ARYNews.tv | Urdu – Har Lamha Bakhabar

Tag: آئی ایس پی آر

  • آئیں چلیں شہید کے گھر: ڈی جی آئی ایس پی آر

    آئیں چلیں شہید کے گھر: ڈی جی آئی ایس پی آر

    اسلام آباد: ڈائریکٹر جنرل آئی ایس پی آر میجر جنرل آصف غفور کا کہنا ہے کہ یوم دفاع و یوم شہدا 6 ستمبر کو گزشتہ سال کی طرح بھرپور طور پر منائیں گے، ہر شہید کو یاد رکھا جائے گا۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے سربراہ میجر جنرل آصف غفور نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ یوم دفاع و یوم شہدا 6 ستمبر کو گزشتہ سال کی طرح بھرپور طور پر منائیں گے۔

    ڈی جی آئی ایس پی آر نے اپنے ٹویٹ میں کہا کہ ہر شہید کو یاد رکھا جائے اور ہر شہید کے گھر جائیں۔

    اپنے ٹویٹ میں انہوں نے ’آئیں چلیں شہید کے گھر‘ اور ’کشمیر بنے گا پاکستان‘ کا ہیش ٹیگ بھی شامل کیا۔

    خیال رہے کہ دو دن قبل آرمی چیف جنرل قمر جاوید باجوہ نے کور ہیڈ کوارٹرز لاہور اور پاکستان رینجرز پنجاب کے دورے کے دوران کہا تھا کہ مجھے اپنے افسران اور سپاہیوں پر فخر ہے، پاک فوج ثابت قدم ہے۔

    انہوں نے کہا تھا کہ انسداد دہشت گردی آپریشنز نے پاک فوج کو سخت جان بنا دیا ہے۔ پاک فوج کسی بھی قسم کے حالات کا مقابلہ کرنے کے لیے پوری طرح تیار ہے۔

  • بھارت نے سرحدوں کی خلاف ورزی کی تو بھرپور سرپرائز دیں گے: ڈی جی آئی ایس پی آر

    بھارت نے سرحدوں کی خلاف ورزی کی تو بھرپور سرپرائز دیں گے: ڈی جی آئی ایس پی آر

    اسلام آباد: پاک فوج کے شعبہ تعلقات عامہ آئی ایس پی آر کے کے ڈائریکٹر جنرل میجر جنرل آصف غفور کا کہنا ہے کہ بھارت نے سرحدوں کی خلاف ورزی کی تو بھرپور سرپرائز دیں گے، مسلح افواج قوم کو مایوس نہیں کرے گی۔

    تفصیلات کے مطابق پاک فوج کے شعبہ تعلقات عامہ آئی ایس پی آر کے کے ڈائریکٹر جنرل میجر جنرل آصف غفور نے میڈیا سے غیر رسمی گفتگو کرتے ہوئے کہا کہ مودی نے اپنی مذموم حرکت کر کے مسئلہ کشمیر کے لیے اچھا کام کیا، سرد خانے میں پڑا مسئلہ پوری دنیا کے لیے فلیش پوائنٹ بن گیا۔

    ڈی جی آئی ایس پی آر کا کہنا تھا کہ قوم تسلی رکھے پاک فوج صورتحال کا سامنا کرنے کے لیے تیار ہے، مسلح افواج قوم کو مایوس نہیں کرے گی۔ 3 روز میں ایل او سی پر بھارتی فائرنگ کا بھرپور جواب دیا۔

    انہوں نے کہا کہ 2 روز پہلے بھارت کے 5 فوجی ہلاک ہوئے تھے، شہری آبادی پر فائرنگ و گولہ باری کا محتاط جواب دیتے ہیں، موجودہ صورتحال میں سرحد پار کارروائی کشمیر کاز سے غداری ہوگی۔

    میجر جنرل آصف غفور کا کہنا تھا کہ بھارت تحریک آزادی کو دہشت گردی سے جوڑنے کی کوشش کر رہا ہے، پاک فوج کے سربراہ کہہ چکے ہیں دفاع وطن کے لیے ہر حد تک جائیں گے۔

    انہوں نے کہا کہ بھارت نے سرحدوں کی خلاف ورزی کی تو بھرپور سرپرائز دیں گے۔ بھارت سے اب گزشتہ قبضہ چھڑانے کا وقت ہے، آزاد کشمیر کی طرف پیش قدمی تو بھارت بھول ہی جائے، آزاد کشمیر کا ایک ایک انچ محفوظ ہے۔

