ARYNews.tv | Urdu – Har Lamha Bakhabar

Tag: اوگرا

  • سوئی سدرن، سوئی ناردرن نے گیس قیمتوں میں اضافے کی درخواست کی: اوگرا

    سوئی سدرن، سوئی ناردرن نے گیس قیمتوں میں اضافے کی درخواست کی: اوگرا

    اسلام آباد: آئل اینڈ گیس ریگولیٹری اتھارٹی (اوگرا) نے کہا ہے کہ ایس ایس جی سی کی عوامی سماعت 20 نومبر کو کراچی میں ہوگی، ایس این جی پی کی عوامی سماعت 19 نومبر کو لاہور میں ہوگی۔

    تفصیلات کے مطابق آئل اینڈ گیس ریگولیٹری اتھارٹی (اوگرا) نے کہا کہ سوئی سدرن، سوئی ناردرن نے گیس قیمتوں میں اضافے کی درخواست کی ہے، سوئی سدرن نے گیس کی قیمت میں ساڑھے 8 فیصد اضافہ تجویز کیا،جب کہ  سوئی ناردرن نے گیس کی قیمت31 فیصد بڑھانے کی درخواست کی۔

    اوگرا کی جانب سے جاری اعلامیے میں کہا گیا ہے کہ اوگرا میں ایس ایس جی سی کی عوامی سماعت 20 نومبر کو کراچی میں ہوگی، اوگرا میں ایس این جی پی کی عوامی سماعت 19 نومبر کو لاہور میں ہوگی۔

    اعلامیے میں کہا گیا ہے کہ ایس ایس جی سی نے 62 روپے 52 پیسے فی ایم ایم بی ٹی یو کا اضافہ تجویز کیا، ایس این جی پی ایل نے 115 روپے 54 پیسے فی ایم ایم بی ٹی یو کا اضافہ تجویز کیا۔

    اوگرا اعلامیے کے مطابق ایس ایس جی سی کی اوسط 735روپے 48 پیسے فی ایم ایم بی ٹی یو وصول کر رہی ہے، ایس ایس جی سی کی قیمت 799 روپے فی ایم ایم بی ٹی یو پڑتی ہے۔

    اعلامیے میں مزید کہا گیا ہے کہ ایس این جی پی کی اوسط 624 روپے93 پیسے فی ایم ایم بی ٹی یو وصول کر رہی ہے، ایس این جی پی کی قیمت818 روپے95 پیسے فی ایم ایم بی ٹی یو پڑتی ہے۔

  • اوگرا نے ایل پی جی کی قیمتوں میں اضافہ کردیا

    اوگرا نے ایل پی جی کی قیمتوں میں اضافہ کردیا

    کراچی: اوگرا نے ایل پی جی کی قیمتوں میں اضافے کا نوٹس جاری کرتے ہوئے غریب عوام کو ایک اور دھچکا دے دیا۔ فی کلو قیمتوں میں یکمشت 13 روپے کا اضافہ کیا گیا ہے۔

    تفصیلات کے مطابق ایل پی جی کی پیداواری قیمت میں10710روپے فی میٹرک ٹن گھریلو سلنڈر میں 148روپے کمرشل سلنڈر کی قیمت میں 569روپے اور13روپے فی کلو قیمت میں اضافہ کیا گیا ہے۔اب گھریلو سلنڈر 1476روپے ، کمرشل سلنڈر 5677روپے اور 125.50روپے فی کلو مارکیٹ میں دستیاب رہے گی۔

    اوگرا نے ماہ اکتوبر کے لئے ایل پی جی کی قیمتوں میں اضافہ کا نوٹیفیکیشن جاری کر دیا۔ ایل پی جی کی پیداواری قیمت میں10710روپے فی میٹرک ٹن گھریلو سلنڈر میں 148روپے کمرشل سلنڈر کی میں 569روپے اور13روپے فی کلو قیمت میں اضافہ کر دیا۔

    اب پیداواری قیمت 56505روپے کی بجائے 67215 روپے ، گھریلو سلنڈر کی قیمت 1328 روپے کی بجائے 1476 روپے ، کمرشل سلنڈر 5108 کی بجائے 5677 روپے اور فی کلو 113 کی بجائے.50 125 روپے مارکیٹ میں دستیاب رہے گی۔

