Tag: اوگرا

اسلام آباد :غیر معیاری ایل پی جی سلنڈرز کی خرید و فروخت پر پابندی عائد کر دی گئی ، اب ایل پی جی کاروبار صرف مجاز ڈسٹری بیوٹرکرسکیں گے۔

تفصیلات کے مطابق آئل اینڈ گیس ریگولیٹری اتھارٹی (اوگرا) نے ایل پی جی مارکیٹنگ کمپنیوں کیخلاف کارروائی کافیصلہ کرلیا۔

اوگرا نےغیر معیاری سلنڈروں میں ایل پی جی کی ری فلنگ کوغیرقانونی اور خطرناک قرار دیتے ہوئے کہا کہ غیرمعیاری سلنڈروں میں ایل پی جی فروخت کرنیوالوں اور ایل پی جی مارکیٹنگ کمپنیوں کیخلاف کارروائی ہوگی۔

آئل اینڈ گیس ریگولیٹری اتھارٹی کی جانب سے کہا گیا کہ ملک بھر میں 313ایل پی جی مارکیٹنگ کمپنیاں ہیں، انیس سلنڈر بنانے والی کمپنیوں کونوٹس جاری کردیئے گئے ہیں۔

اوگرا نے غیر معیاری ایل پی جی سلنڈرزکی خرید و فروخت پر پابندی بھی عائد کر دی اور اس حوالے سے نوٹیفکیشن جاری کردیا۔

اوگرا حکام نے کہا کہ ایل پی جی کا کاروبار صرف مجاز ڈسٹری بیوٹر ہی کر سکیں گے، غیرمجازڈسٹری بیوٹرزکو ایل پی جی فروخت کرنے پرمارکیٹنگ کمپنیوں کیخلاف کارروائی ہوگی۔

اوگرا کا کہنا تھا کہ یل پی جی کے کاروبار کے نئے ضابطہ اخلاق بنا دئے گئے، غیر معیاری ایل پی جی سلنڈرز پھٹنے کے حادثات بہت بڑھ چکے تھے، اوگراقانون سازی سے کاروبار اور جانوں کو محفوظ بنا رہی ہے۔

لاہور: آئل اینڈ گیس ریگولیٹری اتھارٹی (اوگرا) نے گیس مزید مہنگی کرنے کی تیاری کرلی، گیس قیمت بڑھنےسے بلوں میں اوسطا ً155فیصدتک اضافہ ہوگا۔

تفصیلات کے مطابق سوئی ناردرن نے ایک ہی سال میں تیسرا بڑا گیس کی قیمت میں اضافہ مانگ لیا، ذرائع نے کہا ہے کہ اوگرا آج گیس قیمتوں میں اضافے کی سماعت لاہورمیں کرے گا، تنقید سے بچنے کے لئے میڈیا کو بھی سماعت میں باضابطہ نہیں بلایا گیا۔

ذرائع اوگرا نے کہا ہے کہ سوئی ناردرن کمپنی نے4489روپےفی ایم ایم بی ٹی یوقیمت تجویزکی ہے، گیس قیمت بڑھنےسے بلوں میں اوسطا ً155فیصدتک اضافہ ہوگا۔

ذرائع کا کہنا تھا کہ اس سے پہلے ایک سال میں گیس کی قیمت میں 600 فیصد تک اضافہ ہو چکا ہے ، سوئی ناردرن گیس اپنے اخراجات کنٹرول نہیں کرسکی۔

گیس کی قیمت میں مجوزہ اضافہ سے درمیانے طبقے کے چولہے بھی بجھ جائیں گے، صنعتکاروں کا کہنا ہے کہ گیس کی قیمت بڑھنے سےرہی سہی انڈسٹری بھی بند ہوجائے گی، سوئی ناردرن گیس کمپنی اپنے اللے تللے کم کرلے تو قیمت بڑھانےکی ضرورت نہیں پڑے گی۔

اسلام آباد : اوگرا نے گیس صارفین کی اکثریت کو سماعت میں شرکت سے محروم کردیا اور صارفین کوسماعت کیلئے آن لائن رسائی بھی نہیں دی گئی۔

تفصیلات کے مطابق گیس کی قیمت میں 137.62 فیصداضافے کی درخواست کے معاملے پر اوگرا نے گیس صارفین کی اکثریت کو سماعت میں شرکت سے محروم کردیا۔

ذرائع نے بتایا کہ اوگرا صوبائی دارالحکومتوں میں سماعتوں کا انعقاد کررہا ہے، دیگر تمام شہروں کے صارفین کوسماعت کیلئے آن لائن رسائی بھی نہیں دی گئی ، مختلف شہروں سے گھریلو صارفین کی اکثریت سماعت میں شریک نہیں ہوسکے گی۔

بجلی قیمتوں کے معاملے پر نیپرا اتھارٹی تمام سماعتیں ہیڈکوارٹر میں کرتی ہے اور نیپراسماعتوں میں عوامی آراء کیلئےآن لائن رسائی فراہم کی جاتی ہے۔

رجسٹراراوگرا نے کہا ہے کہ صوبائی دارالحکومتوں میں سماعتوں کا انعقاداوگراقوانین میں شامل ہے، اوگرا کےقدرتی گیس قوانین میں یہ چیز شامل کی گئی ہے، سماعت سے متعلق اشتہار میں تحریری تجاویز مانگی جاتی ہیں۔

ان کا کہنا تھا کہ صارفین اوگراکوتحریری تجاویز ارسال کرتے ہیں ، اگر کوئی ڈیمانڈ کرےتو صرف اسی کو آن لائن لنک فراہم کیا جاتا ہے اور قانون کے مطابق عوامی گیس سماعتوں کا سالانہ بجٹ رکھا جاتا ہے ساتھ ہی اوگرا لائسنسنگ سے اپنے سماعتوں کے اخراجات پورے کرتا ہے۔