Tag: آئی ایم ایف

اسلام آباد : آئی ایم ایف کے 7 ارب ڈالر قرض پروگرام کی شرائط پوری کرنے کیلئے حکومت نے کوششیں تیز کردیں اور ایکسٹرنل فنانسنگ کی ضروریات پوری کرنے کیلئے متبادل ذرائع تلاش کرنے لگی۔

تفصیلات کے مطابق پاکستان نے آئی ایم ایف پروگرام کو حتمی شکل دینے کے لیے کوششیں تیز کرتے یوئے ایکسٹرنل فنانسنگ کی ضروریات پوری کرنے کیلئے متبادل ذرائع کی تلاش شروع کردی ہے۔

ذرائع نے بتایا کہ وزیر خزانہ محمد اورنگزیب نے دبئی اسلامک بینک کےسی ای او سے آن لائن ملاقات کی، پاکستان خلیجی ملکوں کے بینکوں سے چار ارب ڈالرزکےکمرشل قرضےحاصل کرنا چاہتا ہے۔

اس سلسلے میں محمد اورنگزیب کی دبئی اسلامک بینک سمیت مشرق وسطی کے بینکوں سے پاکستان میں 4ارب ڈالرز کی سرمایہ کاری پر بات چیت جاری ہے، پاکستان کو رواں مالی سال 26.4 ارب ڈالرزواپس کرنےہیں۔

آئی ایم ایف 7 ارب ڈالرز کے قرض پروگرام کو حتمی شکل دینا چاہتا ہے، آئی ایم ایف پروگرام لینےکیلئےبیرونی ذرائع سے12ارب ڈالرز جمع کرنا ہوں گے۔

جس کے لئے پاکستان کی جانب سے چین،سعودی عرب سے12ارب ڈالرکاقرض رول اوورکرانےکیلئےبھی کوششیں جاری ہے۔

اسلام آباد : وزیر دفاع خواجہ آصف نے آئی ایم ایف کو پاکستان کی خودمختاری کیلئے خطرہ قرار دیتے ہوئے کہا بجٹ میں ٹیکس آئی ایم ایف کے دباؤ پر لگایا گیا۔

تفصیلات کے مطابق وفاقی وزیر دفاع خواجہ آصف نے نجی ٹی وی چینل کے پروگرام میں گفتگو کرتے ہوئے کہا کہ بجٹ میں ٹیکس آئی ایم ایف کے دباؤ پر لگایا گیا، آئی ایم ایف پاکستان کی خود مختاری کیلئے خطرہ ہے۔

بجٹ میں ٹیکسز پر وزیر دفاع کا کہنا تھا کہ لوگوں کو ایسے راستے ڈھونڈنے پر مجبور کیا جا رہا ہے کہ پاکستان محصولات سےمحروم ہو تاہم برآمدکنندگان پر ٹیکس سے ایف بی آرکی کرپٹ مافیا کو فائدہ ہوگا۔

آئی ایم ایف کے اسٹیک ہولڈرزجوہری پروگرام پراعتراض کردیں تو؟ کے سوال پرانھوں نے کہا کہ میں آپ کی بات سےاتفاق کرتاہوں، آئی ایم ایف،ورلڈبینک نوآبادیاتی نظام کی جدید شکل ہیں، تیسری دنیاکےملکوں کومعاشی ہتھکڑیاں لگائے رکھنا چاہتے ہیں۔

ملک میں کرپشن کے حوالے سے وفاقی وزیر نے کہا کہ کرپشن کلچر کی جڑیں اتنی گہری ہیں کہ مستقبل قریب میں انہیں اکھاڑنا ممکن نہیں۔

اسلام آباد : آئی ایم ایف کے مشن چیف نیتھن پورٹر نے نئے قرض پروگرام کے لیے مذاکرات کے اختتام پر نیا مطالبہ کردیا۔

پاکستان اور آئی ایم ایف کے درمیان مذاکرات ختم ہوگئے ہیں، آئی ایم ایف کے مشن چیف نیتھن پورٹر نے مذاکرات پر بیان میں کہا کہ پاکستان کی معیشت کی بہتری کیلئے طویل مذاکرات کیے، پاکستان کی حکومت آمدن بڑھانے چاہتی ہے، پاکستان میں ٹیکس وصولی سب سے منصفانہ چاہتے ہیں۔

نیتھن پورٹر کا کہنا تھا کہ پاکستان میں ٹیکس وصولی سب سے منصفانہ چاہتے ہیں، توانائی کی اصلاحات ضروری ہیں، پاکستان میں توانائی کی لاگت کم کرنے کی ضرورت ہے۔

