Tag: اوگرا

اسلام آباد: آئل اینڈ گیس ریگولیٹری اتھارٹی (اوگرا) نے سوئی گیس کمپنیوں کے ٹیرف میں کمی تجویز کردی۔

اے آر وائی نیوز کی رپورٹ کے مطابق اوگرا نے سوئی ناردرن اور سوئی سدرن کے ٹیرف میں کمی تجویز کردی، اوگرا حکام کے مطابق ایس این جی پی ایل کے لیے 1287.19 روپے ایم ایم بی ٹی یو کی ڈیمانڈ ہے، ایس این جی پی ایل کے لیے ڈیمانڈ پر 623.31 ایم ایم بی ٹی یو مقرر کردئیے گئے۔

اوگرا حکام کے مطابق ایس این جی پی ایل کی گیس کی موجودہ قیمت 664.25 ایم ایم بی ٹی یو ہے، ایس این جی پی ایل کے لیے ڈیمانڈ سے 106.5 فیصد کم قیمت مقرر کی گئی ہے۔

اسی طرح ایس ایس جی سی کے لیے 881.53 روپے ایم ایم بی ٹی یو کی ڈیمانڈ ہے، ایس ایس جی سی کے لیے ڈیمانڈ پر 750.90 روپے مقرر کردئیے گئے، ایس ایس جی سی کے لیے گیس کی قیمت ڈیمانڈ سے 17.4 فیصد کم رکھی گئی ہے۔

اوگرا حکام کا کہنا ہے کہ قیمتوں میں اضافے کو عالمی تیل کی قیمتوں میں کمی کے پیش نظر مسترد کیا گیا، گیس کمپنیوں نے ریونیو ضروریات کی بنیاد پر قیمتیں بڑھانے کی اجازت مانگی تھی۔

اسلام آباد: آئل اینڈ گیس ریگولیٹری اتھارٹی (اوگرا) کی جانب سے ایل پی جی کی قیمت میں اضافے کا اعلان کردیا گیا۔

تفصیلات کے مطابق اوگرا نے مئی کے لیے ایل پی جی کی قیمت میں 21.65 روپے فی کلو گرام اضافے کا اعلان کردیا جس کا نوٹیفکیشن جاری کردیا گیا ہے۔

اوگرا کی جانب سے ایل پی جی سلنڈر کی قیمت میں 255.51 روپے فی سلنڈر اضافے کا اعلان کیا گیا ہے۔

نوٹیفکیشن کے مطابق مئی کے لیے 11.8 کلو گرام گھریلو سلنڈر کی نئی قیمت 1322.90 روپے مقرر کی گئی ہے۔

واضح رہے کہ اوگرا کی جانب سے گزشتہ ماہ ایل پی جی کی قیمت میں 39 روپے فی کلو کمی کا اعلان کیا گیا تھا، اپریل میں 11.8 کلو گرام گھریلو سلنڈر کی قیمت 1067.39 روپے تھی۔

مزید پڑھیں:  پیٹرول کی قیمت میں‌ 15 روپے فی لیٹر کمی

یاد رہے کہ مئی کے لیے حکومت نے پیٹرول کی فی لیٹر قیمت میں15 روپےکمی کا اعلان کیا تھا جس کے بعد نئی قیمت 81 روپے 58 پیسے تک پہنچ گئی۔ اسی طرح ہائی اسپیڈڈیزل میں 27روپے 15 پیسے کی کمی کا اعلان کیا گیا جس کے بعد فی لیٹر قیمت 80روپے 10 پیسے تک پہنچ گئی۔

اعلان کے مطابق مٹی کا تیل 30روپےسستا ہوگیا جس کے بعد نئی قیمت 47روپے44پیسےہوگئی، اسی طرح لائٹ ڈیزل 15 روپےسستاہوکر 47 روپے 51 پیسے فی لیٹر تک پہنچ گیا۔

اسلام آباد: پیٹرولیم مصنوعات کی قیمتوں میں کمی کے بعد ایل پی جی کی قیمتوں میں بھی کمی کا اعلان کردیا گیا۔

تفصیلات کے مطابق اوگرا نے اپریل کے لیے ایل پی جی کی قیمت میں 39 روپے فی کلو کمی کا اعلان کردیا جس کا نوٹیفکیشن جاری کردیا گیا ہے۔

نوٹیفکیشن کے مطابق ایل پی جی سلنڈر کی قیمت میں 462 روپے کی کمی کی گئی ہے۔

نوٹیفکیشن میں کہا گیا ہے کہ اپریل کے لیے 11.8 کلو کے گھریلو سلنڈر کی نئی قیمت 1067.39 روپے مقرر کی گئی ہے، مارچ کے لیے 11.8 کلو گھریلو سلنڈر کی قیمت 153.17 روپے تھی۔

مزید پڑھیں: سندھ میں پیٹرول پمپس بھی شام 5 بجے بند ہوں گے

واضح رہے کہ چند روز قبل حکومت کی جانب سے پیٹرولیم مصنوعات کی قیمتوں میں بھی کمی کا اعلان کیا گیا تھا۔

یاد رہے کہ کرونا وائرس کے پیش نظر کیے جانے والے لاک ڈاؤن کے تحت سندھ میں تمام پیٹرول پمپس شام 5 بجے بند کردئیے جاتے ہیں۔

محکمہ داخلہ سندھ کا کہنا تھا کہ کہ پیٹرول پمپس کو بھی مقررہ اوقات کے بعد بند کرایا جائے گا، پابندی کا اطلاق سندھ کے تمام شہروں پر ہوگا۔