کراچی میں شارع فیصل میٹروپول کے قریب ٹرک اور آئل ٹینکر میں ٹکر ہوگئی۔
پولیس حکام کے مطابق حادثے کے باعث ٹرک ڈرائیور سے بے قابو ہو کر فٹ پاتھ پر چڑھ گیا، حادثے میں ڈرائیور سمیت دو افراد زخمی ہوگئے۔
پولیس نے بتایا کہ حادثہ تیز رفتاری کے باعث پیش آیا، آئل ٹینکر ڈرائیور کو حراست میں لے لیا گیا ہے۔
کراچی: شہر قائد کے علاقے قائد آباد میں آئل ٹینکر الٹ گیا، کئی گھنٹے گزرنے کے بعد جب ٹینکر کو ہٹایا گیا تو ایک شخص کی لاش برآمد ہوئی۔
تفصیلا ت کےمطابق کراچی کے علاقے قائد آباد میں حادثے کے سبب آئل ٹینکر کو الٹے دسگھنٹے سے زائد وقت گزرنے کے بعد اسے ہٹایا گیا، ٹینکر کے نیچے ایک شہری کی لاش موجود تھی جس کی شناخت نہیں ہوسکی ہے، میت سر تا پا تیل میں ڈوبی ہوئی تھی۔
حادثے میں ٹینکر کے نیچے دب کر جاں بحق ہونےوالے شہری کی میت جناح اسپتال منتقل کردی گئی ہے۔ جہاں اسے شناخت کے مرحلے سے گزارا جائے گا۔
آئل ٹینکر الٹنے کے بعد حسبِ معمول شہریوں کی ایک بڑی تعداد جائے حادثہ پر پہنچ گئی ہے اور کنستروں میں تیل بھرنے میں مصروف ہے، شہریوں کا یہ نامناسب عمل کسی بھی وقت بڑے حادثے کا پیش خیمہ بن سکتا ہے۔
ذرائع کا کہنا ہے کہ تیل جمع کرنے والوں میں بڑی تعداد عام افراد کے بجائے کسی منظم مافیہ کے کارندوں کی ہے ، جو تیل کو باقاعدہ کنستروں میں بھر کر سوزوکی پک اپ میں لوڈ کرکے لے جارہے ہیں۔
تاحال انتظامیہ کی جانب سے کسی بھی قسم کے کوئی حفاظتی انتظامات نہیں کیے گئے ہیں اور آٹھ گھنٹے گزرنے کے باوجود ٹینکر کو ہٹایا نہیں گیا ہے، جس سے ٹریفک کی روانی میں بھی خلل پڑا ہے۔
جائے وقوعہ پر پولیس کا عملہ موجود ہے لیکن شہریوں کی کثیر تعداد کے سبب ان کی جانب سے محض زبانی وارننگز پر ہی اکتفا کیا گیا اور شہریوں کو وہاں سے منتشر کرنے کے لیے عملی اقدامات کے بجائے پولیس اہلکار خاموش تماشائی بنے کھڑے ہیں۔
یاد رہے کہ آج سے دو سال قبل پنجاب کے شہر بہاولپور کے علاقے احمدپورشرقیہ میں ٹریفک حادثے کا شکار ہونے والے ٹینکر سے بہتے آئل میں آگ لگ گئی تھی ُ جس کے نتیجے میں موقع پر 170 افراد جاں بحق اور140 سے زائد زخمی ہوئے تھے۔ حادثے کا شکار ہونے والے ٹینکر کا ڈرائیور بھی دورانِ علاج چل بسا تھا۔
ڈرائیور نے اسپتال میں علاج کے دوران بیان دیا تھا کہ اس نے آئل ٹینکر پلٹنے کے بعد وہاں موجود لوگوں کو آئل جمع کرنے سے روکنے کی کوشش کی لیکن کسی نے اس کی ایک نہ سنی‘ اور اسی دوران ٹینکر دھماکے سے پھٹ گیا جس کے نتیجے میں اتنا بڑا جانی نقصان پیش آیا۔
