اسلام آباد : آئندہ مالی سال کے بجٹ میں کاربن لیوی عائد کرنے کی تجویز ہے، اس حوالےآئی ایم ایف کیجانب سے تجاویز فراہم کی جائیں گی۔
تفصیلات کے مطابق آئندہ مالی سال 2025-2026 کیلئے بجٹ میں کاربن لیوی عائد کرنے کی تجویز دی گئی ہے۔
ذرائع نے بتایا کہ آئی ایم ایف وفد کیساتھ آئندہ مذاکرات کےدوران ابتدائی مسودے پر بات ہوگی، کاربن لیوی عائد کرنے کیلئے آئی ایم ایف کی جانب سے تجاویز فراہم کی جائیں گی۔
ذرائع کا کہنا تھا کہ 24 سے 28 فروری تک تکنیکی ٹیم وفاق اور صوبوں کیساتھ مذاکرات کرے گی، اس دوران گرین بجٹنگ، کلائمیٹ اسپینڈنگ پر ٹیگنگ، ٹریکنگ، رپورٹنگ پر مذاکرات ہوں گے۔
ذرائع نے کہا کاربن لیوی عائد کرنے، الیکٹریکل وہیکل اور سبسڈی پر بھی بات چیت ہو گی جبکہ آئی ایم ایف وفد آئندہ بجٹ میں گرین بجٹنگ کو وسیع کرنے کیلئے تجاویز بھی دے گا۔
آئی ایم ایف وفد کل پہنچ جائے گا اور نئے قرض پروگرام کیلئےپیر سے مذاکرات شروع ہوں گے ، جس کے بعد پاکستان ایک سے ڈیڑھ ارب ڈالر کا رعایتی قرض پروگرام حاصل کرسکے گا۔