    اس موقع پر عرفان کھوکھر چیئرمین ایل پی جی انڈسٹریز ایسوسی ایشن پاکستان نے کہا کہ ایل پی جی غریب صارفین کا ایندھن ہے اس سے غریب لوگو ں کے روزگار جڑے ہوئے ہیں۔ ایل پی جی پٹرول اور ڈیزل کے مقابلے میں50 فیصد سستی ہے ۔

    یاد رہے کہ گزشتہ روز حکومت نے عالمی منڈیوں میں پٹرولیم مصنوعات کی بڑھتی ہوئی قیمتوں کے باوجود فیصلہ کیا تھا کہ عوام کو ریلیف دینے کے لیے پٹرولیم مصنوعات کی قیمتوں میں کوئی کمی وبیشی نہیں کی جائے گی اور قیمتوں کو ماہ ستمبر کی سطح پر برقرار رکھا جائے گا۔

  • پیٹرولیم مصنوعات کی قیمتوں میں 7 روپے کمی کا امکان

    پیٹرولیم مصنوعات کی قیمتوں میں 7 روپے کمی کا امکان

    اسلام آباد: پاکستان تحریک انصاف کی حکومت اپنے وعدوں کی تکمیل کے قریب پہنچ گئی، پیٹرولیم مصنوعات کی قیمتوں میں 7 روپے کمی کا امکان متوقع ہے۔

    تفصیلات کے مطابق آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں 7 روپے 67 پیسے تک کمی کا فیصلہ کرتے ہوئے سمری حکومت کو ارسال کردی ہے۔

    سمری میں ہائی اسپیڈ ڈیزل کی قیمت میں 7 روپے 67 پیسے فی لیٹر، پیٹرول کی قیمت میں 4 روپے 59 پیسے فی لیٹر اور مٹی کے تیل کی قیمت میں 4 روپے 27 پیسے کمی کی سفارش کی گئی ہے۔

    اوگرا نے لائٹ ڈیزل کی قیمت میں 5 روپے 63 پیسے فی لیٹر تک کمی کی بھی تجویز دی ہے۔

    قیمتوں میں کمی کی منظوری وزیر اعظم دیں گے جس کے بعد نئی قیمتوں کا اطلاق یکم ستمبر سے ہوگا۔

    اس سے قبل یکم اگست کو پیٹرولیم مصنوعات کی قیمتوں میں اضافہ کیا گیا تھا، حکومت کی جانب سے پیٹرول کی قیمت میں 5 روپے 15 پیسے اضافہ کیا گیا جس کے بعد پیٹرول کی نئی قیمت 117.83 پیسے ہوگئی تھی۔

    اس وقت ڈیزل کی قیمت میں بھی 5 روپے 65 پیسے اضافہ اور لائٹ ڈیزل آئل کی قیمت میں 8 روپے 90 پیسے فی لیٹر اضافہ کیا گیا تھا۔

  • حکومت نے پیٹرولیم مصنوعات کی قیمتوں میں اضافہ کردیا

    حکومت نے پیٹرولیم مصنوعات کی قیمتوں میں اضافہ کردیا

    اسلام آباد: حکومت نے پیٹرولیم مصنوعات کی قیمتوں میں ایک بار پھر اضافہ کردیا، اوگرا کی جانب سے پیٹرولیم مصنوعات کی قیمتوں میں اضافے کی سمری بھیجی گئی تھی۔

    تفصیلات کے مطابق حکومت نے عوام پر پیٹرول بم گراتے ہوئے پیٹرولیم مصنوعات کی قیمتوں میں پھر اضافہ کردیا ہے۔

    حکومت کی جانب سے پیٹرول کی قیمت میں 5 روپے 15 پیسے اضافہ کردیا گیا ہے، جس کے بعد پیٹرول کی نئی قیمت 117.83 پیسے ہوگئی ہے۔

    ڈیزل کی قیمت میں 5 روپے 65 پیسے اضافے کی منظوری دی گئی ہے جس کے بعد ڈیزل کی نئی قیمت 132.47 روپے فی لیٹر مقرر کردی گئی ہے۔