    اس سے قبل کشمیر کمیٹی کے خصوصی اجلاس کے بعد نیوز کانفرنس سے خطاب کرتے ہوئے ڈی جی آئی ایس پی آر کا کہنا تھا کہ مقبوضہ کشمیر اس وقت ایک جیل کی صورت میں ہے، مقبوضہ کشمیر میں ہر دروازے پر ایک فوجی کھڑا ہے۔ بھارت جو مقبوضہ کشمیر میں جبر کر رہا ہے اس کا ردعمل بھی آئے گا۔

    انہوں نے کہا تھا کہ بھارت کی جانب سے ایل او سی پر کشیدگی بڑھائی جا رہی ہے اور بھارت کی جانب سے پلواما جیسا ڈرامہ پھر کیا جا سکتا ہے۔ پاک فوج ایل او سی پر بھرپور جواب دینے کے لیے تیار ہے، کسی بھی جارحیت کا منہ توڑ جواب دے گی۔

  • آرمی چیف کی امریکی سینیٹر لنزے گراہم اور جنرل ریٹائرڈ جیک کین سے ملاقات

    آرمی چیف کی امریکی سینیٹر لنزے گراہم اور جنرل ریٹائرڈ جیک کین سے ملاقات

    واشنگٹن: آرمی چیف جنرل قمر جاوید باجوہ کی امریکی سینیٹر لنزے گراہم اور جنرل ریٹائرڈ جیک کین سے ملاقات ہوئی، ملاقات میں علاقائی سیکیورٹی اور افغانستان میں امن پر بات چیت ہوئی۔

    تفصیلات کے مطابق پاک فوج کے شعبہ تعلقات عامہ آئی ایس پی آر کا کہنا ہے کہ آرمی چیف جنرل قمر جاوید باجوہ کی وزیر اعظم عمران خان کے ہمراہ اپنے دورہ امریکا کے دوران امریکی سینیٹر لنزے گراہم اور جنرل ریٹائرڈ جیک کین سے ملاقات ہوئی۔

    آئی ایس پی آر کے ڈائریکٹر جنرل میجر جنرل آصف غفور نے سماجی رابطے کی ویب سائٹ ٹویٹر پر ٹویٹ کرتے ہوئے کہا کہ ملاقات میں علاقائی سیکیورٹی اور افغانستان میں امن پر بات چیت ہوئی۔

    آئی ایس پی آر کے مطابق ملاقات میں پاک امریکا تعلقات پر بھی بات چیت ہوئی، سینیٹر گراہم نے دورہ پاکستان کی یادیں تازہ کیں جبکہ انہوں نے خطے میں سیکیورٹی پر پاکستان کے کردار کی تعریف بھی کی۔

    اس موقع پر آرمی چیف جنرل قمر جاوید باجوہ کا کہنا تھا کہ دونوں ممالک تعلقات کا استعمال کر کے خطے میں دیر پا استحکام لا سکتے ہیں۔

    ملاقات میں آرمی چیف نے پاکستان میں بہتر سیکیورٹی صورتحال پر روشنی ڈالی اور پاکستان میں غیر ملکی سرمایہ کاری کے مواقع سے بھی آگاہ کیا۔

    اپنے دورہ امریکا کے دوران اس سے قبل آرمی چیف نے امریکی محکمہ خارجہ کا دورہ کیا تھا جہاں امریکی وزیر خارجہ مائیک پومپیو سے ان کی ملاقات ہوئی۔

    آرمی چیف اور امریکی وزیر خارجہ کی ملاقات میں علاقائی سیکیورٹی اور افغان امن عمل پر تبادلہ خیال کیا گیا۔ ملاقات میں امریکی اور پاکستانی قیادت کی ملاقات کے پہلوؤں کا جائزہ لیا گیا جبکہ افغان قیادت میں افغان کنٹرولڈ حل پر بھی زور دیا گیا۔

    گزشتہ روز آرمی چیف نے امریکی دفاعی ہیڈ کوارٹر پینٹا گون کا دورہ کیا تھا جہاں ان کا تاریخی استقبال ہوا اور انہیں 21 توپوں کی سلامی دی گئی۔

    آرمی چیف نے امریکی قائم مقام وزیر دفاع سمیت چیف آف جوائنٹ چیفس آف اسٹاف سے ملاقات کی، اس موقع پر افغان امن عمل سمیت خطے کی سیکیورٹی صورتحال پر بات چیت کی گئی۔

