دنیا کا مقبول کھیل کرکٹ 128 سال بعد ایک بار پھر اولمپکس میں واپس آ رہا ہے لاس اینجلس اولمپکس کے حوالے سے آئی سی سی نے پلان بنا لیا۔
کرکٹ کا شمار دنیا کے مقبول ترین کھیلوں میں ہوتا ہے جس کبھی اولمپک گیمز کا بھی حصہ ہوتا تھا۔ اب 128 سال بعد اس کھیل کی دوبارہ اولمپکس میں واپسی ہو رہی ہے اور 2028 میں لاس اینجلس میں ہونے والے اولمپکس گیمز میں شائقین کرکٹرز کو بھی ایکشن میں دیکھ سکیں گے۔
انٹرنیشنل اولمپک کمیٹی نے کرکٹ کو ٹی 20 فارمیٹ میں 2028 کے لاس اینجلس اولمپکس میں شامل کرنے کا فیصلہ کیا ہے اور اس میں مرد اور خواتین کی 6، 6 ٹیمیں شرکت کریں گی۔
اولمپکس 2028 میں کرکٹ میچز کے شیڈول کا بھی اعلان کر دیا گیا ہے۔ تاہم کھیلوں کے اس میلے میں ٹیموں کی شمولیت کا طریقہ کار کیا ہوگا۔ یہ اولمپک کمیٹی نے کرکٹ کی عالمی تنظیم آئی سی سی پر چھوڑ دیا ہے۔
لاس اینجلس اولمپکس میں کون کون سی کرکٹ ٹیمیں شرکت کریں گے۔ سنگاپور میں ہونے والے آئی سی سی اجلاس میں اس حوالے سے طریقہ کار طے کر لیا گیا ہے۔
ذرائع نے بتایا ہے کہ اولمپکس 2028 میں ایشیا، اوشیانا، یورپ اور افریقہ سے صرف ایک ایک ٹاپ رینک ٹیم کوالیفائی کرے گی۔
امریکا کو میزبان کی حیثیت سے اولمپکس میں جگہ بنانے کی حقدار ہوگی جب کہ آخری ٹیم کا فیصلہ کوالیفائر ٹورنامنٹ کے ذریعے ہوگا۔
https://urdu.arynews.tv/cricket-returns-to-olympics-after-128-years-schedule-released/
