لسبیلہ : بلوچستان کے پہاڑی اورریگستانی علاقوں میں اونٹوں میں پُراسرار بیماری پھیل گئی، جس کے باعث اب تک کئی اونٹ مرچکے ہیں۔
تفصیلات کے مطابق بلوچستان کے ضلع لسبیلہ کے پہاڑی اورریگستانی علاقوں میں اونٹوں میں پُراسراربیماری پھیل گئی۔
مقامی غلہ بانوں نے بتایا کہ پر اسرار بیماری سے اب تک کئی اونٹ مرچکے ہیں، جس سے کروڑوں روپے کا نقصان ہوچکا ہے۔
بیماری سے پہلےاونٹوں کی جلد شدید متاثرہوتی ہے، پھر اونٹ کمزور ہو کر مرجاتے ہیں، اس حوالے سے ڈسٹرکٹ ویٹنری آفیسرڈاکٹرعاقل کا کہنا ہے کہ اونٹوں کی بیماری سے متعلق ٹیم تشکیل دے کرمتاثرہ علاقے میں روانہ کردی ہے جو صورتحال کا جائزہ لے گی۔
اونٹوں کی پراسرار ہلاکت صوبائی حکومت نے نوٹس لیتے ہوئے بیمار اونٹوں کے گوشت کی فروخت روکنے، فوڈ اتھارٹی اور لائیو سٹاک کو معاملے کی تحقیقات کرنے کا حکم دیا ہے۔
