Tag: آئی ایس پی آر

  • پاکستان میں‌ دہشت گردوں کی کوئی محفوظ پناہ گاہ نہیں، آرمی چیف

    پاکستان میں‌ دہشت گردوں کی کوئی محفوظ پناہ گاہ نہیں، آرمی چیف

    راولپنڈی : پاک فوج کے سربراہ جنرل قمرجاوید باجوہ نے کہا ہے کہ افغانستان میں امن عمل کی حمایت کرتے ہیں، الزام تراشی سے پائیدار امن اور استحکام کو نقصان پہنچے گا، پاکستان میں دہشت گردوں کی کوئی محفوظ پناہ گاہ موجود نہیں۔

    یہ بات آرمی چیف نے امریکی سینٹ کام کے سربراہ جنرل جوزف ووٹیل نے ملاقات کے دوران کہی، ملاقات جی ایچ کیو راولپنڈی میں ہوئی۔

    پاک فوج کے شعبہ تعلقات عامہ (آئی ایس پی آر) کے ڈائریکٹر جنرل میجر جنرل آصف غفور کے مطابق ملاقات میں خطے اور افغانستان میں سلامتی کی صورت حال پر بات چیت ہوئی۔

    qamar-bajwa-post-1

    آرمی چیف نے امریکی جنرل سے گفتگو میں کہا کہ خطے میں استحکام اورانسداد دہشت گردی آپریشن میں امریکی تعاون اہم ہے، الزام تراشی سے پائیدار امن اوراستحکام کو نقصان پہنچتا ہے، پاکستان افغان قیادت پر مشتمل امن عمل کی حمایت کرتا ہے۔

    آرمی چیف نے کہا کہ پاک فوج نے دہشت گروں کےخلاف بلا امتیاز کارروائی کی ہے، پاکستان میں دہشت گردوں کا کوئی محفوظ ٹھکانہ نہیں۔

    اس موقع پرامریکی جنرل جوزف ووٹیل کا کہنا تھا دہشت گردوں کےخلاف پاک فوج کی کامیابیاں تسلیم کرتے ہیں، پاک افغان سرحد پرسیکورٹی بہتر بنانے کے اقدامات کریں گے، افغانستان میں امن کے لیے تمام فریقوں کے مذاکرات ضروری ہیں۔

    آئی ایس پی آر کے مطابق امریکی جنرل نے جوائنٹ چیف آف اسٹاف جنرل زبیر محمود حیات سے بھی ملاقات کی۔ امریکی کمانڈر نے دہشت گردی کیخلاف پاک فوج کی کامیابیوں کوسراہا۔

  • نوجوان باکسر محمد وسیم کے نقش قدم پر چلیں، آرمی چیف

    نوجوان باکسر محمد وسیم کے نقش قدم پر چلیں، آرمی چیف

    راولپنڈی: آرمی چیف جنرل قمرجاویدباجوہ نے کہا ہے کہ ملک کے نوجوانوں کو باکسر محمد وسیم کے نقش قدم پر چلتے ہوئے ملک کا نام روشن کرنا چاہیے۔

    آئی ایس پی آر سے جاری اعلامیے کے مطابق سلور فلائی ویٹ چمیپئن محمد وسیم نے گورنمنٹ ہیڈ کوارٹر میں آرمی چیف آف اسٹاف جنرل قمر باجوہ سے ملاقات کی، اس موقع پر جنرل باجوہ نے محمد وسیم کی شاندار کارکردگی کو سراہا۔

    آرمی چیف آف اسٹاف نے نوجوان نسل کو مشورہ دیا کہ وہ ملک کا نام روشن کرنے کے لیے محمد وسیم کے نقش قدم پر چلیں اور ملک کی نیک نام کا باعث بنیں ساتھ ہی انہوں نے امید ظاہر کی کہ نوجوان ملک کا نام روشن کریں گے۔

    پڑھیں: ’’ کمانڈر سدرن کمانڈ کی باکسرمحمد وسیم کی ملاقات ‘‘

    واضح رہے باکسرمحمد وسیم نےگزشتہ سال نومبرمیں ڈبلیو بی سی سلورفلائی ویٹ ٹائٹل کا بھی دفاع کیا تھا، محض پانچ عالمی مقابلوں کے بعد ورلڈ رینکنگ میں چوتھا نمبر حاصل کرنے پر باکسر محمد وسیم اور ان کے اہل خانہ اللہ کے حضور شکر گذار اور مزید کامیابیوں کے لیے قوم کی دعاؤں کے بھی طلب گار ہیں۔

