ARYNews.tv | Urdu – Har Lamha Bakhabar

Tag: آئی جی سندھ اے ڈی خواجہ

  • سندھ پولیس نے ٹیکنالوجی میں تمام صوبوں کو پیچھے چھوڑ دیا

    سندھ پولیس نے ٹیکنالوجی میں تمام صوبوں کو پیچھے چھوڑ دیا

    کراچی: سندھ پولیس نے ٹیکنالوجی میں تمام صوبوں کو پیچھے چھوڑ دیا، ضلع وسطی میں جدید کمانڈ اینڈ کنٹرول روم تیار کرلیا گیا۔

    تفصیلات کے مطابق آئی جی سندھ اے ڈی خواجہ نے کمانڈ اینڈ کنٹرول روم کا افتتاح کردیا، اس کنٹرول روم سے پولیس موبائلوں اور تھانوں میں لگے دیگر کیمروں کو مانیٹر کیا جائے گا۔

    ضلع وسطی کے ایس ایس پی ڈاکٹر رضوان نے بتایا کہ 23 تھانوں کی پولیس موبائلوں میں ہائی ٹیک کیمرے نصب کیے گئے ہیں، جنھیں کنٹرول روم سے مانیٹر کیا جاسکتا ہے۔

    ایس ایس پی وسطی کے مطابق یہ کیمرے تھانوں کے اندر لاک اپ، ڈیوٹی رومز اور دیگر مختلف مقامات پر نصب کیے گئے ہیں، کسی بھی ایمرجنسی کی صورت میں کمانڈ اینڈ کنٹرول روم سے ہدایات بھی دی جاسکتی ہیں۔

    دریں اثنا رمضان المبارک میں سیکورٹی کی صورت حال کو بہتر بنانے کے لیے مارکیٹوں اور مساجد کے اطراف میں 23 ہزار کے قریب اہل کار تعینات کردیے گئے ہیں، رینجرز کے اہل کار بھی سیکورٹی فرائض انجام دے رہے ہیں۔

    کراچی پولیس کا ملزمان سے انوکھا اظہارِ محبت

    شہر میں مختلف مقامات پر شہریوں کو ترقیاتی کاموں کے باعث ٹریفک کے شدید مسائل کا سامنا ہے، جس سے نمٹنے کے لیے 1800 اضافی نفری سڑکوں پر تعینات کردی گئی ہے۔

    وزیر داخلہ سندھ سہیل انور سیال نے بتایا کہ اسٹریٹ کریمنلز کے خلاف بھی انٹیلی جنس کی بنیاد پر کارروائیاں کی جارہی ہیں، جلد کراچی کو اسٹریٹ کرائم سے نجات دلائیں گے۔

    خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

  • کوشش کے باوجود تھانہ کلچر میں تبدیلی نہیں آسکی، آئی جی سندھ

    کوشش کے باوجود تھانہ کلچر میں تبدیلی نہیں آسکی، آئی جی سندھ

    کراچی: آئی جی سندھ اللہ ڈنو خواجہ نے کہا ہے کہ میں اس بات کا اعتراف کرتا ہوں کہ انتھک محنت کے باوجود تھانہ کلچر میں کوئی خاطر خواہ تبدیلی نہیں لاسکا۔

    آئی جی سندھ اے ڈی خواجہ کراچی میں ایک تقریب سے خطاب کررہے تھے، تقریر کے دوران انہوں نے اعتراف کیا کہ تمام تر محنتوں کے باوجود تھانہ کلچر میں کوئی تبدیلی نہیں آسکی، تھانے آج بھی وہی پرانی ڈگر پر چل رہے ہیں جہاں 8 ماہ قبل تھے۔

    انہوں نے کہا کہ بہ طور آئی جی سندھ گزشتہ 8 ماہ سے تھانہ کلچر تبدیل کرنے کی پوری کوشش کر رہا ہوں لیکن لگتا ہے اس میں کامیابی حاصل نہیں ہو پائی۔

    انہوں نے کہا کہ تھانے میں آج بھی شکایت کنندہ کے ساتھ نامناسب رویہ روا رکھا جاتا ہے جس کی وجہ سے کئی افراد اپنے ساتھ ہونے والی وارداتوں کی رپورٹ نہیں درج کرانے تھانے کا رخ نہیں کرتے ہیں۔

    اے ڈی خواجہ نے کہا کہ شہری علاقوں میں تھانے موجود ہیں لیکن مضافاتی علاقوں تک رسائی نہیں ہو پا رہی ہے اس لیے بڑھتی ہوئی آبادی کو مد نظر رکھتے ہوئے کراچی میں مزید تھانوں کا قیام ضروری ہو گیا ہے۔

    انہوں نے کہا کسی بھی محکمہ میں انقلابی تبدیلیاں لانے کے لیے ضروری ہوتا ہے کہ قابل اور ماہر ملازمین بھرتی کیے جائیں جس کے لیے ’’رائٹ مین فار رائٹ جاب‘‘ کا کلیہ بروئے کار لایا جانا چاہیئے۔

