پشاور : آئی جی کے پی اختر حیات گنڈا پور کا کہنا ہے کہ اقبال عرف بالی کھیارہ ساؤتھ پنجاب اور کے پی میں لشکر جھنگوی کا امیر رہا ہے۔
تفصیلات کے مطابق آئی جی کے پی اختر حیات گنڈا پور نے گذشتہ روز مارے جانے والے دہشت گرد سے متعلق بتایا کہ اقبال کاکالعدم دہشت گرد تنظیموں کے ساتھ تعلق تھا، اقبال ساؤتھ پنجاب اور کے پی میں لشکر جھنگوی کا امیر رہا ہے۔
حیات گنڈا پور کا کہنا تھا کہ اس نے کے پی میں 30 سےزائد دہشت گرد واردتیں کیں، پولیس موبائل پر حملے،اسپتال میں دھماکا کروایا۔
آئی جی کے پی نے کہا کہ اقبال نے سیکیورٹی اہلکاروں کے افسروں پرحملےکروائے جبکہ سری لنکن ٹیم پر حملے میں بھی ملوث تھا اور بہت سارے حملوں کا ماسٹر مائنڈ رہا ہے۔
گذشتہ روز بھی آئی جی خیبرپختونخوا اختر حیات گنڈا پور نے بتایا تھا کہ ڈی آئی خان کےعلاقےمیں دہشت گردنے13وارداتیں کیں، دہشت گرد اقبال پولیس کو30سےزائدمقدمات میں مطلوب تھا۔
اختر حیات گنڈا پور کا کہنا تھا کہ ماراجانے والا دہشت گرد بالی کھیارہ کے پی اور پنجاب پولیس کومطلوب تھ ا اور 30سے زائددہشت گردی کےواقعات میں ملوث تھا۔
انٹیلی جنس کو اطلاع ملی کہ دہشت گرداقبال علاقےمیں موجود ہے، دہشت گرد پرووا کی جانب جارہاتھاراستےمیں پولیس مقابلہ کیاگیا۔