    مزید پڑھیں: ’’ اسپانسر دینے کے وعدے پورے نہیں کیے جارہے، باکسر محمد وسیم ‘‘

    ناکافی سہولیات کے باوجود اپنی صلاحیتوں اور دن رات کی محنت سے ورلڈ رینکنگ میں چوتھی پوزیشن حاصل کرنے والے 29 سالہ محمد وسیم نے 2010 کو بھارت میں ہونے والے کامن ویلتھ گیمز میں پاکستان کی نمائندگی کر کے عالمی سطح پر توجہ حاصل کی اور پھر کامیابی کے منازل طے کرتے گئے۔

  • سال 2016 ‌میں 40 بھارتی فوجیوں‌ کو ہلاک کیا، آئی ایس پی آر

    سال 2016 ‌میں 40 بھارتی فوجیوں‌ کو ہلاک کیا، آئی ایس پی آر

    راولپنڈی: پاک فوج نے کہا ہے کہ سال 2016 میں بھارتی فوج نے 379 مرتبہ سرحد کی خلاف ورزی کی، 46 شہریوں کو شہید کیا، پاک فوج نے جوابی کارروائی میں 40 بھارتی فوجیوں کو ہلاک کیا۔

    پاک فوج نے گزشتہ سال جو کامیابیاں حاصل کیں اس حوالے سے پاک فوج کے شعبہ تعلقات عامہ (آئی ایس پی آر) کے ڈی جی  آصف غفور نے تفصیلات جاری کردیں۔

    آئی ایس پی آر کے مطابق دو ہزار سولہ میں بھارتی فوج نے تین سو اناسی بار سرحدی خلاف ورزی کی، چھیالیس شہریوں کو شہید کیا، پاک فوج نے جوابی کارروائی میں چالیس بھارتی فوجیوں کو ہلاک کیا۔

     

    ڈی جی آئی ایس پی آر کے مطابق 2016  میں سی پیک میں آٹھ سو ستر کلو میٹر طویل سڑکوں کی تعمیرکی گئی، سی پیک کے تحت اسپیشل سیکیورٹی ڈویژن تشکیل دیا گیا۔ کراچی میں مجموعی طور پر ایک ہزار نو سو بانوے آپریشنز کیے گئے۔

    آپریشن کے دوران دو ہزار آٹھ سو سینتالیس ملزمان، تین سو پچاس دہشت گرد اور چار سو چھیالیس ٹارگٹ کلرزپکڑے گئے، شہر میں ٹارگٹ کلنگ میں اکیانوے فیصد اور دہشت گردی کے واقعات میں باہتر فیصد کمی آئی۔

    فوجی عدالتوں نے دو سو چوہتر مجرموں کوسزائیں دیں، جن میں ایک سو اکسٹھ کو سزائےموت اور ایک سو تیرہ کو عمرقید کی سزاہوئی۔

    دہشت گردی میں پانچ سو تراسی جوان شہید ہوئے، جبکہ ساڑھے تین ہزار دہشت گردوں کو ٹھکانے لگایا گیا، پاک بحریہ کا اینٹی شپ میزائل ضرب،اینٹی شپ میزائل فائرنگ سسٹم، بابرکروز میزائل اور رعد میزائل کے کامیاب تجربے کیے گئے۔

    پاک فضائیہ کے ایئرپاور سینٹرکاقیام، نائیجیریا کےساتھ مشاق طیاروں کا معاہدہ اور پاک فضائیہ سی ون تھرٹی نے برطانیہ میں بہترین ایئرکرافٹ کاایوارڈ بھی جیتا۔

  • جنرل زبیر یا جنرل باجوہ نے حسین نواز سے ملاقات نہیں کی، آئی ایس پی آر

    جنرل زبیر یا جنرل باجوہ نے حسین نواز سے ملاقات نہیں کی، آئی ایس پی آر

    راولپنڈی : پاک فوج کے ترجمان نے کہا ہے کہ جنرل زبیر محمود اور جنرل قمر باجوہ نے حسین نواز سے کوئی ملاقات نہیں کی، اس ضمن میں میڈیا اور سوشل میڈیا پر جو خبریں آئی ہیں ان میں کوئی صداقت نہیں۔

