Tag: اوورسیز پاکستانیوں

نیویارک : امریکا میں اوورسیزپاکستانیوں نے افواج پاکستان اور فیلڈ مارشل سیدعاصم منیر کو شاندار خراج تحسین پیش کیا۔

تفصیلات کے مطابق پاکستانی نژاد امریکی کمیونٹی نےفیلڈ مارشل سید عاصم منیرکے دورہ امریکا پر فقیدالمثال استقبال کیا اور آپریشن بنیان مرصوص میں شاندارکامیابی پراظہار تشکر کیا۔

اوورسیزپاکستانیوں نے افواج پاکستان اور فیلڈ مارشل سیدعاصم منیر کو شاندار خراج تحسین پیش کیا۔

افواج پاکستان کو خراج تحسین پیش کرنے کیلئے سپہ سالار اور خوبصورت پاکستان کی ویڈیو کی نمائش کی گئی۔

اوورسیز نے نیویارک ٹائمزاسکوائر، واشنگٹن ڈی سی اور دیگر مقامات پر ویڈیو نمائش کا انعقاد کیا جبکہ واشنگٹن ڈی سی میں ڈیجیٹل ٹرک کےذریعےافواج کی قربانیوں اوربے مثال خدمات کو اجاگر کیا گیا۔

ویڈیوز میں افوج پاکستان اور شہداکوشاندار خراج تحسین پیش کیا گیا، پاکستانی امریکن کمیونٹی کی والہانہ محبت سے واضح ہےکہ عوام افواج کےشانہ بشانہ کھڑے ہیں۔

اسلام آباد : اوورسیز پاکستانیوں کی سہولت کے لئے دنیا کے اہم ملکوں میں نادرا دفاتر قائم کر دیئے گئے۔

تفصیلات کے مطابق اوورسیز پاکستانیوں کو شناختی دستاویزات سے متعلق خدمات اور سہولتیں فراہم کرنے کیلئے دنیا کے اہم ملکوں میں نادرا دفاتر قائم کر دیئے گئے۔

ناروے کے دارالحکومت اوسلوکے پاکستانی سفارتخانے میں نادرا کاؤنٹر نے کام شروع کر دیا۔

نادرا کا کہنا ہے کہ جہاں اوورسیز پاکستانیوں کو شناختی دستاویزات سے متعلق تمام خدمات فراہم کی جائیں گی۔

بحرین کے شہرماناما، کینیڈامیں مانٹریال اوروینکوور ، جنوبی افریقہ کےشہرپریٹوریا،اٹلی کے شہر میلان میں نادرا کاؤنٹرز قائم کئے جارہے ہیں۔

کاؤنٹرامریکا میں واشنگٹن، نیویارک، شکاگو،لاس اینجلس، ہوسٹن اور کینیڈامیں ٹورنٹو،آسٹریلیامیں سڈنی،اسپین میں میڈرڈمیں سہولت فراہم کررہے ہیں۔

یونان میں ایتھنز،جرمنی میں برلن،فرانس میں پیرس،ترکی میں استنبول میں نادراکاؤنٹرقائم ہیں ، ملائشیامیں کوالالمپوراورکویت کے پاکستانیوں کو شناختی دستاویزات کی سہولت فراہم کررہے ہیں۔

نادراکی جانب سے سعودی عرب اور برطانیہ میں موبائل رجسٹریشن آپریشنز کا باقاعدگی انعقاد کیا جاتا ہے ، نادرا رجسٹریشن سینٹرز سعودی عرب میں جدہ، ریاض،مدینہ منورہ میں کام کررہے ہیں جبکہ یواےای میں دبئی اورابوظہبی،قطر میں دوحا،برطانیہ میں لندن، مانچسٹر، برمنگھم اور بریڈ فورڈ میں متحرک ہیں۔

دنیا کے جن ممالک میں پاکستانی شہری خاطرخواہ تعداد میں موجود ہیں انہیں شناختی دستاویزات سے متعلق خدمات فراہم کرنے کے لئے نادرا نے متعلقہ پاکستانی سفارت خانوں کے ساتھ مل کر وہاں نادرا مراکز یا کاؤنٹر قائم کئے ہیں۔

اسلام آباد : کابینہ کی اقتصادی رابطہ کمیٹی کے اجلاس میں اوورسیز پاکستانیوں کیلئے ترسیلات زر کی اسکیم پر نظرثانی کی منظوری کا امکان ہے۔

تفصیلات کے مطابق کابینہ کی اقتصادی رابطہ کمیٹی کا اجلاس آج ہوگا، وزیر خزانہ محمد اورنگزیب اجلاس کی صدارت کریں گے۔

ذرائع نے بتایا کہ ای سی سی اجلاس میں تین نکاتی ایجنڈے پر غور کیا جائے گا، اوورسیز پاکستانیوں کیلئے ترسیلات زر کی اسکیم پر نظرثانی کی منظوری کا امکان ہے۔

تھاہ کوٹ تارائےکوٹ روڈکی ری الائنمنٹ کیلئے پاک چین فریم ورک اور 39کلومیٹر طویل چکدرہ تیمر گرا روڈ کے سیکشن ون کی منظوری متوقع ہے۔

اسلام آباد: حکومت پاکستان نےاوورسیز پاکستانیوں کیلئے’ڈائمنڈ کارڈ’ متعارف کرانے کا اعلان کردیا ، سالانہ 50 ہزار ڈالر بھیجنے والوں کو ڈائمنڈ کارڈ ملے گا۔

تفصیلات کے مطابق وزیر خزانہ اسحاق ڈار نے پوسٹ بجٹ پریس کانفرنس کرتے ہوئے کہا ہے کہ بیرون ملک مقیم پاکستانیوں کیلئے’ڈائمنڈ کارڈ’ متعارف کرانے کا فیصلہ کیا ہے۔

اسحاق ڈار نے بتایا کہ سالانہ پچاس ہزار ڈالر بینکنگ چینل سے پاکستان لانے والوں کو ڈائمنڈ کارڈ دیا جائے گا۔

وزیر خزانہ کا کہنا تھا کہ ترسیلات زر کے ذریعے جائیداد خریدنے پر موجودہ ٹیکس ختم کردیا گیا ہے جبکہ سفارت خانوں میں ترجیحی رسائی، ایئرپورٹس پر فوری امگریشن کی سہولت میسر ہوگی۔