Tag: آئی جی سندھ

کراچی : آئی جی سندھ غلام نبی میمن شہر قائد میں بڑھتی ہوئی واردتوں پر دعویٰ کیا کہ کراچی میں جرائم دہلی، ڈھاکہ اور تہران سے کم ہورہے ہیں۔

تفصیلات کے مطابق آئی جی سندھ غلام نبی میمن نے اے آر وائی نیوز سے گفتگو میں کراچی میں اسٹریٹ کرائم کی وارداتوں پر کہا کہ کراچی میں جرائم دہلی، ڈھاکہ اور تہران سے کم ہورہے ہیں۔

غلام نبی نے بتایا کہ رواں سال کراچی میں ڈکیتی مزاحمت پر 58 شہری جاں بحق ہوئے، ڈکیتی مزاحمت پر قتل کے 41 کیسز کو حل کیا، ملزمان پکڑےیامارےگئے۔

آئی جی سندھ کا کہنا تھا کہ 53ملزمان کوگرفتارکیا گیا اور 17ہلاک ہوئے۔

انھوں نے بتایا کہ ملزمان کی ای ٹیگنگ کیلئےقانون بن گیا،بجٹ میں رقم رکھی جائے گی، 4 ہزار کرمنلز کو ای ٹیگ کیا جائے گا۔

آئی جی سندھ کا کہنا تھا کہ کراچی میں اسمارٹ کیمرے لگانے میں تاخیر ہوئی، پولیس کوڈیجیٹلائز کیاجارہا ہے، ڈیٹااپ گریڈ کر رہے ہیں۔

خیال رہے کراچی میں بڑھتے جرائم کے باعث سینٹرل جیل قیدیوں سے بھر گئی ہے ، رواں سال کے ابتدائی پانچ ماہ میں چھ ہزار جرائم پیشہ افراد کو کراچی سینٹرل جیل منتقل کیا گیا۔

جرائم پیشہ افراد کی گرفتاریوں کے باوجود کراچی میں آج بھی امن و امان کی صورتحال ابتر ہے، رواں سال ڈکیتی مزاحمت پر فائرنگ سے 73 افراد قتل ہوچکے ہیں۔

کراچی : آئی جی سندھ غلام نبی میمن کا کہنا ہے کہ اسٹریٹ کرائم کے خلاف فوری ایکشن کی ضرورت ہے، اب یہ نہیں ہوگا کہ سائل تھانے جائے اور مقدمہ درج نہ ہو۔

تفصیلات کے مطابق آئی جی سندھ غلام نبی میمن نے چارج سنبھالتے ہی اپنے بیان میں کہا کہ ایف آئی آر فری رجسٹریشن ٹاسک فورس بحال ہوگی،ایف آئی آر رجسٹریشن فری پرفوری نافذ العمل ہوگا۔

آئی جی سندھ کا کہنا تھا کہ اسٹریٹ کرائم کے خلاف فوری ایکشن کی ضرورت ہے، تھانے میں کوئی بھی شہری جاتاہےتو مقدمہ درج کیا جائے گا، ہر واقعے کا مقدمہ درج ہونے سے ملزم کا ریکارڈ بنتا ہے۔

غلام نبی میمن نے کہا کہ عدالت میں کیس بناتے وقت ملزم کے خلاف ٹھوس ثبوت ہوں گے ، اب یہ نہیں ہوگا کہ سائل تھانے جائے اور مقدمہ درج نہ ہو،ایسے ڈیوٹی افسر لگائیں گے جو سائل کی عزت کریں۔

ان کا کہنا تھا کہ کرپشن کے خلاف بھرپور ایکشن لیا جائے گا،کرپٹ عناصر کی جگہ بلیک کمپنی میں ہے، کراچی سمیت سندھ بھر میں اچھے افسرتعینات کریں گے۔

آئی جی سندھ نے مزید کہا کہ گٹکا مافیا کے خلاف ٹاسک فورس کو دوبارہ ایکٹوکیاجائےگا ساتھ ہی کچےکےڈاکوؤں کیخلاف فوری حکمت عملی تیار کریں گے۔

کراچی: آئی جی سندھ غلام نبی میمن نے روٹین کے معاملات ٹھیک کرنے کے لیے ٹاسک فورس بنانے کا اعلان کر دیا۔

آئی جی سندھ غلام نبی میمن نے ایک بیان میں کہا کہ پولیس کے2 ہزار400 سے زائد شہدا ہیں، شہدا نے جانوں کا نذرانہ دے کر امن قائم کیا، ہماری ذمہ داری ہے لوگوں کے جان ومال کی حفاظت کریں، حفاظت کیلئے جانوں کا نذرانہ دینے سے دریغ نہیں کرینگے۔

آئی جی سندھ کا کہنا تھا کہ عوام کے جان ومال کی حفاظت پولیس کی زمہ داری ہے، عوام اور دہشتگردوں کے درمیان پولیس ہے، پولیس جتنی مضبوط ہوگی دہشتگرد عوام سے اتنا دور ہونگے، پولیس جتنی کمزور ہوگی اتنا ہی دہشت گرد عوام کے قریب ہونگے۔

انہوں نے کہا کہ شہید زندہ ہیں اور دین بھی کہتا ہے شہیدکو زندہ تصورکرو، شہیدکی تنخواہ بند نہیں ہوتی، شہید کے بچوں کی تعلیم، میڈیکل ،2 سرکاری نوکری بھی دیتے ہیں،گھر کا بڑا چلا جائے تو فیملی سفر کرتی ہے۔

آئی جی سندھ غلام نبی میمن نے مزید کہا کہ ٹاسک  فورس بنانے کا مقصد روٹین کے معاملات کو ٹھیک کرنا ہے، چاہتے ہیں ایس ایچ او، ایس پی یا ڈی ایس پی اپنے ایریا میں خود کام کرے، ہم چاہتے ہیں نارکوٹیکس کیخلاف بھر پورکام ہو۔