Tag: آئی ایم ایف

اسلام آباد : عالمی مالیاتی فنڈ (آئی ایم ایف) نے ڈو مور کا مطالبہ کرتے ہوئے گیس صارفین کیلئے بل 100سے400روپے تک بڑھانے کی تجویز دے دی۔

تفصیلات کے مطابق پاکستان اور آئی ایم ایف کے درمیان مذاکرات دسویں دن بھی جاری ہیں ، آئی ایم ایف نے گیس سیکٹر کیلئے ڈو مورکا مطالبہ کر دیا۔

ذرائع کا کہنا ہے کہ عالمی مالیاتی فنڈ نے تندورں کیلئے گیس مہنگی کرنے کا مطالبہ کیا تاہم حکومت پاکستان نے تندوروں کیلئے گیس کاریٹ نہ بڑھانے کی درخواست کی۔

ذرائع نے بتایا کہ ڈومیسٹک، فرٹیلائزر، سی این جی اورسیمنٹ سیکٹر کیلئے اگست سے گیس نرخوں میں اضافے کی تیاریاں جاری ہیں۔

ذرائع کے مطابق پروٹیکٹڈ اور نام پروٹیکٹڈ صارفین کیلئے بل سو روپے سے چارسو روپے تک بڑھانےکی تجویز ہے۔

عالمی مالیاتی فنڈ کے مشن سے معاشی ٹیم کے گیس سیکٹر کیلئے ٹیرف،گردشی قرضہ اورسیکٹرز کی ریفارمز پر مذاکرات ہوئے، مشن کو گیس سیکٹر کا گردشی قرضہ کم کرنے کیلئےتین پلان عالمی مالیاتی فنڈ سے شئیر کیئے ہیں۔

مشن کو گیس سیکٹر کا گردشی قرضہ کم کرنے کیلئے ڈیویڈنڈ اسکیم پر بھی بات چیت کی گئی، ریکوریوں اصلاحات اور ٹیرف سے متعلق ڈیٹا آئی ایم ایف کو بروقت شئیر کرنے پربھی اتفاق ہوا ہے۔

اسلام آباد : پاکستان پر نئے قرض پروگرام کے لیے سخت معاشی فیصلے کرنے کا دباؤ ہے، اس حوالے سے آئی ایم ایف کے مطالبات بھی سامنے آگئے ہیں۔

تفصیلات کے مطابق عالمی مالیاتی ادارے ( آئی ایم ایف) نے پاکستان پربیرونی اثاثے مزید بڑھانے کی ضرورت پرزور دیتے ہوئے کہا کہ پاکستان مصنوعی طورپرکرنٹ اکاؤنٹ خسارہ کم کرنےسےگریزکرے۔

آئی ایم ایف کا کہنا ہے کہ پاکستان کواپنی نیٹ انٹرنیشنل انویسٹمنٹ پوزیشن مضبوط کرنی ہوگی، بیرونی اثاثے مضبوط،بیرونی ادئیگیوں پردباؤکم کرنے کی ضرورت ہے۔

عالمی مالیاتی ادارے نے بتایا کہ پاکستان کے کرنٹ اکاؤنٹ میں عدم توازن کا خطرہ بڑھ رہا ہے اور درآمدی پابندیوں کی وجہ سےایکسچینج میں لچک کم ہو رہی ہے، ایکسچینج کی ناکافی لچک سے کرنٹ اکاؤنٹ میں عدم توازن بڑھ رہا ہے۔

انٹرنیشنل مانیٹری فنڈ نے مزید کہا کہ پاکستان پر مجموعی قرض کی ادائیگیوں کی بڑی ذمہ داریاں ہیں، درآمدی پابندیوں کیلئےاضافی پالیسی ایجسمنٹ کی ضرورت پڑ سکتی ہے، 2023 میں پاکستان کی نیٹ انٹرنیشنل انویسٹمنٹ پوزیشن 131 ارب ڈالرتھی جبکہ مالی سال 2019 سے 22 تک اوسطاً پوزیشن 116 ارب ڈالر ریکارڈ کی گئی۔

آئی ایم ایف کے مطابق 2023میں پاکستان میں براہ راست سرمایہ کاری 28.8 ارب ڈالر رہی جبکہ پاکستان کی نیٹ پورٹ فولیوسرمایہ کاری 9.3 ارب ڈالر ریکارڈ کی گئی۔

رواں مالی سال کی دوسری سہ ماہی میں کرنٹ اکاؤنٹ معمولی سرپلس ہوا، دوسری سہ ماہی میں کرنٹ اکاؤنٹ میں 200 ملین ڈالر کا سرپلس ریکارڈ ہوا ، اس دوران ایکسپورٹ میں اضافے کے باعث کرنٹ اکاؤنٹ سرپلس رہا۔

