دبئی: انٹرنیشنل کرکٹ کونسل (آئی سی سی) نے ون ڈے کی نئی رینکنگ جاری کردی۔
تفصیلات کے مطابق آئی سی سی نے آسٹریلیا اور انگلینڈ کی سیریز کے بعد ون ڈے کی نئی رینکنگ جاری کردی، پانچ بار کی عالمی چیمپئن آسٹریلیا پانچویں سے چوتھے نمبر پر آگئی۔
انگلش کھلاڑی کرس ووکس بولرز کیٹیگری میں تیسرے اور آل راؤنڈر کیٹیگری میں دوسرے نمبر پر آگئے۔
بیٹنگ میں انگلینڈ کے جوہنی بیرسٹو اور بولر میں جوفرا آرچر دسویں نمبر پر آگئے، پاکستان کے محمد عامر ساتویں نمبر پر براجمان ہیں۔
بیٹسمین رینکنگ میں قومی ٹیم کے کپتان بابر اعظم کا تیسرا نمبر ہے، آل راؤنڈرز کی فہرست میں عماد وسیم تیسرے نمبر پر موجود ہیں۔
Jonny Bairstow breaks into the top 10 of the @MRFWorldwide ICC ODI Player Rankings for Batting after finishing as the highest run-getter in the #ENGvAUS ODI series 🎉
Updated rankings 👉 https://t.co/lRP67a820b pic.twitter.com/rwnpLzSlpF
— ICC (@ICC) September 17, 2020
بیٹسمینوں میں بھارتی ٹیم کے کپتان ویرات کوہلی پہلی پوزیشن پر قبضہ جمائے ہوئے ہیں جبکہ بولرز رینکنگ میں نیوزی لینڈ کے ٹرینٹ بولٹ پہلے نمبر پر موجود ہیں، آل راؤنڈرز کی فہرست میں افغانستان کے محمد نبی سرفہرست ہیں۔
آل راؤنڈرز رینکنگ میں محمد نبی پہلے، کرس ووکس دوسرے، عماد وسیم تیسرے، بین اسٹوکس چوتھے اور کولن انگرام پانچویں نمبر پر موجود ہیں۔
Chris Woakes is now No.2 on the @MRFWorldwide ICC ODI Player Rankings for All-rounders 🙌
Updated rankings 👉 https://t.co/lRP67a820b pic.twitter.com/8Jb1cNoomc
— ICC (@ICC) September 17, 2020
بولرز کی رینکنگ میں نیوزی لینڈ کے ٹرینٹ بولٹ پہلے، بھارت کے جسپریٹ بمرا دوسرے، بنگلہ دیش کے مستفیض الرحمان تیسرے، انگلینڈ کے کرس ووکس چوتھے اور جنوبی افریقہ کے کیگیسو ربادا پانچویں نمبر پر براجمان ہیں۔
بیٹسمین رینکنگ میں بھارت کے ویرات کوہلی اور روہت شرما پہلے اور دوسرے نمبر پر موجود ہیں، بابر اعظم تیسرے، نیوزی لینڈ کے روس ٹیلر چوتھے اور جنوبی افریقہ کے فاف ڈوپلیسی پانچویں نمبر پر براجمان ہیں۔