    تفصیلات کے مطابق پاک فوج کے شعبہ تعلقات عامہ (آئی ایس پی آر) نے کہا ہے کہ نئے چیئرمین جوائنٹ چیفس آف اسٹاف کمیٹی جنرل زبیر محمود حیات اور نئے آرمی چیف قمر جاوید باجوہ نے وزیراعظم نواز شریف کے بیٹے حسین نواز سے کوئی ملاقات نہیں کی۔

    ترجمان نے واضح کیا کہ میڈیا اورسوشل میڈیا پر ان دونوں افسران کی حسین نواز سے ملاقات سے متعلق جو من گھڑت خبریں پھیلائی جارہی ہیں وہ سرا سر جھوٹ پر مبنی ہیں۔

    واضح رہے کہ سینئرصحافی و تجزیہ نگار چوہدری غلام حسین نے دعویٰ کیا تھا کہ وزیراعظم  نواز شریف کے صاحبزادے حسین نواز، آرمی چیف اور چیئرمین جوائنٹ چیفس آف اسٹاف کمیٹی سے بحریہ ٹاﺅن فیز 8 کے ایک گھر میں میٹنگ ہوئی ہے۔

    وہ ایک نجی ٹی وی چینل کے پروگرام میں مسلم لیگ ن کے جنرل ریٹائرڈ عبدالقیوم سے گفتگو کررہے تھے ۔ بعد ازاں پاک فوج کے محکمہ تعلقات عامہ آئی ایس پی آر نے چوہدری غلام حسین کا یہ دعویٰ جھٹلادیا اور واضح کیا کہ حسین نواز سے آرمی چیف یا چیئرمین جوائنٹ چیفس آف سٹاف کمیٹی سے کوئی ملاقات نہیں ہوئی ۔

  • کیرولینا میں پاک امریکا فوجی مشقیں اختتام پذیر، آئی ایس پی آر

    کیرولینا میں پاک امریکا فوجی مشقیں اختتام پذیر، آئی ایس پی آر

    کیرولینا : کیرولینا میں پاک امریکا نو روزہ فوجی مشقیں ختم ہوگئیں، دونوں فوجوں نے ایک دوسرے کے تجربات سے استفادہ کیا۔

    پاک فوج کے شعبہ تعلقات عامہ (آئی ایس پی آر) کے مطابق کیرولینا میں جاری پاک امریکا نو روزہ فوجی مشقیں انسپائرڈ گیمبٹ اختتام پذیر ہوگئیں، فوجی مشقوں میں انسداد دہشت گردی سے متعلق تجربات سے استفادہ کیا گیا،ایس ایس جی اور ایوی ایشن کے جوانوں نے مشقوں میں شرکت کی۔

    آئی ایس پی آر کا کہنا ہے کہ مشقوں میں انسداد آئی ای ڈی آپریشنز کا بھی مظاہرہ کیا گیا، مشقوں کا مقصد انسداد دہشت گردی کے حوالے سے دونوں ممالک کے تجربات سے مسفید ہونا تھا، مشقوں میں بارودی سرنگوں کو ناکارہ بنانے کے اقدامات بھی شامل تھے۔

  • پنجاب، بلوچستان بارڈرپرکومبنگ آپریشن، آٹھ دہشت گرد ہلاک، ایک جوان شہید

    پنجاب، بلوچستان بارڈرپرکومبنگ آپریشن، آٹھ دہشت گرد ہلاک، ایک جوان شہید

    راولپنڈی : سیکیورٹی فورسز نے پنجاب اور بلوچستان بارڈر پرکومبنگ آپریشن کر کے آٹھ دہشت گرد ہلاک کردیئے کارروائی کے دوران ایک سیکیورٹی اہلکار شہید بھی ہوا۔

    تفصیلات کے مطابق دہشت گردوں کی سرکوبی کیلیے قانون نافذ کرنے والے سرگرم ہیں، پنجاب بلوچستان بارڈر پر کومبنگ آپریشن کیا گیا۔

    آئی ایس پی آرکی جانب سے جاری کردہ تفصیلات کے مطابق آپریشن گیانداری کے علاقے میں کیا گیا۔ کارروائی میں آٹھ دہشت گرد ہلاک ہوئے جبکہ ایک سیکیورٹی اہلکار نے جام شہادت نوش کیا۔