آئی ایم ایف چیف نے زور دیا کہ مہنگائی کنٹرول کرنے کیلئےمانیٹری پالیسی استعمال کی جائے اور سرکاری کارپوریشنز کی کارکردگی بہتر بنانا ہوگی۔

انھوں نے بتایا کہ سرکاری کارپوریشنز کی نجکاری پر بھی تفصیلی بات چیت ہوئی، پاکستان سےتیرہ سےتئیس مئی تک بات چیت ہوئی، پاکستان سے پالیسی مذاکرات جاری رہیں گے۔

خیال رہے پاکستان اورآئی ایم ایف کےدرمیان نئے قرض پروگرام کےمذاکرات حتمی نتیجے پرنہ پہنچ سکے، آئی ایم وفدآج واپس چلاجائے گا۔

نئے قرض پروگرام کا حجم کتنا ہو گا،اس حوالے سے بات چیت مکمل نہیں ہوسکی ، جس کے باعث مشن کے دورہ کے اختتام پر قرض پروگرام کا معاہدہ نہیں ہوسکے گا۔

آئی ایم ایف کامشن ایک بار پھر جون کے آخری ہفتے میں پاکستان آسکتا ہے، جون سے قبل پاکستان کو آئی ایم ایف قرض پروگرام پر پارلیمنٹ کو اعتماد میں لینا ہوگا۔.

اسلام آباد: پاکستان اورآئی ایم ایف کےدرمیان نئے قرض پروگرام کےمذاکرات حتمی نتیجے پرنہ پہنچ سکے، جس کے باعث معاہدہ نہیں ہوسکے گا۔

تفصیلات کے مطابق پاکستان اورآئی ایم ایف کے درمیان مذاکرات کاآخری دورآج ہوگا، ذرائع کا کہنا ہے کہ آئی ایم ایف ماہرین کا تکنیکی وفد آج واپس چلاجائے گا جبکہ آئی ایم ایف کی مشن چیف نیتھن پورٹر کی روانگی کل ہوگی۔

نئے قرض پروگرام کا حجم کتنا ہو گا،اس حوالے سے بات چیت مکمل نہیں ہوسکی ، جس کے باعث مشن کے دورہ کے اختتام پر قرض پروگرام کا معاہدہ نہیں ہوسکے گا۔

آئی ایم ایف مشن سے نئے قرض پر بات چیت جاری رہے گی اور مشن پاکستان کی معاشی صورتحال پر رپورٹ جاری کرے گا۔

آئی ایم ایف کامشن ایک بار پھر جون کے آخری ہفتے میں پاکستان آسکتا ہے، جون سے قبل پاکستان کو آئی ایم ایف قرض پروگرام پر پارلیمنٹ کو اعتماد میں لینا ہوگا۔

اسلام آباد : آئندہ مالی سال حکومت پاکستان کے قرضوں میں 10 ہزار 433 ارب روپے اضافے کا خدشہ ہے، جس کے بعد قرض بڑھ کر87 ہزار346 ارب روپے ہونےکا امکان ہے۔

تفصیلات کے مطابق پاکستان اور آئی ایم ایف کےدرمیان مذاکرات میں قرضوں کے فریم ورک پر بات چیت جاری ہے، وفاقی بجٹ 25-2024 میں پاکستان کے قرضوں میں اضافہ ہونے کا امکان ہے۔

آئی ایم ایف نے آئندہ مالی سال حکومت کےقرضوں میں اضافے کا خدشہ ظاہر کردیا، نئے مالی سال حکومتی قرضوں میں 10ہزار433 ارب اضافہ ہوسکتا ہے، جس کے بعد حکومتی قرض آئندہ مالی سال بڑھ کر ریکارڈ87ہزار346ارب پرپہنچنےکا امکان ہے۔

ذرائع نے بتایا کہ آئندہ مالی سال حکومت کے مقامی قرض میں7 ہزار636 ارب اور غیرملکی قرض میں 2 ہزار797 ارب اضافےکاامکان ہے، جس کے بعد پاکستان کا مقامی قرضہ بڑھ کر53ہزار878 ارب روپے اور غیر ملکی قرضہ بڑھ کر33 ہزار648 ارب روپے پر پہنچ سکتا ہے۔

ذرائع کے مطابق رواں مالی سال حکومت کے قرضے 76ہزار913 ارب روپے پرپہنچنے اور مالی سال کے اختتام تک حکومت کا مقامی قرضہ46 ہزار 242 ارب اور غیر ملکی قرضہ مالی سال کے اختتام تک30 ہزار671 ارب رہنےکا امکان ہے۔