    انہوں نے امریکی چیف آف اسٹاف جنرل مارک اے ملی سے بھی ملاقات کی اور خطے کی صورت حال پر تبادلہ خیال کیا۔

  • کورکمانڈر راولپنڈی لیفٹیننٹ جنرل بلال اکبر کا ایل او سی کا دورہ

    کورکمانڈر راولپنڈی لیفٹیننٹ جنرل بلال اکبر کا ایل او سی کا دورہ

    راولپنڈی : کورکمانڈر راولپنڈی لیفٹیننٹ جنرل بلال اکبر نے ایل او سی کا دورہ کیا، اس موقع پر انہوں نے موجود آبادی کے تحفظ کے عزم کا اعادہ کیا۔

    تفصیلات کے مطابق کورکمانڈر راولپنڈی لیفٹیننٹ جنرل بلال اکبر نے ایل او سی کا دورہ کیا، آئی ایس پی آر کے مطابق کور کمانڈر نے سیاچن، نیلم وادی، مظفرآباد، کوٹلی اور بھمبرسیکٹرز کے مختلف یونٹس کے دورے کیے۔

    اس موقع پر کور کمانڈر نےجوانوں کے بلند حوصلے اور تیاریوں کی تعریف کی، کورکمانڈر راولپنڈی لیفٹیننٹ جنرل بلال اکبر نے جوانوں سے گفتگو کرتے ہوئے ایل او سی پر موجود آبادی کے تحفظ کے عزم کا اعادہ کیا۔

    مزید پڑھیں : ایل او سی پر چھمب سیکٹر کے قریب دھماکا، 5 جوان شہید

    واضح رہے کہ گزشتہ دنوں لائن آف کنٹرول پر چھمب سیکٹر کے قریب دھماکے میں پاک فوج کے پانچ جوان شہید ہوئے تھے۔ اس حوالے سے آئی ایس پی آر کا کہنا تھا کہ یہ واقعہ بھارت کی ریاستی دہشت گردی کا منہ بولتا ثبوت ہے۔

    مزید پڑھیں: ایل او سی پر  پاک فوج کا بھارتی اشتعال انگیزی کا منہ توڑ جواب، پانچ بھارتی فوجی ہلاک

    علاوہ ازیں  ایک ماہ قبل بھی بھارتی فوج نے ایل او سی پر سیز فائر کی خلاف ورزی کرتے ہوئے شہری آبادی پر بلا اشتعال فائرنگ کرکے خاتون اور بچوں سمیت چھ پاکستانیوں کو زخمی کر دیا تھا جس پر پاک فوج نے جوابی کارروائی میں پانچ بھارتی فوجی مار گرائے تھے۔

  • آرمی چیف جنرل قمر جاوید باجوہ سے چینی سفیر کی ملاقات

    آرمی چیف جنرل قمر جاوید باجوہ سے چینی سفیر کی ملاقات

    راولپنڈی : آرمی چیف جنرل قمر جاوید باجوہ سے چینی سفیر یاﺅ ژنگ نے ملاقات کی، ملاقات میں باہمی دلچسپی امور اور علاقائی سیکیورٹی صورتحال پر بات چیت کی گئی۔

    پاک فوج کے شعبہ تعلقات عامہ آئی ایس پی آر کے مطابق پاک فوج کے سپہ سالار جنرل قمر جاوید باجوہ سے چینی سفیر یاﺅ ژنگ نے ملاقات کی، یہ ملاقات جی ایچ کیو راولپنڈی میں ہوئی۔

    پاکستان میں چین کے سفیر یاﺅ ژنگ نے جی ایچ کیو راولپنڈی کا دورہ کیا، اس موقع پر انہوں نے آرمی چیف جنرل قمر جاوید باجوہ سے ملاقات میں باہمی دلچسپی کے امور اورعلاقائی صورتحال پربات چیت کی گئی، اس موقع پر دوطرفہ تعلقات میں مزید بہتری پر زور دیا گیا اور دونوں ملکوں کے درمیان باہمی اعتماد پر اتفاق کیا۔

    مزید پڑھیں: عمران خان کی قیادت میں پاکستان اپنی منزل ضرور حاصل کرے گا: چینی سفیر یاؤ ژنگ