    آئی ایس پی آر کے مطابق آپریشن میں متعدد دہشت گرد اور فراری گرفتار کرکے اسلحہ بھی بر آمد کرلیا گیا ہے، ذرائع کے مطابق آپریشن میں پانچ ہیلی کاپٹرزاورسو کمانڈوز سمیت دو ہزار سیکیورٹی اہلکاروں نے حصہ لیا۔

    راجن پور کے قبائلی علاقے میں سیکیورٹی فورسز نے فراریوں کے خلاف سرچ آپریشن کرکے پچیس فراری گرفتارکرلئے، ملزمان کے قبضے سے تین اینٹی ایئر کرافٹ گن، ستائیس کلاشنکوف ،سو کلو بارودی مواد، ڈیڑھ ہزار گولیاں اور دستی بم برآمد ہوئے۔

     

  • یوم دفاع پر آئی ایس پی آر کا آفیشل ملی نغمہ ”یاریاں” ریلیز

    یوم دفاع پر آئی ایس پی آر کا آفیشل ملی نغمہ ”یاریاں” ریلیز

    کراچی: یوم دفاع پر آئی ایس پی آر نے آفیشل ملی نغمہ ”یاریاں” ریلیز کردیا جس میں گلوکاری کا مظاہرہ عاطف اسلم اور علی ظفر نے کیا ہے۔

    تفصیلات کے مطابق آئی ایس پی آر نے شہدائے ستمبر کو خراج عقیدت پیش کرنے کے لیے ملی نعمہ یاریاں جاری کردیا، ملی نغمے میں معروف گلوگار عاطف اسلم اور علی ظفر نے آواز کے جادو سے جذبہ حب الوطنی کا جوش جگادیا۔

    چھ ستمبر جب بھی آئے شہیدوں کی قربانیوں کی یاد دلائے اور نئی نسل میں جوش جگائےگی۔

    گزشتہ روز جنرل ہیڈ کوارٹر(جی ایچ کیو) میں یوم دفاع پاکستان کی مرکزی تقریب کے دوران گلوکار عاطف اسلم اور علی ظفر نے یہی ملی نغمہ براہ راست گایا تھا۔

    قبل ازیں پاکستان ایئر فورس نے چھ ستمبر یوم دفاع کے موقع پر نیا ملی نغمہ” فضاؤں کے محافظ” ریلیز کیا تھا، ملی نغمے سے پاک فضائیہ کے جوانوں کو خراج تحسین پیش کیا جارہا ہے، اس ملی ںغمے میں عمیر جسوال نے خوبصورت انداز میں آواز کا جادو جگایا ہے۔

  • نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف

    نیشنل ایکشن پلان پرعمل نہ ہونے سے آپریشن ضرب عضب متاثر ہوا،آرمی چیف

    راولپنڈی: آرمی چیف جنرل راحیل شریف کا کہنا ہے کہ نیشنل ایکشن پلان پر عمل درآمد نہ ہونے سے آپریشن ضرب عضب متاثر ہوا۔

    Army Chief says efforts to eliminate terrorism… by arynews

    آئی ایس پی آر سے جاری کردہ اعلامیے کے مطابق آرمی چیف کی زیر صدارت جنرل ہیڈ کوارٹر میں‌ اعلیٰ سطح کا اجلاس ہوا جس میں آپریشن ضرب عضب اور نیشنل ایکشن پلان سے متعلق امور پر غور کیا گیا۔

    اجلاس میں ڈی جی آئی ایس آئی، پرنسپل اسٹاف اور کور کمانڈر راولپنڈی نے شرکت کی۔ اس دوران آرمی چیف کو آپریشن ضرب عضب اور نیشنل ایکشن پلان کے حوالے سے بریفننگ دی گئی جس پر جنرل راحیل شریف نے اطمینان کا اظہار کیا۔

    اس موقع پر آرمی چیف نے اظہار خیال کرتے ہوئے کہا کہ ’’نیشنل ایکشن پلان پر مکمل عمل درآمد نہ کیا گیا تو دہشت گردی پر قابو پانا مشکل ہوجائے گا،آپریشن ضرب عضب آخری مرحلے میں داخل ہوگیا ہے اور اس کے ثمرات عوام تک پہنچنا شروع ہو گئے ہیں‘‘۔

