کیپرز پینلٹی کارنر پر کپتان محمد عمران نے ایک مرتبہ پھر پاکستان کو سبقت دلائی لیکن بھارتی ٹیم کیجانب سے رمن دیو نے بھی دوسرا گول کرکے مقابلہ برابر کردیا۔
پاکستان اور بھارت کے درمیان مقابلہ دو دو گول سے برابر رہا اور دونوں ٹیمیں کو ایک ایک پوائنٹ ملا، پاکستان اپنا آخری گروپ میچ اتوار کو فرانس سے کھیلے گا۔