پاکستانی معیشت کا آؤٹ لک منفی سےمستحکم کرنےکےبعد عالمی ریٹنگ ایجنسی موڈیزنے پاکستان کے پانچ بڑے کمرشل بینکوں کی ریٹنگ بھی منفی سے مستحکم کردی ہے۔
موڈیزانویسٹرسروسز نے پانچ پاکستانی کمرشل بینکوں کی ریٹنگ منفی سےبہترکرکےمستحکم کردی ہے،ان بینکوں میں حبیب بینک، ایم سی بی، الائیڈ بینک، یو بی ایل اور نیشنل بینک آف پاکستان شامل ہیں۔۔عالمی ریٹنگ ایجنسی موڈیزنے پاکستان کے پانچ بڑے بینکوں کی ریٹنگ پانچ سال بعد منفی سے مستحکم کی ہے،عالمی ادارہ دوروزقبل پاکستانی معیشت کاآؤٹ لک بھی منفی سےمستحکم کرچکا ہے، موڈیز کے مطابق حکومت کی جانب سے معاشی اصلاحات کےعمل سے بینکاری نظام کو بھی فائدہ پہنچےگا۔