Tag: آئی ایم ایف

اسلام آباد :عالمی مالیاتی فنڈ (آئی ایم ایف) نے کہا ہے کہ کستان پابندیاں لگانے کے باوجود درآمدات میں بڑی کمی کرنے میں کامیاب نہ ہوسکا ہے۔

تفصیلات کے مطابق عالمی مالیاتی ادارے (آئی ایم ایف) نے پاکستانی درآمدات میں بڑے اضافے کا امکان ظاہر کیا ہے، آئی ایم ایف کا کہنا ہے کہ اگلے 4 سال تک پاکستانی درآمدات میں 16 ارب ڈالر تک اضافہ ہوجائے گا۔

آئی ایم ایف کے مطابق مالی سال 2028 تک درآمدات کا حجم 74 ارب ڈالر سے تجاوز کر جائے گا اور رواں مالی سال میں پاکستان کی درآمدات 58 ارب ڈالر سے زائد رہیں گی جبکہ آئندہ مالی سال پاکستانی درآمدات کا حجم 63 ارب ڈالر تک پہنچنے کا امکان ہے۔

آئی ایم ایف کے مطابق 2026 میں پاکستانی درآمدات 66 اور 2027 میں 70 ارب ڈالر تک پہنچ جائیں گی، پاکستانی درآمدات برآمدات کے مقابلے میں تقریباً 47 فیصد زائد رہیں گی۔

آئی ایم ایف کا کہنا ہے کہ اگلے 4 سال میں پاکستانی برآمدات 40 ارب ڈالر سے بھی نیچے رہیں گی جبکہ
رواں مالی سال پاکستان کی برآمدات 30 ارب ڈالر سے زائد رہیں گی۔

اسلام آباد : آئی ایم ایف نے اپنی رپورٹ میں پاکستانی عوام کے لیے خطرے کی گھنٹیاں بجا دیں اور پیش گوئی کی پاکستان میں مہنگائی کی شرح 18.5 جبکہ دیہی علاقوں میں 25.8 فیصد کی بلند شرح پر رہے گی۔

تفصیلات کے مطابق آئی ایم ایف نے پاکستانی معیشت کے حوالے سے رپورٹ جاری کردی ، جس میں پاکستان میں دیہی علاقوں میں مہنگائی کی شرح زیادہ رہنے کی پیش گوئی کی ہے۔

آئی ایم ایف رپورٹ میں کہا گیا ہے کہ پاکستان میں مہنگائی 18.5 فیصد کی بلند شرح پر رہے گی جبکہ دیہی علاقوں میں پچیس اعشاریہ نو فیصد کی بلند شرح پر رہے گی۔

رپورٹ میں کہا ہے کہ پاکستان پر بیرونی ادائیگیوں کا دباؤ یکایک ختم نہیں ہوگا، پاکستان پر بیرونی ادائیگیوں کا دباؤ آہستہ آہستہ ختم ہوگا اور کرنٹ اکاؤنٹ خسارہ معیشت کا 1.6فیصد رہے گا۔

آئی ایم ایف کا کہنا تھا کہ آئی ایم ایف کی پیش گوئیپاکستان کے لیے رسک کی بنیادی لائن تاحال زیادہ ہے، مالیاتی خسارےمقامی بینکوں سےقرض لینے کا سبب ہیں۔

مالیاتی اداروں کی فنڈنگ میں تاخیر معیشت کومتاثر کرے گی اور فنڈنگ میں تاخیرسےایکسچینج ریٹ پردباؤ آسکتا ہے۔

عالمی تنازعات عالمی منڈی میں اشیائےخورونوش مہنگی ہونےکاسبب بن سکتےہیں،عالمی منڈی میں اشیا خورونوش مہنگی ہونے سے پاکستانی عوام بھی متاثر ہوں گے۔

جون تک سرکاری ملازمین اورپنشنرزکے لیے کوئی اضافہ نہیں ہوگا، ترقیاتی بجٹ میں 61ارب روپےکی کٹوتی ہوگی، آئی ایم ایف کی پیش گوئی

نیپرا بجلی کی قیمت کی تعین میں بروقت نوٹی فکیشن کرے گی،اوگرا کےگیس ریٹ بڑھانے کے نوٹی فکیشن بروقت جاری کرےگی اور گیس کے ریٹ میں ششماہی اضافہ بروقت کیاجائے گا۔