رواں مالی سال کی بقیہ دو سہ ماہی میں درآمدات میں اضافےکااندازہ لگایاگیا، رواں مالی سال کرنٹ اکاؤنٹ بیلنس جی ڈی پی کا 0.8 فیصد رہے گا۔

اسلام آباد : آئی ایم ایف نے نئے قرض پروگرام کے لیے پاکستان کے سامنے نئے مطالبات رکھ دیئے۔

تفصیلات کے مطابق پاکستان اور آئی ایم ایف کے درمیان مذاکرات کا چوتھا روز ہے، ذرائع کا کہنا ہے کہ عالمی مالیاتی ادارے نے ٹیکس نظام کو جدید بنانے کیلئے نئے مطالبات پیش کر دیے۔

عالمی مالیاتی ادارے نے مطالبہ کیا ہے کہ ملک میں سیلز ٹیکس وصولی صرف وفاقی ادارہ کرے۔

آئی ایم ایف نے صوبوں میں ٹیکس وصولی بڑھانے کیلئے اقدامات کا مشورہ دیتے ہوئے کہا ہے کہ اشیاء پر مرکز اور خدمات پر صوبوں کی ٹیکس وصولی سے سیلز ٹیکس نظام نقائص کا شکار ہے۔

عالمی مالیاتی فنڈ نےسیلز ٹیکس سے استثناء اور کم شرح والے سیلز ٹیکس طریقہ کار کو مکمل ختم کر دینے کا مطالبہ کیا اور کہا تمام اشیاء اور خدمات پر 18 فیصد کے حساب سے سیلز ٹیکس وصول کیا جائے۔

ذرائع کے مطابق سپلائی چین کو دستاویزی نہ بنائے جانے کے باعث سیلز ٹیکس اور انکم ٹیکس چوری ہو رہا ہے۔

عالمی مالیاتی فنڈ نے پاکستان کو سیلز ٹیکس ویٹ موڈ میں اطلاق کرنے کا مشورہ دیتے ہوئے انشورنس سیکٹر میں بڑی اصلاحات اور انشورنس سیکٹر کیلئے علیحدہ ریگولیٹری باڈی قائم کرنے کا مطالبہ کیا۔

عالمی مالیاتی ادارے کا کہنا ہے کہ مضبوط انشورنس سیکٹر کے بغیر سرمایہ کاری نہیں بڑھائی جا سکتی۔

اس کے علاوہ عالمی مالیاتی فنڈ نے تینوں حکومتی انشورنس کمپنیوں کی نجکاری کا مطالبہ بھی کیا۔

اسلام آباد : پاکستان اور آئی ایم ایف کے درمیان بجٹ اہداف میں بڑے پیمانے پر تبدیلی پر اتفاق کرلیا۔

تفصیلات کے مطابق پاکستان اور آئی ایم ایف کے ماہرین کےدرمیان ملاقات ہوئی ، ملاقات میں معاشی اعدادو شمار سمیت اہم ڈیٹا پر تبادلہ خیال کیا گیا۔

رواں مالی سال کی آخری سہ ماہی کیلئے معاشی اہداف پر غور کیا گیا، پاکستان اور آئی ایم ایف میں رواں مالی سال بجٹ اہداف میں بڑے پیمانے پر تبدیلی پر اتفاق کرلیا۔

ایف بی آر کے ڈائریکٹ ٹیکس وصولیوں کا ہدف 4،216 ارب سے بڑھاکر4،597 ارب کرنے اور سیلز ٹیکس وصولیوں کا ہدف 3ہزار425ارب سےکم کرکے 3ہزار166 ارب کرنے پر اتفاق کرلیا۔

فیڈرل ایکسائزڈیوٹی وصولی کا ہدف 571 ارب سے کم کرکے561 ارب کرنے اور پیٹرولیم ڈیولپمنٹ لیوی مد میں وصولیوں کا ہدف 918 ارب سے بڑھا کر923 ارب کرنے پراتفاق ہوا۔

رواں مالی سال کے بجٹ میں حکومتی اخراجات میں 235ارب روپے کی کمی لانے پر بھی اتفاق کیا گیا، رواں مالی سال کیلئے سود کی ادائیگیاں 231ارب کمی سے 8،371ارب روپے اور دفاعی بجٹ 35ارب اضافے سے 1،839 ارب روپے کرنے پر اتفاق کیا گیا۔

رواں مالی سال کے بجٹ میں مختص وفاقی ترقیاتی بجٹ اور سبسڈی کی رقم برقرار رکھنے پر بھی اتفاق کیا۔