    لائٹ ڈیزل آئل کی قیمت میں 8 روپے 90 پیسے فی لٰٹر اضافہ کیا گیا ہے، لائٹ ڈیزل آئل کی نئی قیمت 90.52 ہوگئی ہے جبکہ مٹی کے ٹیل کی قیمت میں 5 روپے 38 پیسے فی لیٹر اضافہ کردیا گیا ہے۔

    پیٹرولیم مصنوعات کی نئی قیمتوں کا اطلاق رات 12 بجے سے ہوگا۔

    مزید پڑھیں: یکم اگست سے پٹرول کی قیمت میں اضافے کا امکان

    واضح رہے کہ آج حکومت کی جانب سے ایل پی جی کی قیمتوں میں اضافہ کیا گیا تھا جس کا نوٹیفکیشن بھی جاری کردیا گیا تھا۔

    نوٹیفکیشن کے مطابق ایل پی جی کی پیداواری قیمت میں 1384 روپے فی میٹرک ٹن اضافہ کیا گیا، گھریلو سلنڈر 1350 روپے جب کہ کمرشل سلنڈر 5194 روپے میں دستیاب ہوگا۔

    یاد رہے کہ گزشتہ ماہ جون میں حکومت نے پٹرولیم مصنوعات کی قیمتیں برقرار رکھنے کا فیصلہ کیا تھا۔

    اوگرا نے 28 جون کو پٹرولیم مصنوعات کی نئی قیمتوں کے حوالے سے سمری پٹرولیم ڈویژن کو ارسال کی تھی، جس میں پٹرول کی فی لیٹر قیمت 77 پیسے کم کرنے کی تجویز دی گئی تھی۔

  • اوگرا نے گیس کی قیمتوں میں اضافے کا نوٹی فکیشن جاری کردیا

    اوگرا نے گیس کی قیمتوں میں اضافے کا نوٹی فکیشن جاری کردیا

    اسلام آباد: آئل اینڈ گیس ریگیولیٹری اتھارٹی اوگرا نے گیس کی قیمتوں میں اضافے کا نوٹی فکیشن جاری کردیا، نئی قیمتوں کا اطلاق یکم جولائی سے ہوگا۔

    تفصیلات کے مطابق اوگرا کی جانب سے جاری نوٹی فکیشن کے مطابق 50 یونٹ گیس استعمال کرنے والے گھریلو صارفین کے لیے گیس کی قیمت 121 روپے فی یونٹ برقرار رکھی گئی ہے جبکہ ماہانا 100یونٹ پرقیمت127سے بڑھا کر300 روپے کردی گئی ہے۔

    ماہانہ 200 یونٹ گیس استعمال کرنے والوں کے لیے قیمت 264 روپے سے بڑھا کر 553 جبکہ ماہانہ 300 یونٹ گیس استعمال کرنے والوں کے لیے قیمت 275 روپے بڑھا کر 738 روپے کی گئی ہے۔

    ماہانہ 400 یونٹ گیس استعمال کرنے والوں کے لیے قیمت 780 روپے سے بڑھا کر 1107 جبکہ ماہانہ 400 یونٹ سے زائد گیس استعمال کرنے والوں کے لیے قیمت 1460 روپے برقرار رکھی گئی ہے۔

    اوگرا کے نوٹی فکیشن کے مطابق کھاد کارخانوں کے لیے بطور فیڈ گیس کی قیمت میں 61 فیصد جبکہ بجلی کارخانوں، سی این جی اور جنرل انڈسٹری کے لیے تمام شعبوں میں گیس کی قیمت 31 فیصد بڑھا دی گئی ہے۔

    یاد رہے کہ گزشتہ ہفتے حکومت نے گھریلو صارقین کے لیے گیس کی قیمتوں میں 200 فیصد اضافہ کرنے کا فیصلہ کیا تھا۔

  • یکم جولائی سے پیٹرول کی قیمت میں کمی کا امکان

    یکم جولائی سے پیٹرول کی قیمت میں کمی کا امکان

    اسلام آباد :‌ یکم جولائی سے پیٹرول کے فی لٹرکی قیمت میں 77 پیسے فی لٹر کمی کا امکان ہے ، ‌اوگرا نے سمری تیار کرکے پٹرولیم ڈویژن ارسال کردی‌‌‌ ہے۔