    انہوں نے مزید کہا ہے کہ کمپیوٹرائزیشن کا نظام شروع ہوچکا ہے، جون تک تمام تھانوں میں رپورٹنگ سینٹر بن جائیں گے جن سے امید ہے کہ عوام کا تھانوں پر اعتماد بڑھے گا۔

  • سی پیک تجارتی قافلہ، فُول پروف سیکیورٹی دی جائے گی، آئی جی سندھ

    سی پیک تجارتی قافلہ، فُول پروف سیکیورٹی دی جائے گی، آئی جی سندھ

    کراچی : آئی جی سندھ اے ڈی خواجہ نے گوادر سے سندھ میں داخل ہونے والے پہلے سی پیک تجارتی قافلے کی فُل پروف سیکیورٹی کی ہدایت جاری کرتے ہوئے قافلے کی گذر گاہوں کی سخت مانیٹرنگ کا حکم دیا ہے۔

    تفصیلات کے مطابق آئی جی سندھ اے ڈی خواجہ نے تمام ضلعی ایس ایس پیز کو احکامات جاری کیے ہیں کہ چائنیز مندوبین پر مشتمل سی پیک منصوبے کے پہلے بڑے تجارتی قافلے کی گوادر سے واپسی اور صوبہ سندھ میں داخل ہونے کے بعد اُن کے سفری گذر گاہوں اور ممکنہ قیام کے مقامات پرفول پروف سیکیورٹی اقدامات کو انتہائی ٹھوس اور غیرمعمولی بنایا جائے۔

    حکم نامے میں انہوں نے مزید کہا کہ قافلوں کو ڈی ایس پی رینک کے افسران کی نگرانی میں اسکارٹ کیا جائے جب کہ ایس ایس پی قافلوں کے سیکیورٹی اقدامات کی بذات خود مانیٹرنگ کریں۔

    اسی سے متعلق : پاک چین اقتصادی راہداری، پہلا تجارتی قافلہ گوادر پہنچ گیا

    یاد رہے مذکورہ تجارتی قافلہ 11 نومبر کو پاک چین اقتصادی راہداری کے مغربی روٹ سے ہوتا ہوا گوادر پہنچا تھا اور اس قافلے کو پاک فوج اور ایف سی کی جانب سے فول پروف سیکیورٹی فراہم کی گئی اورگوادر پہنچنے پر قافلے کا شاندار استقبال کیا گیا تھا۔

    یہ بھی پڑھیں : سی پیک منصوبہ حقیقت کا روپ دھار رہا ہے: وزیراعظم

    جب کہ گزشتہ روز وزیر اعظم پاکستان نواز شریف نے آرمی چیف کے ہمراہ گوادر پورٹ کا افتتاح کیا اور پہلے پاک چین اقتصادی راہداری کے ذریعے پہنچنے والے پہلے تجارتی قافلے کو خوش آمدید کہا تھا۔

  • ٹیکنالوجی میں جرائم پیشہ افراد پولیس سے آگے ہیں، آئی جی سندھ

    ٹیکنالوجی میں جرائم پیشہ افراد پولیس سے آگے ہیں، آئی جی سندھ

    کراچی : آئی جی سندھ اے ڈی خواجہ نے کہا ہے کہ جدید ٹیکنالوجی کے استعمال میں جرائم پیشہ افراد پولیس سے زیادہ تربیت یافتہ ہیں اورموجود ٹیکنالوجی سے مجرموں کو پکڑنا آسان کام نہیں ہے۔

    ان خیالات کا اظہارانہوں نے کراچی چیمبرآف کامرس میں تاجروں اور صنعت کاروں سے خطاب کرتے ہوئے کیا۔ انہوں نے کہا کہ دہشت گردوں کے خاتمے کیلئے میدان میں آنے پر پولیس کو نشانہ بنایا جارہا ہے۔

    آئی جی سندھ کا کہنا تھا کہ ہائی پروفائل قتل سے پولیس کا اعتماد بھی متاثر ہوتا ہے، کوئی دہشت گرد ویزا لے کر نہیں آتا،دہشت گرد اپنی سوچ کو نافذ کرنا چاہتے ہیں۔

    اے ڈی خواجہ نے کہا کہ دہشت گردوں سے کسی صورت نہیں ڈریں گے، سسٹم کمزور ہے، ٹیکنالوجی میں کرمنلز پولیس سے آگے ہیں، موجود ٹیکنالوجی سے مجرم کو پکڑنا آسان کام نہیں۔

    آئی جی سندھ کا کہنا تھا کہ سی پی ایل سی کے اعداد وشمار کے مطابق اسٹریٹ کرائم کی وارداتوں میں پچھلے آٹھ ماہ میں چوبیس فیصد کمی ہوئی ہے، دوہزار تیرہ سے اب تک اسی ہزار ملزمان پکڑے ہیں۔

    اے ڈی خواجہ نے شکوہ کیا کہ ننانوے فیصد شہری اسٹریٹ کرائم کی ایف آئی آر درج نہیں کرواتے،جس کے باعث مجرم چند ماہ میں واپس سڑکوں پر جرائم کرنا شروع کر دیتے ہیں۔