Tag: آئینی ترمیم

لاہور : آئینی ترمیم کے حق میں ووٹ دینے کے حوالے سے پی ٹی آئی رکن قومی اسمبلی زین قریشی کا تردیدی بیان سامنے آگیا۔

تفصیلات کے مطابق آئینی ترمیم کے حق میں ووٹ دینے کے حوالے سے پی ٹی آئی رکن قومی اسمبلی زین قریشی نے اپنے ویڈیو بیان میں کہا کہ آئینی ترمیم کےحوالےسےمیرےخلاف جھوٹا پروپیگنڈا کیا گیا۔

پی ٹی آئی رکن قومی اسمبلی کا کہنا تھا کہ والد شاہ محمود قریشی کے کہنے پر روپوشی اختیارکی، والد نےلاہور بلا کر کہا کسی صورت آئینی ترمیم منظور نہ ہو۔

انھوں نے اسمبلی میں موجودگی کی خبرکی تردید کرتے ہوئے کہا کہ قومی اسمبلی جانا تو دور قریب سے بھی نہیں گزرا،پی ٹی آئی فیملی یقین کرےترمیم کا حصہ نہیں بنا۔

رہنما پی ٹی آئی نے مزید کہا کہ مجھ پر تنقید کرنےوالےاپنےگریبان میں جھانکیں، مجھے زدوکوب کیا ، میری بیوی کو اغوا کیا لیکن پارٹی کے ساتھ کھڑا ہوں۔

ان کا کہنا تھا کہ حکومتی اہلکار سے ملاقات ثابت ہوجائے تو سیاست چھوڑدوں گا۔

فوادچوہدری نے کہا ہے کہ مولانا فضل الرحمان مانیں گے تو آئینی ترمیم ہوگی ورنہ نہیں ہوگی، 90 فیصد تجویز کردہ ترامیم تو پہلے ہی ختم ہوچکی ہیں۔

اے آر وائی کے پروگرام آف دی ریکارڈ میں گفتگو کرتے ہوئے سیاستدان فواد چوہدری کا کہنا تھا کہ 90 فیصد تجویز کردہ ترامیم تو پہلے ہی ختم ہوچکی ہے اب معاملہ آئینی عدالت پر ہے، سیاستدانوں نے آئینی ترمیم پربات کرنی ہے تو یہ ترمیم نہیں ہوگی۔

انھوں نے یہ بھی کہا کہ مولانا فضل الرحمان کی حمایت کے باوجود آئینی ترمیم منظور نہیں ہوگی، نمبرز پورے نہیں ہیں تو ظاہر ہے پی ٹی آئی کے لوگوں کو ہی توڑا جائےگا، سمجھ نہیں آتی سب کچھ روند کر آئینی ترمیم کیوں کرنا چاہتے ہیں۔

فواد چوہدری نے کہا کہ پی ٹی آئی منظم نہیں ہے کیونکہ تنظیم نہیں لیکن وکلا منظم ہیں، وکلا بھی میدان میں آرہے ہیں، مولانافضل الرحمان بھی آسکتے ہیں۔

انھوں نے کہا کہ لائرز موومنٹ ہر صورت شروع ہوگی اس میں کوئی دورائے نہیں ہے، بانی پی ٹی آئی پر پہلے بھی قاتلانہ حملہ ہوچکا ہے اس لیے فیملی کو خدشات ہیں۔

بانی پی ٹی آئی سے ملاقات پر پابندی لگادی تو لوگوں کے خدشات بڑھیں گے، ڈاکٹر عاصم، ڈاکٹر فیصل جیسے لوگ سیاستدان نہیں، ملاقات کرادینی چاہیے تھی۔

فواد چوہدری کا کہنا تھا کہ بلاول بھٹو کی سیاست نہیں ہے پیچھے سے آصف زرداری سیاست کررہے ہیں، فیصلہ سازی نواز شریف اور آصف زرداری نے کرنی ہے، بلاول یا مریم نے نہیں۔

بیرسٹر علی ظفر نے کہا ہے کہ آئینی ترمیم کیلئے جے یو آئی ساتھ نہیں دیتی تو حکومت کو 12 سے زائد ووٹوں کی ضرورت ہوگی۔

اے آر وائی نیوز کے پروگرام آف دی ریکارڈ میں گفتگو کرتے ہوئے پاکستان تحریک انصاف کے رہنما بیرسٹر علی ظفر نے کہا کہ آئینی ترمیم روکنے میں جے یو آئی (ف) نے کردار ادا کیا ہے، آئینی ترمیم کو روکنے میں دوسرا کردار آرٹیکل 63 اے کا ہے،