    آئی ایس پی آر کے مطابق بعد ازاں چینی سفیر نے چیئرمین جوائنٹ چیفس آف اسٹاف کمیٹی سے بھی ملاقات کی ملاقات میں باہمی دلچسپی کےامورپرتبادلہ خیال کیا گیا، اس کے علاوہ سیکیورٹی صورتحال اور علاقائی امن سے متعلق امور بھی زیر غور آئے۔

  • تھریٹ الرٹ جعلی ہے عوام کان نہ دھریں، آئی ایس پی آر کا پبلک سروس میسج جاری

    تھریٹ الرٹ جعلی ہے عوام کان نہ دھریں، آئی ایس پی آر کا پبلک سروس میسج جاری

    راولپنڈی: پاک فوج کے شعبہِ تعلقات عامہ آئی ایس پی آر نے تھریٹ الرٹ سے متعلق سوشل میڈیا پر پھیلنے والی افواہ کو بے بنیاد قرار دیتے ہوئے عوام کے نام پیغام جاری کردیا۔

    آئی ایس پی آرکی جانب سےعوام الناس کے لیے پیغام جاری کیا گیا جس میں بتایا گیا ہے کہ تھریٹ الرٹ سےمتعلق سوشل میڈیاکی اطلاعات پرکان نہ دھریں، آئی ایس پی آر نے کوئی تھریٹ الرٹ جاری نہیں کیا۔

    پاک فوج کے شعبہ تعلقات عامہ نے عوام سے اپیل کی کہ وہ کسی بھی تھریٹ الرٹ کی تصدیق کے لیے آئی ایس پی آر کی ویب سائٹ یا پھر سوشل میڈیا کے آفیشل اکاؤنٹس سے تصدیق کریں۔

    یاد رہے کہ پاک فوج کے شعبہ تعلقات عامہ کے سماجی رابطوں کی ویب سائٹ ٹویٹر، فیس بک اور یوٹیوب پر آفیشل اکاؤنٹس موجود ہیں، مصدقہ اکاؤنٹس سے ہی خبریں اور عوامی پیغامات ارسال کیے جاتے ہیں۔

    پاک فوج کے آفیشل اکاؤنٹس:

    ٹویٹر : https://twitter.com/OfficialDGISPR ، https://twitter.com/peaceforchange

    فیس بک: https://www.facebook.com/OfficialDGISPR/ , https://www.facebook.com/ISPROfficial1

    ویب سائٹ: https://ispr.gov.pk/

    یہ بھی یاد رہے کہ سوشل میڈیا پر غیر مصدقہ خبریں پھیلا کر سنسنی پھیلانے کی کوشش کی جاتی ہے، صارفین بنا تصدیق کے انہیں آگے بڑھاتے ہیں جس کی وجہ سے جھوٹی خبر پورے ملک کو متاثر کرتی ہے۔

    بعد ازاں آصف غفور نے سماجی رابطے کی ویب ساٗئٹ پر ایک ٹویٹ میں بتایا کہ گوادر میں سیکیورٹی فورسز کا آپریشن جاری ہے، جس کے مکمل ہونے پر تمام تفصیلات فراہم کی جائیں گی، لہذا عوام سوشل میڈیا پر شیئر ہونے والی افواہوں کو نذر انداز کرے۔

  • گوادر حملہ، تمام افراد کو ہوٹل سے بہ حفاظت نکال لیا گیا، کلیئرنس آپریشن جاری: آئی ایس پی آر

    گوادر حملہ، تمام افراد کو ہوٹل سے بہ حفاظت نکال لیا گیا، کلیئرنس آپریشن جاری: آئی ایس پی آر

    راولپنڈی: آئی ایس پی آر کے مطابق آج شام تین دہشت گردوں نے پی سی ہوٹل گوادرمیں گھسنےکی کوشش کی.

    پاک فوج کے شعبہ برائے تعلقات عامہ (آئی ایس پی آر) نے تصدیق کی ہے کہ دہشت گردوں نے گوادر کے پی سی ہوٹل کو نشانہ بنایا.

    آئی ایس پی آر کے مطابق سیکیورٹی گارڈزاور دہشت گردوں کے درمیان فائرنگ کا تبادلہ ہوا، مقابلے کے دوران ایک سیکیورٹی گارڈ شہید ہوگیا.

    سیکیورٹی فورسزنے علاقے کو گھیرےمیں لے لیا ہے، جب کہ ہوٹل میں موجود تمام افرادکو بحفاظت نکال لیا گیا.

    آئی ایس پی آر کے مطابق تینوں دہشت گردوں کو فورسز نے ایک جگہ پرمحدود کردیا ہے، کلیئرنس آپریشن جاری ہے.

