Tag: آئی سی سی اینٹی کرپشن یونٹ

ابوظہبی : آئی سی سی اینٹی کرپشن یونٹ نے پاکستان اور آسٹریلیا کے درمیان ابوظہبی ٹیسٹ کے دوران بکیز سے رابطے پر دو مشکوک افراد کو پکڑلیا ہے، تفتیش کے بعد دونوں افراد کو اسٹیڈیم سے باہر نکال دیا گیا۔

آسٹریلوی میڈیا کو پاکستان کی جیت ہضم نہ ہوئی، اس لئے ٹیسٹ سیریز کو متنازع بنانے کی کوشش کی جارہی ہے، آسٹریلوی میڈیا نے دعوی کیا ہے کہ ہے کہ ابوظہبی ٹیسٹ کے دوران آئی سی سی اینٹی کرپشن یونٹ نے اسٹیڈیم سے دو مشکوک افراد کو گرفتار کیا۔

دونوں افراد بکیز کو میچ کی براہ راست رپورٹ دے رہے تھے، ایک شخص کے پاس سے چار موبائل فونز بھی برآمد ہوئے۔۔ ابوظہبی ٹیسٹ کے پہلے اور دوسرے دن یہ واقعات پیش آئے۔ ایک شخص کا تعلق بھارت اور دوسرے کا امارات سے تھا۔

آئی سی سی کے اینٹی کرپشن یونٹ نے تفتیش کے بعد دونوں افراد کو اسٹیڈیم سے باہر نکال دیا، ذرائع کے مطابق تیسرے ون ڈے میں بھی تین مشکوک افراد کو پکڑکر اسٹیڈیم سے نکالا گیا تھا۔