علی ظفر نے کہا کہ سپریم کورٹ نظرثانی سے متعلق کوئی فیصلہ ہوتا ہے تو پھر صورتحال تبدیل ہوگی، موجودہ بینچ کو غیرآئینی سمجھتے ہیں حکومت اسی بینچ کے فیصلے کا انتظار کررہی ہے۔

رہنما تحریک انصاف نے کہا کہ سینیٹ میں کوئی بھی پی ٹی آئی ممبر ہارس ٹریڈنگ میں ملوث نہیں ہوگا، سینیٹ میں کوئی بھی ممبران کیساتھ نہیں جاتا تو یہ آئینی ترمیم نہیں لاسکتے۔

بیرسٹرعلی ظفر کا مزید کہنا تھا کہ ہمارے تمام ممبرز سیف ایریاز میں ہیں امید ہے کوئی ہارس ٹریڈنگ نہیں کریگا۔

انھوں نے کہا کہ آج سپریم کورٹ میں آئین وقانون کے مطابق بحث کی ہے، آج سپریم کورٹ میں جو واقعہ ہوا اس کی بالکل حمایت نہیں کرتا، سپریم کورٹ میں وکیل کو اس قسم کا رویہ نہیں رکھنا چاہیے۔

لاہور: اس وقت آئینی ترمیم کے حوالے سے ملک کو جس بحران کا سامنا ہے اسے کون ختم کرسکتا ہے، حافظ نعیم نے اپنا موقف پیش کردیا۔

امیر جماعت اسلامی حافظ نعیم الرحمان کا کہنا تھا کہ چیف جسٹس آف پاکستان موقف دے کر موجودہ بحران کو ختم کرسکتے ہیں، چیف جسٹس کہہ دیں کہ آترمیم کی صورت میں بھی مدت ملازمت میں اضافہ قبول نہیں۔

حافظ نعیم الرحمان نے حکومتی آئینی ترمیم پر اظہار خیال کرتے ہوئے مزید کہا کہ مجوزہ آئینی ترمیم اور حکومتی طریقہ کار ناقابل قبول ہے۔

انھوں نے کہا کہ راولپنڈی معاہدے پر عملدرآمد نہ ہوا تو 23 ستمبر کو لائحہ عمل کا اعلان کریں گے، عملدرآمد کرانے کیلئے شٹرڈاؤن اور لانگ مارچ سمیت کئی آپشنز موجود ہیں،

جماعت اسلامی کے امیر کا مزید کہنا تھا کہ حکومت کے پاس سوائے عوام کو ریلیف دینے کے کوئی آپشن نہیں ہے۔

اسلام آباد : وزیراعظم کے مشیر رانا ثنا اللہ نے اعتراف کیا ہمارے پاس نمبر پورے نہیں، نمبر پورے ہوں گے تو آئینی ترمیم ہوجائے گی۔

تفصیلات کے مطابق وزیراعظم کےمشیرراناثنااللہ کااےآروائی نیوزکےپروگرام خبرمیں گفتگو کرتے ہوئے کہا کہ اس وقت ہمارےپاس نمبرز پورےنہیں ہیں جس کیلئےمشاورت جاری ہے، نمبرز پورےہوں گے تو اس کامطلب اتفاق رائے ہوگیا اور آئینی ترمیم ہو جائے گی۔

وزیراعظم کےمشیر نے بتایا کہ مولانافضل الرحمان پرانے اتحادی ہیں ان کو ملا کر ہمارے ووٹ211 بنتے ہیں، ان سے صدر اور وزیراعظم کی ملاقاتیں ہوئی، اندازہ تھا کہ  وہ ساتھ دیں گے لیکن ان کے کچھ تحفظات تھے مشاورتی عمل وسیع کرنا چاہیے تھا ، اس کے بعد آئینی ترمیم کا بل پیش کرنا چاہیےتھا۔

ان کا کہنا تھا کہ کچھ آئینی ترامیم پرپی ٹی آئی کےقانون سےواقف دوست بھی متفق ہیں، پی ٹی آئی کا مؤقف تھاکہ ہم توان کیساتھ بات کرنےکیلئےتیارنہیں، پی ٹی آئی نےمولانافضل الرحمان سمیت تمام پارٹیوں سے بات کی۔