حیرت انگیز طور پر ماضی قریب میں اتنا بڑا سانحہ ہونے کے باوجود بھی شہریوں نے ہوش کے ناخن نہیں لیے ہیں اور چند پیسوں کے لیے اپنی جان کو ہتھیلی پر رکھ کر تیل بھرنے میں مصروف ہیں۔
کراچی : شیرشاہ میں گل بائی پُل پر آئل ٹینکر الٹ گیا، ٹینکر سے آئل لیک ہونے کے باعث ہولناک آگ بھڑک اٹھی، حکام نے سٹرک ٹریفک کے لیے بند کردی۔
تفصیلات کے مطابق شہر قائد کے علاقے شرشاہ میں گل بائی پُل پر ہزاروں لیٹر کروڈ آئل سے لدا ٹینکر نامعلوم وجوہات کے باعث الٹ گیا، جس کے نتیجے میں ڈرائیور معمولی زخمی ہوگیا اور ٹینکر سے ہزاروں لیٹر کروڈ آئل بھی بہے کر ضائع ہوگیا۔
حادثے کے بعد کسی امکانی واقعے سے بچنے کے لئے انتظامیہ کی جانب سے اعتراف کی سٹرکوں اور آئی آئی چندیگر روڈ کو ٹریفک کہ لئے بند کرنے کے ساتھ ضلع کے تمام واٹر ہائیڈرنٹس پر ایمرجنسی نافذ کردی گئی ہے۔
ذرائع کا کہنا ہے کہ آگ لگنے کے باعث قریبی گودام اور متعدد گاڑیاں بھی جل کر خاکستر ہوگئیں، تاحال کسی جانی نقصان کی اطلاع موصول نہیں ہوئی۔
ذرائع کا کہنا ہے کہ دھوئیں کی وجہ سے علاقے میں سانس لینے میں مشکلات کا بھی سامنا کرنا پڑرہا ہے۔
مزید پڑھیں : بہاولپور: آئل ٹینکر میں آگ لگنے سے 140 افراد جاں بحق
یاد رہے کہ ایک برس قبل صوبہ پنجاب کےشہربہاولپورمیں احمد پور شرقیہ کے قریب آئل ٹینکر دھماکےکے نتیجےمیں 140 افراد جاں بحق جبکہ 146 افراد زخمی ہوگئے تھے۔
واضح رہے کہ 29 رمضان کو ٹینکر میں آگ لگنے سے 140 افرادجاں بحق اور 100 سے زائد زخمی ہوگئے تھے، واقعہ قومی شاہراہ پر پُل پکی کے قریب اس وقت پیش آیا جب آئل ٹینکر سے تیل لیک ہوا اور لوگوں کی بڑی تعداد تیل جمع کرنے کے لیے وہاں پہنچی تو آئل ٹینکر اچانک دھماکے سے پھٹ گیا تھا۔
حیدرآباد میں ٹنڈو جام کے قریب خیبرایکسپریس کی ٹکر سے آئل ٹینکر دو حصوں میں تقسیم ہوگیا، تاہم معجزانہ طور پرکوئی جانی نقصان نہیں ہوا۔
پولیس ذرائع کے مطابق رات گئے کراچی سے پشاور جانے والی خیبر ایکسپریس حیدرآباد میں ٹنڈو جام کے قریب خیبر ایکسپریس آل ٹینکر سے ٹکرا گئی، تاہم حادثے میں ٹرین کے مسافر معجزانہ طور پر بچ گئے جبکہ آئل ٹینکر 2ٹکڑوں میں ہوگیا۔
حادثے کے بعد ریلوے ٹریک بند کردیا گیا، ذرائع کے مطابق شدید سردی کے باعث امدادی کاموں میں تاخیر سے مسافروں کو شدید مشکلات کا سامنا کرنا پڑا۔