    مزید پڑھیں: گوادر: پی سی ہوٹل پر دہشت گرد حملہ، تمام افراد کو بحفاظت نکال لیا گیا

    خیال رہے کہ وزیر اطلاعات بلوچستان ظہوربلیدی نے اپنے ایک بیان میں کہا تھا کہ ہوٹل میں دہشت گردوں اور فورسز کے درمیان مقابلہ جاری ہے۔

    انھوں نے بتایا کہ دہشت گردوں کی موجودگی کی اطلاع پر ہوٹل کوگھیرےمیں لیا، 3 دہشت گردوں کی موجودگی کی اطلاع ہے، تمام افرادحفاظت سےہیں،ہوٹل سےباہر نکال لیاگیا۔

  • پاک فوج جواں مردی اور بہادری سے وطن عزیز کا دفاع یقینی بنائے گی، جنرل قمر باجوہ

    پاک فوج جواں مردی اور بہادری سے وطن عزیز کا دفاع یقینی بنائے گی، جنرل قمر باجوہ

    راولپنڈی : آرمی چیف جنرل قمر جاوید باجوہ نے کہا ہے کہ مسلح افواج جواں مردی، بہادری سے وطن عزیز کا دفاع یقینی بنائے گی۔

    پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے چونیاں اور قصور میں لاہور کور جبکہ ٹلہ میں منگلا کور کا دورہ کیا۔

    آرمی چیف نے لاہور کور اور منگلاکور کے جوانوں کی مشقیں دیکھیں اور جوانوں کے جذبے کی تعریف کی، اس موقع پر گفتگو کرتے ہوئے جنرل قمر جاوید باجوہ کا کہنا تھا کہ پاک فوج عوامی حمایت سے مادر وطن کا ہر قیمت پر دفاع کرے گی۔

    مزید پڑھیں: آرمی چیف کا آزاد کشمیر رجمنٹل سینٹر کا دورہ

    مسلح افواج جواں مردی، بہادری سے وطن عزیزکا دفاع یقینی بنائے گی، آئی ایس پی آر کے مطابق آرمی چیف نے جوانوں کے بلند حوصلے اور پیشہ ورانہ تیاریوں کو بھی سراہا۔

  • دہشت گردی کیخلاف جنگ میں پاک فوج کی کامیابیاں سب سے زیادہ ہیں، عارف علوی

    دہشت گردی کیخلاف جنگ میں پاک فوج کی کامیابیاں سب سے زیادہ ہیں، عارف علوی

    راولپنڈی : صدر مملکت ڈاکٹر عارف علوی نے کہا ہے کہ دہشت گردی کیخلاف جنگ میں پاک فوج کی کامیابیاں پوری دنیا کے مقابلے میں زیادہ ہیں، مسلح افواج ہر طرح کی جارحیت کا بھرپور جواب دینے کی صلاحیت رکھتی ہے۔

    ان خیالات کا اظہار انہوں نے پاکستان ملٹری اکیڈمی کاکول میں پاسنگ آؤٹ پریڈ کی تقریب سے بحیثیت مہمان خصوصی خطاب کرتے ہوئے کیا۔

    پاک فوج کے شعبہ تعلقات عامہ آئی ایس پی آر کے مطابق صدرمملکت ڈاکٹر عارف علوی نے اپنے خطاب میں کہا کہ پوری قوم کو پاس آؤٹ ہونے والے افسران پر مکمل اعتماد ہے، پاکستان کی مسلح افواج بہترین جنگجو ہے، جو ملک کو درپیش مختلف خطرات سے بخوبی آگاہ ہے، مسلح افواج ہر طرح کی جارحیت کا بھرپور جواب دینے کی صلاحیت رکھتی ہے،۔

    صدر مملکت کا مزید کہنا تھا کہ حالیہ مشرقی سرحدوں پر کشیدگی کے دوران سب نے ہماری افواج کی صلاحیتوں کو دیکھا، ہماری آپریشنل تیاریوں اور منہ توڑ جواب سے دشمن کو ناکامی ہوئی۔

    ان کہنا تھا کہ پاکستان خطے میں باہمی احترام کی بنیاد پر امن اور بہتر تعلقات کا خواہاں ہے، امن واستحکام کا فروغ پاکستان کی قومی پالیسی ہے، تاہم کسی بھی مہم جوئی کا بھرپور جواب دیا جائے گا، قومی سلامتی پرآنچ نہیں آنے دی جائےگی۔