    پڑھیں : کورکمانڈرز اپنے صوبوں میں بھرپور کومبنگ آپریشن کریں، راحیل شریف

    اُن کا کہنا تھا کہ ’’پوری قوم سیکیورٹی فورسز کے شانہ بشانہ کھڑی ہوئی ہے جب کہ بعض حلقوں کی جانب سے ایسے بیانات دیے جارہے ہیں جو قومی اتحاد کو نقصان پہنچا رہے ہیں، اس طرح کے نامناسب تبصرے انسدادِ دہشت گردی کی کوششوں کے لیے مفید نہیں ہیں‘‘۔

    جنرل راحیل شریف نے اس عزم کا اظہار کیا کہ ’’نیشنل ایکشن پلان ہمارے مقاصد کی بنیادی کامیابی ہے، دہشت گردی کے خلاف جنگ میں طویل سفر طے کیا جلد پاکستانی سرزمین سے دہشت گردی کی لعنت کا خاتمہ کرکے رہیں گے ‘‘۔

    اس موقع پر آرمی چیف نے پاکستانی قوم، سیکیورٹی اداروں اور انٹیلی جنس اداروں کی قربانیوں پر سلام پیش کیا۔

  • باجوڑ ایجنسی میں بارودی سرنگ کا دھماکا، دو فوجی اہلکار شہید

    باجوڑ ایجنسی میں بارودی سرنگ کا دھماکا، دو فوجی اہلکار شہید

    باجوڑ: بارودی سرنگ کے دھماکے میں پاک فوج کے دو جوان شہید ہوگئے، آئی ایس پی آر نے دھماکے کے نتیجے میں ہونے والی شہادتوں کی تصدیق کردی۔

    پاک فوج کے شعبہ تعلقات عامہ (آئی ایس پی آر) نے بارودی سرنگ کے دھماکے اور شہادتوں کی تصدیق کرتے ہوئے کہا ہے کہ شہدا میں حوالدار مشتاق اور حوالدار خورشید شامل ہیں۔

    وزیر اعظم میاں محمد نواز شریف نے باجوڑ دھماکے میں پاک فوج کے دو جوان شہادت کی مذمت کرتے ہوئے کہا ہے کہ بزدلانہ حملے دہشت گردوں کے شکست خوردہ ہونے کی دلیل ہیں۔

    وزیر اعظم نواز شریف نے قیمتی جانوں کے ضیاع پر افسوس کا اظہار کرتے ہوئے کہا تھا کہ پوری قوم کی دعائیں مسلح افواج کے ساتھ ہیں۔

    وزیر اعظم نے شہید اہلکاروں کے درجات کی بلندی کے لیے دعا کی، ان کا مزید کہنا تھا کہ دہشت گردوں کو پاکستان میں چھپنے کی جگہ نہیں ملے گی۔

  • آرمی چیف ایک روزہ دورے پرجمہوریہ چیک پہنچ گئے، گارڈ آف آنرپیش

    آرمی چیف ایک روزہ دورے پرجمہوریہ چیک پہنچ گئے، گارڈ آف آنرپیش

    راولپنڈی : چیف آف آرمی سٹاف جنرل راحیل شریف ایک روزہ دورے پرجمہوریہ چیک پہنچ گئے، انہوں نے چیک چیف آف جنرل اسٹاف اورنائب وزیر دفاع سے ملاقات کی۔

    تفصیلات کے مطابق آرمی چیف جنرل راحیل شریف ایک روزہ دورے پرجمہوریہ چیک پہنچ گئے ہیں، پراگ پہنچنے پر آرمی چیف کا پرتپاک استقبال کیا گیا۔

    چیک ری پبلک آرمی کے چاق و چوبند دستے نے انہیں گارڈ آف آنر پیش کیا۔

    آرمی چیف جنرل راحیل شریف نےچیک ری پبلک کے چیف آف جنرل اسٹاف اور نائب وزیر دفاع سےملاقاتوں میں د و طرفہ دفاعی امور پرتبادلہ خیال کیا۔ جن میں دفاعی تعاون بڑھانے سے متعلق بات چیت کی گئی۔

    پاک فوج کے شعبہ تعلقات عامہ (آئی ایس پی آر) کے مطابق اس موقع پر چیک ری پبلک کی عسکری قیادت نے دہشت گردی کے خلاف جنگ میں پاک فوج کی کامیابیوں کو سراہا۔