ARYNews.tv | Urdu – Har Lamha Bakhabar

Tag: آئس کریم

  • 19 لاکھ روپے کی اس آئس کریم میں کیا خاص بات ہے؟

    19 لاکھ روپے کی اس آئس کریم میں کیا خاص بات ہے؟

    دنیا بھر میں کھانے پینے کی اشیا میں مختلف قیمتی اور نایاب اجزا شامل کر کے اسے نہایت بھاری قیمت پر فروخت کیا جاتا ہے، اور ایسے دیوانوں کی بھی کمی نہیں جو اسے کھانے کے لیے ہزاروں لاکھوں ڈالرز خرچ کرنے کو تیار ہوں۔

    مہنگی آئس کریم بنانے کی دوڑ میں جاپانی آئس کریم برانڈ کیلاٹو گنیز ورلڈ ریکارڈز کا ٹائٹل حاصل کرنے میں کامیاب ہوگیا ہے۔

    اس منفرد آئس کریم کی تیاری میں کچھ نایاب اجزا کا استعمال کیا گیا ہے، آئس کریم میں منفرد ذائقہ بنانے کے لیے وائٹ ٹرائفل، پارمیگیانو ریگیانو، اور سانپ لیز کا استعمال کیا گیا ہے۔

    بتایا جا رہا ہے کہ اس ترکیب کو مکمل کرنے میں تقریباً 2 سال کا عرصہ لگ گیا ہے۔

    بیکویا نامی اس ذائقے کے فی اسکوپ کی قیمت 6 ہزار 696 ڈالر ہے جو پاکستانی روپے میں تقریباً 19 لاکھ 23 ہزار سے زائد بنتی ہے، گنیز ورلڈ ریکارڈ نے اسے دنیا کی سب سے مہنگی آئس کریم کا خطاب دیا ہے۔

    گنیز بک آف ورلڈ ریکارڈ کے آفیشل انسٹاگرام ہینڈل نے اس آئس کریم کی ایک ویڈیو پوسٹ کی، جس کے عنوان کے ساتھ ’سب سے مہنگی آئس کریم‘ کا ٹائٹل بھی لکھا، اور ساتھ ساتھ یہ بھی بتایا گیا کہ اس آئس کریم میں کھانے کے قابل سونے کی پتی، سفید ٹرفل اور قدرتی پنیر شامل ہیں۔

    30 سیکنڈ کی مختصر ویڈیو میں ایک شخص کو آئس کریم باکس کھولتے ہوئے دکھایا گیا ہے، سنہری جار کے اندر، آئس کریم پڑی ہے۔ پھر، وہ شخص آئس کریم پر کیریمل کی ایک تہہ پھیلاتا ہے۔

    اس کے بعد وہ شخص آئس کریم کھانے کے لیے ڈبے سے ایک خاص چمچ نکالتا ہے، چاندی کا چمچ آئس کریم میں خوبصورتی کا ایک لمس شامل کرتا ہے، جو اسے ان لوگوں کے لیے ایک خاص دعوت بناتا ہے جو ایک نایاب اور دلفریب تجربے کی تلاش میں ہیں۔

  • کاپی کیٹ چیلنج مہنگا پڑگیا، پولیس نے آئس کریم خراب کرنے والے شہری کو گرفتار کرلیا

    کاپی کیٹ چیلنج مہنگا پڑگیا، پولیس نے آئس کریم خراب کرنے والے شہری کو گرفتار کرلیا

    واشنگٹن : پولیس نے سپر مارکیٹ میں آئسکریم چاٹ کر واپس فریج میں رکھنے والی خاتون کی طرز پر آئسکریم چکھنے اور واپس شیلف میں رکھنے والے شخص کو گرفتار کرلیا۔

    تفصیلات کے مطابق دو روز سوشل میڈیا پر وائرل ہونے والی ایک اور ویڈیو میں ایک سیاہ فام شخص کو فیملی سائز بلو بیل آئس کریم کا ڈبّہ کھول کر چاٹنےاور واپس فریج میں رکھتے ہوئے دیکھا جاسکتا ہے۔

    غیر ملکی خبر رساں ادارے کا کہنا تھا کہ لینیائز مارٹن تھری ٹیکساس کی سپر مارکیٹ میں آئسکریم چکھ کر واپس رکھنے والی خاتون کی طرح ویڈیو اسٹنٹ کررہا تھا۔

    میڈیا رپورٹس کا کہنا ہے کہ ویڈیو پرینک کی کاپی کیٹ  بنانے شخص کو پولیس نے گرفتار کرلیا۔

    سوشل میڈیا پر وائر ل ہونےو الی ویڈیو میں دیکھا جاسکتا ہے کہ مارٹن تھری بلوبیل آئسکریم کا ٹب فریج سے نکالتا ہے اور انگلی سے چکھنے کے بعد زبان آئسکریم چاٹ کر واپس فریج میں رکھ دیتا ہے۔

    امریکی ریاست لوویزیانا کی پولیس نے شہریوں سے گزارش کی ہے کہ وہ اس ظالمانہ حرکت کی نقل کرنے کوشش نہ کریں کیونکہ اگر کوئی پکڑا گیا تو اسے مقدمے کا سامنا کرنا پڑے گا۔

    تحقیق کارروں کا کہنا ہے کہ 36 سالہ مارٹن لوویزیانا کے بیلی روز سپرمارکیٹ میں واپس گیا اور ثبوت کے طور پر آئسکریم خریدنے کی سلپ بھی فراہم کی۔

    برطانوی خبرر ساں ادارے کاکہنا تھا کہ پولیس نے مارٹن تھری کے خلاف غیرقانونی ویڈیو کرنے اور شہرت و پبلک سٹی کےلیے کنزیومر اشیاء کو نقصان پہنانے کے جرم میں مقدمہ درج کیا ہے اور مذکورہ شخص تاحال پولیس کی تحویل میں ہے۔

    پولیس ترجمان کا کہنا تھا کہ ’ہم ظالمانہ و ناپسندیدہ حرکت کی نقل بنانے کی حوصلہ شنکی کریں گے‘ ۔

    پولیس ترجمان کا کہنا تھا کہ یہ کام غیر قانونی ہے اور اس سے دوسروں کی صحت کو خطرہ ہے اور کوئی ایسا کام کرتا نظر آیا تو اس کےخلاف مقدمہ درج ہوگا۔

    یاد رہے کہ کچھ روز قبل سماجی رابطے کی ویب سائٹ پر ایک خاتون کی ویڈیو وائرل ہوئی تھی جس میں خاتون کو بلو بیل کمپنی کی آئسکریم کا فیملی سائز کھول کر چکھنے اور واپس شیلف میں رکھتے دیکھا گیا تھا، خاتون کا یہ ویڈیوکلپ ابتک 1 کروڑ 10 لاکھ افراد ٹویٹر پر دیکھ چکے ہیں۔

    پولیس نے کہنا تھا کہ خاتون کو کنزیومر اشیاء سے چھیڑ چھاڑ کرنے کے جرم میں 20 سال قید اور 8 ہزار ڈالر جرمانے کا سامنا کرنا پڑے گا۔