انھوں نے مزید بتایا کہ آئینی ترامیم پر متعلقہ فورم پر بات ہوتی آرہی ہے، کیا حکومت کی پیپلزپارٹی کے ساتھ کنسلٹیشن نہیں ہوئی ہوگی؟ کچھ فیصلے ایسے آئے جن فیصلوں نے ان چیزوں کی اہمیت کو اجاگرکیا، پارلیمان کی کمیٹی تشکیل دی گئی تھی جس میں تمام پارٹیاں موجودتھیں، کمیٹی میں بات ہوئی تھی کہ اتفاق رائے پیداکرکے آئینی ترمیم لائی جائے، کمیٹی اب باقی جماعتوں کیساتھ بیٹھ کربات کررہی ہے۔

راناثنااللہ کا کہنا تھا کہ پیپلزپارٹی کا مطالبہ تھا کہ آئینی کورٹ بنائیں، سیشن ججز کی عمر بڑھانے کے بجائے کم کریں، سیشن جج کی عمر کی حدکم کر کے  40 سال کی جائے اور اعلیٰ عدلیہ میں ججز کی عمر کی حد موجودہ ہی رہنے دی جائے۔

انھوں نے کہا کہ پارلیمنٹ کی اسپیشل کمیٹی بنی ہےجس میں تمام جماعتوں کی نمائندگی ہے، پی ٹی آئی نے کمیٹی میں کہاہےکہ ہمیں ورکنگ پیپر پر اعتمادمیں لیں، اسپیکرنےبھی ذمہ داری لی تھی کہ ورکنگ پیپر پی ٹی آئی تک پہنچائیں گے۔

سیاسی مشیر کا کہنا تھا کہ بل یامسودہ تب ہوگاجب کابینہ سےمنظورہوگا،ورکنگ پیپرتودوتین بنےہیں، ورکنگ پیپر مسودےکا روپ دھارےگاجب بات چیت مکمل ہوجائےگی، میراخیال ہےورکنگ پیپرپی ٹی آئی تک پہنچ گیاہوگا۔

انھوں نے مزید کہا کہ ایک آئینی عدالت ہونی چاہیےجوتمام آئینی معاملات سےمتعلق کیسزدیکھے، سپریم کورٹ نےیہ ہی کچھ کرناہےاورہم نے بھی یہ ہی کرناہےتویہ ہی کام رکھ لیں۔

قانون دان منیر اے ملک نے کہا ہے کہ یقین ہے کہ اس آئینی ترمیم کی مخالفت چیف جسٹس قاضی فائز عیسیٰ بھی کرینگے۔

تفصیلات کے مطابق ماہرقانون منیر اے ملک کا کہنا تھا کہ جسٹس قاضی فائز عیسیٰ ڈوگر کورٹ کے سامنے ڈھائی سال پیش نہیں ہوئے تھے، وکلا کی بڑی تعداد عدلیہ سے متعلق ان آئینی ترامیم کو مسترد کریگی، پارلیمنٹ کی قانون سازی کے حق پر بھی کچھ حدود ہیں۔

انھوں نے کہا کہ کل پارلیمنٹ کہے کہ ہم نے عدالتیں بند کردیں تویہ قانون ہوگا؟ قانون سازی پارلیمنٹ کا حق ہے لیکن اس کی بھی کچھ حدود ہیں، تحریکیں بارز کے ذریعے چلتی ہیں بہت اچھی طرح اندازہ ہے۔

منیر ملک کا کہنا تھا کہ عدالت کے پاس فیصلے پرعمل کرانے کیلئے فوج تو نہیں ہوتی، عدالت کے پاس فیصلے پر عمل کرانے کیلئے مورل اتھارٹی ہوتی ہے۔

ماہر قانون نے کہا کہ سنا تھا آئین عوام کے درمیان ایک معاہدہ ہوتا ہے، اب ایک ایسا معاہدہ تھوپا جارہا ہے جس کا عوام کو علم ہی نہیں۔

حکومت قانون پاس کردے کہ حکومتی کیسز میں ان کے حق میں فیصلہ دیں، کیا موجودہ عدالتیں آئینی نہیں ہیں، کیسز کا التوا ہے تو حکومت جو ترمیم لانا چاہتی ہے اس سے کیا فائدہ ہوگا،

قانون دان منیر اے ملک کا مزید کہنا تھا کہ بدقسمتی سے ڈرافٹ پڑھا ہے اس سے لگتا ہے عدالتوں کو تالہ ہی لگا دیں۔