    تفصیلات کے مطابق  اوگرا نے پیٹرولیم مصنوعات کی قیمتوں میں اضافے کی سمری ارسال کردی، یکم جولائی سے پیٹرولیم مصنوعات کی قیمتوں میں دو روپے 30 پیسے تک اضافے کا امکان ہے۔

    دستاویز کے مطابق اوگرا نے ہائی سپیڈ ڈیزل کی قیمت میں 2 روپے 30 پیسے اضافے اور پیٹرول کے فی لٹر کی قیمت میں 77 پیسے فی لٹر کمی کی تجویز دی گئی ہے۔

    اوگرا نے لائٹ ڈیزل آئل کی قیمت میں 26 پیسے اضافے اور مٹی کے تیل کی قیمت میں 2 روپے 94 پیسے کمی کی سفارش کی گئی ہے۔

    مزید پڑھیں : پیٹرول کی قیمت میں 4 روپے 26 پیسے کا اضافہ کر دیا گیا

    گذشتہ ماہ پیٹرول کی قیمت میں 4 روپے26 پیسےکا اضافہ کیا گیاتھا ، جس کے بعد نئی قیمت 112 روپے 68 پیسےفی لیٹر ہوگی تھی ، ہائی اسپیڈ ڈیزل میں 4 روپے 50 پیسے ، مٹی کےتیل کی قیمت میں 1 روپے 69 پیسے کا اضافہ کیا گیا تھا۔

    اس سے قبل5 مئی کو حکومت نے پیٹرول کی قیمتوں میں 9 روپے 42 پیسے، ڈیزل کی قیمت میں 4 روپے 89 پیسے جبکہ مٹی کے تیل کی قیمت میں 7 روپے 46 پیسے فی لیٹر اضافہ کیا تھا۔

    بعد ازاں معاون خصوصی برائے اطلاعات فردوس عاشق اعوان نے کہا کہ عالمی سطح پر تیل کی قیمت میں اضافہ ہوا ہے، قیمتوں میں اضافے کا بوجھ حکومت اور عوام کو مل کر برداشت کرنا پڑے گا۔

  • عید سے پہلے پیٹرول کی قیمت میں9 روپے 50پیسے اضافہ متوقع

    عید سے پہلے پیٹرول کی قیمت میں9 روپے 50پیسے اضافہ متوقع

    اسلام آباد : عید سے پہلے پیٹرول کی قیمت میں 9 روپے 50پیسے فی لیٹر اضافے کا امکان ہے، اوگرا نے پیٹرولیم مصنوعات کی قیمتوں میں اضافے کی سمری ارسال کردی ہے۔

    تفصیلات کے مطابق اوگرا نے پیٹرولیم مصنوعات کی قیمتوں میں اضافے کی سمری ارسال کردی، پیٹرولیم مصنوعات کی قیمتوں میں بارہ روپے تک کا اضافہ متوقع ہے۔

    ارسال کی گئی سمری کے مطابق پیٹرول کی فی لیٹر قیمت میں نو روپے پچاس پیسے، ہائی اسپیڈ ڈیزل گیارہ روپے پچاس پیسے جبکہ لائٹ ڈیزل سات روپے پچاسی پیسے مہنگا کرنے کی تجویز دی گئی ہے۔

    مٹی کے تیل کی قیمت میں بھی بارہ روپےتک کا اضافہ تجویز کیا گیا ہے۔

    اوگرا کے مطابق روپے کی قدر میں کمی اورعالمی منڈی میں خام تیل کی قیمت میں اضافے کے باعث پیٹرولیم مصنوعات مہنگی کرنےکی تجویز دی گئی ہے۔

    یاد رہے رواں ماہ کے آغاز  پر بھی حکومت نے پیٹرول کی قیمتوں میں 9 روپے 42 پیسے، ڈیزل کی قیمت میں 4 روپے 89 پیسے جبکہ مٹی کے تیل کی قیمت میں 7 روپے 46 پیسے فی لیٹر اضافہ کیا تھا۔

