Tag: آئی ایم ایف

اسلام آباد : نگراں حکومت نے عالمی مالیاتی فنڈ (آئی ایم ایف) کے مطالبے پر گیس 45 فیصد مہنگی کرنے کی تیاری کرلی ، گیس کے ریٹ میں اضافے کا اطلاق یکم جولائی سے ہوگا۔

تفصیلات کے مطابق عالمی مالیاتی فنڈ (آئی ایم ایف) کے مطالبے پر نگران حکومت گیس مہنگی کرنے پر مجبور ہے ، گیس مہنگی کرنے کی تیاری مکمل کرلی گئی ، پی ڈی ایم کی سابقہ حکومت گیس مہنگی کرنے کا فیصلہ مؤخر کرگئی تھی۔

ذرائع نے بتایا کہ آئی ایم ایف نے گیس کےریٹ 45 فیصد بڑھانے اور گیس ریٹ بڑھا کر 435 ارب روپے جمع کرنے کا مطالبہ کررکھا ہے اور آئی ایم ایف گیس ریٹ بڑھانے میں کوئی رعایت دینے پر تیار نہیں ہے۔

ذرائع کا کہنا تھا کہ گیس کے چھوٹے صارفین کو ریٹ میں اضافے سے بچانے کیلئے حکمت عملی تیار کرلی ہے، گیس کے چھوٹے صارفین کے لیے گیس مہنگی نہیں کی جائے گی۔

نگران حکومت نے گیس کے 64 فیصد صارفین کو بچانے کیلئےحکمت عملی بنالی ہے ، جلد گیس کے ریٹ 45 فیصدتک بڑھانےکا نوٹیفکیشن جاری ہوگا، گیس کے ریٹ میں اضافے کا اطلاق یکم جولائی سے ہوگا۔

گیس صارفین اکتوبر تا دسمبر بلوں میں جولائی تا ستمبر کے واجبات کلیئر کریں گے ، گیس کے ریٹ میں اضافے کا اطلاق بڑے گھریلو صارفین پر بھی ہوگا۔

ذرائع کے مطابق کمرشل صارفین، تندور اور ہوٹلوں ، صنعتی صارفین اور سی این جی سمیت کھاد کارخانوں ،اسٹیل انڈسٹری کے لیے بھی گیس مہنگی ہونے کا امکان ہے۔

اسلام آباد : عالمی مالیاتی فنڈ (آئی ایم ایف) نے ورچوئل اجلاس میں ایف بی آرکی کارکردگی کا جائزہ لیتے ہوئے ٹیکس ہدف حاصل کرنے پر ایف بی آرکی تعریف کی۔

تفصیلات کے مطابق پاکستان اور آئی ایم ایف کے درمیان ورچوئل اجلاس ہوا ، ذرائع ایف بی آر نے بتایا کہ اجلاس میں فیڈرل بورڈآف ریونیو کی پہلے ماہ کی کارکردگی کا جائزہ لیا۔

ذرائع کا کہنا تھا کہ آئی ایم ایف نےامجدزبیرٹوانہ کوچیئرمین ایف بی آربننےپرمبارک باددی، بریفنگ میں بتایا گیا کہ رواں مالی سال جولائی 2023میں 538ارب روپےکاٹیکس جمع ہوا، جو مقررہ ہدف سے 4 ارب روپے زیادہ ہے۔

آئی ایم ایف نے ایف بی آرکی کارکردگی کا جائزہ لیا اور آئی ایم ایف نے ٹیکس ہدف حاصل کرنے پر ایف بی آرکی تعریف بھی کی۔

ایک ہزاراسکوائرفٹ کی دکانوں پر ٹیکس عائد نہ کرنے پر آئی ایم ایف کا اعتراض سامنے آگیا، عالمی مالیاتی ادارے نے بڑی دکانوں پرٹیکس نہ لگانے پر وضاحت مانگی ہے۔

اے آر وائی نیوز کے مطابق چیئرمین کمیٹی سینیٹر سلیم مانڈوی والا کی زیرِصدارت سینٹ قائمہ کمیٹی خزانہ کا اجلاس ہوا، چیئرمین ایف بی آر نے دوران اجلاس بتایا کہ آئی ایم ایف نے بڑی دکانوں پرٹیکس نہ لگانے پر وضاحت مانگی ہے۔

31 ہزار 542 بین آئٹم کی درآمد سے قومی خزانہ کو 847 ملین ڈالرز کا نقصان ہونے کا بھی انکشاف ہوا، اس حوالے سے قائمہ کمیٹی برائے خزانہ نے ایف بی آر سے ایک ماہ میں رپورٹ طلب کرلی۔

تاہم ایف بی آرحکام نے 31 ہزار 542 بین آئٹم کی درآمد سے قومی خزانے کو ہونے والے نقصان سے انکار کیا، بریفنگ میں حکام کا کہنا تھا کہ 28 ہزار 321 آئٹم بین نہیں تھیں اور اوپن اکاؤنٹس کے ذریعے امپورٹ ہوئیں۔

چیئرمین ایف بی آر کہنا تھا کہ 3351 آئٹم کی اجازت نہیں تھی جس کی تحقیقات جاری ہیں، اندازے کے مطابق 6 ملین ڈالرز کے بین آئٹم امپورٹ سے نقصان ہوا، بین آئٹم میں آٹوز اسپیئر پارٹس، امپورٹڈ شوز اور دیگر اشیا شامل ہیں۔

اسٹیٹ بینک حکام نے بتایا کہ آئی ایم ایف کے ساتھ کمٹمنٹ کے بعد کوئی ایل سیز نہیں روکی جارہی ہیں، جون 2023 کے بعد سے تمام اقسام کی ایل سیز کھولی جارہی ہیں، درآمدی گاڑیوں کی ایل سیز نہ کھلنے کی شکایات کلیئر کر کے رپورٹ طلب کر لی گئی ہیں۔