Tag: اوکاڑہ

اوکاڑہ : کاروبار کی رقم ہڑپ کرنے کیلئے خود کو گولی مار کر ڈکیتی کا رنگ دینے والے ملزم کو گرفتار کرلیا گیا۔

تفصیلات کے مطابق اوکاڑہ میں پولیس نے کاروبار کی رقم ہڑپ کرنے کیلئے خود کو گولی مار کر ڈکیتی کا رنگ دینے والے ملزم کو گرفتار کرلیا۔

پولیس نے بتایا کہ ملزم ناصر نے گیس سلنڈر ریفلنگ کے کاروبار میں 3 لاکھ سے زائد رقم ادا کرنی تھی۔

حکام کا کہنا تھا کہ تھانہ صدر کی حدود میں واقع اڈہ کسان پر ملزم نےخودپرگولی چلائی اورون فائیو پر ڈکیتی کی کال کردی۔

پولیس نے کہا کہ حالات و واقعات کا جائزہ لینے پر واقعہ مشکوک پایا گیا۔

یاد رہے چند روز قبل کراچی کے علاقے کلفٹن میں ڈکیتی کی جھوٹی اطلاع دینے والا شہری پکڑا گیا تھا، شہری نے والد سے پانچ لاکھ روپے کا نقصان چھپانے کیلئے ڈکیتی کا ڈرامہ رچایا تھا۔

پولیس نے بتایا تھا کہ شہری نے پانچ لاکھ روپے ڈکیتی کی جھوٹی اطلاع دی تھی، شہری نے والد سے پانچ لاکھ روپے کا نقصان چھپانے کیلئے ڈکیتی کا ڈرامہ رچایا تھا تاہم ملزم سے رقم برآمد کرلی ہے.

اوکاڑہ: اہلخانہ نے الزام عائد کیا ہے کہ ملزم شوہر نے بیوی کو نشہ آور شہ کھلا کرقتل کیا اور لاش پنکھےسے لٹکا کر فرار ہوگیا۔

تھانہ کینٹ کی حدود میں شادی شدہ خاتون کا قتل ہوا ہے یا اس نے خودکشی کی ہے یہ ایک معمہ بن گیا، مقتولہ کے اہلخانہ نے کہا کہ قتل ہونے والی اقصیٰ بی بی 4 ماہ کے بچے کی ماں تھی، قاتل شوہر افتخارساتھیوں سمیت موقع سے فرار ہوگیا ہے۔

خاتون کی والدہ کی مدعیت میں داماد سمیت 3 افراد کیخلاف قتل کا مقدمہ درج کرلیا گیا ہے، ایف آئی آر میں کہا گیا ہے کہ ملزم کی بھانجی کی شادی بیوی کے بھائی سے ہوئی تھی۔

ایف آئی آر کے متن میں مزید بتایا گیا ہے کہ اپنی بھانجی کو طلاق ہونے کی پاداش میں ملزم نے بیوی کو قتل کیا۔

ڈی پی او نے واقعے کا نوٹس لےلیا ہے، ملزمان کی گرفتاری کیلئے ٹیم تشکیل دیدی گئی ہے، پولیس کا کہنا ہے کہ پوسٹ مارٹم رپورٹ سے پتہ چل سکے گا خاتون کا قتل ہوا یا خودکشی کی۔

اوکاڑہ : نوجوان نے بیوی کو قتل کرکے اپنے گلے پر چھری پھیر لی جبکہ بہن کو بچانے کی کوشش میں سالی بھی زخمی ہوئی۔

تفصیلات کے مطابق اوکاڑہ کے علاقے فریدآباد میں نوجوان نے بیوی کو قتل کرکے زندگی کا خاتمہ کرلیا، بہن کو بچانے کی کوشش میں سالی بھی زخمی ہوئی ، جسے اسپتال منتقل کر دیا گیا۔

پولیس نے بتایا کہ نوجوان کی شناخت ثقلین کےنام سے ہوئی، ثقلین کی بیوی روٹھ کراپنی بہن کےگھر اوکاڑہ موجودتھی، ثقلین بیوی کو منانے گیا اورتلخ کلامی پربیوی کو قتل کیا۔

واقعہ روٹھی بیوی کومنانےمیں ناکامی پر سالی کےگھرپیش آیا، ملزم کی چھری سمیت گرنے کی سی سی ٹی وی ٖفوٹیج منظرعام پر آگئی ہے۔

ملزم ثقلین خون الود چھری اپنے گلے پر پھیرتا ہوا گلی میں آگیا تاہم ڈسٹرکٹ اسپتال میں میاں بیوی کی لاشوں کا پوسٹمارٹم مکمل کرلیا گیا ہے۔

لواحقین مقتولہ کی لاش چیچہ وطنی اورملزم کے لواحقین لاش لیکر کامونکی روانہ ہوگئے ہیں۔

پولیس کا کہنا تھا کہ ملزم ثقلین سالی کےگھرموجوداپنی روٹھی بیوی کومنانےکیلئےآیا تھا، ساتھ جانے سے انکار پر ملزم نے انتہائی قدم اٹھایا۔

ڈی پی او طارق عزیز نے واقعے کا نوٹس لیتے ہوئے ڈی ایس پی سٹی کی سربراہی میں انکوائری ٹیم تشکیل دے دی ہے۔

اوکاڑہ : نویں کلاس کی طالبہ کو امتحانی سینٹر کے باہر سے اغوا کرلیا گیا،موٹرسائیکل سوار ملزمان نے اغوا کے بعد طالبہ سے زیادتی بھی کی۔

تفصیلات کے مطابق اوکاڑہ کے نواحی گاؤں میں نویں کلاس کی طالبہ امتحانی سینٹر کے باہر سے دو موٹرسائیکل سواروں نے اغوا کرلیا۔

اہلخانہ نے الزام عائد کیا ہے کہ موٹرسائیکل سوارملزمان نے اغوا کے بعد زیادتی کی اور ملزمان موبائل فون پرویڈیو بھی بناتے رہے۔

اہلخانہ کا کہنا تھا کی ملزمان کی طرف سے جان سے مار دینےاور ویڈیو وائرل کرنےکی دھمکی بھی دی گئی تاہم طالبہ کی چیخ و پکار پرعلاقہ مکینوں کے آنے پر ملزمان فرار ہوگئے۔

لڑکی کے والد کی مدعیت میں ابوسفیان،مبشرحسن کیخلاف تھانہ ستگھرہ میں مقدمہ درج کرلیا گیا ہے لیکن تاحال کوئی ملزم گرفتار نہیں ہو سکا ہے، پولیس کا کہنا ہے لڑکی کا میڈیکل کرالیا، رپورٹ آنا باقی ہے۔

لڑکی کی والدہ نے وزیراعلیٰ اورآئی جی پنجاب سےانصاف فراہم کرنےکی اپیل کی ہے۔