    مزید پڑھیں : پٹرولیم مصنوعات کی قیمتوں میں اضافہ، پیٹرول 9 روپے 42 پیسے مہنگا

    ہائی اسپیڈل ڈیزل کی قیمت 4 روپے 89 پیسے فی لیٹر بڑھا دی گئی تھی، جس کے بعد ڈیزل کی نئی قیمت 122 روپے 32 پیسے فی لیٹر ہوگئی جبکہ لائٹ ڈیزل آئل کی قیمت 86 روپے 94 پیسے فی لیٹر مقرر کی گئی تھی۔

    بعد ازاں معاون خصوصی برائے اطلاعات فردوس عاشق اعوان نے کہا کہ عالمی سطح پر تیل کی قیمت میں اضافہ ہوا ہے، قیمتوں میں اضافے کا بوجھ حکومت اور عوام کو مل کر برداشت کرنا پڑے گا۔

    واضح رہے کہ اوگرا نے پیٹرول 14 روپے 37 پیسے فی لیٹر مہنگا کرکے 113 روپے کرنے کی سفارش کی تھی، تاہم وفاقی کابینہ نے پٹرولیم مصنوعات کی قیمتوں میں اضافے کا معاملہ ای سی سی کو بھجوایا تھا، جس کے بعد اقتصادی رابطہ کمیٹی نے پٹرول کی فی لیٹر قیمت میں 9 روپے اضافے کی سفارش کی تھی۔

  • گیس قیمتوں میں ممکنہ اضافے کو مکمل طور پر مسترد کرتے ہیں: شہباز شریف

    گیس قیمتوں میں ممکنہ اضافے کو مکمل طور پر مسترد کرتے ہیں: شہباز شریف

    لندن: اوگرا کی جانب سے گیس کی قیمتوں میں مزید 45 فی صد اضافے کی سفارش پر شہباز شریف نے ردِ عمل ظاہر کرتے ہوئے کہا ہم گیس قیمتوں میں ممکنہ اضافے کو مکمل طور پر مسترد کرتے ہیں۔

    تفصیلات کے مطابق قومی اسمبلی میں قائد حزب اختلاف شہباز شریف نے ایک بیان میں کہا ہے کہ حکومت ملکی امور چلانے میں مکمل طور پر نا کام ہو چکی ہے۔

    شہباز شریف کا کہنا تھا کہ گیس اضافہ فوری واپس لیا جائے، گیس، بجلی، پیٹرول اور اشیائے ضروریہ کی قیمتوں میں ہوش ربا اضافہ کیا گیا ہے، عوام کیسے زندہ رہیں گے۔

    انھوں نے مزید کہا کہ ملکی معیشت اسی طرح ڈوبتی رہی تو قومی سلامتی کے لیے سنگین خطرہ لاحق ہوگا۔

    یہ بھی پڑھیں:  پیپلز پارٹی نے گیس قیمتوں میں اضافہ مسترد کر دیا

    شہباز شریف نے مطالبہ کیا کہ مہنگائی کو دیکھتے ہوئے کم از کم تنخواہ 30 ہزار روپے کی جائے، اور تنخواہ دار طبقے کو تنخواہ میں کم از کم 10 ہزار کا فوری ریلیف دیا جائے۔

    خیال رہے کہ ماہ رمضان میں عوام کے چولھے ٹھنڈے کرنے کی تیاری کر لی گئی ہے، گزشتہ روز اوگرا نے گیس کی قیمتوں میں 47 فی صد تک اضافے کی منظوری دے دی ہے۔

    یہ بھی پڑھیں:  اوگرا نے گیس کی قیمتوں میں 47 فیصد اضافے کی منظوری دے دی

    سوئی ناردرن کے صارفین کے لیے گیس 236 روپے فی ایم ایم بی ٹی یو مہنگی ہوگئی ہے، جب کہ سوئی سدرن کے صارفین کا ٹیرف بھی 159 روپے فی ایم ایم بی ٹی یو مہنگا ہوگیا ہے۔

    گیس قیمتوں میں اضافے کا اطلاق حکومت کی جانب سے نوٹی فیکیشن جاری ہونے کے بعد ہوگا۔