    صدرمملکت عارف علوی نے کہا کہ عالمی برادری مقبوضہ کشمیر میں بھارتی فوج کی جانب سے انسانی حقوق کی خلاف ورزیوں کا سختی سے نوٹس لے، مسئلہ کشمیر کا سلامتی کونسل کی قراردادوں کی روشنی میں حل نکالا جائے،۔

    انہوں نے کہا کہ پاکستان کو کئی قسم کے پیچیدہ چیلنجز کا سامنا ہے، دہشت گردی کیخلاف ہماری کامیابیاں پوری دنیا کے مقابلے میں زیادہ ہیں، افسروں اور جوانوں کی حصول امن کیلئے قربانیوں کا کوئی متبادل نہیں۔

    علاوہ ازیں صدر مملکت نے تقریب میں نمایاں کارکردگی کا مظاہرہ کرنے والے کیڈٹس میں انعامات تقسیم کئے، اس موقع پر اکیڈمی سینئر انڈر آفیسرحیدر علی خان کو اعزازی شمشیر دی گئی۔

    بٹالین سینئرانڈر آفیسر محمد عمرخان کو صدارتی گولڈ میڈل جبکہ سری لنکا کے کیڈٹ کو اوورسیز گولڈ میڈل سے نوازا گیا، اس کے علاوہ کورس انڈر آفیسرز محمد شہزاد اور احمد بلال کو کمانڈنٹ کی چھڑی سے نوازا گیا، کورس انڈر آفیسر عائشہ شکیل نے کمانڈنٹ کی چھڑی حاصل کی۔

  • پاک فوج کے 4 میجر جنرلز کی لیفٹیننٹ جنرلز کے عہدے پر ترقی

    پاک فوج کے 4 میجر جنرلز کی لیفٹیننٹ جنرلز کے عہدے پر ترقی

    راولپنڈی : آئی ایس پی آر کا کہنا ہے کہ پاک فوج کے 4 میجر جنرل کو لیفٹیننٹ جنرل کے عہدے پر ترقی دے دی گئی۔

    پاک فوج کے شعبہ تعلقات عامہ آئی ایس پی آر کے مطابق پاک فوج کے چار میجر جنرل کو لیفٹیننٹ جنرل کے عہدے پر ترقی دے دی گئی ہے، ترقی پانے والوں میں میجرجنرل ساحرشمشاد مرزا، نعمان محمود ، میجرجنرل اظہرعباس اور فیض حمید شامل ہیں۔

    آئی ایس پی آر کا کہنا ہے ساحرشمشاد مرزا وائس چیف آف جنرل اسٹاف اے خدمات دےرہےہیں، ساحر شمشاد مرزا ڈی جی ملٹری آپریشز خدمات انجام دے چکے ہیں۔

    اظہر عباس کمانڈنٹ اسکول آف انفینٹری اینڈٹیکٹکس کوئٹہ تھے۔

    مزید پڑھیں: پاک فوج کے 2 لیفٹیننٹ جنرلز کی تقرریاں اور تبادلے

    یاد رہے دسمبر 2018 میں پاک فوج کے 2 لیفٹیننٹ جنرلز کی تقرریاں اور تبادلے کئے گئے تھے، لیفٹیننٹ جنرل عامر ریاض کو پریزیڈنٹ نیشنل ڈیفنس یونیورسٹی جبکہ لیفٹیننٹ جنرل ماجد احسان کو کور کمانڈر لاہور تعینات کیا گیا تھا۔

    اس سے قبل اکتوبر میں بھی پاک فوج میں بڑے پیمانے پر تقرر و تبادلے کئے گئے تھے ، لیفٹیننٹ جنرل عاصم منیر کو آئی ایس آئی کا چیف مقرر کیا گیا تھا جبکہ لیفٹیننٹ جنرل ندیم ذکی کورکمانڈر منگلا، لیفٹیننٹ جنرل شاہین مظہر کو کورکمانڈرپشاور جبکہ لیفٹیننٹ جنرل عبدالعزیز ملٹری سیکریٹری جی ایچ کیوتعینات کیا گیا تھا۔

    خیال رہے پاک فوج میں معمول کے مطابق ہونے والی ان تقرریروں اور تبادلوں کا مقصد اداروں کی کارکردگی کو مزید بہتر بنانا اور باصلاحیت افرادی قوت سے زیادہ سے زیادہ فائدہ اٹھانا ہے۔