  • اوگرا نے گیس کی قیمتوں میں 47 فیصد اضافے کی منظوری دے دی

    اوگرا نے گیس کی قیمتوں میں 47 فیصد اضافے کی منظوری دے دی

    اسلام آباد: ماہ رمضان میں عوام کے چولہے ٹھنڈے کرنے کی تیاری کرلی گئی، اوگرا نے گیس کی قیمتوں میں 47 فیصد تک اضافے کی منظوری دے دی۔

    تفصیلات کے مطابق آئل اینڈ گیس ریگولیٹری اتھارٹی (اوگرا) نے گیس کی قیمتوں میں 47 فیصد تک اضافے کی منظوری دے دی۔ سوئی ناردرن کے صارفین کے لیے گیس 236 روپے فی ایم ایم بی ٹی یو مہنگی ہوگئی ہے۔

    دوسری جانب سوئی سدرن کے صارفین کا ٹیرف بھی 159 روپے فی ایم ایم بی ٹی یو مہنگا ہوگیا ہے۔

    ترجمان اوگرا کا کہنا ہے کہ گیس کی قیمتوں میں مالی سال 20-2019 کے لیے کیا گیا ہے۔ اوگرا نے یکم جولائی سے گیس قیمتوں میں اضافے کی سفارش کی ہے۔

    گیس قیمتوں میں اضافے کا اطلاق حکومت کی جانب سے نوٹی فیکیشن کے بعد ہوگا۔

    خیال رہے کہ چند روز قبل ہی پیٹرول کی قیمت میں بھی یکمشت 9 روپے اضافہ کیا گیا تھا، حکومت نے ڈیزل کی قیمت میں 4 روپے 89 پیسے جبکہ مٹی کے تیل کی قیمت میں 7 روپے 46 پیسے فی لیٹر اضافہ کیا تھا۔

    9 روپے اضافے کے بعد پیٹرول کی موجودہ قیمت 108 روپے ہوگئی ہے۔

  • پیٹرول کی قیمتوں‌ میں‌ اضافہ متوقع

    پیٹرول کی قیمتوں‌ میں‌ اضافہ متوقع

    اسلام آباد: آئل اینڈ گیس ریگولیٹری اتھارٹی (اوگرا) نے پیٹرولیم مصنوعات کی قیمتوں میں اضافے کی سمری حکومت کو ارسال کر دی.

    تفصیلات کی مطابق اوگرا نے اپنی سمری میں یکم مئی سے پیٹرولیم مصنوعات میں بھاری اضافے کی سفارش کی ہے.

    آئل اینڈ گیس ریگولیٹری اتھارٹی نے 14 روپے 37 پیسے فی لیٹر مہنگا کرنے کی سفارش کی ہے، جب کہ ڈیزل کی قیمت میں فی لیٹر 4 روپے 89 پیسے اضافے کی سفارش کی گئی ہے.

    ذرائع کے مطابق مذکورہ سمری میں مٹی کا تیل فی لیٹر 7 روپے 46 پیسے مہنگا اور لائٹ ڈیزل آئل کی قیمت 6 روپے 40 پیسے فی لیٹربڑھانے کی سفارش کی گئی ہے.

    مزید پڑھیں: گیس کی قیمت میں 75 سے 80 فیصد اضافہ متوقع ہے، چیئرپرسن اوگرا

    یاد رہے کہ 15 اپریل 2019 کو اپنے بیان میں چیئرپرسن اوگرا عظمی عادل خان کا کہنا ہے گیس کی قیمتوں میں اضافہ ناگزیر ہے، 75 سے 80 فیصد اضافہ ہو سکتا ہے، نئی قیمتوں کا اطلاق یکم جولائی سے ہو گا۔

    ان کا کہنا تھا کہ کہنا تھا کہ گیس کی قیمتوں میں اضافہ ناگزیر ہے، قیمت خرید میں اضافہ ہوا ہے۔ گذشتہ دو سال سے گیس کی قیمتیں نہیں بڑھ سکیں۔ قیمت خرید اور فروخت میں فرق بڑھ گیا ہے۔